မိုင်းဖြတ်မြို့နယ်မှ အမျိုးသမီးငယ်နှစ်ဦးအား တရုတ်နိုင်ငံသို့ လူကုန်ကူးရောင်းစားခံမှုဖြစ်ပွား

မိုင်းဖြတ်မြို့နယ်မှ အမျိုးသမီးငယ်နှစ်ဦးအား တရုတ်နိုင်ငံသို့ လူကုန်ကူးရောင်းစားခံမှုဖြစ်ပွား

မိုင်းဖြတ် ၊ မေ ၈

ရှမ်းပြည်နယ်(အရှေ့ပိုင်း) ၊ မိုင်းဖြတ်မြို့နယ်တွင် မေလ ၈ရက် နံနက် ၇နာရီက ပါယောင်း(၁)ကျေးရွာ နေသူ အရွယ်မရောက် သေးသည့် အမျိုးသမီးငယ်နှစ်ဦးအား တရုတ်နိုငံသို့ သွားရောက် ပို့ဆောင် ခဲ့သည့် ဖြစ်စဉ်များအပေါ် ကျေးရွာအုပ်ချုပ်ရေးမှူးများနှင့် တာဝန်ရှိသူများမှ မြို့မရဲစခန်းသို့ လာရောက် အကြောင်းကြား ချက်များအရ မိုင်းဖြတ်မြို့မ ရဲစခန်းက ဒေါ်ပါမွေး၊ ဒေါ်ပါကေမွန်နှင့် ဦးနန်ရီတို့ သုံးဦးအား မိုင်းဖြတ်မြို့မရဲစခန်းတွင် ခေါ်ဆောင်ထားရှိခဲ့ပြီး ဖြစ်စဉ်နှင်စပ်လျဉ်း၍ လူကုန်ကူးမှု မြောက်/မမြောက်သိရှိနိုင်ရေး အတွက် လူကုန်ကူးမှုတားဆီးနှိမ်နင်းရေးရဲတပ်ဖွဲ့၊ တပ်ဖွဲ့စိတ်(၁) တာချီလိတ်သို့ ဆက်သွယ် အကြောင်းကြားခဲ့ပြီး ရဲမှူး ရင်ရင်အေးနှင့် တပ်ဖွဲ့ဝင်များမှ စီစစ်မေးမြန် ခဲ့ကြောင်းသိရသည်။

ဖြစ်စဉ်နှစ်စပ်လျဉ်း၍ ၂၀၁၉ခုနှစ်မေလ ၂ရက်က ၊ ဒေါ်မယ်ရွေး (သ)၄၃နှစ် မိုင်းဖြတ်မြို့နယ်၊ ပါဆန်း ကျေးရွာနေသူနှင့် ၎င်း၏ခင်ပွန်းဖြတ်သူ ဦးနန်ရီ(သ)၄၇နှစ် ပါဆန်းကျေးရွာနေသူတို့ နှစ်ဦးသည် ပါယောင်း(၁) ကျေးရွာနေ ဒေါ်ပါမွေးနှင့် ဒေါ်ပါကေမွန် တို့နှစ်ဦးထံရောက်ရှိလာပြီး မနာလော၊ မနာနူးတို့သမီးငယ်နှစ်ဦးအား ဒေါ်မယ်ရွေး၏ ဖုန်းတွင်ပါရှိသည့် တရုတ်နိုင်ငံသားနှစ်ဦးကိုပြသပြီး သမီးငယ်နှစ်ဦးကို တရုတ်နိုင်ငံသား နှစ်ဦးနှင့် လက်ထပ်ပါက တရုတ်ယွမ်ငွေ သုံးသောင်းရမည်ဖြစ်ပြီး လက်ရှိနေအိမ်အား အသစ်ပြန်လည်တည်ဆောက် ပေမည်ဟုပြောကာ စည်းရုံး ခဲ့သည်။ အမျိုးသမီးငယ်နှစ်ဦးကို စည်းရုံးပြောဆိုပြီး ဒေါ်မယ်ရွေး နှင့်အတူ လိုက်ပါသွားခဲ့ရာ တရုတ်နိုင်ငံ မိုင်းလုံးမြို့သို့ ရောက်ရှိခဲ့ပြီး စည်းရုံးခ ယွမ်ငွေ ၃၂၀၀စီနှင့် ၎င်း၏ခင်ပွန်း ဦးနန်ရီအား ယွမ်ငွေ (၆၀၀၀၀)ကိုယူ၍ ပြန်လာခဲ့သည်။ မိုင်းလုံမြို့မှတစ်ဆင့် ဒေါ်မယ်ရွေးမှ အမျိုးသမီးငယ်နှစ်ဦးနှင့်အတူ တရုတ်နိုင်ငံ ခွေးမင်မြို့သို့ ဆက်လက် ထွက်ခွာသွားကြောင်း သိရသည်။

သို့ဖြစ်ပါ၍ အရွယ်မရောက်သေးသည့် အမျိုးသမီးငယ်နှစ်ဦးအား တရုတ်နိုင်ငံသားနှင့်လက်ထပ်ပါက ချမ်းသာစွာနေရမည်ဟု စည်းရုံးပြီး တရုတ်နိုင်ငံသို့ခေါ်ဆောင်သွားသူ ဒေါ်ပါမွေး၊ ဒေါ်ပါကေမွန်၊စည်းရုံးစေခိုင်သူ ဦးနန်ရီနှင့် တရုတ်နိုင်ငံသို့ ခေါ်ဆောင်ပြီး တရုတ်နိုင်ငံသားများထံ ရောင်းစားခဲ့သူ ဒေါ်မယ်ရွေး(ပြေး)တို့ လေးဦးအား မိုင်းဖြတ်မြို့မရဲစခန်းမှ ဆက်လက်စစ်ဆေး အရေးယူ ဆောင်ရွက်လျက်ရှိကြောင်း သိရသည်။

အဆိုပါဖြစ်စဉ်များနှင့်စပ်လျဉ်း၍ လူကုန်ကူးမှုတားဆီး နှိမ်နင်းရေး ရဲတပ်ဖွဲ့၊ တပ်ဖွဲ့စိတ်(၁)တာချီလိတ် မှတစ်ဆင့် ဒေါ်မယ်ရွေး(ပြေး)အား ဖမ်းဆီးရရှိနိုင်ရေးနှင့် အမျိုးသမီးငယ်နှစ်ဦးအား ကယ်တင်ရရှိနိုင် ရေးအတွက် အမှတ်(၁၇) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု၊ မူဆယ်၊ အမှတ်(၁၇) လူကုန်ကူးမှုတားဆီးနှိမ်နင်းရေး ရဲတပ်ဖွဲ့စိတ်(၂) ချင်းရွှေဟော်၊ စစ်ဖက်ရေးရာလုံခြုံရေးဌာန၊ တြိဂံဒေသတိုင်း စစ်ဌာနချုပ်၊ အထူး(၄)ဒေသ ဆက်ဆံရေးရုံး၊ ကျိုင်းတုံတို့နှင့် ဆက်သွယ်ဆောင်ရွက်လျက်ရှိကြောင်း သိရသည်။

မြို့နယ်(ပြန်/ဆက်)
Iprd Mongphyak
https://www.facebook.com/profile.php?id=100012331866308

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ