မိုင်ယာမီလေကြာင်းလိုင်း ဘိုးရိမ်း ၇၃၇ လေယာဉ် (မေ၊ ၀၃၊ ၂၀၁၉) |
ကျူးလား နိုင်ငံ၊ ဂွါတာနာမို စစ်အခြေစိုက်စခန်းက ထွက်လာတဲ့ လေယာဉ်ကြီးဟာ မနေ့ သောကြာနေ့ညက မိုးကြိုးမုန်တိုင်းကျနေတဲ့အချိန်မှာပဲ လေယာဉ်ပြေးလမ်းပေါ် ဆင်းသက်တဲ့အချိန် လမ်းချော်ပြီး ပြေးလမ်းအဆုံးမှာရှိနေတဲ့ မြစ်ထဲကျသွားတာလို့ WOKV-TV ဒေသတွင်း ရုပ်မြင်သံကြားဌာနက ပြောပါတယ်။
ဒဏ်ရရသွားတဲ့ ခရီးသည် ၂၁ ဦးကိုတော့ ဆေးရုံခေါ်သွားပေမယ့် ဆိုးဆိုးရွားရွားအခြေအနေမရှိဘူးလို့ WOKV-TV သတင်းဌာနက ပြောပါတယ်။
အဲဒီ လေယာဉ် မြစ်ပေါ်မှာ ပေါ်နေတာကို ဓာတ်ပုံတွေထဲမှာ တွေ့ရပါတယ်။ ရေပြင်ပေါ် ယိုထွက်ကျလာတဲ့ လေယာဉ်ဆီတွေကို ပြန့်မသွားအာင် ၀ိုင်းဝန်း လုပ်ကိုင်နေကြတယ်လို့ Jacksonville မြို့ တော်ဝန် Lenny Curry ကပြောပါတယ်။
ဘိုးရိမ်းကုမ္ပဏီပြောခွင့်ရသူက ဒီဖြစ်ရပ်ကို သိရှိကြောင်းနဲ့ သတင်းအချက်အလက်တွေကို စုဆောင်းနေတယ်လို့ ရိုက်တာသတင်းဌာနကို ပြောပါတယ်။
ဗွီအိုအေ (မြန်မာပိုင်း)
https://burmese.voanews.com
ခရီးသည်တင်လေယာဉ် အမေရိကန်မှာ လမ်းချော် မြစ်ထဲကျ
Reviewed by THITHTOOLWIN
on
20:17
Rating: