 |
| မန္တလေးတိုင်း ပုသိမ်ကြီးမြို့နယ်က ကျောက်မီးသွေးသုံး ဘိလပ်မြေစက်ရုံစီမံကိန်းကို ဆန္ဒပြတဲ့ အောင်သပြေရွာသားတွေနဲ့ ရဲတပ်ဖွဲ့ဝင်တွေ ၂ဝ၁၉ ခုနှစ် မေ ၁၅ ရက်နေ့က ပဋိပက္ခဖြစ်ပွားစဉ် /Photo: Khaymani Win/RFA |
ဖမ်းဆီးခံရသူတွေ အမြန်ဆုံးပြန်လွှတ်ပေးရေး အပါအဝင် အချက် လေးချက်ကို တောင်ဆိုပြီး ဒီမိုကရေစီအင်အားစု အဖွဲ့၊ မြန်မာနိုင်ငံလုံးဆိုင်ရာ အလုပ်သမားများ သမဂ္ဂအဖွဲ့ချုပ်နဲ့ ဗကသ အဖွဲ့ဝင်တွေက ရန်ကုန်မြို့ ကျောက်တံတား မြို့နယ် ပန်းဆိုးတန်းကနေ ရန်ကုန်မြို့တော် ခန်းမရှေ့အထိ လမ်းလျှောက်ဆန္ဒပြခဲ့တာဖြစ်ကြောင်း ဒီမိုကရေစီ အင်အားစုအဖွဲ့က ဦးဌေးအောင်က RFA ကို ပြောပါတယ်။
ဖမ်းဆီးခံရတဲ့ အောင်သပြေကျေးရွာသားတွေ ပြန်လွှတ်ပေးဖို့၊ တရားစွဲဆိုထားတဲ့အမှုတွေကို ပြန်လည်ရုပ်သိမ်းပေး ဖို့၊ အောင်သပြေကျေးရွာမှာ ရှိနေတဲ့ ရဲတပ်ဖွဲ့ဝင်တွေကို ရုပ်သိမ်းပေးဖို့နဲ့ ကျောက်မီးသွေးသုံး ဘီလပ်မြေစက်ရုံ စီမံကိန်းကို အမြန်ဆုံး ဖျက်သိမ်းပေးဖို့ အချက် လေးချက်ကို တောင်းဆိုဆန္ဒပြခဲ့တာဖြစ်ပါတယ်။
ဆန္ဒပြပွဲကို တရားဝင်ခွင့်ပြုချက် တင်ထားခဲ့တာမရှိတာကြောင့် ကျောက်တံတားမြို့နယ် ရဲတပ်ဖွဲ့က ဥပဒေအရ အရေးယူဆောင်ရွက်တာတွေ လုပ်သွားမယ်လို့ ဆန္ဒပြနေချိန်မှာ လာရောက်ပြောဆိုခဲ့တယ်လို့ သိရပါတယ်။
လက်ရှိအချိန်အထိ အောင်သပြေကျေးရွာ ပတ်ဝန်းကျင်မှာ လုံခြုံရေး ရဲတပ်ဖွဲ့ဝင်တွေ ရာနဲ့ချီရှိနေဆဲဖြစ်ပြီး ရွာအတွင်းဝင်ရောက် ဖမ်းဆီးမှာကို ဒေသခံရွာသားတွေက ကြောက်ရွံ့နေတာကြောင့် ရဲတပ်ဖွဲ့ဝင်တွေ ပြန်လည်ဆုတ်ခွာပေးဖို့ကိုလည်း ဆန္ဒပြသူတွေက တောင်းဆိုခဲ့ကြပါတယ်။
ကျောက်မီးသွေးသုံး ဘိလပ်မြေစက်ရုံ ဖျက်သိမ်းပေးရေး လမ်းပိတ်ဆန္ဒပြနေတဲ့ အောင်သပြေကျေးရွာသားတွေကို မေလ ၁၅ ရက်နေ့မနက်မှာ ရဲတပ်ဖွဲ့က အင်အားသုံးဖြိုခွင်းခဲ့တာကြောင့် ရွာသား ၂၀ ခန့် ထိခိုက်ဒဏ်ရာ ရရှိခဲ့ပါတယ်။
အဲ့ဒီနောက်မှာတော့ သတင်းထောက်တစ်ဦးနဲ့ ရွာသား ၁၃ ယောက်ကို ဖမ်းဆီးပြီး ပုသိမ်ကြီးမြို့နယ် ရဲစခန်းမှာ ပုဒ်မ - ၃၃၃ ပြည်သူ့ ၀န်ထမ်းကို ၀တ္တရားနှောင့်ယှက်မှု၊ ပုဒ်မ - ၄၃၅ ဆုံးရှုံးစေရန်အကြံနဲ့ မီးဖြင့်သော်လည်းကောင်း ပေါက်ကွဲစေတတ်တဲ့အရာနဲ့ အကျိုးဖျက်ဆီးမှု၊ ပုဒ်မ- ၁၁၄ ပြစ်မှုကျုးလွန်ရာမှာ အားပေးကူညီမှုတို့နဲ့ အမှုဖွင့် ထားပါတယ်။
ဒီသတင်းကို RFA သတင်းထောက် ကိုကျော်ထွန်းနိုင် ပေးပို့တာပါ။
RFA Burmese
https://www.rfa.org
ဖမ်းဆီးခံရတဲ့ အောင်သပြေကျေးရွာသားတွေ ပြန်လွှတ်ပေးဖို့ တောင်းဆို
Reviewed by THITHTOOLWIN
on
10:37
Rating:
Reviewed by THITHTOOLWIN
on
10:37
Rating:
