ယူနန်ပြည်နယ် အနောက်တောင်ပိုင်းမှာ ဖောက်လုပ်နေတဲ့ မီးရထားလှိုဏ်ခေါင်း။ |
လှိုဏ်ခေါင်းအရှည် မီတာ ၃၇ဝဝ ( ၂ မိုင်) ကျော်ဆောက်လုပ်ပြီးနေပြီလို့ မီးရထားဌာန Dalin မီးရထားလမ်း စီမံကိန်း အမှတ် ၁ဝ အင်ဂျင်နီယာဌာန ကပြောပါတယ်။ တရုတ်-မြန်မာ နိုင်ငံတကာရထားလမ်းရဲ့အဓိကလမ်းပိုင်းဖြစ်တဲ့ အဲဒီ Dali-Lincang လှိုဏ်ခေါင်းဟာ ကီလိုမီတာ ၂ဝဝ (၁၂၄ မိုင်) ရှည်ပြီး ၂ဝ၂၁ ခုနှစ်မှာ အပြီးတည်ဆောက်မယ်လို့ ဆိုပါတယ်။
၆ မိုင်ရှည်တဲ့ Hongdoushan လှိုဏ်ခေါင်းပိုင်းကို ၂ဝ၁၆ ခုနှစ်မှာ စတင်တည်ဆောက်ခဲ့ပြီး ၂ဝ၁၇ ခုနှစ်မှာ အဲဒီ လှိုဏ်ခေါင်းထဲက အဆိပ်ဓာတ်ငွေ့တွေ ထွက်နေတာ တွေ့ရှိခဲ့ပါတယ်။
အဲဒီကိစ္စကိုဖြေရှင်းဖို့ တက္ကသိုလ်တွေ၊ သက်ဆိုင်ရာအဖွဲ့အစည်းတွေနဲ့ ပူးပေါင်းလုပ်ဆောင်နေတယ်လို့ စီမံကိန်းရဲ့ဆောက်လုပ်ရေးဆိုင်ရာ ကန်ထရိုက်တာက ပြောပါတယ်။ လှိုဏ်ခေါင်းဆောက်လုပ်ရေးကိုတော့ ဆက်လက်ဆောင်ရွက်နေပါတယ်။
RFA Burmese
https://www.rfa.org/burmese
တရုတ်-မြန်မာရထားလမ်းအတွက် ယူနန်မှာ လှိုဏ်ခေါင်းဖောက်နေ
Reviewed by THITHTOOLWIN
on
01:12
Rating: