ရွာသားတွေကိုခြိမ်းခြောက်တဲ့ SSPP တပ်ဖွဲ့ဝင်ဆိုသူကို စစ်ဆေးမယ်လို့ ပြော

လားရှိုးမြို့ပေါ်ကို ထွက်ပြေးတိမ်းရှောင်ခဲ့ကြတဲ့ မန်ပြိန်းရွာသားတွေ ၂ဝ၁၉ ခုနှစ် ဇွန်လ ခုနှစ်ရက်နေ့က သူတို့ရွာကိုပြန်သွားကြစဉ် /Photo: Kan Thar/RFA
လားရှိုးမြို့နယ် အီနိုင်ကျေးရွာအုပ်စု မန်ပြိန်းကျေးရွာအနီးမှာ ဧကသုံးရာ စိုက်ပျိုးရေးစီမံကိန်းကို ရွာသားတွေက ကန့်ကွက်လို့ ဖိအားပေးခြိမ်းခြောက်ခဲ့တဲ့ SSPP အရာရှိသူကို SSPP ဌာနချုပ်မှာ ခေါ်ယူစစ်ဆေးပြီး အရေးယူသွားမယ်လို့ သတင်းပြန်ကြားရေး တာဝန်ခံ ဗိုလ်မှူး စိုင်းသန်းမောင်က ပြောပါတယ်။

အဲဒီခြိမ်းခြောက်ခဲ့တဲ့သူဟာ SSPP တပ်ဖွဲ့ဝင်ဖြစ်ပေမယ့် တပ်သားအဆင့်သာဖြစ်ကြောင်း၊ အခုလို လုပ်ဆောင်တာကို SSPP ဌာနချုပ်က မသ်ိရှိရသလို ဌာနချုပ်မှာခေါ်ယူစစ်ဆေးဖို့ ဆောင်ရွက်နေတယ်လို့ သတင်းပြန်ကြားရေးတာဝန်ခံ ဗိုလ်မှူး စိုင်းသန်းမောင်က RFA ကို ပြောပါတယ်။

မြေအရောင်းအ၀ယ်ကိစ္စတွေ လုပ်ဆောင်ခဲ့တာကိုလည်း SSPP ဗဟိုကော်မတီဝင်တွေက မြေပြင်မှာ ကွင်းဆင်းစုံစမ်းစစ်ဆေးတာတွေ လုပ်ဆောင်သွားမယ်လို့ ပြောပါတယ်။

ရွာသားတွေ အခုလို ထွက်ပြေးရတဲ့အတွက် စိတ်မကောင်းကြောင်း ရွာသားတွေအနေနဲ့ မိမိတို့ နေရပ်ကို လုံခြုံစွာပြန်နိုင်တယ်လို့လည်း ပြောပါတယ်။

လက်ရှိဖြစ်ပျက်ခဲ့တဲ့ ကိစ္စတွေအတွက်ကိုလည်း SSPP ဘက်က အပြည့်အ၀တာဝန်ယူ ဖြေရှင်းပေးသွားမယ်လို့လည်း ဗိုလ်မှူး စိုင်းမောင်က ပြောပါတယ်။

လားရှိုးမြို့နယ် အီနိုင်ကျေးရွာအုပ်စု မန်ပြိန်းကျေးရွာအနီးမှာ ဆောင်ရွက်မယ့် ဧကသုံးရာ စိုက်ပျိုးရေးစီမံကိန်း လုပ်ဆောင်မယ်ဆိုပြီး သတင်းတွေထွက်ပေါ်ခဲ့ပြီးနောက် မေလ ၃၁ ရက်နေ့က ကျေးရွာအနီးကို စက်ယန္တရားတွေ ရောက်တဲ့အချိန်မှာ ကျေးရွာသားတွေက ကန့်ကွက်ခဲ့ကြတာပါ။

SSPP အရာရှိသူဆိုသူက ဖိအားပေးခြ်ိမ်းခြောက်ခဲ့တာကြောင့် ကျေးရွာသားတွေဟာ ဇွန်လ ငါးရက်နေ့မှာ လားရှိုးမြို့ပေါ်ကို ထွက်ပြေးတိမ်းရှောင်ခဲ့ကြတာဖြစ်ပါတယ်။

ရွာသားတွေဟာ ဒီမနက်မှာပဲ ပရဟိတအဖွဲ့တွေ ဌာနဆိုင်ရာတွေရဲ့ အကူအညီနဲ့ သူတို့ရွာကို ပြန်သွားကြပြီဖြစ်ပါတယ်။

ဒီသတင်းကို RFA သတင်းထောက် ကိုကံသာ ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ