ေက်ာက္ေတာ္ျမိဳ႕နယ္မွ အုပ္ခ်ဳပ္ေရးမွဴးတစ္ဦးကို စစ္တပ္ေခၚေဆာင္သြား


နိရဥၥရာ၊ ေမလ ၃၀/ ၂၀၁၉

ရခိုင္ျပည္နယ္၊ ေက်ာက္ေတာ္ျမိဳ႕နယ္၊ မင္းသားေတာင္ေက်းရြာအုပ္ခ်ဳပ္ေရးမွဴးႏွင့္ ရြာသားတစ္တို႕ကို စစ္တပ္က ေမလ ၂၉ ရက္ ညေန ၄ နာရီခန္႕က ေခၚေဆာင္သြားသည္ဟု သတင္းရရွိသည္။

ေခၚယူခံရသူ မင္းသားေတာင္ ေက်းရြာအုပ္ခ်ဳပ္ေရးမွဴး ဦးေအာင္သိန္းေက်ာ္ (၅၁) ႏွစ္ႏွင့္ ရြာသားတစ္ဦးျဖစ္သူ အသက္ ၅၀ ေက်ာ္ အရြယ္ ဦက်န္းသိန္းေအာင္ျဖစ္ေၾကာင္း မိသားစုမ်ားက ေျပာၾကားသည္။

ေက်းရြာအုပ္ခ်ဳပ္ေရးမွဴး သမီးျဖစ္သူ မေအးလွရီက “ မေန႕က ညေန ၃ နာရီေက်ာ္၊ ၄နာရီေလာက္မွာ ေခၚယူ သြားတာပါ။ ၅၃၆ က ဗိုလ္ၾကီးနဲ႕ ေတြ႕ဆံုေပးစရာရွိတယ္ဆိုျပီး ေခၚသြားတာပါ။ ေခၚသြားတာက တပ္ကေတာ့ ၅၅၊ ၉၉ ပူးေပါင္းတပ္ဖြဲ႕လို႕ သိရပါတယ္။ ေခၚတုန္းကေတာ့ ေပါက္ေတာရြာဘက္ကို ခဏဆိုျပီး ေခၚသြားတာပါ။ အခုအခ်ိန္ထိ ျပန္မေရာက္ေသးပါဘူး။ မိသားစုေတြက စိုးရိမ္ေနၾကပါတယ္” ဟု ယေန႕နံနက္ ၈ နာရီ ၄၅ မိနစ္က ဆက္သြယ္ ေျပာၾကားသည္။

ယေန႕နံနက္ထိ ရြာသို႕ ျပန္မေရာက္လာသျဖင့္ ေက်းရြာအုပ္ခ်ဳပ္ေရးမွဴး ဦးေအာင္သိန္းေက်ာ္၏ ဇနီးျဖစ္သူႏွင့္ ရပ္ရြာလူၾကီးမ်ားမွာ ေက်ာက္ေတာ္ျမိဳ႕နယ္ အုပ္ခ်ဳပ္ေရးမွဴးႏွင့္ ေတြ႕ဆံုရန္ သြားေရာက္ေနၾကသည္ဟု သိရသည္။

ျမိဳ႕နယ္အုပ္ခ်ဳပ္ေရးမွဴးသို႕ ဖုန္းျဖင့္ ဆက္သြယ္ရာ အဆက္အသြယ္ မရရွိေသးပါ။

ခိုင္လူလွ
Narinjara
https://www.facebook.com/Narinjara

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ