ပြန်ကြားရေးဒုတိယဝန်ကြီး ဦးအောင်လှထွန်း ကို တွေ့ရစဉ် |
နေပြည်တော်က သင်္ဂဟဟိုတယ်မှာ ကျင်းပတဲ့ တရားမ၀င်ဂြိုဟ်တုစလောင်း ရုပ်သံလိုင်းတွေ၊ အွန်လိုင်းတီဗီတွေနဲ့ ပတ်သတ်တဲ့ ဆောင်ရွက်နိုင်မယ့်နည်းလမ်းတွေ အဖြေရှာတဲ့ဆွေးနွေးပွဲမှာ သတင်းမီဒီယာတွေကို ပြောခဲ့တာပါ။
မြန်မာနိုင်ငံမှာ တရားမ၀င်ဂြိုဟ်တု၊ ရုပ်မြင်သံကြားဖမ်းစက်တွေ သန်းနဲ့ချီရှိနေပြီး အိမ်နီးချင်းထိုင်းနိုင်ငံကနေ အများဆုံးဝင်ရောက်နေသလို နီပေါနိုင်ငံကပင် ၀င်ရောက်တာရှိတယ်လို့ ဦးအောင်လှထွန်းက ပြောပါတယ်။
ရွှေသံလွင် ကုမ္မဏီလီမိတက်၊ အကြီးတန်းအမှုဆောင်ဒါရိုက်တာ ဒေါက်တာသိန်းသန်းဦးက မြန်မာနိုင်ငံကို ၀င်ရောက်နေတဲ့ တရားမ၀င်ဂြိုဟ်တုစလောင်း၊ ရုပ်သံဖမ်းစက်ပေါင်း ၆ သန်းခန့်ရှိနိုင်တယ်လို့ ပြောပါတယ်။
အဲဒီလိုဝင်ရောက်လာတဲ့ ဂြိုဟ်တုစလောင်း၊ ရုပ်သံဖမ်းစက်တွေမှာ ပြည်တွင်းက ရုပ်သံလိုင်းတွေရဲ့ ထုတ်လွှင့်မှုတွေပါဝင်တာရှိတဲ့အတွက် ထိခိုက်မှုရှိတယ်လို့လည်း ဒေါက်တာသိန်းသန်းဦးက ပြောပါတယ်။
ပြန်ကြားရေးဒုတိယ၀န်ကြီး ဦးအောင်လှထွန်းက ဒီကနေ့ဆွေးနွေးပွဲဟာ အဖြေရှာတာမဟုတ်ပဲ အဖြေကို ဘယ်လိုရှာမလဲဆိုတဲ့နည်းလမ်းကို ရှာဖွေတာသာဖြစ်တယ်လို့အခမ်းအနားအပြီးမှာပြောပါတယ်။
ဒီကနေ့ဆွေးနွေးပွဲကို ပြန်ကြားရေးဝန်ကြီးဌာနအပါအ၀င် အစိုးရဌာနအချို့၊ ရွှေသံလွင်မီဒီယာ၊ မြန်မာအသံ၊ မြ၀တီနဲ့ Content Provider ရရှိထားတဲ့မီဒီယာ ၅ ခုက တာဝန်ရှိသူတွေ တက်ရောက်ခဲ့ကြပါတယ်။
ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။
RFA Burmese
https://www.rfa.org
တရားမဝင် ရုပ်သံထုတ်လွှင့်မှုတွေကို ဖြေရှင်းသွားမယ်လို့ ဒုဝန်ကြီး ဦးအောင်လှထွန်းပြော
Reviewed by THITHTOOLWIN
on
02:04
Rating: