ဒါရိုက်တာမင်းထင်ကိုကိုကြီး ကျန်းမာရေးမကောင်းဖြစ်နေ

ဆက်သွယ်ရေးဥပဒေပုဒ်မ ၆၆(ဃ)နဲ့ အမှုဖွင့်ခံရတဲ့ ဒါရိုက်တာမင်းထင်ကိုကိုကြီးကို အင်းစိန်မြို့နယ်ရဲစခန်းမှာ ၂၀၁၉ ဧပြီ ၂ ရက်နေ့ကတွေ့ရစဉ် / Photo: Thant Zin Oo/RFA
တပ်မတော်ကို ဂုဏ်သိက္ခာကျဆင်းအောင် ရေးသားတယ်ဆိုပြီး ရာဇသတ်ကြီးဥပဒေပုဒ်မ ၅၀၅ (က)နဲ့ တရား စွဲဆိုခံထားရတဲ့ ဒါရိုက်တာ မင်းထင်ကိုကိုကြီးဟာ အသဲခွဲစိတ်ထားတာကြောင့် ကျန်းမာရေးမကောင်းဘူးလို့ သိရပါတယ်။

ဒါရိုက်တာ မင်းထင်ကိုကိုကြီးကို ဒီနေ့ အင်းစိန်မြို့နယ် တရားရုံးမှာ ရုံးထုတ်ခဲ့ရာမှာ ကျန်းမာရေးမကောင်းတဲ့ အနေအထားမျိုး ရှိနေတာပါ။

တပ်မတော်က သူ့ကို ဆက်သွယ်ရေးဥပဒေပုဒ်မ ၆၆(ဃ)နဲ့ တရားစွဲဆိုပြီး ဖြစ်တဲ့အတွက် ပုဒ်မ ၅၀၅ (က) နဲ့ ထပ်ပြီး တရားမစွဲသင့်ဘူးလို့ ဒါရိုက်တာမင်းထင်ကိုကိုကြီးက တရားရုံးထုတ်မှာ သတင်းမီဒီယာတွေကို ပြောပါတယ်။

ဒါရိုက်တာ မင်းထင်ကိုကိုကြီးဟာ သူရဲ့ Facebook လူမှုကွန်ရက် စာမျက်နှာမှာ ရေးသားဖော်ပြခဲ့တာတွေဟာ တပ်မတော်ရဲ့ ဂုဏ်သိက္ခာကို ကျဆင်းစေတယ်ဆိုပြီး ရန်ကုန်တိုင်း စစ်ဌာနချုပ်က ဒုဗိုလ်မှူးကြီး လင်းထွန်းက တရားလိုလုပ်ပြီး တရားစွဲဆိုထားတာဖြစ်ပါတယ်။ ဒီနေ့ ရုံးထုတ်မှာ တရားလိုပြသက်သေ ၂ ဦးကို စစ်ဆေးခဲ့ပါတယ်။

တရားလိုပြသက်သေတွေရဲ့ ထွက်ဆိုချက်တွေအရ တရားစွဲခံရသူရဲ့ ဆောင်ရွက်ချက်တွေဟာ တပ်မတော်ရဲ့ ဂုဏ်သိက္ခာကျဆင်းစေလောက်တဲ့ ပုဒ်မနဲ့ ငြိစွန်းတာမတွေ့ရဘူးလို့ ဒါရိုက်တာ မင်းထင်ကိုကိုကြီးဘက်ကနေ အမှု လိုက်ပါဆာင်ရွက်ပေးနေတဲ့ တရားလွှတ်တော်ရှေ့နေ ဦးရောဘတ်စန်းအောင်က ပြောပါတယ်။

တရားလိုဖြစ်တဲ့ ဒုဗိုလ်မှူးကြီး လင်းထွန်းကို တရားစွဲဆိုမှုနဲ့ ပတ်သက်ပြီး သတင်းမီဒီယာတွေက မေးမြန်းချိန်မှာ တစ်စုံတစ်ရာ ဖြေကြားတာမရှိပါဘူး။

ဒီနေ့ရုံးချိန်းမှာ တပ်မတော်က တရားစွဲဆိုတာတွေ ရုပ်သိမ်းပေးဖို့ နိုင်ငံရေးတက်ကြွလှုပ်ရားသူတွေက Blue Shirt ကန်(မ်)ပိန်း လှုပ်ရှားမှုကိုလည်း ဆောင်ရွက်ခဲ့ပါတယ်။

ဒီသတင်းကို RFA သတင်းထောက် ကိုအောင်သိင်္ခ ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ