ရွှေ​တောင်​ဦးတွင်​ ဝက်ဝံအစာကျွေးသည့် သားမိနှစ်ယောက် ဝက်ဝံအကိုက်ခံရ

ဓာတ်ပုံ - ကိုမျိူး

မုံရွာ၊မေ-၂၃

မုံရွာမြို့ အနောက်မြောက်ဘက်ရှိ ရွှေတောင်ဦးသို့ ဘုရာဖူးလာသည့် သားအမိနှစ်ဦး ဘုရားတွင်မွေးမြူထားသည့် ဝက်ဝံကိုအစာကျွေးရာမှ ဝက်ဝံအကိုက်ခံရကြောင်း သတင်းရရှိသည်။

ယနေ့ ၂၃ရက် ညနေပိုင်းက အသက် ၄နှစ်အရွယ် မိန်းကလေးမှာ ဝက်ဝံကို အစာကျွေးရာ လက်အား အကိုက်ခံလိုက်ရခြင်းဖြစ်သည်။

ကလေးငယ်အကိုက်ခံရသဖြင့် မိခင်ဖြစ်သူက ဝင်ဆွဲရာ မိခင်ဖြစ်သူကိုပါ အဆိုပါ ဝက်ဝံက ကိုက်လိုက်ခြင်းဖြစ်သည်ဟု သိရသည်။

"အနီးနားက ဈေးသည်တွေရော၊လူတွေရော ဝိုင်းခြောက်ပေမယ့် တော်တော်နဲ့မလွှတ်ဘူး။ပြတ်သွားပြီလို့ ထင်ကြတာ။တံမြတ်စည်းနဲ့ထိုး၊ရေတွေနဲ့ ပက်မှ လွှတ်တာ။ကလေးလွှတ်ပြီး လူကြီးလက်ကို လှမ်းကိုက်လိုက်တာ"ဟု ဘုရားဖူးအတူလာသည့် ကလေးငယ်၏ ဦးလေးဖြစ်သူကပြောသည်။

ဝက်ဝံအကိုက်ခံရသည့် ကလေးငယ်မှာ လက်ကျိုးသွားပြီး မိခင်ဖြစ်သူလည်း ပေါက်ပြဲဒဏ်ရာရရှိခဲ့သည်ဟု သိရသည်။သားမိ၂ယောက်မှာ မိသားစုနှင့်အတူ မြင်းမူမြို့နယ်​မှ ဘုရားဖူးလာသူများဖြစ်ကြသည်။

ရွှေတောင်ဦးဘုရားတွင် မွေးမြူထားသည့် တိရိစ္ဆာန်များအနက်ဝက်ဝံ ၂ကောင်နှင့် မျောက်များမှာ ဘုရားဖူးများကို ရန်မူသဖြင့်သစ်တောဌာနသို့အပ်ရန် လွန်ခဲ့သော ၂လကတည်းက စာတင် ထားပြီးဖြစ်သည်ဟု ရွှေတောင်ဦးဘုရားဂေါပက အဖွဲ့ဝင်ဦးစိန်ပိုထံမှ သိရသည်။

အိအိမွန်
Monywa Gazette
https://www.facebook.com/monywagazette

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ