မြန်မာကျောင်းသားတွေအတွက် စက်ဘီး တသောင်း Lesswalk လှူမည်


စကာင်္ပူနဲ့ မလေးရှားနိုင်ငံတို့မှာ လုပ်ငန်းဖျက်သိမ်းလိုက်တဲ့ စက်ဘီး အငှား ကုမ္ပဏီတွေ ဖြစ်တဲ့ ofo နဲ့ oBike တို့က စက်ဘီး အစီးရေ ၁ သောင်းကို မြန်မာနိုင်ငံက လိုအပ်နေတဲ့ ကျောင်းသားတွေကို လှူဒါန်းဖို့ မြန်မာ အကူအညီပေးရေး အဖွဲ့ ဖြစ်တဲ့ Lesswalk က ၀ယ်ယူလိုက်ပါတယ်။

ဒီစက်ဘီးတွေကိုတော့ ချို့တဲ့တဲ့ မိသားစုတွေ၊ ၁ မိုင်ကျော်ကျော် ခြေလျင်လျှောက် ကျောင်းတက်နေရသူတွေကို အခမဲ့ ဖြန့်ဝေမယ်လို့လည်း Lesswalk တည်ထောင်သူ Mike Than Tun Win က သူ့ရဲ့ ၀က်ဘ်ဆိုက်မှာ ရေးထားပါတယ်။ စက်ဘီးတွေ ၀ယ်ယူ၊ ပြင်ဆင် သယ်ဆောင်ရတဲ့ စာရိတ် စုစုပေါင်းက အမေရိကန် ဒေါ်လာ ၃ သိန်းခွဲကနေ ၄ သိန်းလောက် ကုန်ကျပြီး ကုန်ကျစာရိတ် ထက်ဝက်ကိုတော့ စပွန်ဆာပေးသူတွေက ပေးချေမယ်လို့ ခန့်မှန်းရပြီး ကျန်တာကိုတော့ Lesswalk က ကျခံမယ်ဆိုပြီးလည်း စကာင်္ပူ Straits Times က ဖော်ပြပါတယ်။

လက်ရှိမှာ စက်ဘီး ၃ ထောင်လောက် သဘောင်္နဲ့ ရောက်ရှိလာပြီး ကျန်တာတွေကတော့ ဇွန်လကုန်လောက်မှာ ရောက်မယ်လို့ ခန့်မှန်းထားပြီး ၂၀၁၉ ခုနှစ် အကုန်မှာ အားလုံးကို ပေးအပ်မှာ ဖြစ်ပါတယ်။ စက်ဘီး အငှားလုပ်ငန်းတွေ ဖြစ်တဲ့ ofo နဲ့ oBike တို့က လုပ်ငန်းနားလိုက်ပြီးနောက်မှာတော့ လုပ်ငန်းကနေ ငွေပြန်ဖော်ဖို့ အတွက် စက်ဘီး အတော်များများကို သံတိုသံစ အဖြစ် ရောင်းချခဲ့တာပါ။ ဒီစက်ဘီးတွေကိုတော့ စကာင်္ပူက စက်ဘီးအငှားလုပ်ငန်းဖြစ်တဲ့ Anywheel က ကြားလူ အဖြစ်နဲ့ ကူညီ ၀ယ်ယူပေးခဲ့တာပါ။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ