ဗီဇာစည္း ကမ္းခ်ိဳးေဖာက္ခဲ့သည့္ တ႐ုတ္ႏိုင္ငံသား ႏွစ္ဦးကို အေရးယူ



Share/Bookmark

တာခ်ီလိတ္ ဇြန္ ၂၉

ရွမ္းျပည္နယ္(အေရွ႕ပိုင္း) မိုင္းကိုးေက်း႐ြာအုပ္စု၊ အားရဲေက်း႐ြာ၌ျမန္မာႏိုင္ငံအတြင္းသို႔ တရားဝင္ ဝင္ေရာက္ခဲ့ေသာ္လည္း ဗီဇာစည္း ကမ္းခ်ိဳးေဖာက္ခဲ့သည့္ တ႐ုတ္ႏိုင္ငံသား ႏွစ္ဦးကို ဇြန္ ၂၉ ရက္ ညေနပိုင္းက အေရးယူထားေၾကာင္း သိရသည္။

ဇြန္ ၂၈ ရက္ညေန ၄ နာရီတြင္အမွတ္(၃၁၁)ေျချမန္တပ္ရင္း၊ အမွတ္(၂)သတၳဳတြင္းလုပ္ငန္း(တာခ်ီလိတ္)မွ တာဝန္ခံအရာရွိ ဦးတင္ေမာင္သန္း ဦးစီးအဖြဲ႕၊ ၿမိဳ႕နယ္လူဝင္မႈႀကီးၾကပ္ေရးဦးစီးဌာနမွ ဒုတိယလ၀ကမႉး ဦးစိန္လြင္ဦးစီးအဖြဲ႕၊ ဝမ္ပုံနယ္ေျမရဲစခန္းမွ ဒုရဲအုပ္မ်ိဳးေဇာ္လင္း ဦးစီးအဖြဲ႕တို႔ ပါဝင္ေသာ ပူးေပါင္းအဖြဲ႕သည္ ဦးျမင့္ေအာင္ကုမၸဏီ၊ ေအာက္ဆိုဒ္သတၳဳလုပ္ကြက္ (စက္မႈတြင္းထြက္ကုန္ၾကမ္း) တြင္ Mr. Peng Dehai (ခ)ဟုတ္ဆက္ပိုင္(၄၉ ႏွစ္)ႏွင့္ Mrs . Qong Pengcong (ခ)ခ်င္းဖုန႔္ခ်ဳန္း(၄၁ ႏွစ္) ယူနန္ျပည္နယ္၊ တ႐ုတ္ႏိုင္ငံေနသူတို႔ ႏွစ္ဦး အား ေတြ႕ရွိရသည္။

ဆက္လက္စစ္ေဆးရာ ၎တို႔သည္ ျမန္မာႏိုင္ငံအတြင္းသို႔ တရားဝင္ပတ္စ္ပို႔၊ ဗီဇာတို႔ျဖင့္ျမန္မာ-ထိုင္းအမွတ္(၁)ခ်စ္ၾကည္ေရး တံတားမွတစ္ဆင့္ တရားဝင္ ဝင္ေရာက္ခဲ့ေသာ္လည္း ႏိုင္ငံျခားသား မ်ား သြားေရာက္ခြင့္မရွိသည့္ အားရဲေက်း႐ြာရွိသတၳဳလုပ္ကြက္ အတြင္းသို႔ခြင့္ျပဳခ်က္မရွိဘဲ သြားေရာက္ခဲ့ေၾကာင္း စစ္ေဆး ေပၚေပါက္ခဲ့သည္။ အမႈမွျမန္မာႏိုင္ငံအတြင္းသို႔ တရားဝင္ ဝင္ေရာက္ခဲ့ေသာ္လည္း ဗီဇာစည္းကမ္း ခ်ိဳးေဖာက္သူႏွစ္ဦးအား တာခ်ီလိတ္ၿမိဳ႕မရဲစခန္းက အမႈဖြင့္ အေရးယူထားေၾကာင္း သိရသည္။

ျမင့္မိုရ္(တာခ်ီလိတ္)
Myanmaalinn
https://www.facebook.com/MYANMAALINNNEWS

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ