မိုင်းပန်တွင် ဗုံးသီးဟောင်းတလုံး ပေါက်ကွဲမှု အမျိုးသားတဦးသေ၊ အမျိုးသမီးတဦး ထိခိုက်ဒဏ်ရာရ


ဇွန်လ ၃ ရက် ၂၀၁၉

သျှမ်းပြည်တောင်ပိုင်း မိုင်းပန်မြို့နယ် နားမွန်ကျေးရွာအုပ်စု နောင်လေကျေးရွာတွင် ဗုံးသီးဟောင်းတလုံး ပေါက်ကွဲကာ အမျိုးသားတဦး သေဆုံးပြီး၊ အမျိုးသမီးတဦး ဒဏ်ရာရကြောင်း သတင်းရရှိသည်။

ဖြစ်စဉ်မှာ မေ ၃၁ ရက် ညနေ ၄ နာရီ ကျော်တွင် အသက် ၃၄ နှစ်အရွယ် ခွန်ဝိယသည် တောင်ယာသို့ သွားစဉ် ဗုံးသီးဟောင်းတလုံးကို နေအိမ်သို့ ကောက်ယူလာပြီး၊ နေအိမ်ရှေ့တွင် ပေါက်ကွဲခဲ့ကြောင်း မိုင်းပန်မြို့နယ် ပြည်နယ်လွှတ်တော်ကိုယ်စားလှယ် စိုင်းနောင့် က သျှမ်းသံတော်ဆင့်သို့ ပြောပြသည်။

“ ခွန်ဝိယက လယ်ထဲကနေ ဗုံးတလုံးကိုတွေ့ပြီး လွယ်အိတ်ထဲ ကောက်ထည့်လာတာ။ နေအိမ်ရောက် တော့ ဗုံးကိုခေါက်ကြည့်တယ်။ ဗုံးပေါက်ကွဲပြီးတော့ သူကပွဲချင်းပြီး သေသွားတယ်။ သူ့ အမျိုးသမီးက တော့ ဒဏ်ရာရတယ်” ဟု မိုင်းပန်မြို့နယ် ပြည်နယ် လွှတ်တော် ကိုယ်စားလှယ် စိုင်းနောင့် က ဆိုသည်။

ဗုံးသီးဟောင်းသည် မည်သည့်အဖွဲ့ မှ မြုပ်နှံထားသည်ကို မသိရှိကြောင်း၊ ထိုဒေသတွင် သျှမ်းလူမျိုး နှင့် ပအိုဝ်းလူမျိုးတို့အများဆုံးနေထိုင်ကြောင်း စိုင်းနောင့် က ပြောသည်။

အဆိုပါ ဗုံးသီးပေါက်ကွဲမှုကြောင့် ခွန်ဝိယ ၏ ခန္ဓာကိုယ်သည် တစစီ ဖြစ်ကာ အခင်းဖြစ်သည့်နေရာတွင် သေဆုံးခဲ့ပြီး၊ ဇနီးသည် နန်းနွမ်း သည် နောက်ကျော တွင် ဗုံးစများထိမှန်ခဲ့ကြောင်း ဒဏ်ရာရရှိခဲ့ကြောင်းသိရသည်။

သျှမ်းပြည်နယ်အတွင်း မပေါက်ကွဲသေးသည့် မြေမြုပ်မိုင်း များသည် နေရာအနှံ့ တွင် ရှိသဖြင့် တောင်ယာသွားသည့် သူများအနေဖြင့် မိုင်းကို တွေ့ရှိပါက ကောက်ယူခြင်း၊ ဆော့ကစားခြင်း မပြုလုပ်ရန် လည်း မြေမြုပ်မိုင်း အသိပညာပေး အဖွဲ့များက ထုတ်ပြန်ကြေညာခဲ့သည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ