အိမ်ဖော် ၅သောင်းကျော် ရှိတဲ့ စင်္ကာပူ |
လတ်တလောမှာ အိမ်အကူလုပ်သားပို့မယ့်အေဂျင်စီစာရင်းကို စကောက်နေပြီလို့ ပြည်ပအလုပ်အကိုင်ဝန်ဆောင်မှုလုပ်ငန်းရှင်များအဖွဲ့ချုပ်က တွဲဖက်အထွေထွေအတွင်းရေးမှူး ဦးမောင်မောင်ဇော်မင်းက ပြောပါတယ်။
ပြီးခဲ့တဲ့ ၂၀၁၄ မှာ မြန်မာအမျိုးသမီးတွေ အိမ်နီးချင်းနိုင်ငံတွေကို အိမ်ဖော်အဖြစ်သွားရောက်လုပ်ကိုင်တာကို အစိုးရက တားမြစ်ပိတ်ပင်ခဲ့ပါတယ်။
ဒါပေမဲ့လည်း တရားမဝင်သွားရောက်လုပ်ကိုင်တာတေကြောင့် လစာခေါင်းပုံဖြတ်ခံရတာ၊ အလုပ်သမားအခွင့်အရေးဆုံးရှုံးတာတွေကြုံခဲ့ရပြီး ဒီအပေါ်ဝေဖန်ပြောဆိုမှုတွေလည်း ရှိခဲ့ပါတယ်။
လက်ရှိ စင်္ကာပူမှာ အိမ်အကူလုပ်နေတဲ့ အမျိုးသမီး ၅ သောင်းကျော်ရှိနေပြီး သူတို့တွေအတွက် လိုအပ်တဲ့သင်တန်းတွေပေးဖို့လိုသလို စာချုပ်တွေမှာလည်း အလုပ်သမားတွေရဲ့ ရပိုင်ခွင့်တွေနဲ့ စည်းမျဉ်းစည်းကမ်းတွေကို ထည့်သွင်းချုပ်ဆိုသင့်တယ်လို့ စင်္ကာပူရောက်အိမ်အကူအလုပ်သမားအရေး ကူညီပေးနေသူတွေက ပြောပါတယ်။
BBC Burmese
https://www.bbc.com/burmese
စင်္ကာပူကို အိမ်အကူလုပ်သားပို့ဖို့ အလုပ်အကိုင်ဝန်ဆောင်မှုလုပ်ငန်းရှင်တွေ MOU ထိုးဖို့ပြင်နေ
Reviewed by THITHTOOLWIN
on
20:54
Rating: