မြောက်ကိုရီးယား ကွပ်မျက်တဲ့နေရာ ၃၀၀ ကျော် ဆိုးလ်အလူ့အခွင့်ရေးအဖွဲ့ ဖေါ်ထုတ်

တောင်နှင့် မြောက် ကိုရီးယား Demilitarized Zone (DMZ) နေရာ
မြောက်ကိုရီးယားနိုင်ငံအတွင်း လူမြင်ကွင်းမှာ စီရင် ကွပ်မျက်လေ့ရှိတဲ့ ရာနဲ့ ချီတဲ့ နေရာတွေကို ဖော်ထုတ်နိုင်ပြီလို့ ဆိုးလ်အခြေစိုက် လူ့အခွင့်အရေးအဖွဲ့ဖြစ်တဲ့ Transitional Justice Working Group က ပြောပါတယ်။

အဲဒီ နေရာ ၃၂၃ နေရာ အတိအကျ ဘယ်မှာရှိသလဲဆိုတာကိုတော့ မြောက်ကိုရီးယား အစိုးရက ခြေရာဖျောက်ပစ်မှာ စိုးရိမ်တာကြောင့် မပြောပေမယ့် မြစ်တွေ၊ လယ်ကွင်းတွေနဲ့ တောင်ကုန်းတွေအပြင် ဈေးတွေနဲ့ စာသင်ကျောင်းတွေလည်း ပါတယ်လို့ ဆိုပါတယ်။ အဲဒီ အဖွဲ့ရဲ့ အစီရင်ခံစာမှာ လူ ၁၀ ယောက်ကို ကွပ်မျက်ရေးအဖွဲ့က သေနတ်နဲ့ တစ်ပြိုင်နက်တည်း ပစ်သတ်တဲ့အကြောင်း ပါရှိပြီး ရာချီတဲ့ လူတွေ ရှေ့မှာ ကွပ်မျက်ရတဲ့ အဓိက အကြောင်းရင်းက လူတွေစိတ်ထဲ အကြောက်တရားတွေ ဖြစ်ပေါ်အောင်လို့ ဆိုပါတယ်။ ဒီလို ကွပ်မျက်တဲ့ အဖြစ်အပျက်တွေ အခု နောက်ပိုင်းမှာ လျော့နည်းလာပေမယ့် လျှို့ဝှက် ကွပ်မျက် ခံရသူတွေ ပိုများလာသလား ဆိုတာတော့ ရှင်းရှင်းလင်းလင်း မသိရပါဘူး။

အဲဒီလို ကွပ်မျက်ခံရတဲ့ လူတွေထဲမှာ အုပ်ချုပ်သူ အခွင့်ထူးခံ ပုဂ္ဂိုလ်တွေလည်း ပါဝင်ခဲ့ရာမှာ မြောက်ကိုရီးယား ခေါင်းဆောင် ကမ်ဂျုံအွန်းရဲ့ ဦးလေးတော်စပ်သူလည်း ၂၀၁၃ ခုနှစ်မှာ ကွပ်မျက်ခံခဲ့ရပါတယ်။ အလားတူပဲ အမေရိကန်နဲ့ မြောက်ကိုရီးယား နျူးကလီးယားကိစ္စ ဆွေးနွေးပွဲ မအောင်မမြင် ဖြစ်ခဲ့လို့ ဆွေးနွေးပွဲမှာ ပါဝင် ပတ်သက်ခဲ့သူ မြောက်ကိုရီးယား အရာရှိတစ်ချို့ အခုလ အတွင်းမှာ ကွပ်မျက်ခံခဲ့ရ တယ်လို့လည်း တောင်ကိုရီးယား မီဒီယာ တစ်ချို့က ရေးသားခဲ့ကြပါတယ်။

ဒါပေမယ့်လည်း ဒီသတင်းတွေကို အတည်ပြုနိုင်ဖို့ ခက်ပါတယ်။ တခါတလေမှာ မြောက်ကိုရီးယားမှာ အကွပ်မျက်ခံရတယ်လို့ တောင်ကိုရီးယား သတင်းတွေမှာ အဖေါ်ပြ ခံရသူဟာ မသေပဲ ပြန်တွေ့ရတတ်လို့ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ