အိန္ဒိယမြောက်ပိုင်း အပူဒဏ်ကြောင့် တရက်အတွင်း ဒါဇင်နဲ့ချီ သေဆုံး


အပူချိန်လွန်ကဲမှုကြောင့် အိန္ဒိယနိုင်ငံ Bihar ပြည်နယ်မှာ ၂၄ နာရီအတွင်း လူဒါဇင်နဲ့ချီ သေဆုံးသွားတယ်လို့ အာဏာပိုင်တွေက တနင်္ဂနွေ နေ့မှာ ပြောပါတယ်။ အိန္ဒိယမှာ အပူချိန် မြင့်တက်နေတာ သီတင်း ၃ပတ်လောက် ကြာနေပါပြီ။

ပြီးခဲ့တဲ့ရက်ပိုင်းအတွင်း အပူချိန်ဟာ ၄၅ ဒီဂရီ Celsius တဝိုက်မှာရှိနေပြီး ဆင်းရဲတဲ့ အိန္ဒိယမြောက်ပိုင်းပြည်နယ် ၃ခုမှာ လူသေဆုံးမှု ဖြစ်ခဲ့ တယ်လို့ ကျန်းမာရေးဌာန အကြီးအကဲ ဗီဂျေး-ကူးမားက AFP ကိုပြောပါတယ်။

အိန္ဒိယအရှေ့ခြမ်း Magadh ဒေသမှာတော့ မိုးခေါင်ရေရှားမှုကြောင့် ခရိုင်သုံးခုမှာ လူ ၅၀ နီးပါးသေဆုံးသွားတယ်လို့ ကူးမားက ပြောပါတယ်။ စနေနေ့ နေ့လည်ပိုင်းက လူတွေ ရုတ်တရက်အပူရှပ်ပြီး ဆေးရုံကို ရောက်လာကြောင်းနဲ့ သူတို့ထဲက အများစုဟာ သေဆုံးသွားကြတယ်လို့ သူကဆိုပါတယ်။

Aurangabad ပြည်နယ် Aurangabad ဘက် အစိုးရဆေးရုံမှာတော့ နောက်ထပ်လူ ၄၀လောက် ဆေးကုသမှုခံယူနေရပါတယ်။ အများစုဟာ အသက် ၅၀ကျော် အရွယ်တွေဖြစ်ပြီး အဖျားတက်တာ၊ ဝမ်းလျှောတာ အန်တာတွေဖြစ်ကြပါတယ်။ အော်ရမ်ဂါဘက် ခရိုင်မှာ လူ ၂၇ဦး သေဆုံးပြီး ၊ Gaya မှာ ၁၅ ဦး ၊ Nawada မှာ ၇ဦး သေဆုံးသွားတယ်လို့ တာဝန်ရှိသူတွေက ပြောပါတယ်။ သေဆုံးသူတွေအတွက် မိသားစု တစုကို ဒေါ်လာ (၅၇၀၀)စီ ကူညီသွားမယ်လို့ပြည်နယ်ဝန်ကြီးက ပြောပါတယ်။ ၂၀၁၅ ခုနှစ်ကလည်း အိန္ဒိယနဲ့ ပါကစ္စတန်မှာ အပူလှိုင်း ဖြတ်တာကြောင့် လူပေါင်း (၃၅၀၀)ကျော် သေဆုံးခဲ့ရပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ