Fani ဆိုင္ကလံုး အားေပ်ာ့ၿပီး ဘဂၤလားေဒ့႐ွ္ကို ဝင္ေရာက္

Fani ဆိုင္ကလံုး တိုက္ခတ္မႈေၾကာင့္ ပ်က္စီးသြားတဲ့ အပ်က္အစီးတခ်ိဳ႕ (ေမ၊ ၀၃၊ ၂၀၁၉)
အိႏၵိယႏိုင္ငံ အေရွ႕ပိုင္း Odisha ျပည္နယ္ကို ေသာၾကာေန႔မွာ ဝင္ေရာက္တိုက္ခတ္ ဖ်က္စီးခဲ့တဲ့ ဆိုင္ကလုန္း Fani က မုန္တိုင္းငယ္ အျဖစ္ အားေပ်ာ့လာၿပီး စေနေန႔မွာေတာ့ ဘဂၤလားေဒ့ရွ္ကို ဝင္ေရာက္ တိုက္ခတ္ပါတယ္။

အိႏၵိယနဲ႔ ဘဂၤလားေဒ့ရွ္ ႏုိင္ငံတို႔မွာ မုန္းတိုင္းဒဏ္ကေန လူေတြ ထိခုိက္မယ့္ အေရးကို ထိထိေရာက္ေရာက္ ကာကြယ္ေပးႏုိင္ခဲ့တယ္လုိ႔ ဆိုႏုိင္ေပမယ့္လည္း အိႏၵိယႏုိင္ငံမွာ အနည္းဆံုး လူ ၁၂ ဦး ေသဆံုးေၾကာင္း အစီရင္ခံခ်က္ေတြ ရရွိထားၿပီး အာဏာပိုင္ဆို႔ စစ္ေဆးေနၾကပါတယ္။ ဘဂၤလားေဒ့ရွ္ ႏုိင္ငံမွာေတာ့ အနည္းဆံုး ၄ ဦး ေသဆံုးခဲ့ပါတယ္။

မုန္တိုင္း မက်ခင္ ၂၄ နာရီ အတြင္း အိႏၵိယႏိုင္ငံမွာ လူေပါင္း ၁ ဒသမ ၂ သန္းကို ေဘးလြတ္ရာ ေရႊ႕ေျပာင္းေပးႏုိင္ခဲ့ၿပီး လူထုရဲ႕ အသက္အႏၱရာယ္ က်ေရာက္မယ့္ အေရးကေန ကာကြယ္ေပးႏိုင္ခဲ့တယ္လို႔ အိႏၵိယရဲ႕ သဘာဝ ေဘးဒုကၡ တုံ႔ျပန္ကိုင္တြယ္ေရး အဖြဲ႔က ေျပာပါတယ္။

ဘဂၤလားေဒ့ရွ္ ႏုိင္ငံမွာေတာ့ လူေပါင္း ၁ ဒသမ ၆ သန္းကို ေဘးလြတ္ရာ ေရႊ႕ေျပာင္းေပးခဲ့ေၾကာင္း မုန္တိုင္းဒီေရေၾကာင့္ ေက်းရြာေပါင္း ၃၆ ရြာ ေရနစ္ခဲ့ၿပီး အိမ္ေပါင္း ၂ ေထာင္ေက်ာ္ ပ်က္စီးခဲ့တယ္လို႔ ဘဂၤလားေဒ့ရွ္ အာဏာပိုင္တို႔က AFP သတင္းေအဂ်င္စီကို ေျပာပါတယ္။

ဘဂၤလားေဒ့ရွ္ ကုန္းတြင္းကို ဝင္ေရာက္တိုက္ခိုက္ခ်ိန္မွာေတာ့ ဆိုင္ကလုန္း Fani က မုန္တိုင္းငယ္ အျဖစ္ အားေပ်ာ့လာပါတယ္။ အိႏၵိယ သမုဒၵရာ ေျမာက္ပိုင္းမွာ တိုက္ခတ္တဲ့ မုန္တိုင္းေတြထဲမွာေတာ့ အခု ဆိုင္ကလုန္း Fani က အင္အား အျပင္းဆံုး ျဖစ္သြားၿပီး ၂၀၀၈ ခုႏွစ္က ျမန္မာႏုိင္ငံကို ဝင္ေရာက္ တိုက္ခတ္ခဲ့ၿပီး လူ ၁ သိန္းေက်ာ္ ေသဆံုးခဲ့ရတဲ့ ဆိုင္ကလုန္း နာဂစ္ ထက္ေတာင္ အင္းအားျပင္းခဲ့ပါတယ္။

၂၀၁၉ ခုႏွစ္ အတြင္း ပထမဆံုး ဆိုင္ကလုန္း မုန္တိုင္း ျဖစ္တဲ့ Fani ဆိုင္ကလုန္းက မုန္တိုင္းငယ္ အျဖစ္ ကေန ေလဖိအားနည္း ရပ္ဝန္း အျဖစ္ အားေပ်ာ့လာဖို႔ ရွိၿပီး မုန္းတိုင္း အရွိန္ေၾကာင့္ ျမန္မာႏုိင္ငံတဝန္းမွာ မိုးရြာသြန္းႏုိင္ေၾကာင္း ေလေၾကာင္း ေရေၾကာင္း ခရီးစဥ္ေတြ ႀကိဳတင္ သတိျပဳဖို႔လည္း ျမန္မာ မိုးဇလ ဌာနက သတိေပးထားပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ