မန္တလေး အိုးဘိုထောင်မှ တက္ကသိုလ်ဝင်တန်းဖြေဆိုသည့် အကျဉ်းသား /သူ ၃၇ ဦးအောင်မြင်


မန္တလေး ၈ ဇွန်

မန္တလေးဗဟို အကျဉ်းထောင် (အိုးဘို) ၌ ၂၀၁၈ - ၂၀၁၉ ပညာသင်နှစ်တွင် တက္ကသိုလ်ဝင်တန်း ဖြေဆိုသည့် အကျဉ်းသား/သူ (၇၁) ဦးရှိရာ ၃၇ ဦးအောင်မြင်ကြောင်းသိရသည် ။

အောင်မြင်သူများတွင် နှစ်ဘာသာ ဂုဏ်ထူးရှင် (၃) ဦး ၊ တစ်ဘာသာ ဂုဏ်ထူးရှင် (၁၁) ဦးရှိပြီး ဂုဏ်ထူးဖြင့်အောင်မြင်သူအပါအဝင် စုစုပေါင်း ၃၇ ဦး အောင်မြင်ခဲ့သည် ။

ယခင်က စာမေးပွဲဖြေဆိုမည့် အကျဉ်းသား/သူများအနေဖြင့် အင်းစိန်အကျဉ်းထောင်စာစစ်ဌာနတွင် သွားရောက်ဖြေဆိုရပြီး ၂၀၁၆ - ၂၀၁၇ ပညာသင်နှစ် က စတင်၍ မန္တလေးဗဟို အကျဉ်းထောင် (အိုးဘို) တွင် စာစစ်ဌာန တစ်ခုဖွင့်၍ ဖြေဆိုစေခဲ့သည် ။

၂၀၁၈ ခုနှစ်တွင် မန္တလေး ဗဟိုအကျဉ်းထောင် မှာ တက္ကသိုလ်ဝင်တန်းစာမေးပွဲကို ၅၅ဦး ဝင်ရောက်ဖြေဆိုခဲ့ရာ ၂၇ ဦးအောင်မြင်ခဲ့ပြီး သုံးဘာသာဂုဏ်ထူးရှင် လေးဦး အထိရှိခဲ့သည်။

ပြီးခဲ့သည့်နှစ်က အဆိုပါ တက္ကသိုလ်ဝင်တန်း အောင်မြင်သည့် အကျဉ်းသား ၂၇ ဦးအား လွတ်ငြိမ်း ချမ်းသာခွင့်ပေးခြင်း ၊ လျှော့ရက်ပေးခြင်းများကို နိုင်ငံတော်က ဆောင်ရွက် ခဲ့သည်။

ယခုနှစ်တွင် တနိုင်ငံလုံး အနေဖြင့် အင်းစိန်ထောင်၊ တောင်ငူထောင်၊ အိုးဘိုထောင်၊ ဘားအံထောင်၊ လွိုင်ကော်ထောင်၊ သရက်ထောင်၊ မုံရွာထောင်၊ မြိတ်နှင့် ကသာထောင်များတွင် ထောင်တွင်း စာစစ်ဌာနတွေမှ ဝင်ရောက်ဖြေဆိုသည့် အကျဉ်းသား ၁၇၁ ဦး ရှိရာ ၉၄ ဦး အောင်မြင်ခဲ့ပြီး ၅၄.၉၇ ရာနှုန်း အောင်မြင်မှု ရှိကြောင်းသိရသည် ။

သူရိန်လင်း
Myanmar Digital News
https://www.facebook.com/MyanmarDigitalNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ