 |
| မြောက်ဦးမြို့နယ် တိမ်ညို ကျေးရွာ အနီးမှာ စစ်ကားတန်းကို ရက္ခိုင့်တပ်မတော် (AA) ကနေ မိုင်းခွဲတိုက်ခိုက်ခဲ့လို့ တိုက်ပွဲ ဖြစ်ပွားခဲ့ပါတယ် |
မိုင်းခွဲတိုက်ခိုက်ခံခဲ့ရတာနဲ့ ပတ်သတ်ပြီး အနောက်ပိုင်းတိုင်းစစ်ဌာနချုပ် ပြောရေးဆိုခွင့်ရှိသူ ဗိုလ်မှူးကြီး ဝင်းဇော်ဦးက " မနက် ၉ နာရီက ဖြစ်တာ။ တိမ်ညိုနားမှာ ဖြစ်တာပါ။ တိုက်ပွဲက မပြင်းပါဘူး။ ယာဉ်တန်းလာတဲ့ ဥစ္စာကို တိမ်ညို တံတားနားမှာ ဆွဲမိုင်းနဲ့ စောင့်ပြီး ဆွဲမိုင်းဆွဲတယ်။ ပြီးတာနဲ့ ပစ်ပြီးတော့ ထွက်ပြေးတာပေါ့။ ဒါပါပဲ" လို့ ပြောပါတယ်။
မိုင်းခွဲတိုက်ခိုက်မှု အတွင်း စစ်တပ်ယာဉ်တစ်စီး ပျက်စီးမှု ရှိခဲ့တယ်လို့ ဆိုပါတယ်။
မိုင်းခွဲတိုက်ခိုက်မှု အပြီး တိုက်ပွဲ ၁၅ မိနစ်လောက် ဖြစ်ပွားခဲ့ပေမယ့် လက်နက်ငယ် လက်နက်ကြီးတွေ အသုံးပြု တိုက်ခိုက်မှုတွေ ရှိခဲ့လို့ လက်နက်ကြီး ကျည်ဆံတစ်ချို့ တိမ်ညိုရွာထဲကို ကျရောက် ပေါက်ကွဲမှုတွေ ရှိခဲ့ပြီး ကျေးရွာထဲက အိမ်တစ်အိမ်ရဲ့ ခေါင်မိုးတွေ အကုန်လုံး ပျက်စီးကုန်တယ်လို့ တိမ်ညို ရွာသားတွေက ပြောပါတယ်။
BBC Burmese
https://www.bbc.com
မြောက်ဦး တိမ်ညိုရွာအနီး စစ်တပ်ယာဉ်တစ်စီး မိုင်းခွဲတိုက်ခိုက်ခံရ
Reviewed by THITHTOOLWIN
on
16:06
Rating:
Reviewed by THITHTOOLWIN
on
16:06
Rating:
