ရုရှားအရေးစုံစမ်းမှု ကန်အောက်လွှတ်တော် ကော်မတီတွေရှေ့မှောက် အထူးစုံစမ်းရေးမှူး ထွက်ဆိုမည်


၂၀၁၆ ခုနှစ် သမ္မတရွေးကောက်ပွဲမှာ ရုရှားဝင်နှောက်ခဲ့တဲ့အပေါ် စုံစမ်းစစ်ဆေးမှုနဲ့ ပတ်သက်ပြီး အထူးစုံစမ်းစစ်ဆေးရေးမှူး Robert Mueller က ဇူလိုင်လကျရင် အောက်လွှတ်တော် တရားရေးနဲ့ ထောက်လှမ်းရေး ကော်မတီတွေရှေ့မှာ မေးမြန်းတာတွေကို ပြောဆိုဖြေကြားဖို့ သဘောတူလိုက်ပြီ ဖြစ်ပါတယ်။ အဲဒီကြားနာပွဲဟာ အများပြည်သူ တက်ရောက်နိုင်တဲ့ တံခါးဖွင့်ကြားနာပွဲ ဖြစ်မှာပါ။

အောက်လွှတ်တော် တရားရေးကော်မတီဥက္ကဋ္ဌ Jerrold Nadler နဲ့ ထောက်လှမ်းရေးဆိုင်ရာ ကော်မတီဥက္ကဋ္ဌ Adam Schiff တို့ အင်္ဂါနေ့နှောင်းပိုင်းက ထုတ်ပြန်တဲ့ ပူးတွဲစာမှာ ဇူလိုင်လ ၁၇ ရက်နေ့ မစ္စတာ Mueller ထွက်ဆိုပွဲကိစ္စ ကြေညာထားတာပါ။

မစ္စတာ Mueller ရဲ့ နှစ်နှစ်ကြာ စုံစမ်းစစ်ဆေးမှုအတွင်း ဒီစုံစမ်းစစ်ဆေးမှုကို ရပ်ပစ်ဖို့ သမ္မတ ဒေါ်နယ်လ်ဒ် ထရမ့်ပ်က ကြိုးစားပြီးတော့ တရားရေးပိုင်းကို ဝင်ရောက်စွက်ဖက်ခဲ့တယ်ဆိုတဲ့ စွပ်စွဲချက်တွေကိုလည်း စုံစမ်းစစ်ဆေးခဲ့ပါတယ်။

တချို့အချက်အလက်တွေကို ဖုံးအုပ်ထားပြီးတော့မှ ဧပြီလက ထုတ်ပြန်တဲ့ မစ္စတာ Mueller ရဲ့ နောက်ဆုံးအစီရင်ခံစာထဲမှာ ရွေးကောက်ပွဲကာလအတွင်း မစ္စတာထရမ့်ပ်ရဲ့ မဲဆွယ်စည်းရုံးရေးအဖွဲ့နဲ့ ရုရှားတို့အကြား ပူးပေါင်းကြံစည် လုပ်ဆောင်ခဲ့တာ မရှိဘူးလို့ ကောက်ချက်ချထားပေမယ့် တရားရေးပိုင်းကို ဝင်စွက်ဖက်ခဲ့သလားဆိုတာကိုတော့ အတိအကျ မှတ်ချက်ပေးမထားပါဘူး။

ဒါနဲ့ပတ်သက်ပြီး မစ္စတာ Mueller က ကြိုပြင်ထားတဲ့ ထုတ်ပြန်ချက်တခုကို မေလမှာ ဖတ်ပြခဲ့ပေမယ့် သတင်းထောက်တွေ မေးခွန်းမေးခွင့် မရခဲ့ပါဘူး။ သူ့အနေနဲ့ အများပြည်သူရှေ့ ပြောဆိုဖြေကြားတာမျိုး မလုပ်ရဘဲ သူ့အစီရင်ခံစာမှာ ရေးထားတဲ့ အတိုင်းပဲ အတည်ဖြစ်စေချင်တယ်လို့ အဲဒီအချိန်က ပြောထားခဲ့တာပါ။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ