ဖမ္းဆီးစစ္ေဆးခံေနရသူ ေက်ာက္တန္းေက်းရြာသား ၈ ဦးကို ဇြန္လ ၆ ရက္ေန႔တြင္ ရံုးထုတ္မည္


နိရဥၥရာ၊ ေမလ- ၂၅၊ ၂ဝ၁၉

ရခိုင္ျပည္နယ္ ေက်ာက္တန္းေက်းရြာမွ ရခို္င္တပ္ေတာ္ AA ႏွင့္ ဆက္စပ္ပတ္သက္မႈ သံသယျဖင့္ ဖမ္းဆီးစစ္ေဆးခံေနရသူ ေက်းရြာသား ၈ ဦးကို ဇြန္လ ၆ ရက္ေန႔တြင္ စစ္ေတြၿမိဳ႕နယ္ တရားရံုးမွာ ရံုးထုတ္စစ္ေဆးသြားမည္ျဖစ္ေၾကာင္း သိရသည္။

“အခုကေတာ့ စစ္ေတြၿမိဳ႕မရဲစခန္းမွာ ခ်ဳပ္ထားပါတယ္။ ဇြန္လ ၆ ရက္ေန႔မွာ ရံုးထုတ္မယ္လို႔ သိရပါတယ္” ဟု ဖမ္းဆီးစစ္ေဆးခံေနရသူ ေမာင္သိန္းေအးေမာင္၏ မိခင္ျဖစ္သူ ေဒၚေအးသားေခ်က ေျပာသည္။

ယခုဖမ္းဆီးစစ္ေဆးခံေနရသူ ၈ ဦးထဲတြင္ ေက်ာင္းသားတစ္ခ်ိဳ႕လည္း ပါဝင္ေသာေၾကာင္းႏွင့္ ေက်ာင္းဖြင့္ခ်ိန္လည္းျဖစ္လာသည့္အတြက္ အျမန္ဆံုးလႊတ္ေပးေစခ်င္ေၾကာင္း သူက ဆက္လက္ ေျပာၾကားသည္။

၎တို႕ ၈ ဦးမွာ ညီေခ် (ခ) ေမာင္ေမာင္ႏိုင္ (၂၄) ႏွစ္၊ ေစာ၀င္းေက်ာ္ (၂၃) ႏွစ္၊ ေမာင္ညီညီေဌး (ခ) ေအာင္မ်ိဳးလိူင္ (၂၁) ႏွစ္၊ ေမာင္ေမာင္ေခ် (၂၀) ႏွစ္ ၀ါၾကီးေခ် (၂၅) ႏွစ္၊ ထြန္းမင္းႏိုင္၊ ဦးျမင့္ထြန္း ႏွင့္ ေမာင္သိန္းေအးေမာင္ (၁၇) ႏွစ္တို႔ ျဖစ္ၾကသည္။

ရေသ့ေတာင္ျမိဳ႕နယ္၊ေက်ာက္တန္းတြင္ လူေပါင္း ၂၇၅ ဦးအား ဧျပီ ၃၀ ရက္ေန႕က စာသင္ေက်ာင္းတြင္ ေခၚယူထိန္းသိမ္း စစ္ေဆးခဲ့ျပီး ေမလ ၂ ရက္ေန႕ ညဥ့္ အခ်ိန္ ၂ နာရီခန္႕တြင္ စိတ္မႏွံ႕သူ တစ္ဦး ထေအာ္ရာမွ စစ္တပ္မွ ပစ္ခတ္၍ ၇ ဦးေသဆံုးခဲ့သည္။ ဒဏ္ရာရသူမ်ားလည္း ရွိခဲ့သည္။

သူတို႕အားမည္သည့္ ပုဒ္မျဖင့္ အမႈဖြင့္ တရားစြဲဆိုမည္ကုိ မသိရေသးဟု ၎က ေျပာဆိုသည္။

ေနာင္ခိုင္ေအာင္
Narinjara
https://www.facebook.com/Narinjara

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ