အမေရိကန် အမည်မည်းစာရင်း သွင်းလိုက်တဲ့ ဆုံးဖြတ်ချက်ကို တရုတ် Huawei ကုမ္ပဏီပယ်ချ


တရုတ် ဆက်သွယ်ရေးနည်းပညာ ကုမ္ပဏီကြီးဖြစ်တဲ့ Huawei ကုမ္ပဏီဟာ အမေရိကန် အမျိုးသားလုံခြုံရေးအပေါ် ခြိမ်းခြောက်မှု တခုဖြစ်တယ်ဆိုပြီးတော့ အမေရိကန်ပြည်ထောင်စုက အမည်မည်းစာရင်း သွင်းလိုက်တဲ့ ဆုံးဖြတ်ချက်ကို ကုမ္ပဏီ တည်ထောင် သူက ပယ်ချလိုက်ပါတယ်။

Trump အစိုးရရဲ့ လုပ်ဆောင်ချက်ဟာ 5G လို့ခေါ်ကြတဲ့ မျိုးဆက်သစ် မိုဘိုင်းဆက်သွယ်ရေးနည်းပညာကို သူ့ကုမ္ပဏီအနေနဲ့ ဆက်ပြီး လည်ပတ်လုပ်ဆောင်နိုင်စွမ်းအပေါ် လျှော့တွက်တာဖြစ်တယ်လို့ Huawei ကုမ္ပဏီတည်ထောင်သူ Ren Zhengfei က တရုတ်အစိုးရပိုင် သတင်းဌာနတွေနဲ့ ဒီကနေ့လုပ်တဲ့ တွေ့ဆုံမေးမြန်းခန်းတွေမှာ ပြောသွားပါတယ်။

ပြီးခဲ့တဲ့ သီတင်းပတ်မှာ အမေရိကန်အစိုးရကထုတ်ပြန်တဲ့ ညွှန်ကြားချက်အရ အနာဂတ်မှာ Huawei ကို hardware, software နဲ့ တခြားဝန်ဆောင်မှုတွေ လွှဲပြောင်းတာကို ပိတ်ပင်ထားပါတယ်။ ဒီအချက်ကြောင့် Huawei ကုမ္ပဏီရဲ့ တကမ္ဘာလုံးမှာ တိုးချဲ့ လုပ်ဆောင်နိုင်စွမ်းနဲ့ smart ဖုန်းတွေထုတ်လုပ်တာမှာ တောင်ကိုရီးယား Samsung ကုမ္ပဏီကိုကျော်ပြီး ကမ္ဘာ့အကြီးဆုံးကုမ္ပဏီ ဖြစ်လာဖို့ လုပ်ဆောင်ချက်တွေကို အကန့်အသတ်ဖြစ်သွားနိုင်ခြေရှိပါတယ်။

ထရမ့်ပ်အစိုးရရဲ့ ညွှန်ကြားချက်အရ Android စနစ်ကို Huawei ကုမ္ပဏီ ဆက်ပြီး အသုံးပြုခွင့်မပေးတော့ဘူးလို့ အမေရိကန် Google ကုမ္ပဏီက တနင်္လာနေ့မှာ ကြေညာလိုက်တဲ့အတွက် Huawei အတွက် အတော်လေး ထိခိုက်သွားပါတယ်။

ဒါပေမယ့် အမေရိကန် ကူးသန်းရောင်းဝယ်ရေးဌာနက လက်ရှိ Huawei စမတ်ဖုန်းတွေကို software update လုပ်ဖို့နဲ့ လက်ရှိ ကွန်ယက်တွေကို ဆက်ထားသွားနိုင်ဖို့ တနင်္လာနေ့မှာပဲ Huawei ကို ရက်ပေါင်း ၉၀ လိုင်စင် ထပ်ချပေးလိုက်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ