ဝုိင္းေမာ္ၿမိဳ႕မွာ တစ္သွ်ဴးငွက္ေပ်ာစုိက္ပ်ိဳးတဲ့ တရုတ္ႏိုင္ငံသား ငါးဦးကုိ ဖမ္းဆီး

တစ္သွ်ဴးငွက္ေပ်ာ စိုက္ခင္းတစ္ခုကို ေတြ႔ရစဥ္
ကခ်င္ျပည္နယ္ ဝုိင္းေမာ္ၿမိဳ႕နယ္ ေအာင္ေျမ (၂) ေက်းရြာမွာ တစ္သွ်ဴးငွက္ေပ်ာစုိက္ပ်ိဳးဖုိ႔ ျပင္ဆင္ေနတဲ့ ဂ်ိန္းေဖါ့နဒီ ကုမၸဏီ မန္ေနဂ်ာ အပါအဝင္ တရုတ္ႏိုင္ငံသား ငါးဦးကုိ သစ္ေတာႀကိဳးဝုိင္းအတြင္း ဝင္ေရာက္ေနထုိင္မႈနဲ႔ ဝုိင္းေမာ္ၿမိဳ႕နယ္ ရဲတပ္ဖြဲ႕က ဖမ္းဆီးလုိက္ပါတယ္။

လက္ရွိမွာေတာ့ ကုမၸဏီမန္ေနဂ်ာကို က်န္းမာေရး အေျခအေနအရ အာမခံနဲ႔ျပန္လႊတ္ေပးထားၿပီး က်န္တဲ့ တ႐ုတ္ႏိုင္ငံသားေတြကိုေတာ့ ဝိုင္းေမာ္အခ်ဳပ္ခန္းထဲမွာ ဖမ္းဆီးထားဆဲျဖစ္တယ္လို႔ ေအာင္ေျမ (၂) အုပ္ခ်ဳပ္ေရးမွဴး ဦးေဇာ္ေဘာက္က RFA ကို ေျပာပါတယ္။

ေအာင္ေျမ (၂) ေက်းရြာမွာ ေနာက္ထပ္ စုိက္ပ်ိဳးဧက အသစ္ေဖာ္ထုတ္ရာမွာ သစ္ေတာႀကိဳးဝုိင္းထဲက ေနရာေတြပါဝင္တယ္ဆုိၿပီး ကုမၸဏီ မန္ေနဂ်ာအပါအဝင္ တရုတ္ႏိုင္ငံသား ငါးဦးကုိ ဝုိင္းေမာ္ၿမိဳ႕နယ္ သစ္ေတာဦးစီးဌာနက အမႈဖြင့္ထားတာလုိ႔ သိရပါတယ္။

ကခ်င္ျပည္နယ္ ျမစ္ႀကီးနားခ႐ိုင္နဲ႔ ဗန္းေမာ္ခ႐ိုင္မွာ တစ္သွ်ဴးငွက္ေပ်ာစိုက္ပ်ိဳး ဧက တစ္သိန္းေက်ာ္ရွိေနတယ္လို႔ ေျမယာလံုျခံဳမႈနဲ႔ သဘာဝပတ္ဝန္းက်င္ ထိန္းသိမ္းေရးကြန္ယက္အဖြဲ႕ သုေတသနအစီရင္ခံစာမွာ ေဖာ္ျပထားပါတယ္။

ဂ်ိန္းေဖါ့နဒီ ကုမၸဏီဟာ ဝုိင္းေမာ္ၿမိဳ႕နယ္ ေအာင္ေျမ ေက်းရြာ ၁၊ ၂ အတြင္းက ေျမဧက ၃၀၀ မွာ တစ္သွ်ဴးငွက္ေပ်ာစုိက္ပ်ိဳးေရး လုပ္ကုိင္ေနတာျဖစ္ပါတယ္။

ဒီသတင္းကုိ RFA သတင္းေထာက္ မအဲလိဇဘက္ဂ်န္မာ ေပးပို႔တာပါ။

RFA Burmese
https://www.rfa.org

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ