ေတာင္ယာသြားသည့္ မုိင္းမုရြာသား မုိင္းနင္းမိ ေသဆုံး


ေမလ ၂၂ ရက္ ၂၀၁၉

သွ်မ္းျပည္ေျမာက္ပုိင္း နမၼတူျမိဳ႕နယ္အတြင္းရွိ မန္စံအုပ္စု မိုင္းမုရြာတြင္ ေဒသခံလယ္သမားတဦး လယ္ယာအသြားလမ္းတြင္ မုိင္းနင္းမိသျဖင့္ ဒဏ္ရာအျပင္းအထန္ရရွိကာ လားရွဳိးေဆးရုံအပုိ႕ လမ္းတြင္ေသဆုံးသြားခဲ့သည္။

ေမလ ၂၀ ရက္ေန႕က မုိင္းမု ရြာသား လုံးဆန္က်န္ အသက္ ၅၀ နွစ္သည္ မုိင္းမုရြာအေနာက္ဘက္ရွိ ေတာင္ေၾကာေပၚရွိ ယာခင္းသုိ့အသြား လမ္းတြင္ မုိင္းနင္းမိ ေပါက္ကြဲသျဖင့္ ေျခေထာက္၊ ဗုိက္၊ လက္၊ မ်က္နွာတုိ့တြင္ ထိမွန္ဒဏ္ရာရရွိကာ လားရွဳိးေဆးရုံအပုိ႕လမ္းတြင္ေသဆုံးသြားခဲ့ျခင္းျဖစ္သည္။

“မုိင္းေပါက္ကြဲျပီးျပီးခ်င္း သူ႕ကုိ ႏြံစမ္ဟြမ္ လူမွဳကူညီေရးအဖြဲ့ကားနဲ့ လားရွဳိးေဆးရုံပုိ႕ပါတယ္။ ဒါမယ့္မုိင္းမုရြာအလြန္ နားေကးရြာနားမွာ သူဆုံးသြားတယ္။ ဆုံးသြားေတာ့ မုိင္းမုကုိျပန္သယ္လာျပီးေတာ့ အဲ့ေန႕မွာဘဲ မီးသျဂိဳဟ္လုိက္တယ္။ ” - ဟု မုိင္းမုတြင္ လူမွဳကူညီေရးလွဳပ္ရွားေနသည့္လူငယ္နန္းယိင္း ကေျပာသည္။

လုံးဆန္က်န္မုိင္းနင္းမိေသာ ေတာင္ေၾကာသည္ မတ္လက ေျမာက္ပုိင္းမဟာမိတ္တပ္ဖြဲ့မ်ားနွင့္ RCSS ၊ အစုိးရတပ္မေတာ္တုိ့ၾကားတုိက္ပြဲမ်ားျဖစ္ပြါးသည့္ လြယ္ဟန္းဘက္အသြားလမ္းတြင္တည္ရွိပါသည္။အဆုိပါ ေတာင္ေၾကာသည္ လက္နက္ကုိင္တပ္ဖြဲ့မ်ား လွဳပ္ရွားသြားလာ နားခုိသည့္ေနရာျဖစ္ေၾကာင္း မုိင္းမုေဒသခံမ်ားေျပာျပခ်က္အရသိရသည္။ ထုိ့အတြက္ေၾကာင့္အဆုိပါ နင္းမိေသာမုိင္းသည္မည္သည့္အဖြဲ့ေထာင္ထားသည့္မုိင္း လည္းမသိရေပ။

မန္စံေဒသခံ ပါ့နန္းက -“ မနွစ္ကလည္း တနွစ္ပတ္လုံးတုိက္ပြဲေတြျဖစ္ခဲ့တယ္။ အခုလည္း က်မတုိ့ရြာသူရြာသားေတြ လယ္ယာသြားဖုိ့ လုံျခဳံေဘးကင္းမွဳမရွိဘူး။ မုိင္းေတြအရမ္းမ်ားေနတယ္။ သက္ဆုိင္ရာကေန လာျပီး သိမ္းေပးပါၾကပါလုိ့ ေတာင္းဆုိခ်င္ပါတယ္။” - ဟုလည္းသွ်မ္းသံေတာ္ဆင့္အားေျပာသည္။

မုိင္းနင္းမိေသဆုံးေသာ လုံးဆန္က်န္သည္ မုိင္းမုတြင္အိမ္ေထာင္က်သည့္လားရွဳိးေဒသခံျဖစ္ေၾကာင္းသိရသည္။

သွ်မ္းသံေတာ္ဆင့္၊ ဟြမ္ဟိန္း
Panglong(Burmese)
https://www.facebook.com/ShanNewsBurmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ