အမ်ဳိးသမီးေဘာလံုးသမား Rapinoe နဲ႔ သမၼတ Trump တို႔ Twitter ေပၚမွာ အျပန္အလွန္



Share/Bookmark

အေမရိကန္ အမ်ိဳသမီး ေဘာလုံးအသင္းရဲ ႔ အေက်ာ္အေမာ္ တစ္ဦး ျဖစ္သူ Megan Rapinoe က အခု ယွဥ္ၿပိဳင္ေနတဲ့ ကမၻာ႔ ဖလား ျပိဳင္ပြဲမွာ သူတို႔ ဗုိလ္စြဲခဲ့ရင္ အိမ္ျဖဳေတာ္ကို သြားေရာက္ လည္ပတ္မွာ မဟုတ္ဘူးလို႔ ေျပာလိုက္တဲ့အတြက္ အင္တာနက္မွာ ပြဲဆူ သြားခဲ့ပါတယ္။

အိမ္ျဖဴေတာ္ကို ကၽြန္မ မသြားဘူး၊ ကၽြန္မတုိ႔ကို ဖိတ္မွာ မဟုတ္ဘူး ဆိုတဲ့ စာသားကို ခပ္ၾကမ္းၾကမ္း အသုံးအႏႈန္းေတြနဲ႔ ေျပာထားတဲ့ ဗီဒီယိုကို 8 by 8 မဂၢဇင္းက တြစ္တာ လူမႈကြန္ယက္မွာ အဂၤါေန႔က တင္ထားတာျဖစ္ပါတယ္။

သမၼတ Donald Trump က Rapinoe နဲ႕ သူမတို႔ ေဘာလုံးအသင္းကို ဖိတ္ၾကားခ်က္ေတြ ဗုဒၵဟူးေန႔ တြစ္တာမွာ တုန္႔ျပန္ ေဖာ္ျပခဲ့ပါတယ္။ လာလည္မယ့္ ကိစၥကို မေျပာခင္ အႏုိင္ရေအာင္ ကစားဖို႔ ေဖာျ္ပထားေပမဲ့ႏိုင္ႏိုင္ ရံႈးရံႈး လာလည္ဖို႔ ဖိတ္ၾကားပါတယ္လို႔ ေရးထားခဲ့ပါတယ္။

ဒီ ကမၻာ့ ဖလားပြဲမွာ ပြဲ မစခင္ အေမရိကန္ အမ်ိဳးသား သီခ်င္းကို ထုတ္လႊင့္တဲ့အခါ လိုက္မဆိုတဲ့ Rapinoe ကို တိုင္းျပည္နဲ႔ အိမ္ျဖဴေတာ္ ဒါမွမဟုတ္ ႏုိ္င္ငံေတာ္ အလံကို ေလးစားဖို႔လည္း သမၼတက တိုက္တြန္းခဲ့ပါတယ္။

အေမရိကန္ အမ်ိဳးသမီး ေဘာလုံးအသင္းဟာ အမ်ိဳးသား အသင္းထက္ ေအာင္ပြဲေတြ ပို ရရွိခဲ့ေပမဲ့ အမ်ိဳးသား ေဘာလုံး သမားေတြထက္ လစာ နည္းတာဟာ ခြဲျခား ဆက္ဆံမွဳ ျဖစ္တယ္ ဆိုၿပီး အေမရိကန္ ေဘာလုံး အဖြဲ႕ခ်ဳပ္ကို တရား စြဲဆိုထားခ်ိန္မွာ Donald Trump နဲ႔ Rapinoe တို႔အၾကား တြစ္တာမွာ အခုလို အျပန္အလွန္ေရးသားမွဳေတြ ထြက္ေပၚလာတာ ျဖစ္ပါတယ္။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ