ခင်ဦး-မုံရွာ (၆၀)အစုန်လူစီးရထား မုံရွာမြို့တွင် လူစီးတွဲ (၃)တွဲ လမ်းချော်


မုံရွာ ၈ မေ

စစ်ကိုင်းတိုင်းဒေသကြီး၊ မုံရွာမြို့ အိုးဘိုတောင်ရပ်ကွက် ခင်ဦးမြို့မှ မုံရွာမြို့သို့ ထွက်ခွာလာသော အမှတ် (၆၀) လူစီးအစုန်ရထားသည် မေ ၈ ရက် နံနက် ၁၁ နာရီခွဲခန့်တွင် မုံရွာမြို့နယ် အလုံဘူတာနှင့် မုံရွာဘူတာကြား မိုင်တိုင်အမှတ်(၄၆၁/၁၄)နှင့် (၄၆၁/၁၅)ကြားအရောက်တွင် လမ်းချော်ခဲ့ကြောင်း သိရသည်။


“စက်ခေါင်းနောက်သုံးတွဲမြောက် လူစီးတွဲက လမ်းအရှေ့ဘက်ကို (၄၅)ဒီဂရီ တိမ်းစောင်းတယ်၊ အဲဒီနောက်က မုံရွာ-ပုဇွန်တောင် ကုန်တင်တွဲကတော့ လမ်းအရှေ့ဘက်ခြမ်းမှာ တုံးလုံးလဲသွားတယ်၊ အဲဒီနောက်က တွဲကတော့ဘီးအမှတ် (၃)နဲ့(၄)က အတွင်းပိုင်းနဲ့ (၅)နဲ့(၆)အပြင်ဘက်ကို ကွာကျမှုဖြစ်ခဲ့တယ်၊ ခရီးသည်/ ဝန်ထမ်းတွေတော့ ထိခိုက်မှုမရှိဘူး၊ အခုပြင်ဆင်မှုအပိုင်းကို မန္တလေးက ကရိန်းကိုလှမ်းခေါ်ထားတယ်၊ လမ်းပိုင်းကတော့ ခေတ္တပိတ်ထားတယ်”ဟု မုံရွာဘူတာ ရုံပိုင်ကြီးက ပြောသည်။

မုံရွာမြို့နယ် အလုံ-မုံရွာ လမ်းပိုင်း အမြန်ပြန်လည်ကောင်းမွန်ရေးအတွက် မြန်မာ့မီးရထားဌာနမှ တိုင်းမန်နေဂျာ(သွားလာရေး) ရွာထောင်၊ စစ်ကိုင်းမြို့နှင့် တိုင်းအင်ဂျင်နီယာ(မြို့ပြ) ရွာထောင်၊ စစ်ကိုင်းမြို့တို့မှ ဦးစီးပြီး မုံရွာဘူတာမှ ရုံပိုင်ကြီးနှင့် ဝန်ထမ်းများမှ ပြင်ဆင်မှုများ လုပ်ဆောင်လျက်ရှိကြောင်းနှင့် ၎င်းလမ်းပိုင်းတွင် လက်ရှိပြေးဆွဲနေသော မုံရွာမြို့နယ် အလုံ-ဗောဓိတစ်ထောင် ခရီးစဉ်အား မုံရွာဘူတာမှ ဗောဓိတစ်ထောင်ဘူတာအထိ ပြေးဆွဲပေးသွားမည်ဖြစ်ကြောင်း သိရသည်။

ဝင်းဦး(ဇေယျာတိုင်း)
Myanmar Digital News
https://www.facebook.com/MyanmarDigitalNews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ