ေလျပင္းတိုက္ခတ္မႈေၾကာင့္ ႏွစ္လအတြင္း လူ ရွစ္ေယာက္ ေသဆံုး

ဆားလင္းႀကီးၿမိဳ႕နယ္အတြင္းမွာ ၂၀၁၉၊ ဧၿပီ ၁၈ ရက္ေန႔က ေလျပင္းတိုက္ခိုက္လို႔ ပ်က္စီးခဲ့တဲ့ အိမ္တခ်ိဳ႕ကို ေတြ႔ရစဥ္ / Photo: Aung Nay Myo
ႏွစ္လအတြင္း တိုင္းနဲ႔ျပည္နယ္ ၁၃ ခုမွာ ေလျပင္းတိုက္ခတ္မႈေတြေၾကာင့္ လူ ရွစ္ေယာက္ ေသဆံုးခဲ့ၿပီး ေနအိမ္ေပါင္း ၁၄,၀၀၀ ေက်ာ္ ထိခိုက္ပ်က္စီးခဲ့တယ္လို႔ ေဘးအႏၱရာယ္ဆိုင္ရာ စီမံခန္႔ခြဲမႈဦးစီးဌာနရဲ႕ စာရင္းေတြအရ ေျပာပါတယ္။

ေလေဘးဒဏ္ေၾကာင့္ စစ္ကိုင္းတိုင္းနဲ႔ ပဲခူးတိုင္းမွာ ပ်က္စီးမႈအမ်ားဆံုးျဖစ္တယ္လို႔ ေဘးအႏၱရာယ္ဆိုင္ရာ စီမံခန္႔ခြဲမႈဦးစီးဌာန ညႊန္ၾကားေရးမွဴး မျဖဴလဲ့လဲ့ထြန္း က RFA ကို ဒီေန႔ ေျပာပါတယ္။

ဒါ့အျပင္ ေလျပင္းေၾကာင့္ ေနအိမ္အလံုး ၈၀၀ လံုး၀ၿပိဳက်ပ်က္စီးခဲ့ၿပီး တစ္စိတ္တစ္ပိုင္း ပ်က္စီးတဲ့ေနအိမ္ ၁၄,၀၀၀ ေက်ာ္ရွိခဲ့တယ္လို႔လည္း ေဘးအႏၱရာယ္စီမံခန္႔ခြဲမႈဦးစီးဌာနရဲ႕ စာရင္းေတြအရ သိရပါတယ္။ ထိခိုက္ဒဏ္ရာရရွိခဲ့သူ ၁၃ ေယာက္ရွိတယ္လို႔လည္း သိရပါတယ္။

အဲဒီစာရင္းေတြဟာ မတ္ ၂၉ ရက္ေန႔ကေန ေမ ၂၁ ရက္ေန႔အထိ စာရင္းေတြျဖစ္ၿပီး ရခိုင္နဲ႔ မြန္ျပည္နယ္ကလြဲလို႔ က်န္တဲ့ျပည္နယ္နဲ႔တိုင္း ၁၃ ခုမွာ ထိခိုက္ပ်က္စီးမႈေတြရွိခဲ့ပါတယ္။

ဒီသတင္းကို RFA သတင္းေထာက္ မသီရိမင္းဇင္ ေပးပို႔တာပါ။

RFA Burmese
https://www.rfa.org/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ