ထိုင်းနိုင်ငံမှ တရားမဝင် ရွှေ့ပြောင်းအလုပ်သမား ၂၂ ဦး မြန်မာသို့ လွှဲပြောင်းပေး


ဇွန်လ ၄ ရက် ၂၀၁၉

သျှမ်းပြည်နယ် အရှေ့ပိုင်း တာချီလိတ်မြို့ထိုင်း -မြန်မာ အမှတ် ၂ ချစ်ကြည်ရေး တံတားတွင် ထိုင်းနိုင်ငံအစိုးရမှ ဖမ်းဆီးထားသော တရားမဝင် မြန်မာရွှေ့ပြောင်း အလုပ်သမား ၂၂ ဦးကို မြန်မာအာဏာပိုင်ဘက်သို့ လွှဲပြောင်းပေးခဲ့ကြောင်း သတင်းရရှိသည်။

ဇွန်လ ၄ ရက် နေ့လည် ၃နာရီ ဝန်းကျင်က ထိုင်းနိုင်ငံ လူဝင်မှု ကြီးကြပ်ရေး ဌာန ဦးစီးအရာရှိ က မြန်မာ နိုင်ငံဘက်သို့ မြန်မာရွှေ့ပြောင်းအလုပ်သမား ၂၂ ဦးအား လွှဲပြောင်းပေးခဲ့ကြောင်း ၊ အမျိုးသား ၁၇ ဦး နှင့် အမျိုးသမီး ၅ ဦး ဖြစ်ကြောင်းသိရသည်။

အဆိုပါ အလုပ်သမားများသည် မိမိ ဆန္ဒအရ ပြန်လာကြသူများ မဟုတ်ကြကြောင်း၊ ထိုင်းနိုင်ငံတွင် Border Pass ( နိုင်ငံကူးလက်မှတ် ) သက်တမ်းလွန်ခြင်း၊ နေထိုင်အလုပ်လုပ်ခွင့် အထောက်အထားမရှိဘဲ ထိုင်းနိုင်ငံအတွင်းနေထိုင်ခြင်း၊ အလုပ်ရှင် အမည်ကွဲလွဲခြင်း၊ နယ်မြေ ကျော် ခြင်း စသည်တို့ကြောင့် ဖမ်းဆီးခံရကာ မြန်မာနိုင်ငံသို့ ပြန်လည် စေလွှတ်ခံရသူများဖြစ်ကြောင်း သိရသည်။

ယခုတလော ထိုင်းနိုင်ငံ ချင်းမိုင်တွင်လည်း ရွှေ့ပြောင်းအလုပ်သမားများ မကြာခဏ ဖမ်းဆီး စစ်ဆေးခံရကြောင်း၊ အများစု နိုင်ငံကူးလက်မှတ် မရှိဘဲ ထိုင်းနိုင်ငံ တွင် အလုပ်လုပ်သူများဖြစ်ကြောင်း သိရသည်။

“ ဒီရက်ပိုင်း ထိုင်းနိုင်ငံကို တရားမဝင် လာရောက် အလုပ်လုပ်ပြီး ဖမ်းခံရတဲ့သူတွေ များတယ်။ နိုင်ငံကူးလက်မှတ်မရှိတာပေါ့။ အဲ့ထဲမှာ တချို့ဆို အသက် ၁၈နှစ်မပြည့်သေးဘူး ” ဟု အဖမ်းခံရသည့် မြန်မာ အလုပ်သမားများအား သွားရောက် ဘာသာပြန်ပေးသည့် အမျိုးသမီး က ပြောပြသည်။

ထိုင်းနိုင်ငံသို့ ၀င်ရောက်အလုပ်လုပ်သူများအဖို့ တရားဝင်အထောက်အထားဖြင့် ၀င်ရောက်အလုပ်လုပ်ကြရန်နှင့် အလုပ်လုပ်ခွင့်ကတ်ပြားတွင် အလုပ်ရှင်အမည်နှင့် အလုပ်လုပ်သည့်နေရာ တူဖို့ လိုအပ်ကြောင်းလည်း ၎င်း အမျိုးသမီး က ပြောသည်။

ယခုနှစ်ဆန်းပိုင်းအတွင်းပင် ထိုင်းနိုင်ငံမှ မြန်မာနိုင်ငံသို့ ပြန်လည်လွဲပြောင်းပေးသည့် ဖမ်းဆီးရမိ ရွှေ့ပြောင်းအလုပ်သမား စုပေါင်း ၈၉၃ ဦးရှိရာ အမျိုးသား ၅၉၂ ဦး၊ အမျိုးသမီး ၂၇၃ ဦး နှင့် ကလေး ငယ် ၃၁ ဦး တို့ဖြစ်ကြောင်းသိရပါသည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ