ရသေ့တောင်မြို့နယ်တွင် ကျွဲ၊ နွားများရေမသောက်ရ၍ သေဆုံးမှုများရှိနေ

(ဓာတ်ပုံ- အစာရေစာပြတ်လပ်၍ သေဆုံးနေသည့် နွားတစ်ကောင်)
နိရဉ္စရာ၊ မေ ၁၅/၂၀၁၉

ရခိုင်ပြည်နယ်၊ရသေ့တောင်မြို့နယ် ကျေးရွာတစ်ချို့တွင် ကျွဲ၊ နွားများ အစားအစာနှင့် ရေပြတ်လပ်ရာမှ သေဆုံးမှု များပြားလာနေကြောင်းသတင်းရရှိသည်။

“ကျနော်တို့ ရသေ့တောင်မြို့နယ် ကျေးရွာတစ်ချို့မှာ ကျွဲတွေ နွားတွေသေဆုံးနေကြတာကို တွေ့ရပါတယ်။ ဘာကြောင့် သေလဲဆိုတော့ ကျနော်သိရသလောက်ပြောရရင် ကျနော်တို့ ကျောက်တန်း အပါအ၀င် တခြားအနီးအနားကျေးရွာကလူတွေပါ ကျေးရွာတွေကို စွန့်ခွာ ထွက်ပြေးကြတယ်။ အဲသလို ထွက်ပြေးတဲ့ အချိန်မှာ ကျွဲ၊ နွားတွေက ဒီအတိုင်း ကျန်ခဲ့ကြတယ်။ နွေရာသီကလည်း ရောက်နေတာဆိုတော့ ချောင်းတွေ၊ မြောင်းတွေ အပါအ၀င် ကန်တွေမှာလည်း ရေတွေက အကုန်ခမ်းခြောက်လာတော့ ရေမသောက်ရလို့ သေကြတာများပါတယ်”ဟု ဦးငြိမ်းဇော်က ဆိုသည်။

နွေရာသီတွင် ရေတွင်း ရေကန်၊ ချောင်း၊ တာတမံများတွင် ရေခမ်းခြောက်မှုများရှိနေသည့်အပြင် နယ်မြေ မအေးချမ်း မလုံခြုံသည့် အတွက်ကြောင့် ဒေသခံ ကျေးရွာသားများ ရွာကို စွန့်ခွာထွက်ပြေးနေကြရသဖြင့် ကျွဲ၊နွားများကို ရေတိုက်ရန်နှင့် မထိန်းသိမ်း မစောင့်ရှောက်နိုင်ရာမှ သေဆုံးကြခြင်း ဖြစ်ကြောင်း သိရသည်။

သောင်းဒရားကျေးရွာမှ ကိုဘတင်ရွှေက “ကျနော်တို့သောင်းဒရားဖက်မှာတော့ သေတာတွေရှိတယ်။ ဘာကြောင့်လဲဆိုတော့ ကျနော်တို့ရွာအနီး ကျောက်တန်းကျေးရွာမှာ စစ်တပ်က ပစ်ခတ်မှုတွေရှိခဲ့တယ်။ အဲ့ဒါကြောင့် ကျေးရွာကလူတွေက ကြောက်လန့်ပြီးထွက်ပြေးကြတယ်။ ကျန်ခဲ့တဲ့ ကျွဲ၊ နွားတွေကို ဂရုစိုက် စောင့်ရှောက်မှု မရှိလို့သေကြတာပါ။ အရင်တုန်းကဆိုရင် နွေရာသီရေခမ်းရင် ရေထွက်တဲ့ စမ်းချောင်းတွေကို သွားပြီး တိုက်ကြတယ်။ အခုက ဘယ်ကိုမှသွားလို့မရဘူးဖြစ်နေတော့ ရေမသောက်ရဘဲ သေကုန်ကြတာပေါ့”ဟု ကိုဘတင်ရွှေကဆိုသည်။

ရသေ့တောင်မြို့နယ် ပြည်နယ် လွှတ်တော်ကိုယ်စားလှယ် ဦးဦးသန်းနိုင်ကလည်း ကျွဲနွားများ သေဆုံးနေခြင်းကို အတည်ပြုပြီး ကျွဲနွားတစ်ချို့မှာ ရေအိုင်ထဲ ရေကို ဆင်းသောက်ရာမှာ နွံနစ်ပြီး ပြန်မတက်နိုင်ဘဲ သေဆုံးမှုများရှိခဲ့သည်ကို ကိုယ်တိုင်မြင်တွေ့ခဲ့ရကြောင်း ပြောကြားသည်။

ကျွဲ နွား သေဆုံးမှုများပြားလာနေသည့် ကျေးရွာများမှာ ရသေ့တောင်မြို့နယ်အတွင်းမှ ကျောက်တန်း၊ သောင်းဒရား၊ အောင်မြေကုန်း၊ သမီးလှကျေးရွာများ ဖြစ်ကြောင်းသိရသည်။

သိန်းဇော်(မောင်တော)
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ