႐ိုဟင္ဂ်ာဒုကၡသည္ေတြအတြက္ ကေနဒါ ေဒၚလာသန္းတရာနီးပါးကူမည္

႐ိုဟင္ဂ်ာဒုကၡသည္မ်ား
ဘဂၤလားေဒ့ရွ္ ႏိုင္ငံက ႐ိုဟင္ဂ်ာေတြအတြက္ လူသားခ်င္းစာနာမႈနဲ႔ ဖံြ႔ၿဖိဳးတိုးတက္ေရးလုပ္ငန္းေတြအတြက္ ကေနဒါႏိုင္ငံက ကေနဒါ ေဒၚလာသန္း ၁၀၀ နီးပါးေပးမယ္လို႔ ေၾကညာခဲ့ပါတယ္။ အားလံုးအတြက္ သာယာဝေျပာတဲ့ အနာဂတ္ကို တည္ေဆာက္ႏိုင္ဖုိ႔ ေထာက္ပံ့ကူညီတာျဖစ္တယ္လို႔ ႏိုင္ငံတကာဖံြ႔ၿဖိဳးမႈဆိုင္ရာ ကေနဒါလႊတ္ေတာ္အမတ္ Kamal Khera က ထုတ္ျပန္ေၾကညာခ်က္မွာ ေဖာ္ျပထားပါတယ္။

ဘဂၤလားေဒ့ရွ္ ႏိုင္ငံ Cox’s Bazar မွာ႐ွိတဲ့ ဒုကၡသည္စခန္းေတြကို ဗုဒၶဟူးေန႔က သြားေရာက္ခဲ့တဲ့ လႊတ္ေတာ္အမတ္ Khera ကဒုကၡသည္ေတြ အထူးသျဖင့္ အမ်ဳိးသမီးနဲ႔ ကေလးငယ္ေတြအတြက္ ကေနဒါမိတ္ဖက္ေတြရဲ႕ ကူညီေထာက္ပံ့မႈေတြက ဘယ္ေလာက္ထိေရာက္သလဲဆိုတာ ျမင္ရတဲ့အတြက္ စိတ္ၾကည္ႏူးရတယ္လို႔ ေဖာ္ျပေျပာဆိုခဲ့ပါတယ္။

ကေနဒါအစိုးရက ေထာက္ပံ့မယ့္ သန္း ၁၀၀ ထဲက ၃၂ သန္းေက်ာ္ကို မုတ္သုံရာသီဒဏ္နဲ႔ ဆိုင္ကလုန္းဒဏ္ကာကြယ္ေရး၊ ဒုကၡသည္စခန္းေတြရဲ႕ အေျခအေနတိုးတက္ေရး၊ လိင္ကြဲျပားမႈအေပၚ အေျခခံတဲ့ အၾကမ္းဖက္မႈေတြ ကာကြယ္တားဆီးေရးအျပင္၊ က်န္းမာေရးနဲ႔ မ်ဳိးဆက္ပြား က်န္းမာေရးေစာင့္ေ႐ွာက္မႈေတြအတြက္ အသံုးျပဳမယ္လို႔ ေၾကညာခ်က္ထဲမွာ ေဖာ္ျပထားပါတယ္။

ေဒၚလာ ၆၇ သန္းေက်ာ္ကိုေတာ့ က်န္းမာေရးနဲ႔ အေျခခံပညာေရးဆုိင္ရာ ဝန္ေဆာင္မႈေတြ တိုးခ်ဲ႕ဖို႔၊ လိင္ကြဲျပားမႈအေပၚ အေျခခံတဲ့ အၾကမ္းဖက္မႈျပႆနာ ကိုင္တြယ္ေျဖ႐ွင္းဖုိ႔၊ အမ်ဳိးသမီးေတြ ဝင္ေငြရမယ့္ အခြင့္အလမ္းေတြ ႐ွိလာေအာင္ အသက္ေမြးဝမ္းေက်ာင္းပညာေတြသင္ေပးတာ၊ အရင္းအျမစ္ေတြ ပို႐ွိေအာင္ လုပ္ေပးတာေတြအတြက္ အသံုးျပဳမွာျဖစ္ပါတယ္။ ႐ိုဟင္ဂ်ာဆိုတဲ့ အသံုးအႏႈန္းကို လက္မခံတဲ့ျမန္မာအစိုးရကေတာ့ ဘဂၤလားေဒ့ရွ္ ဖက္ေရာက္ေနတဲ့ ဒုကၡသည္ေတြ ေနရပ္ျပန္လာႏိုင္ဖုိ႔ ေဆာင္႐ြက္ေနတယ္လို႔ ေျပာၾကားထားပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ