ရဲတပ္ဖြဲ႕ဝင္တစ္ဦးအား ဓားျဖင့္ခုတ္သတ္၍ ဆိုင္ကယ္ႏွင့္ လက္ကိုင္ဖုန္းအားလုယူမႈျဖစ္ပြား


ေရတာရွည္ ေမ ၂၉
ရန္ကုန္-ေနျပည္ေတာ္အျမန္လမ္းပိုင္း ဇီးပင္သာအျမန္လမ္းရဲစခန္း၊ ႐ြာသစ္နယ္ေျမရဲကင္းတြင္ တာဝန္ထမ္းေဆာင္ေနေသာ ရဲတပ္ဖြဲ႕ဝင္တစ္ဦး ဓားျဖင့္ခုတ္သတ္ခံရၿပီး ဆိုင္ကယ္ႏွင့္လက္ကိုင္ ဖုန္းတစ္လုံးကိုလုယက္ယူေဆာင္သြားေသာအမႈတစ္ခုျဖစ္ပြား ခဲ့သည္။

 ဇီးပင္သာအျမန္လမ္းရဲစခန္းသို႔ ေမ ၂၉ ရက္ေန႔ နံနက္ ၆ နာရီခြဲခန႔္တြင္ ေတာင္ငူၿမိဳ႕နယ္၊ ေနပူကုန္းေက်း႐ြာေန ေဒသခံျပည္သူ တစ္ဦးမွ အျမန္လမ္းမႀကီး မိုင္တိုင္ ၁၅၂/၃ အနီး လမ္း၏ၿခံစည္း႐ုံးအျပင္တြင္ တပ္ဖြဲ႕ဝင္တစ္ဦးဒဏ္ရာ မ်ားျဖင့္လဲက်ေသဆုံးေနေၾကာင္းသတင္းေပးပို႔ခဲ့သျဖင့္ ဇီးပင္သာအျမန္လမ္းရဲစခန္းမွ စခန္းမႉး ရဲအုပ္ မင္းႏိုင္ ႏွင့္အဖြဲ႕ကသြားေရာက္စစ္ေဆးခဲ့ရာ ေသဆုံးသည့္တပ္ဖြဲ႕ဝင္မွာ ႐ြာသစ္ရဲကင္းတြင္တာဝန္က်ေန ေသာ ရဲတပ္သား ေအာင္စိုးေဝ ျဖစ္ၿပီး ၎တြင္ ဝဲဘက္လည္ပင္း၌ ၄ လက္မခန႔္ရွိ ျပတ္ရွဒဏ္ရာျဖင့္ ေသဆုံးေနေၾကာင္းေတြ႕ရွိရသည္။

ထို႔အျပင္ ရဲတပ္သား ေအာင္စိုးေဝ စီးနင္းသည့္ ၆၇ယ/----------- Alpha Wave အမ်ိဳးအစားဆိုင္ကယ္ႏွင့္VIVO အမ်ိဳးအစား လက္ကိုင္ဖုန္းတစ္လုံးပါေပ်ာက္ဆုံးလ်က္ရွိ ေၾကာင္းေတြ႕ရွိရ၍ ျဖစ္စဥ္ႏွင့္ပတ္သက္၍ လူသတ္ၿပီးပစၥည္းလုယူသြားသူအား ဇီးပင္သာအျမန္လမ္း ရဲစခန္းမွ အမႈဖြင့္စစ္ေဆးလ်က္ရွိေၾကာင္း သိရသည္။

ကိုလြင္(ဆြာ)
Myanmaalinn
https://www.facebook.com/MYANMAALINNNEWS

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ