ထီးချိုင့် ဇွန် ၂၃
စစ်ကိုင်းတိုင်းဒေသကြီးကသာခရိုင်ထီးချိုင့်မြို့နယ် ကျွဲဖြူသေကျေးရွာအနီး ဝါးတောနေရာတွင် လူသတ်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ ဇွန် ၂၂ ရက် နံနက် ၁ နာရီခွဲခန့်တွင် ထီးချိုင့်မြို့နယ် မောင်းကုန်းနယ်မြေရဲကင်းစခန်းမှူး ဒုရဲအုပ် အောင်ဖြိုး ဦးစီးသောရဲတပ်ဖွဲ့ဝင်များသည် လူသတ်မှုဖြစ်ပွားကြောင်း သတင်းအရ အခင်းဖြစ်နေရာသို့သွားရောက်စစ်ဆေးရာ ထီးချိုင့်မြို့နယ် ကျွဲဖြူသေကျေးရွာအနီး ဝါးစခန်းတွင် ကန့်ဘလူမြို့နယ် မလယ်ကျေးရွာနေ မင်းဇော်(ခ)မင်းမင်း ဆိုသူနှင့် သပိတ်ကျင်းမြို့နယ် ဇင်းပျိုးပင်းကျေးရွာနေ စိုးလင်းထက် ဆိုသူတို့နှစ်ဦး လူငယ်ခြင်းစကားများရန်ဖြစ်ရာတွင် မင်းဇော်(ခ)မင်းမင်းမှ အရိုးအသွား နှစ်ပေခန့်ရှိ ဝါးခုတ်ဓားမဖြင့်ခုတ်လိုက်ရာ စိုးလင်းထက် ဆိုသူမှာအခင်းဖြစ်နေရာတွင် သေဆုံးနေကြောင်းစစ်ဆေးတွေ့ရှိရသဖြင့် ဓားဖြင့်ခုတ်သတ်သူ မင်းဇော်(ခ)မင်းမင်းအား ၎င်းနံနက် ၁၀ နာရီ ၄၅ မိနစ်ခန့်တွင် ထီးချိုင့်မြို့မရဲစခန်းမှ ယာယီရဲစခန်းမှူး ရဲအုပ်ဋ္ဌေးဝင်းနှင့်အဖွဲ့မှ သက်သေများနှင့်အတူ ဖမ်းမိခဲ့ကြောင်း သိရသည်။
လူအောင်(ကသာ)
Myanmaalinn
https://www.facebook.com/MYANMAALINNNEWS
ထီးချိုင့်မြို့နယ်တွင် လူငယ်ခြင်းစကားများရန်ဖြစ်ရာ လူသတ်တရားခံအား ၂၄ နာရီအတွင်း ဖမ်းမိ
Reviewed by THITHTOOLWIN
on
02:57
Rating: