ရိုဟင်ဂျာဒုက္ခသည်များ (သြဂုတ်၊ ၂၄၊ ၂၀၁၈) |
နိုင်ငံတော် အတိုင်ပင်ခံရုံးဝန်ကြီးဌာန ဝန်ကြီး ဦးကျော်တင့်ဆွေက ရခိုင်ပြည်နယ်ကနေ ထွက်ပြေးသွားခဲ့တဲ့ ဒီ ဒုက္ခသည်တွေအတွက် ဘင်္ဂလားဒေ့ရ်ှအစိုးရကနေ ပြန်ပို့ဖို့နဲ့ နေထိုင်ခွင့်ကတ်တွေ ထုတ်ပေးဖို့ ပျက်ကွက်ခဲ့တယ်လို့ ဂျပန်နိုင်ငံမှာ မနေ့ကလုပ်တဲ့ သတင်းစာရှင်းလင်းပွဲမှာ စွပ်စွဲလိုက်ပါတယ်။
ဝန်ကြီး ဦးကျော်တင့်ဆွေက ဆက်ပြီး ခုလို လုပ်လိုက်တာက ၂၀၁၇ ခုနှစ် နိုဝင်ဘာလတုန်းက မြန်မာနဲ့ ဘင်္ဂလားဒေ့ရှ် (၂) နိုင်ငံ ချုပ်ဆိုခဲ့တဲ့ ရိုဟင်ဂျာနဲ့ တခြားလူနည်းစု ဒုက္ခသည်တွေပြန်ပို့ရေး သဘောတူညီချက်ကို မလိုက်နာတာသာဖြစ်တယ်လို့ (၂၅) ကြိမ်မြောက် အာရှအနာဂတ် နိုင်ငံတကာညီလာခံမှာ ပြောလိုက်ပါတယ်။
ဦးကျော်တင့်ဆွေကပဲ ဒီ ဒုက္ခသည် ပြန်ပို့ရေးလုပ်ငန်းစဉ်က ပြီးခဲ့တဲ့ နှစ် ၂၀၁၈ ဇန်နဝါရီလထဲက စလုပ်ဖြစ်ခဲ့သင့်တယ်။ ဒါပေမဲ့ အခုချိန်ထိ တရားဝင်လမ်းကြောင်းကနေ ပြန်လာတဲ့ ဒုက္ခသည် လုံးဝ မရှိသေးဘူးလို့ Nikkei သတင်းလုပ်ငန်းက ဦးဆောင်ကျင်းပတဲ့ ဒီညီလာခံမှာ ပြောလိုက်ပါတယ်။
ဦးကျော်တင့်ဆွေကဆက်ပြီး ဒုက္ခသည် ၂၀၀ ခန့်ကတော့ ကိုယ့်အစီအစဉ်နဲ့ကိုယ် ခက်ခဲတဲ့ လမ်းကြောင်းတွေကနေတဆင့် ဘင်္ဂလားဒေ့ရ်ှကနေ ပြန်လာခဲ့ကြတယ်လို့ ဆိုပါတယ်။
လူ့အခွင့်အရေးအဖွဲ့တွေကတော့ မြန်မာအစိုးရက တရားဝင် အသိအမှတ်ပြု ခေါ်ဝေါ်လေ့မရှိတဲ့ ရိုဟင်ဂျာတွေအနေနဲ့ နိုင်ငံသားဖြစ်မှုအပါအဝင် တရားဝင်အခွင့်အရေးတွေမရရင် မြန်မာပြည်ပြန်ရောက်ရင်လည်း အရင်လိုပဲ သွားရေးလာရေးနဲ့ ကျန်းမာရေး၊ ပညာရေးကိစ္စတွေ အခက်အခဲတွေ့မှာကို စိုးရိမ်နေကြတယ်လို့ ထောက်ပြနေပါတယ်။
တကယ်တော့ ပြီးခဲ့တဲ့နှစ်တုန်းက ဒီ ဒုက္ခသည် ပြန်ပို့ရေးအစီအစဉ်မှာ ကုလသမဂ္ဂ အေဂျင်စီ (၂) ခုပါ ပူးပေါင်းဆောင်ရွက်ဖို့ လက်မှတ်ထိုးထားခဲ့ပေမဲ့ ဒီ ၂၀၁၇ ခုနှစ် ဒုက္ခသည်ပြန်ပို့ရေး သဘောတူညီချက် အကောင်အထည်ဖော်မူဟာ တောက်လျှောက် နှောင့်နှေးလာခဲ့ပါတယ်။
ဗွီအိုအေ (မြန်မာပိုင်း)
https://burmese.voanews.com
ဒုက္ခသည်ပြန်ပို့ရေး ဘင်္ဂလာ မပူးပေါင်းဟု မြန်မာဝေဖန်
Reviewed by THITHTOOLWIN
on
20:58
Rating: