ႀကိဳ႕ပင္ေကာက္ၿမိဳ႕တြင္ ေလျပင္းတိုက္ခတ္မႈျဖစ္ပြား ေနအိမ္ ၆၀ဝ ေက်ာ္ပ်က္စီး


ႀကိဳ႕ပင္ေကာက္ ၂၁ ေမ

ပဲခူးတိုင္းေဒသႀကီး သာယာဝတီခ႐ိုင္ ႀကိဳ႕ပင္ေကာက္ၿမိဳ႕တြင္ ေမလ ၂၀ ရက္ေန႔ ည ၇ နာရီခြဲအခ်ိန္က (၄)ႀကိမ္ေျမာက္ ေလျပင္းတိုက္ခတ္မႈျဖစ္ပြား၍ ရပ္ကြက္ (၂)ခု၊ ေက်း႐ြာအုပ္စု ၂၀ မွ ၿပိဳလဲအိမ္ (၆၂)လုံး၊ ေနအိမ္ (၅၇၃)လုံး၊ ေဆးေပးခန္း ၁ ခု၊ စာသင္ေက်ာင္း ၁ ေက်ာင္းႏွင့္ ဘုန္းေတာ္ႀကီးေက်ာင္း ၉ ေက်ာင္း အမိုးလန္ပ်က္စီးခဲ့ၿပီး အိမ္ေထာင္စု(၆၃၅)စုမွ ေလေဘးသင့္ျပည္သူ(၂၁၉၉)ဦး ေလးေဘးဒုကၡခံစားေနရေပမယ့္ လူႏွင့္တိရိစၧာန္မ်ား ထိခိုက္ဆုံး႐ႈံးမႈမရွိေၾကာင္း ၿမိဳ႕နယ္အေထြေထြအုပ္ခ်ဳပ္ေရးဦးစီးဌာနမွ သိရသည္။


ႀကိဳ႕ပင္ေကာက္ၿမိဳ႕တြင္ မတ္လတြင္(၁)ႀကိမ္၊ ဧၿပီလတြင္(၁)ႀကိမ္ႏွင့္ ေမလအတြင္း ယခုအႀကိမ္အပါအဝင္ (၇)ႀကိမ္ စုစုေပါင္း ေလျပင္းတိုက္ခတ္မႈ(၉)ႀကိမ္ျဖစ္ပြားခဲ့ရာ စုစုေပါင္းအိမ္ေျခ (၁၀ဝ၀)ေက်ာ္ ပ်က္စီးဆုံး႐ႈံးမႈမ်ား ျဖစ္ပြားခဲ့သည္။

ေလးေဘးသင့္ျပည္သူမ်ားအား ကူညီေထာက္ပံ့ေပးႏိုင္မႈ (၈)ႀကိမ္ ေဆာင္႐ြက္ခဲ့ၿပီး ၿပိဳလဲေနအိမ္မ်ားကို အိမ္အသုံးအေဆာင္ ပစၥည္းမ်ားႏွင့္ ေထာက္ပံ့ေငြမ်ား၊ အမိုးလန္ေနအိမ္မ်ားအား ေထာက္ပံ့ေငြမ်ားကို လူမႈဝန္ထမ္း၊ ကယ္ဆယ္ေရး ႏွင့္ျပန္လည္ေနရာခ်ထားေရးဝန္ႀကီးဌာနက ေထာက္ပံ့ေပးလ်က္ရွိၿပီး ျမန္မာႏိုင္ငံၾကက္ေျခနီအသင္းမွ ၿပိဳလဲေနအိမ္မ်ားအတြက္ မိသားစုအသုံးအေဆာင္ပစၥည္းမ်ား ေထာက္ပံ့ေပးလ်က္ရွိေၾကာင္းႏွင့္ ေလေဘးသင့္ျပည္သူမ်ားအား ကူညီေထာက္ပံ့မႈမ်ား အျမန္ဆုံးရရွိေအာင္ စီစဥ္ေဆာင္႐ြက္လ်က္ရွိေၾကာင္း ၿမိဳ႕နယ္အေထြေထြအုပ္ခ်ဳပ္ေရးဦးစီးဌာနမွ သိရသည္။

ေဇယ်ာထြန္း(ႀကိဳ႕ပင္ေကာက္)
Myanmar Digital News
https://www.facebook.com/MyanmarDigitalNews

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ