႐ိုဟင္ဂ်ာေရး ျမန္မာပူးေပါင္းမႈမ႐ွိဟု ကုလကို ဘဂၤလားေဒ႐ွ္႕တိုင္တန္း

Cox’s Bazar ဒုကၡသည္စခန္း
ရိုဟင္ဂ်ာေတြ ေနရပ္ျပန္ေရးနဲ႔ ပတ္သက္ၿပီး ျမန္မာဘက္က ပူးေပါင္းေဆာင္ရြက္ျခင္း မရွိဘူးလို႔ ကုလသမဂၢအတြင္းေရးမႈးခ်ဳပ္ Antonio Guterres ကို ဘဂၤလားေဒ့ရွ္ ႏုိင္ငံျခားေရးရံုး ဝန္ႀကီး Shahriar Alam က ေျပာၾကားခဲ့ေၾကာင္း ဘဂၤလားေဒ့ရွ္ကလာတဲ့ သတင္းေတြမွာ ေဖၚျပထားပါတယ္။

နယူးေရာက္မွာ ဘဂၤလားေဒ့ရွ္ ႏိုင္ငံရဲ့ ဖခင္ႀကီး Bangabandhu Sheikh Mujibur Rahman ႏွစ္တရာျပည့္ အထိမ္းအမွတ္ျပဳလုပ္ခဲ့ၿပီး ကုလသမဂၢအတြင္းေရးမွဴးခ်ဳပ္နဲ႔ ေတြ႔ဆံုစဥ္မွာ ဝန္ႀကီး Alam က ရိုဟင္ဂ်ာျပႆနာ ေနာက္ဆံုးအေျခေနကို တင္ျပခဲ့တာျဖစ္ေၾကာင္း ေဖၚျပထားပါတယ္။ ရိုဟင္ဂ်ာျပႆနာအတြက္ ျမန္မာဘက္က တာဝန္ခံ တာဝန္ယူမႈရွိေစဖို႔ ICC ႏိုင္ငံတကာ ရာဇဝတ္တရားရံုး တင္သြင္းေရး အတြက္ တဆင့္တုိးလုပ္ဖုိ႔လည္း ဝန္ႀကီး Alam က အတြင္းေရးမွဴးခ်ဳပ္ကို တင္ျပခဲ့တယ္လို႔ ဆိုပါတယ္။

ရိုဟင္ဂ်ာေတြ ေနရပ္ျပန္ေရးကိစၥ ၾကန္႔ၾကာေနတာအတြက္ ကုလသမဂၢ အတြင္းေရးမွဴးခ်ဳပ္ Antonio Guterres က အထူးစိုးရိမ္ေနတယ္လို႔ ကုလသမဂၢရဲ့ ဘဂၤလားေဒ့ရွ္ ဆိုင္ရာ အၿမဲတမ္းကိုယ္စားလွယ္ရံုးက ဇြန္လ ၁၁ ရက္ အဂၤါေန႔က ေၾကညာခ်က္ ထုတ္ျပန္ေျပာဆိုခဲ့တာပါ။

ရိုဟင္ဂ်ာေတြ ေနရပ္ျပန္ေရးအတြက္ မႏွစ္က ဇန္နဝါရီလမွာ စတင္ဖို႔ စီစဥ္ခဲ့ၿပီး ေနာက္ ႏိုဝင္ဘာလ ၁၅ ရက္ေန႔ကို ေျပာင္းခဲ့ေပမယ့္ ေနရပ္ျပန္ေရး ကိစၥဟာ အခုခ်ိန္ထိ ျဖစ္မလာေသးပါဘူး။

ဘဂၤလားေဒ့ရွ္ႏိုင္ငံ Cox’s Bazar က ဒုကၡသည္ စခန္းေတြမွာ ရိုဟင္ဂ်ာ ၁.၂ သန္းေလာက္ရွိေနၿပီး အမ်ားစုဟာ ရခိုင္ျပည္နယ္တြင္း ၂၀၁၇ ၾသဂုတ္လထဲ ျမန္မာလံုၿခံဳေရးေတြရဲ့ နယ္ေျမရွင္းလင္းမႈ ေနာက္ပိုင္း ဘဂၤလားေဒ့ရွ္ကို ထြက္လာသူေတြ ျဖစ္ပါတယ္။

ရိုဟင္ဂ်ာဆိုတဲ့ အသံုးအႏႈန္းကို ျမန္မာအစိုးရက လက္မခံေပမယ့္ ရိုဟင္ဂ်ာဒုကၡသည္ေတြ ျပန္လက္ခံေရးအတြက္ ကုလသမဂၢနဲ႔အတူ လက္တြဲ ေဆာင္ရြက္ေနတာ ျဖစ္ပါတယ္။

 VOA (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ