ပစ်စာတွေကြောင့် အရေးမယူဖို့ ပညာရေးဝန်ထမ်းတွေ ဆန္ဒပြ

ပစ်စာတွေနဲ့ တိုင်ကြားတဲ့အပေါ် အရေးမယူဖို့ ဧရာဝတီတိုင်းဒေသကြီး လပွတ္တာမြို့မှာ ပညာရေးဝန်ထမ်း တစ်ထောင်နီးပါးက ၂၀၁၉၊ မေ ၂၂ ရက်နေ့က ဆန္ဒပြတောင်းဆိုကြစဉ် /Photo: Aung Aung Kyaw
ဆရာ၊ ဆရာမတွေအပါအဝင် ပညာရေးဝန်ထမ်းတွေကို ပစ်စာတွေနဲ့ တိုင်ကြားတဲ့အပေါ် အရေးမယူဖို့ ဧရာဝတီတိုင်းဒေသကြီး လပွတ္တာမြို့မှာ ပညာရေးဝန်ထမ်း တစ်ထောင်နီးပါးက ဒီနေ့ ဆန္ဒပြတောင်းဆိုကြပါတယ်။

တိုင်ကြားသူတွေရဲ့ အမည်၊ နေရပ်လိပ်စာမပါဘဲ တိုင်ကြားလာတဲ့စာတွေနဲ့ ပတ်သက်ပြီး ပညာရေးဝန်ထမ်းတွေ စစ်ဆေးအရေးယူခံရတာတွေ၊ အဲဒီလိုစစ်ဆေးလို့ အပြစ်ရှိသူတွေ ပေါ်လာပြီး အရေးယူတာကို လက်ခံပေမယ့် အပြစ်မရှိသူတွေ ခေါ်ယူစစ်ဆေးခံရတဲ့အခါ ဂုဏ်သိက္ခာ ကျဆင်းတာကြောင့် ဒီနေ့ ဆန္ဒပြတောင်းဆိုတာလို့ ဦးဆောင်သူ ပညာရေးဝန်ထမ်းတစ်ဦးဖြစ်တဲ့ ဦးသူရစိုးက ပြောပါတယ်။

လပွတ္တာအပါအဝင် ဧရာဝတီတိုင်းဒေသကြီးမှာရှိတဲ့ မြို့နယ်အတော်များများမှာ လိပ်စာတွေ၊ အမည်တွေမပါဘဲ တိုင်ကြားတာတွေကြောင့် ပညာရေးဝန်ထမ်း အတော်များများ နစ်နာမှုတွေရှိနေတယ်လို့ ဦးသူရစိုးက ပြောပါတယ်။

ဒါအပြင် ပညာရေးဝန်ကြီးဌာနက ပညာရေးစနစ်သစ်အတွက် ၀န်ထမ်းတွေကို သင်တန်းတွေပေးရာမှာ သင်တန်းတွေပြီးသွားပေမယ့် ဘတ်ဂျတ်ငွေ ချထားပေးတာ နောက်ကျတာကြောင့် ပညာရေးဌာနက ခရိုင်အဆင့်၊ မြိုနယ်အဆင့် တာဝန်ရှိသူတွေ အခက်အခဲတွေနဲ့ ကြုံနေရတယ်လို့လည်း သိရပါတယ်။

ဒီဆန္ဒပြပွဲမှာ မမှန်မကန် ပစ်စာပေးပို့သူတွေကို တရားစွဲဆိုပေးဖို့၊ အစိုးရဘဏ္ဍာငွေ မလုံလောက်ရင် ပညာရေးလုပ်ငန်းတွေ ရပ်ဆိုင်းပေးဖို့လည်း တောင်းဆိုခဲ့ကြပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ