လွ်ပ္စစ္ဓါတ္အား မလံုေလာက္မႈ ျမန္မာ့စီးပြားေရး အဟန္႔အတားျဖစ္



Share/Bookmark
မီိးတခ်ိဳ႕ေနရာပ်က္ေနသည့္ ရန္ကုန္ၿမိဳ႕လယ္ေခါင္ျမင္ကြင္း။ ေအာက္တိုဘာ ၂၃၊ ၂၀၁၂။
ျမန္မာႏိုင္ငံမွာ လွ်ပ္စစ္ဓါတ္အားမလံုေလာက္တဲ့ ျပႆနာဟာ စီးပြားေရးတိုးတက္ဖုိ႔ အဟန္႔အတား ျဖစ္ေနတယ္လို႔ ကမာၻ႔ဘဏ္က ေျပာၾကားလိုက္ပါတယ္။ ႏိုင္ငံတဝန္း လွ်ပ္စစ္မီးလုံးဝ မရတာနဲ႔ ရတခ်က္ မရတခ်က္ျဖစ္ေနတာက ႏိုင္ငံရဲ႕ စြမ္းအင္က႑မွာ ႀကီးမားတဲ့ စိန္ေခၚမႈႀကီးျဖစ္ေနတယ္လို႔ ၂၀၁၉ ဇြန္လ လအတြက္ ကမာၻ႔ဘဏ္ရဲ႕ စီးပြားေရး ေစာင့္ၾကည့္ အစီရင္ခံစာမွာ ေဖာ္ျပထားတာပါ။

လွ်ပ္စစ္ဓါတ္အားလုိအပ္ခ်က္ကို ျဖည့္ဆည္းႏုိင္ဖုိ႔ ျမန္မာႏိုင္ငံမွာ ဒီက႑အတြက္ ၂ ဆတိုးျမွင့္ ရင္းႏွီးျမွဳပ္ႏွံဖုိ႔လိုသလို စီမံကိန္းေတြကို ၃ ဆျမန္ျမန္ အေကာင္အထည္ေဖာ္သင့္တယ္လို႔ အႀကံျပဳထားပါတယ္။ မီတာ ခေတြကို တုိးေကာင္ဖုိ႔ လိုအပ္တယ္လို႔လည္း အႀကံျပဳပါတယ္။ လွ်ပ္စစ္ဓါတ္အားေပးေဝတဲ့ က႑အေနနဲ႔ လုပ္ငန္းလည္ပတ္ေရး လံုေလာက္တဲ့ ဝင္ေငြရ႐ွိေအာင္ ဓါတ္အားခတိုးေကာက္ဖုိ႔လိုတယ္လို႔ ဆိုပါတယ္။

ျမန္မာႏိုင္ငံရဲ႕ စီးပြားေရးတုိးတက္ခိုင္မာလာတာေၾကာင့္ေရာ၊ လွ်ပ္စစ္ဓါတ္အားသုံးစြဲမႈ ပိုမ်ားလာတာေၾကာင့္ လွ်ပ္စစ္ဓါတ္အားလိုအပ္ခ်က္ ျမင့္တက္လာတာျဖစ္တယ္လို႔ အစီရင္ခံစာထဲမွာ ေဖာ္ျပထားပါတယ္။ လွ်ပ္စစ္ဓါတ္အားသံုးစြဲမႈဟာ ၂၀၃၀ ခုႏွစ္ မတိုင္ခင္ ပွ်မ္းမႈလိုအပ္ခ်က္က ႏွစ္စဥ္ ၁၁% တိုးလိမ့္မယ္လို႔လည္း ကမာၻဘဏ္က ခန္႔မွန္းပါတယ္။

ျမန္မာႏိုင္ငံမွာ ရင္းႏွီးျမွဳပ္ႏွံထားတဲ့ လုပ္ငန္းေတြ ပိုၿပီးထိထိေရာက္ေရာက္ ေဆာင္႐ြက္ႏုိင္ဖုိ႔နဲ႔ လွ်ပ္စစ္မီးေပးေဝတဲ့ဝန္ေဆာင္မႈ တိုးတက္ဖုိ႔အတြက္ လွ်ပ္စစ္ဓါတ္အားနဲ႔ပတ္သက္တဲ့ အေျခခံ အခက္အခဲကို ေျဖ႐ွင္းဖုိ႔လိုအပ္တယ္လို႔လည္း ကမာၻ႔ဘဏ္ရဲ႕ ၂၀၁၉ ဇြန္လအတြက္ စီးပြားေရး ေစာင့္ၾကည့္ အစီရင္ခံစာမွာ ေထာက္ျပထားပါတယ္။ ျမန္မာႏိုင္ငံက ရန္ကုန္လုိၿမိဳ႕ႀကီးမွာေတာင္ အလွည့္က်မီးေပးစနစ္နဲ႔ လွ်ပ္စစ္မီးေပးေနပါတယ္။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ