ရထားပေါ် ပိုက်ဆံအိပ်ခိုးသူအား နာရီပိုင်းအတွင်းဖမ်းမိ



Share/Bookmark

နတ်တလင်း ဇွန် ၂၄

ပဲခူးတိုင်းဒေသကြီး သာယာဝတီခရိုင် နတ်တလင်းမြို့ ဘူတာအဝင်၌ ပုဂံဘူတာမှထွက်ခွာလာသော ပုဂံရထားတွင် ဇွန် ၂၃ ရက် နံနက် ၄ နာရီ မိနစ် ၂ဝ ၌ ရိုးရိုးတန်းတွဲ(၂) ခုံအမှတ် ၁၉၊ ၂၀၊ ၂၁)တွင် စီးနှင်းလိုက်ပါလာသော ဦးဝင်းအောင် (၆၃ နှစ်) စစ်မှုထမ်းဟောင်း အိမ်အမှတ်(၂၇၀) ဘုရင့်နောင်(၄)လမ်း ဘုန်ရှည်ကုန်းရပ်ကွက် ရွှေပြည်သာမြို့နယ် ရန်ကုန်တိုင်းဒေသကြီးနေသူသည် ဇနီးဖြစ်သူ ဒေါ်ဥမ္မာနွှဲ့၊ အတူနေအဒေါ်တော်စပ်သူ ဒေါ်စန်းတို့သည် ရထားစီးလာစဉ် အိပ်ငိုက်ပြီး ထိုင်ခုံကြားချထားသောလက်ဆွဲခြင်းအတွင်း ငွေကျပ် ၇၂၅၀၀၊ ရွှေနားကပ်တစ်ရံ (တန်ဘိုး ငွေကျပ် ၅၅၀၀၀) ခန့်နှင့် ဖုန်းတစ်လုံးထည့်ထားသော အနီရောင်ဇစ်ဆွဲပိုက်ဆံအိပ်ပါရှိသည့် သရေစိမ်းလွယ်အိပ်အား စွပ်ကြယ်အဖြူဂျိုင်းပြတ်ဝတ်ဆင်ထားပြီး အသက် ၃၀ နှစ်ခန့်ရှိ အမည်မသိအမျိုးသားတစ်ဦးမှလုယူပြီး ရထားပေါ်မှခုန်ဆင်းထွက်ပြေးသွားကြောင်း နတ်တလင်းဘူတာမှ ရထားထွက်ခွာစဉ် ဦးဝင်းအောင်က ရထားလုံခြုံရေးအဖွဲ့အား အကြောင်းကြားခဲ့သည်။

ဇီးကုန်းဘူတာသို့ နံနက် ၄ နာရီ ၅၅ မိနစ် ရထားဆိုက်ရောက်စဉ် ရထားလုံခြုံရေးအဖွဲ့မှ ရဲတပ်သား ဝင်းမိုးကျော်နှင့် သန့်ဇင်တို့သည် ဦးဝင်းအောင်နှင့်အတူဆင်း၍ အခင်းဖြစ်ရာ နတ်တလင်းဘူတာသို့ပြန်လာခဲ့ပြီး မြို့မရဲစခန်းသို့သွားရောက်အကြောင်းကြားကာ အခင်းဖြစ်နေရာ ရထားသံလမ်းတစ်လျှောက် မြို့မရဲစခန်းတာဝန်မှုး ဒုရဲအုပ် ဇင်လေးမေ ဦးဆောင်သောအဖွဲ့နှင့်အတူ လိုက်လံကြည့်ရှုစစ်ဆေးခဲ့စဉ် နတ်တလင်းဘူတာအဝင် မိုင်တိုင်အမှတ် (၁၂၄ / ၁၉-၁၈) အကြား သရေလွယ်အိပ်အား အိပ်ခွံအတိုင်းပြန်လည်တွေ့ရှိခဲ့သဖြင့် အနီးပတ်ဝန်းကျင်အားစုံစမ်းမေးမြန်းရာ နတ်တလင်းမြို့ပြည်သူ့ဆေးရုံရှေ့ရှိ ကွမ်းယာဆိုင်ပိုင်ရှင် ကိုအောင်ကြီးမှ မကြာသေးခင်အချိန်က မျက်နှာတွင်ဆုတ်ပြဲဒဏ်ရာများဖြင့် မသင်္ကာသူအမျိုးသားတစ်ဦး ဆိုင်ကယ်ကယ်ရီလာရောက်ငှားရမ်းကြောင်း စုံစမ်းသိရှိရသည်။

ရထားလုံခြုံရေးအဖွဲ့နှင့် မြို့ရဲစခန်းမှ နယ်ထိန်း ရဲအုပ် ထွန်းထွန်း ဦးဆောင်အဖွဲ့နှင့်အတူ ပေါင်းတည်မြို့သို့ထွက်ခွာခဲ့ပြီး ရဲစခန်းသို့အကြောင်းကြားကာ ၎င်းရဲစခန်းမှ ဒုရဲအုပ် ဇော်လင်းအောင် ဦးစီးအဖွဲ့နှင့်အတူ တရားခံအဒေါ်တော်စပ်သူ ဒေါ်စန်းစန်းဝင်း ပေါင်းတည်မြို့ ပျဉ်းပင်ကန်ရပ်ကွက် မှတ်တိုင်လမ်းနေသူ၏အိမ်တွင် တရားခံ သက်နိုင်ဦး (၃၀ နှစ်) အား ငွေကျပ် ၇၂၅၀၀၊ တစ်ပဲငါးရွေးရှိ အစိမ်းရောင်ကျောက်ပါနားကပ်တစ်ရံနှင့် ဖုန်းတစ်လုံးတို့တွေ့ရှိ၍ နတ်တလင်းမြို့မရဲစခန်းသို့ခေါ်ဆောင်လာခဲ့ကြောင်း၊သက်နိုင်ဦးအား အရေးယူပေးပါရန် ဦးဝင်းအောင်က တရားလိုပြုလုပ်တိုင်ကြားရာ မြို့မရဲစခန်းက အရေးယူဆောင်ရွက်ထားကြောင်း သိရသည်။

တင်မြင့် (နတ်တလင်း)
Myanmaalinn
https://www.facebook.com/MYANMAALINNNEWS

Share/Bookmark

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ