တိုက်ပွဲကြောင့် ပိုးရွှီပြင်ရွာမှ ဝန်ထမ်းများနှင့်ဆရာ/ဆရာမများ နေရပ်ပြန်၊ ရွာသားတစ်ချို့ ခေါ်ယူစစ်ဆေးခံရ

(ဓာတ်ပုံ- ပိုးရွှီပြင်မဟာမိတ်လူမှုရေးအသင်း)

စစ်တွေ၊ ဇွန် ၅/၂၀၁၉

ရခိုင်ပြည်နယ်၊ ပုဏ္ဏားကျွန်းမြို့နယ်၊ ပိုးရွှီပြင်ကျေးရွာ အနီးတွင် ဇွန်လ ၃ ရက်နေ့က တိုက်ပွဲ ဖြစ်ပွားခဲ့သဖြင့် ၎င်းကျေးရွာတွင် တာဝန်ထမ်းဆောင်နေကြသည့် အစိုးရ၀န်ထမ်းများနှင့် ကျောင်းဆရာ/ ဆရာမများသည် စိုးရိမ်ကြောက်လန့်ပြီး ၎င်းတို့၏ နေရပ်ဒေသများသို့ ပြန်သွားကြသည်ဟု သတင်း ရရှိသည်။

ပုဏ္ဏားကျွန်းမြို့နယ်၊ ပိုးရွှီပြင်ကျေးရွာသည် အိမ်ခြေ တစ်ထောင်ကျော်၊ လူဦးရေ ငါးထောင်နီးပါးခန့် ရှိသည့် ကျေးရွာ တစ်ရွာကြီးဖြစ်ပြီး အထက်တန်းကျောင်း၊ ဆေးခန်းစသည့် အစိုးရဌာနဆိုင်ရာများလည်း တည်ရှိသည်။

ပိုရွှီပြင်ကျေးရွာ အထက ကျောင်းအုပ်ဆရာကြီး ဦးခင်စိုးက “ဆရာ ဆရာမတွေက စာစတင်သင်ကြားဖို့ ပြင်ချိန်နေချိန်မှာ ကျေးရွာအနီးတိုက်ပွဲဖြစ်တယ်။ ခုလို တိုက်ပွဲ ဖြစ်ပွားတော့ သူတို့က မလုံခြုံဘူးလို့ ခံစားရတဲ့အတွက် နေရပ်ကို ပြန်သွားကြခြင်းဖြစ်ပါတယ်” ဟု နိရဉ္စရာသတင်းဌာနသို့ ပြောသည်။

မြန်မာ့တပ်မတော်နှင့် ရက္ခိုင်တပ်တော် (AA) တို့ကြား ပိုရွှီပြင်ကျေးရွာ အရှေ့မြောက်ဘက် ရဟတ်တောင်တန်းတွင် ဇွန်လ ၃ ရက်နေ့က တိုက်ပွဲအပြန်လှန်ဖြစ်ပွားခဲ့သည်ဟု ပိုရွှီပြင် မဟာမိတ် လူမှုကူညီရေးအသင်းမှ အတွင်းရေးမှူး ကိုနေဦးမောင်က နိရဉ္စရာသတင်းဌာနသို့ ပြောသည်။

“ တိုက်ပွဲ ဖြစ်ပွားတော့ ရွာသားတစ်ချို့လည်း ရွာကနေ ထွက်ပြေးတော့ အစိုးရဝန်ထမ်းတွေနဲ့ ကျောင်းဆရာ/မ တစ်ချို့လည်း စိုးရိမ်ပြီး ထွက်ပြေးသွားခဲ့ကြပါတယ်” ဟု ကိုနေဦးမောင်က ပြောဆိုသည်။

အထက်တန်းကျောင်းတွင် ဆရာ/ဆရာမများမရှိတော့၍ ကျောင်းသား ကျောင်းသူများ၏ ပညာရေးအတွက် စိုးရိမ် ပူပန်မိကြောင်း ကျောင်းသားမိဘတစ်ဦးက ပြောဆိုသည်။

“တိုက်ပွဲဖြစ်လို့ ကျနော်တို့ရွာက ကျောင်းဆရာ ဆရာမအားလုံး နေရပ်ကို ပြန်သွားကြတယ်။ ရွာသားတွေ တချို့လည်း ထွက်ပြေးကြတယ်။ ရွာမှာက အထက်တန်းကျောင်းဆိုတော့ အခုလို ကျောင်းဖွင့်ကာမှာ ဆရာ ဆရာမတွေ မရှိရင် ကလေးတွေရဲ့ ပညာရေးအတွက် ခက်ခဲပါလိမ့်မယ်။ ကလေးတွေရဲ့ ပညာရေးအတွက် စိုးရိမ်မိပါတယ်”ဟု ၎င်းကျောင်းသားမိဖက ပြောသည်။

၎င်းအပြင် ဇွန်လ ၄ ရက်နေ့က ပိုးရွှီပြင်ကျေးရွာသားတစ်ဦးဖြစ်သူ ဦးစံထွန်းဝင်း အသက်(၄၈)နှစ်အား ၄င်းကွမ်းခင်းသို့သွားစဉ် လမ်းတွင် စစ်တပ်နှင့်တွေ့၍ ဖမ်းဆီးခေါ်ဆောင်လာခဲ့ကြောင်း၊ မွန်းလွဲ ၂ နာရီခန့်တွင် စစ်သားများ ကျေးရွာအတွင်းသို့ ဝင်ရောက်လာပြီး ကျေးရွာသားတစ်ချို့အား စာသင်ကျောင်း၌ ခေါ်ယူ စစ်ဆေးမေးမြန်းမှုများ ပြုလုပ်ခဲ့ပြီး နောက်ပိုင်းတွင် ပြန်လွတ်ပေးခဲ့ကြောင်း ဒေသခံများ ပြောပြချက်အရသိရသည်။

“ကျနော်တို့ ရွာသားတစ်ယောက်က တောထဲက သူကွမ်းခင်းကိုသွားတော့ လမ်းမှာစစ်တပ်နဲ့တွေ့တယ် ထင်တယ်။ သူ့ကိုဖမ်းခေါ်လာတယ်။ အမည်မသိ ခမီးလူမျိုး ၂ယောက်လည်းပါတယ်။ လမ်းပြ ခေါ်လာ တာလို့ သိရပါတယ်။ နောက်ပြီးတော့ ရွာကိုသူတို့ နေ့လည်၂ နာရီလောက်ကရောက်တယ်။ ရွာထဲဝင်ပြီး တွေ့တဲ့လူကို ဖမ်းတယ်။ အဲလို လေး- ငါး-ခြောက်ယောက်လောက်ကို ဖမ်းပြီး စာသင်ကျောင်းမှာ စစ်ဆေးမေးမြန်းတယ်။ စစ်ဆေးမေးမြန်းပြီး ညနေပိုင်းမှာ အကုန်ပြန်လွတ် ပေးလိုက်တယ်” ဟု ကျေးရွာသားတစ်ဦးက ဆိုသည်။

ပိုးရွှီပြင်ကျေးရွာအနီးတိုက်ပွဲဖြစ်ပွားမှုကြောင့် ကျေးရွာသားများမှာ ရသေ့တောင်မြို့နယ်၊ ကျောက်တန်း ကျေးရွာဖြစ်စဉ်လို ဖြစ်မည်ကိုစိုးရိမ်ပြီး ထွက်ပြေးနေကြခြင်း ဖြစ်ကြောင်း ၎င်းက ပြောဆိုသည်။

သိန်းဇော်(မောင်တော)
Narinjara
https://www.facebook.com/narinjaranews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ