အမြန်လမ်းရဲကင်းက ရဲတပ်သား အသတ်ခံရမှု သံသယရှိသူကို ရဲကဖမ်း

 ရဲကင်းမှာ ရဲတပ်သားတစ်ဦးဟာ ဘယ်ဘက်လည်ပင်းမှာ လေးလက်မကျော် ပြတ်ရှဒဏ်ရာနဲ့ အသတ်ခံ ရတာပါ။

ရန်ကုန်- မန္တလေး အမြန်လမ်း ၁၅၂ မိုင် ရဲကင်းမှာ ရဲတပ်သား အသတ်ခံရမှု သံသယရှိသူ နှစ်ဦး အနက်က တစ်ဦးကို ဒီနေ့နေ့လယ် ပိုင်း တောင်ငူအဝင် နားက မိုင်တိုင် ၁၄၇ ရဲ့ အနောက်ဘက် နှစ်မိုင်ခန့် အကွာမှာ ဖမ်းမိတယ်လို့ ရဲကပြောပါတယ်။

အခြားသံသယ တရားခံကိုလည်း ဖမ်းဆီးရမိရေး စစ်ဆေးဖော်ထုတ်လျက်ရှိပြီး သက်သေခံဓားနဲ့ အဝတ်အစားတွေကို ဖော်ထုတ် သိမ်းဆည်းရမိထားတယ်လို့ ရဲကပြောပါတယ်။

ရန်ကုန် - မန္တလေး အမြန်လမ်း တောင်ငူအကျော် ၁၅၂ မိုင်က ရဲကင်းမှာ ရဲတပ်သားတစ်ဦးဟာ ဘယ်ဘက်လည်ပင်းမှာ လေးလက်မကျော်ခန့် ပြတ်ရှဒဏ်ရာနဲ့ အသတ်ခံခဲ့တယ်လို့ အမြန်လမ်းရဲတပ်ဖွဲ့ထံကနေ သိရပါတယ်။

အသတ်ခံရတဲ့ ရဲတပ်သားဟာ အသက်၂၇ နှစ်အရွယ်ဖြစ်ပြီး သတ်ဖြတ်သွားသူဟာ သူရဲ့ ဆိုင်ကယ်နဲ့ ဖုန်းကိုလုယူသွားတယ်လို့ ရဲတပ်ဖွဲ့က ပြောပါတယ်။

လည်လှီး အသတ်ခံရ သလို သူ့ဆိုင်ကယ်နဲ့ တယ်လီဖုန်း ပျောက်ဆုံးခဲ့ပါတယ်။

မေ ၂၉ နံနက် ၆နာရီခွဲခန့်က အမြန်လမ်းမကြီး ရဲတပ်ဖွဲ့ ဇီးပင်သာစခန်း နယ်မြေ မိုင်တိုင်(၁၅၄/ဝ) ရွာသစ် ရဲကင်းမှ ရဲတပ်သား အောင်စိုးဝေဟာ မိုင်တိုင် (၁၅၂/၃)အနီးမှာ လည်ပင်းဓားဒဏ်ရာတွေနဲ့သေဆုံး နေခဲ့တာဖြစ်ပါတယ်။

အမြန်လမ်း ရဲကင်းမှာ ရဲတပ်သား အသတ်ခံရမှုကြောင့် ရန်ကုန် - မန္တလေး အမြန်လမ်း အသုံးပြု ဖြတ်သန်းသွားလာ နေသူတွေ တုန်လှုပ် သွားကြပါတယ် ။

အမြန်လမ်းမှာ ယာဉ်တိုက်မှုတွေ ကြောင့် လူအသေပျောက်ရှိပေမဲ့ အမြန်လမ်းလုံခြုံရေး ရဲတပ်ဖွဲ့ဝင်တွေ လုယက်မှုကြောင့် အသတ်ခံရတာကတော့ ပထမဆုံးဖြစ်တယ်လို့ တောင်ငူမြို့ခံ သတင်းထောက် တစ်ဦး ကပြောပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ