ကုန္္သြယ္ေရးေဆြးေႏြးပြဲ မေအာင္ျမင္မႈ အေမရိကန္ကို တ႐ုတ္အျပစ္တင္



Share/Bookmark
 “စိတ္မခ်ရတဲ့ ကုမၸဏီမ်ားစာရင္း” ထုတ္ျပန္ခ်က္
အေမရိကန္နဲ႔ တ႐ုတ္ၾကား လတ္တေလာ ကုန္သြယ္ေရးေဆြးေႏြးပြဲေတြ မေအာင္ျမင္ရတဲ့အေပၚ အေမရိကန္မွာ လံုး၀တာ၀န္ရွိတယ္လိ္ု႕ တ႐ုတ္ဘက္က ေျပာဆိုလိုက္ပါတယ္။ေဆြးေႏြးပြဲေတြမွာ အေမရိကန္က ေနာက္ေၾကာင္းျပန္သြားေနတဲ့အျပင္ ကုန္သြယ္ခြန္ေတြ တိုးေကာက္ေနတာက ႏွစ္ႏိုင္ငံ ကုန္သြယ္ေရးကိစၥေတြအတြက္ ေျဖ႐ွင္းခ်က္ မဟုတ္ဘူးလို႕ ဒီကေန႔ထုတ္ျပန္တဲ့ တ႐ုတ္အစိုးရရဲ႕ အစီရင္ခံစာထဲမွာ ေဖာ္ျပထားပါတယ္။

ဒီလအေစာပိုင္း ေဆြးေႏြးပြဲေတြ မေအာင္မျမင္ျဖစ္ခဲ့ၿပီးတဲ့ေနာက္ ေဒၚလာ ဘီလီယံ ၂၀၀ တန္ဖိုးရွိတဲ့ တ႐ုတ္ကုန္ပစၥည္းေတြအေပၚ အေမရိကန္က ၂၅% အခြန္ တိုးေကာက္လိုက္တာပါ။

တ႐ုတ္ဆက္သြယ္ေရးကုမၸဏီႀကီး တခုျဖစ္တဲ့ Huawei နဲ႔ သူနဲ႔ဆက္စပ္တဲ့ကုမၸဏီ ၆၈ ခုကို နည္းပညာဆုိင္ရာ ပစၥည္းေတြေရာင္းခ်ေပးေနတာရပ္ဆိုင္းလိုက္တဲ့အေပၚ လက္တံု႕ျပန္တဲ့အေနနဲ႕ “စိတ္မခ်ရတဲ့ ကုမၸဏီမ်ားစာရင္း” ဆုိၿပီး ေသာၾကာေန႕က ထုတ္ျပန္ခဲ့ပါတယ္။ ေနာက္ေၾကာင္းျပန္သြားေနတာ အေမရိကန္ျဖစ္တယ္လို႕လည္း တ႐ုတ္ ကုန္သြယ္ေရး ဒု၀န္ၾကီး Wang Shouwen က ဒီကေန႕ျပဳလုပ္တဲ့ သတင္းစာ႐ွင္းလင္းပြဲမွာ ေျပာဆိုသြားပါတယ္။

ကုန္သြယ္ေရးတင္းမာမႈေတြျဖစ္လာတဲ့အထိ အေမရိကန္ဘက္က အစြမ္းကုန္ဖိအားသံုးလာရင္ေတာင္ တ႐ုတ္ကေတာ့ အေလ်ာ့ေပးဖို႕ လံုး၀မျဖစ္ႏိုင္ဘူးလို႕လည္း အေမရိကန္ နဲ႔ တ႐ုတ္ ကုန္သြယ္ေရးေဆြးေႏြးပြဲ ကိုယ္စားလွယ္အဖြဲ႕၀င္ျဖစ္တဲ့ Wang ကေျပာပါတယ္။

ေမလအေစာပိုင္းတုန္းကေတာ့ တရုတ္ဘက္က ကုန္သြယ္ေရးေဆြးေႏြးမႈေတြမွာ ေႏွးေကြးတယ္လို႕ သမၼတ Trump က တြစ္တာစာမ်က္ႏွာကေနေရးခဲ့တာပါ။ ေဆြးေႏြးပြဲေတြမွာ တ႐ုတ္က လက္ေတြ႔က်တဲ့ ေျဖရွင္းခ်က္ေတြကို တင္ျပခဲ့ျပီး တ႐ုတ္က နည္းနည္းေလွ်ာ့ရင္ အေမရိကန္က မ်ားမ်ားလိုခ်င္ေနတယ္လို႕ Wang က ေျပာပါတယ္။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ