လက်ထိပ်ခတ်ပြီး ရုံးထုတ်တာ ရဲလက်စွဲဥပဒေနဲ့ မညီဘူးလို့ ရှေ့နေပြော

ဒေါင်းတို့မျိုးဆက်သံချပ်အဖွဲ့ကို ရန်ကုန်မြို့၊ မရမ်းကုန်း တရားရုံးမှာ ၂၀၁၉၊ မေ ၂၂ ရက်နေ့က ရုံးထုတ်စဉ် / Photo: Kyaw Zaw Win/ RFA
တရားစွဲဖမ်းဆီးခံထားရတဲ့ ဒေါင်းတို့မျိုးဆက် သံချပ်အဖွဲ့ကို လက်ထိပ်ခတ်ပြီး တရားရုံးကို ခေါ်ဆောင်လာတာဟာ ရဲလက်စွဲ ဥပဒေနဲ့ မညီညွတ်ဘူးလို့ ဒေါင်းတို့မျိုးဆက် သံချပ်အဖွဲ့ဘက်က ရှေ့နေအဖြစ် လိုက်ပါဆောင်ရွက်တဲ့ တရားလွှတ်တော် ရှေ့နေ ဒေါ်စန်းစန်းမြင့် က ဒီနေ့ ပြောပါတယ်။

ဒေါင်းတို့မျိုးဆက်သံချပ်အဖွဲ့ကို မရမ်းကုန်း တရားရုံးမှာ ဒီကနေ့ ရုံးထုတ်တာဖြစ်ပြီး တရားလိုဘက်က တင်ထားတဲ့ သံချပ်စာသားတွေ၊ စီဒီခွေတွေကို စစ်ဆေးခဲ့ပါတယ်။

တရားလိုဘက်က တင်သွားထားတဲ့ သံချပ်စာသားတွေ၊ သံချပ်စီဒီခွေတွေကို ကန့်ကွက်ထားပြီး လာမယ့် မေ ၂၉ ရက်နေ့ ရုံးချိန်မှာ လျှောက်လဲချက်တင်သွားမယ်လို့ ဒေါင်းတို့မျိုးဆက် သံချပ်အဖွဲ့ရဲ့ ရှေ့နေ ဒေါ်စန်းစန်းမြင့်က ပြောပါတယ်။

ဒေါင်းတို့မျိုးဆက် သံချပ်အဖွဲ့က ကိုဇေယျာလွင်၊ ကိုပိုင်ဖြိုးမင်း၊ ကိုပိုင်ရဲသူ၊ ကိုဖိုးသား၊ မကေခိုင်ထွန်း တို့ကို ဒုတိယ ဗိုလ်မှူးကြီး သန်းထွန်းမြင့် က နိုင်ငံတော် အကြည်အညိုပျက်စေမှု ပုဒ်မ ၅၀၅(က)နဲ့ မရမ်းကုန်းတရားရုံးမှာ တရားစွဲဆိုထားတာဖြစ်ပါတယ်။

ဒေါင်းတို့မျိုးဆက်သံချပ်အဖွဲ့ ရုံးထုတ်လာချိန်မှာ သံချပ်အဖွဲ့တွေကို လက်ထိပ်ခတ် ဖမ်းဆီးတာ၊ ရဲအင်အား ၅၀ လောက် လုံခြုံရေးယူတာတွေရှိပါတယ်။

ဒီသတင်းကို RFA သတင်းထောက် ကိုကျော်ဇောဝင်း နဲ့ ကိုအောင်သိင်္ခတို့ ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ