အိန္ဒိယနဲ့ မြန်မာပူးပေါင်းပြီး နာဂ တပ်စခန်းတွေကို ဖယ်ရှား

အိန္ဒိယတပ်မတော်သားတွေကို တွေ့ရစဉ်
အိန္ဒိယနိုင်ငံ အရှေ့မြောက်ပိုင်း မြန်မာနယ်စပ်ဒေသတစ်ဝှမ်းမှာ လှုပ်ရှားနေတဲ့ အိန္ဒိယလက်နက်ကိုင်အဖွဲ့တွေရဲ့ တပ်စခန်းတွေကို အိန္ဒိယနဲ့ မြန်မာတပ်မတော်တို့ ပူးပေါင်းစစ်ဆင်ရေးဆင်နွှဲပြီး ဖျက်ဆီးဖယ်ရှားခဲ့တယ်လို့ သိရပါတယ်။

မြန်မာနိုင်ငံဘက်ခြမ်းမှာ တပ်စွဲထားတဲ့ နာဂအဖွဲ့ NSCN-K အပါအဝင် အိန္ဒိယလက်နက်ကိုင်တပ်ဖွဲ့တွေရဲ့ စခန်း အနည်းဆုံး ရှစ်ခုကို မြန်မာတပ်မတော်က မော်တာနဲ့ ပစ်ခတ်ဖျက်ဆီးခဲ့ပြီး ဆုတ်ခွာထွက်ပြေးသွားတဲ့ လက်နက်ကိုင်တပ်ဖွဲ့ဝင် ၈၀ ဝန်းကျင်လောက်ကို အိန္ဒိယစစ်တပ်က နယ်စပ်မှာ ပိတ်ဆို့ဖမ်းဆီးခဲ့တယ်လို့ သတင်းရင်းမြစ်တွေရဲ့ ပြောဆိုချက်ကို ကိုကားပြီး India Express သတင်းစာက ဖော်ပြပါတယ်။

နေရောင်စစ်ဆင်ရေး ၂ လို့ နာမည်ပေးထားတဲ့ ဒီစစ်ရေးလှုပ်ရှားမှုကို မေလ ၁၆ ရက်နေ့ကနေ ဇွန်လ ၈ ရက်နေ့အထိ ပြုလုပ်ခဲ့ပြီး အိန္ဒိယစစ်တပ်က တပ်ရင်း နှစ်ရင်း အပြင် အထူးစစ်ဆင်ရေးတပ်ဖွဲ့ဝင်တွေနဲ့ မြန်မာ့တပ်မတော်က တပ်ရင်း လေးရင်းတို့ ပါဝင်လှုပ်ရှားခဲ့ကြပါတယ်။

အိန္ဒိယနဲ့ မြန်မာတပ်မတော်တို့ဟာ ဒီနှစ်အစောပိုင်း ဖေဖော်ဝါရီလကတုန်းလည်း နေရောင်စစ်ဆင်ရေး-၁ လို့ အမည်ပေးထားတဲ့ စစ်ဆင်ရေးတစ်ခု ပြုလုပ်ခဲ့ပါသေးတယ်။

အဲဒီစစ်ဆင်ရေးမှာတော့ တစ်ဘက်နိုင်ငံ နယ်နိမိတ်ထဲမှာ တပ်စွဲထားတဲ့ ရခိုင်လက်နက်ကိုင်တပ်စခန်းတွေကို အိန္ဒိယတပ်မတော်က တိုက်ထုတ်ရှင်းလင်းခဲ့ပြီး ဆုတ်ခွာထွက်ပြေးလာတဲ့ တပ်ဖွဲ့ဝင်တွေကို မြန်မာတပ်မတော်က နယ်စပ်မှာ ပိတ်ဆို့ဖမ်းဆီးခဲ့တယ်လို့လည်း အိန္ဒိယသတင်းဌာနတွေက ရေးသားကြပါတယ်။

ဒီသတင်းကို RFA သတင်းထောက် ကိုရဲတိုက် ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ