ဇွဲအငြိမ့်အဖွဲ့ဝင်ငါးဦးကို တပ်မတော်ဂုဏ်သိက္ခာကျဆင်းစေမှုနဲ့ အရေးယူဖို့တိုင်ကြား

၂၀၁၉၊ မတ် ၃၁ ရက်နေ့ နေပြည်တော်မှာ ကျင်းပခဲ့တဲ့ ဖွဲ့စည်းပုံ အခြေခံ ဥပဒေပြင်ဆင်ရေး ထောက်ခံကြိုဆိုပွဲမှာ ဇွဲအငြိမ့်အဖွဲ့ရဲ့ သရုပ်ပြကွက်အချို့ကို တွေ့ရစဉ် /ဓါတ်ပုံ - ဇွဲအငြိမ့်
မတ် ၃၁ ရက်နေ့က နေပြည်တော်မှာ ကျင်းပခဲ့တဲ့ ဖွဲ့စည်းပုံ အခြေခံ ဥပဒေပြင်ဆင်ရေး ထောက်ခံကြိုဆိုပွဲမှာ အငြိမ့်ကခဲ့တဲ့ ဇွဲအငြိမ့်အဖွဲ့ဝင် ငါးဦးကို တပ်မတော်ရဲ့ ဂုဏ်သိက္ခာကျဆင်းစေမှုနဲ့ တိုင်ကြားထားကြောင်း နေပြည်တော်တိုင်း စစ်ဌာနချုပ်က RFA ကို ပြောပါတယ်။

ဇွဲအငြိမ့်အဖွဲ့ရဲ့ သရုပ်ပြကွက်တွေထဲမှာ တပ်မတော်သားဝတ်စုံ ဝတ်ဆင်ပြီး ပြည်သူတစ်ဦးကို ခြေထောက်နဲ့ နင်းထားတဲ့ ပြကွက်ပါဝင်တာကြောင့် တပ်မတော်ရဲ့ ဂုဏ်သိက္ခာကျဆင်းစေမှုနဲ့ နေပြည်တော် ဇဗ္ဗူသီရိမြို့နယ်တရားရုံးမှာ တိုင်ကြားထားတာဖြစ်ကြောင်း နေပြည်တော်တိုင်း စစ်ဌာနချုပ် တိုင်းဦးစီး ဗိုလ်မှူးကြီး သိန်းဇော်က ဒီနေ့ ပြောပါတယ်။

အငြိမ့်အဖွဲ့ခေါင်းဆောင် ပန်းသီးအပါအဝင် ငါးဦးကို အရေးယူပေးဖို့ တိုင်ကြားထားတာဖြစ်ပြီး ဘယ်ပုဒ်မနဲ့ အမှုဖွင့်မယ်ဆိုတာကိုတော့ တရားရုံးရဲ့ လက်ခံမှုအပေါ်မှာ မူတည်ကြောင်းလည်း ဗိုလ်မှူးကြီး သိန်းဇော်က ပြောပါတယ်။

တပ်မတော်ရဲ့ တိုင်ကြားမှုကို ဘယ်ပုဒ်မနဲ့ အမှုဖွင့်လက်ခံထားလည်းဆိုတာကို ဇဗ္ဗူသီရိမြို့နယ် တရားရုံးကို RFA က ဆက်သွယ်ပေမယ့် ဆက်သွယ်လို့ မရသေးပါဘူး။ တရားစွဲခံရတာနဲ့ ပတ်သက်ပြီး ဇွဲအငြိမ့်အဖွဲ့ဝင်တွေကို RFA က ဆက်သွယ်ရာမှာ ဆက်သွယ်လို့ မရခဲ့ပါဘူး။

စံတော်ချိန်သတင်းဌာနမှာတော့ ဇွဲအငြိမ့်အဖွဲ့ဝင် ငါးဦးကို ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၀၂ နဲ့ အမှုဖွင့်ထားကြောင်း ရေးသားထားပါတယ်။

တပ်မတော်က တိုင်ကြားထားတဲ့အမှုကို ဇွဲအငြိမ့်အဖွဲ့အနေနဲ့ လာရောက်ရင်ဆိုင်ဖို့ နောက်တစ်ပတ်ထဲမှာ ဆင့်ခေါ်ထားတယ်လို့ သိရပါတယ်။

ဒီသတင်းကို RFA သတင်းထောက် ကိုကျော်ထွန်းနိုင် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ