ဦးဝီရသူကို ဖမ်းဆီးဖို့ အစိုးရကိုယ်တိုင် ညွှန်ကြား

ဦးဝီရသူ (နိုဝင်ဘာ၊ ၁၂၊ ၂၀၁၆)
ဖမ်းဝရမ်းနဲ့ အလိုရှိနေတဲ့ ဆရာတော် ဦးဝီရသူကို အစိုးရရဲ့ ညွှန်ကြားချက်နဲ့ အရေးယူဖို့ စီစဉ်ခဲ့တာ ဖြစ်ကြောင်း နိုင်ငံတော် သမ္မတရုံးက ဒီကနေ့ပဲ ပြောဆိုလိုက်ပါတယ်။ သံဃာတော်တဦးအဖြစ် အရေးယူဖို့ လုပ်ထုံးလုပ်နည်းပိုင်းအရ ကြန့်ကြာမှုတချို့ ရှိခဲ့ကြောင်းလည်း သမ္မတရုံးပြောခွင့်ရ ဦးဇော်ဌေးက အစိုးရရဲ့ ၃ နှစ်တာကာလ ဆောင်ရွက်ချက်တွေနဲ့ ပတ်သက်လို့ သတင်းစာ ရှင်းလင်းပွဲ ကျင်းပရာမှာ ပြောဆိုခဲ့တာပါ။ အပြည့်အစုံကိုတော့ ဗွီအိုအေ မြန်မာပိုင်း သတင်းထောက် ကိုထက်အောင်ခန့်က သတင်းပေးပို့ ထားပါတယ်။

ရန်ကုန်မြို့ မဟာဗန္ဓုလ ပန်းခြံရှေ့မှာ မေလ ၅ ရက်နေ့တုန်းက ဆရာတော် ဦးဝီရသူရဲ့ ဟောပြောချက်တွေနဲ့ ပတ်သက်လို့ အရေးယူ ဆောင်ရွက်ဖို့ ရန်ကုန်တိုင်း အစိုးရကို ဗဟိုအစိုးရက ညွှန်ကြားခဲ့တာဖြစ်ကြောင်း နိုင်ငံတော် သမ္မတရုံး ပြောခွင့်ရ ဦးဇော်ဌေးက ပြောဆိုလိုက်တာပါ။

"အုပ်ချုပ်ရေးကနေ တရားစွဲတာပေါ့။ ဟုတ်ပြီနော်။ အပေါ်ကနေ ညွှန်ကြားတယ်။ တိုင်းဒေသကြီး အစိုးရကို ညွှန်ကြားတယ်။ တိုင်းဒေသကြီး အစိုးရက စွဲတာပေါ့။ သာသနာရေးမဟုတ်ဘူး။ အုပ်ချုပ်ရေးပေါ့နော်။"

ရန်ကုန်အနောက်ပိုင်းခရိုင် အုပ်ချုပ်ရေးမှူး က အင်္ဂါနေ့မှာပဲ တရားရုံးကို ဦးတိုက်လျှောက်ထားခဲ့ပြီးနောက် နိုင်ငံတော် အကြည်ညိုပျက်စေမှု ပုဒ်မ ၁၂၄(က) နဲ့ ဆရာတော် ဦးဝီရသူကို ဖမ်းဝရမ်း ထုတ်ခဲ့တာ ဖြစ်ပါတယ်။ ဒါပေမဲ့လည်း အာဏာပိုင်တွေက အခုအချိန်အထိ ဖမ်းဆီးတာမျိုးတော့ မရှိသေးပါဘူး။ သမ္မတရုံးပြောခွင့်ရ ဦးဇော်ဌေး ကတော့ သံဃာတော်တပါး ဖြစ်တဲ့အတွက် လုပ်ထုံးလုပ်နည်းပိုင်းမှာ ညှိနှိုင်းစရာတွေ ရှိတယ်လို့ ဆိုပါတယ်။

"လုပ်ထုံးလုပ်နည်းမှာတော့ ကျနော်တို့ ရဲချုပ်နဲ့ သာသနာရေး ညွှန်ချုပ်နဲ့ ဟိုဘက်ဒီဘက် မရှင်းလင်းတွေ ဖြစ်နေတယ်။ သံဃာအပိုင်းဖြစ်တဲ့အတွက် သာသရေးဆိုင်ရာ စည်းမျဉ်းစည်းကမ်းပေါ့နော်။ ဒါတွေက ဘယ်လို ရှိတယ်။ ရဲပိုင်းဆိုင်ရာ စည်းမျဉ်းစည်းကမ်းက ဘယ်လိုရှိတယ်။ ဒါလေးတွေ ပြန်ညှိဖို့ရှိတယ်ပေါ့။"

လက်ရှိ ဖမ်းဝရမ်းသက်တမ်းကတော့ ဇွန်လ ၄ ရက်နေ့မှာ ကုန်ဆုံးမှာဖြစ်ပေမဲ့ အခုအချိန်အထိ ရဲတပ်ဖွဲ့က ဖမ်းမမိသေးဘူးလို့လည်း ဒုတိယရဲမှူးကြီး မျိုးသူစိုးက ပြောပါတယ်။

"ဝရမ်းအတည်ပြုလို့ မရဘူးဆိုတာ ဥပဒေစကားနဲ့ ပြောတာပါခင်ဗျ။ ဝရမ်း အတည်ပြုတယ်ဆိုတာ ဖမ်းတယ်ပေါ့။ ဖမ်းတယ်ဆိုတာ လူမရှိဘူးပေါ့။ သတ်မှတ်ထားတဲ့ တရားရုံးက ချပေးလိုက်တဲ့ လူပုဂ္ဂိုလ်ရဲ့ နေတဲ့ နေရာမှာ အဲ့လူက မရှိဘူး။"

တရားလွှတ်တော်ရှေ့နေ ဦးခင်မောင်မြင့်ကတော့ သီတင်းတပတ်ကြာ ဖမ်းဝရမ်းသက်တမ်း ကုန်ဆုံးတဲ့အခါ လိုအပ်ရင် တရားရုံးက တရားခံပြေးအဖြစ် ကြေညာနိုင်တယ်လို့ ပြောပါတယ်။

"အဲ့နေ့မှာမှ မလာဘူးဆိုရင် အခုထုတ်ထားတဲ့ ဖမ်းဝရမ်းက သက်တမ်းကုန်သွားမှာ အဲ့နေ့မှာ ဖမ်းလို့မမိဘူး ဒီဖဝရမ်းကို အတည်ပြုလို့ မရတော့ပါဘူးဆိုပြီးတော့မှ ရဲတပ်ဖွဲ့က သူတို့ရဲ့မှတ်ချက်တွေ သူတို့ရဲ့ ဆောင်ရွက်ချက်တွေ အသေးစိတ်တွေရေးပြီး တရားသူကြီးဆီပြန်တင်မှာ ပြန်တင်လိုက်တဲ့အခါမှာ တရားသူကြီးက လိုအပ်ခဲ့ရင် ဖမ်းဝရမ်း အသစ်တခုကို သက်တမ်းတခု သတ်မှတ်ပြီး ထပ်ပေးမယ်။ ဒီလိုလည်း ဖြစ်နိုင်တယ်။ သို့မဟုတ် ဖမ်းဝရမ်း ထပ်မထုတ်တော့ဘဲနဲ့ ရာဇဝတ်ကျင့်ထုံး ဥပဒေပုဒ်မ ၅၁၂ အရ တရားခံပြေး အဖြစ် ကြေငြာရင်လည်း ကြေငြာမယ်။ တရားခံပြေး အဖြစ် ကြေငြာလိုက်ပြီဆိုရင်တော့ အရမ်းနစ်နာတယ်။ မူလ အမှုကို ဖြေရှင်းလိုက်လို့ အပြစ်မရှိဘူး လွတ်သွားတယ် ဆိုဦးတော့ အဖမ်းမခံဘဲ ပြေးနေတာ ထင်ရှားတဲ့ အတွက် တရားခံပြေးအမှုက ဒါကျကိုကျမယ်။"

ဆရာတော် ဦးဝီရသူကို ရန်ကုန်တိုင်း သံဃနာယကအဖွဲ့က အစောပိုင်းမှာ သြဝါဒပေးဖို့ စီစဉ်ခဲ့ပေမဲ့ နောက်ပိုင်းမှာတော့ အစီအစဉ်ကို ဖျက်ခဲ့တာပါ။ တိုင်းသံဃနာယယအဖွဲ့ အနေနဲ့ သံဃအဖွဲ့အစည်းဆိုင်ရာ အခြေခံစည်းမျဉ်း လုပ်ထုံးလုပ်နည်းတွေနဲ့ မညီညွှတ်တဲ့အတွက် သြဝါဒပေးဖို့ စီစဉ်ခဲ့တာ ဖြစ်ကြောင်းလည်း ဒီကနေ့ ပြုလုပ်တဲ့ အစိုးရရဲ့ သုံးနှစ်တာကာလ သတင်းစာရှင်းလင်းပွဲမှာပဲ သာသာရေးနှင့် ယဉ်ကျေးမှု ဝန်ကြီးဌာနက ညွှန်ကြားရေးမှူး ဦးမြင့်ဦးက ဖြေကြားသွားပါတယ်ခင်ဗျာ။

ထက်အောင်ခန့်  / ဗွီအိုအေ (မြန်မာပိုင်း)
https://burmese.voanews.com

တရုတ် WeChat Pay ငွေပေးချေစနစ်အပေါ် မြန်မာခရီးသွားလုပ်ငန်းရှင်တွေ စိုးရိမ်

(သတင်းဓါတ်ပုံ - အစိုးရဟိုတယ်ခရီး Facebook)
မြန်မာနိုင်ငံကို လာရောက်နေကြတဲ့ တရုတ်နိုင်ငံသား ခရီးသွားတွေဟာ ပြည်တွင်းမှာ တရားဝင် ခွင့်ပြုမထားတဲ့ WeChat Pay လို့ခေါ်တဲ့ အွန်လိုင်းငွေပေးချေစနစ်ကို အသုံးပြုနေတာကြောင့် ခရီးသွားလုပ်ငန်းမှာ ထိခိုက်ဆုံးရှုံးမှုတွေ ကြုံရမှာကို ပြည်တွင်းက လုပ်ငန်းရှင်တွေ စိုးရိမ်နေကြပါတယ်။ တရုတ်နိုင်ငံသား ခရီးသွားအရေအတွက် တိုးလာနေတဲ့ မြန်မာနိုင်ငံအနေနဲ့ ဒီအခြေအနေကို ဟန့်တားနိုင်ဖို့လည်း ပြည်တွင်းက ခရီးသွားလုပ်ငန်းရှင်တွေ၊ စီးပွားရေး ပညာရှင်တွေ ဒီနေ့ပဲ နေပြည်တော်မှာ ဆွေးနွေးခဲ့ကြတာပါ။ အပြည့်အစုံကိုတော့ ဗွီအိုအေ မြန်မာပိုင်း သတင်းထောက် ကိုဇော်ထက်က ပြောပြပေးမှာပါ။

မြန်မာနိုင်ငံကို တနေ့တခြား အလာများနေကြတဲ့ တရုတ်နိုင်ငံသား ဧည့်သည်တွေဟာ ဟိုတယ်အသုံးပြုခ၊ ကားငှားခ၊ စားသောက်ဆိုင်၊ ခရီးသွားလုပ်ငန်း၊ ဧည့်လမ်းညွှန်ငှားခ အပါအဝင် ဝန်ဆောင်မှု တော်တော်များများကို သူ့နိုင်ငံသားအချင်းချင်း ကြိုတင်ချိတ်ဆက် ဆောင်ရွက်ကြပြီး ငွေပေးချေတဲ့အခါမှာလည်း တရုတ်ပြည်မှာ တွင်ကျယ်နေတဲ့ WeChat အွန်လိုင်းငွေပေးချေ စနစ်ကိုပဲ သုံးနေကြတာပါ။ တရုတ်နိုင်ငံမှာ ဘဏ်စာရင်းဖွင့်ထားပြီး WeChat Pay နဲ့ ငွေချေကြတဲ့အတွက်လည်း ဒီငွေတွေဟာ မြန်မာနိုင်ငံလို ပြည်တွင်းကို ရောက်မလာကြတဲ့အတွက် လုပ်ငန်းရှင်တွေ ထိခိုက်နစ်နာမှာ စိုးရိမ်လာကြပါတယ်။

မြန်မာနိုင်ငံ ခရီးသွားလုပ်ငန်းရှင်များအသင်း ဥက္ကဋ္ဌ ဦးသက်လွင်တိုးကတော့ ဒေသတွင်း နိုင်ငံတွေမှာလို ထိန်းချုပ်ဖို့ လိုအပ်ကြောင်း ဗွီအိုအေကို အခုလိုပြောပါတယ်။

“ကျနော်တို့ ဒီဟာနဲ့ပတ်သက်လို့ စိစစ်ရေး၊ စောင့်ကြည့်ရေး လုပ်ရပါမယ်။ ဂျပန်မှာ သုံးသလိုပေါ့နော် WeChat Payment တွေဟာ ဂျပန်မှာ စနစ်တကျ သုံးတဲ့အခါကျတော့ သူတို့တိုင်းပြည် အတွက်လည်း အခွန်ရတယ်။ သူတို့လည်း မဟုတ်တရုတ်လုပ်လို့မရတော့ဘူး။ ကျနော်တို့ဆီမှကျတော့ အခုမှနုနယ်သေးတဲ့ အချိန်ပေါ့။ banking policy တွေ၊ Financial Institution တွေက အခုမှ WeChat တို့၊ Alipay တို့ကို ဘယ်လို cover လုပ်မလဲဆိုတာ ဟိုဟာဖြစ်(စဉ်းစား)နေတဲ့ ကာလဆိုတော့ အဲဒီအချိန်မှာ ဒါကြီး (WeChat) ကိုဖွင့်ချလိုက်တဲ့အခါမှာ ကျနော်တို့ဘက်က ဘယ်လောက်ကျန်လဲ၊ ဘယ်လောက်စီးဝင်မှုရှိလဲ၊ ဒါတွေကိုဘယ်လို monitor (ထိန်းကြောင်း) မလဲ ဘယ်သူမှ မလုပ်နိုင်တဲ့ အချိန်မျိုးမှာ နည်းနည်းလေးတော့ ပိုပြီးထိန်းချုပ်သင့်တယ်၊ ကန့်သတ်သင့်သေးတယ်လို့ ထင်ပါတယ်။”

တရုတ်နိုင်ငံသား ခရီးသွားတွေ လည်ပတ်လေ့ရှိတဲ့ ထိုင်းနဲ့ နီပေါ နိုင်ငံတွေမှာလည်း WeChat Pay သုံးစွဲတာကို တားမြစ်ထားပါတယ်။ WeChat ဟာ Zero Tourism လို့ခေါ်ကြတဲ့ ငွေမရတဲ့ ခရီးသွားလုပ်ငန်းမှာ အဓိက နေရာယူထားတယ်လို့လည်း လုပ်ငန်းရှင်တွေနဲ့ ကျွမ်းကျင်သူတွေ ထောက်ပြနေကြတာပါ။ ခရီးသွားလုပ်ငန်းနဲ့မှီခိုအသက်မွေးတဲ့ နိုင်ငံသားတွေအားလုံး ဝင်ငွေထိခိုက်နိုင်တဲ့ အကျိုးမရှိတဲ့ ကိစ္စရပ်ဖြစ်လို့ ဒါကို ဝန်ကြီးဌာနအနေနဲ့ ပြန်သုံးသပ်ဖို့လိုနေကြောင်း ဧည့်လမ်းညွှန် ဒေါ်နီလာကျော်က ပြောပါတယ်။

“၂ နှစ်ကျော်သွားပြီ ဒီ ပြဿနာ ဖြစ်လာတာ၊ ပြဿနာဖြစ်ကတည်းက ကြိုလည်း မြင်တယ်၊ ကြိုလည်းပြောခဲ့တယ်။ plan မရှိဘူး။ အမတို့ ဝန်ကြီးဌာနဆီမှာ ဟိုတယ်ခရီးနဲ့ပတ်သက်ပြီးတော့။ သူတို့က ဝင်လာပြီ ဒီမြန်မာပြည်က ဂိုက်မခေါ်ဘူး။ မြန်မာပြည်က တိုးဂိုက်တွေ အလုပ်မရဘူး။ ဒုတိယတချက် မြန်မာပြည်က စားသောက်ဆိုင်တွေ သုံးနေတယ်ထင်လို့လား.... သူတို့သုံးတဲ့ စားသောက်ဆိုင် ငါးဆိုင်မှာ လေးဆိုင်က သူတို့တရုတ်လူမျိုးပိုင်တဲ့စားသောက်ဆိုင်မှာ သုံးတာ။ အခုမန္တလေးမှာ ဟိုတယ်တွေ အကုန်လုံး တရုတ်ပိုင်တာ၊ ပုဂံမှာတောင် သူတို့အပိုင်လုပ်နေပြီ။ အမတို့ မြန်မာပြည်က ဘယ်နေရာက ပိုက်ဆံရလဲ။”

WeChat ဟာ တရုတ်နိုင်ငံ Tencent ကုမ္ပဏီပိုင်ထားတဲ့ ဆက်သွယ်ရေး အက်ပလီကေးရှင်းတခုဖြစ်ပြီး WeChat Pay ကတော့ အွန်လိုင်းကနေ ငွေပေးချေနိုင်အောင် စီစဉ်ထားတာပါ။ မြန်မာနိုင်ငံမှာတော့ WeChat Pay ကို စမ်းသပ်ဆဲ အဆင့်မှာသာ ရှိနေပြီး တရားဝင် သုံးခွင့်ပြု မထားသေးဘူးလို့လည်း မြန်မာနိုင်ငံဗဟိုဘဏ် ငွေစာရင်းဌာန အရာရှိတဦးဖြစ်တဲ့ ဒေါ်ခိုင်ရွှေဝါက ပြောပါတယ်။

“အမတို့က အခုပေးသုံးတာ အဆင့်မရောက်သေးဘူး။ WeChat ရော၊ Alipay ရော အမတို့က စောင့်ကြည့်နေတုန်းပဲ ရှိသေးတယ်။ ခုနကလို ဇီးရိုး တိုရစ်ဇင်လို ဟာမျိုးတွေဖြစ်မှာစိုးလို့ ပြီးတော့ အမတို့ဆီက ကျောက်တွေဘာတွေ အားလုံးပြောနေတာပဲလေ။ နိုင်ငံခြားဝယ်သွားတယ် မြန်မာပြည်ထဲ ငွေမဝင်ဘူးပေါ့။ အမတို့ အခွန်တွေဘာတွေလည်း မရဘူးဖြစ်နေတယ် ဆိုပြီးတော့ စောင့်ကြည့်နေတယ်။ Alipay အတွက်ကို ဘယ်သူကိုမှ မပေးထားသေးဘူး။ WeChat အတွက်ကို Paypb Company ကို စမ်းသပ်ကာလဆိုပြီး ၃ လစမ်းသုံးခိုင်းထားတယ်။ မန္တလေး တံတားဦးလေဆိပ်တခုပဲ စမ်းသုံးခိုင်းထားတာ။”

မြန်မာနိုင်ငံ ဟိုတယ်နှင့်ခရီးသွားလုပ်ငန်းဝန်ကြီးဌာနက ထုတ်ပြန်တဲ့ စာရင်းတွေအတိုင်းဆိုရင် တရုတ်ဧည့်သည်ဝင်လာတဲ့ အရေအတွက်ဟာ ထိပ်ဆုံးမှာ ရှိနေပါတယ်။ နိုင်ငံခြားဧည့်သည် ဝင်ရောက်တဲ့နှုန်းဟာ ၂၀၁၈ ဇန်နဝါရီလနဲ့ယှဉ်ရင် ၁၉ ရာခိုင်နှုန်း ပိုတိုးလာတယ်လို့ ဟိုတယ်နှင့်ခရီးသွားလာရေး ဝန်ကြီးဌာနရဲ့ ထုတ်ပြန်ချက်မှာ ဖော်ပြထားပေမဲ့ တကယ်တမ်း ဝင်ငွေရတဲ့ အပိုင်းမှာတော့ ကျဆင်းနိုင်ကြောင်း ခရီးသွားလုပ်ငန်းရှင်တွေကထောက်ပြပါတယ်။

၂၀၁၈ မှာ ပြည်တွင်းဝင်ရောက်ခဲ့တဲ့ နိုင်ငံခြားခရီးသွား အရေအတွက်ဟာ ၁.၄ မီလီယံရှိပြီး ဒါဟာတနှစ်ကို ၂.၆ ရာခိုင်နှုန်း တိုးလာတာဖြစ်တယ်လို့ ဟိုတယ်နှင့်ခရီးသွားလာရေး ဝန်ကြီးဌာနရဲ့ ဇန်နဝါရီ ၁၆ ရက် ထုတ်ပြန်ချက်မှာ ဖော်ပြထားပါတယ်။ တရုတ်ဧည့်သည်က အများဆုံးဖြစ်ပြီး သူ့ရဲ့နောက်မှာ ထိုင်း၊ ဂျပန်၊ တောင်ကိုရီးယားနဲ့ အမေရိကန်ပြည်ထောင်စုတို့ အစဉ်အတိုင်းရှိပါတယ်။ လက်ရှိအချိန်အထိတော့ နိုင်ငံခြားဧည့်သည်အများစုက အာရှနိုင်ငံတွေက ဖြစ်ပါတယ်။

 ဇော်ထက်  / ဗွီအိုအေ (မြန်မာပိုင်း)
https://burmese.voanews.com
 

ကံသာယာရပ်ကွက်က အဆောက်အဦး ၁၅၀ ကျော် ဖယ်ပေးရမယ်လို့ စည်ပင်စာပို့

မန္တလေးမြို့ ချမ်းမြသာစည်မြို့နယ်၊ ကံသာယာရပ်ကွက်မှာ နေထိုင်သူတွေ ၂၀၁၉ မေ ၃၁ ရက်နေ့က သတင်းစာရှင်းလင်းစဉ် / Photo: Khaymani Win/RFA
မန္တလေးမြို့ စည်ပင်ပိုင်မြေပေါ်မှာ ကျူးကျော်ဆောက်လုပ်ထားတယ်ဆိုပြီး ချမ်းမြသာစည်မြို့နယ်၊ ကံသာယာ ရပ်ကွက်အတွင်းက လူနေအိမ်အပါအ၀င် အဆောက်အဦး ၁၅၀ ကျော်ကို ဇွန် ၇ ရက်နေ့နောက်ဆုံးထားဖယ်ပေးဖို့ စည်ပင်သာယာရေးကော်မတီက စာပေးပို့လိုက်ပါတယ်။

မန္တလေးမြို့တော်စည်ပင်သာယာရေးကော်မတီပိုင် မြေပေါ်မှာကျူးကျော်ဆောက်လုပ်နေတယ်ဆိုပြီး ချမ်းမြသာစည်မြို့နယ်၊ ကံသာယာရပ်ကွက်အတွင်းက နေအိမ်၊ မူကြိုကျောင်း၊ ပရဟိတအသင်း၊ ဓမ္မာရုံနဲ့ အခမဲ့စာသင်ကျောင်းတွေကို ဖယ်ရှားပေးဖို့ စည်ပင်သာယာရေးကော်မတီက မေ ၂၃ ရက်နေ့က အသိပေးအကြောင်းကြားစာ ပေးပို့လိုက်တာပါ။

အစားထိုးနေရာမရရင် ဖယ်ရှားမပေးနိုင်ဘူးလို့ ကံသာယာရပ်ကွက်က ဒေါ်စန်းစန်းရီက ပြောပါတယ်။

“နေခဲ့ပေမယ့်လို့ ကျမတို့ တစ်နေ့လုပ်မှ တစ်နေ့စားရတဲ့အတွက် အိမ်ငှားခလည်း မတက်နိုင်ဘူး၊ တစ်နေ့လုပ် တစ်နေ့စားရတဲ့အတွက် ကျောင်းသားတွေနဲ့ နပ်မှန်အောင်မစားရတဲ့သူတွေ အများကြီးပါ၊ ဒါကြောင့် ဒီနေရာမှာမြေအစား ရရင်ဖယ်ပေးမယ်။ မရရင်ဖယ် မပေးပါဘူး“

အဲဒီရပ်ကွက်ထဲမှာရှိနေတဲ့ နေထိုင်သူအချို့ဟာ နှစ်ပေါင်း ၃၀ လောက်အထိ နေထိုင်လာကြတဲ့သူတွေရှိသလို အခုနှစ်ပိုင်းတွေအတွင်းမှ ပြောင်းရွှေ့လာကြသူတွေ ရှိတယ်လို့လည်း သိရပါတယ်။

ဖယ်ရှားပေးရမယ့်အထဲမှာ ပါဝင်တဲ့ စာနာစိတ်ပရဟိတ အသင်းရဲ့ ဥက္ကဋ္ဌက အခုလို ပြောပါတယ်။

“အဆောက်အအုံနဲ့ ကုန်ရုံဌာနကနေ အကြောင်းကြားစာပို့တယ်။ အသင်းအပါအ၀င် ရပ်ကွက် ဓမ္မာရုံတွေ၊ အခမဲ့ကျောင်းဆောင်တွေ ဖျက်ပေးဖို့စာပို့တယ်။ အဲဒီအပေါ်မှာ လက်ခံမှုမရှိဘူး၊ အတ္တအတွက် အလုပ်မလုပ်ဘူး၊ ဖယ်ပေးဖို့ အစီစဉ်မရှိဘူး၊ ဒီနေရာက မြို့သစ်စတင်ကတည်းက ပလပ်မြေဖြစ်ပါတယ်။ အများအကျိုးအတွက် လုပ်ပေးနေတာဖြစ်လို့ မဖယ်ရှားပေးနိုင်ပါဘူး“

ရွေ့ပြောင်းပေးရမယ့်အထဲမှာပါဝင်တဲ့ မေတ္တာရင်ခွင် မူကြိုကျောင်းက ဥက္ကဋ္ဌ ဦးဖြူအေးကလည်း အခုလို ပြောပါတယ်။

“ဒီကျောင်း၊ ဒီနေရာကို လုံးဝဖျက်ဆီးပစ်တာ မဖြစ်စေလိုပါဘူး၊ နိုင်ငံတော်ရဲ့ အသီးအပွင့်ဖြစ်လာမယ့် ဒီအရွယ်ကလေးတွေက အရေးကြီးပါတယ်။ ဒီလိုတွေကို ဦးစားပေးဆောင်ရွက်နေတာကို ၀မ်းသာပါတယ်။ ရင်သွေးငယ်တွေအတွက် နေရာပျောက်သွားမယ်၊ သင်ကြားခွင့်မရှိဘူးဆိုရင် နိုင်ငံတော်ရဲ့ အဖူးအပွင့်တွေကို ရိုက်ချိုးပစ်တာနဲ့ အတူတူပါပဲ“

မေတ္တာရင်ခွင်မူကြိုကို ၁၉၉၆ ခုနှစ်ကနေ စတင်ဖွင့်လှစ်လာတာဖြစ်ပြီး ကလေးငယ်ပေါင်း ၁၀၀ ကျော်ကို စာသင်ကြားနေတယ်လို့ ဆိုပါတယ်။

အခုကိစ္စနဲ့ပတ်သက်ပြီး တိုင်းဒေသကြီးအစိုးရကိုလည်း အသိပေးအကြောင်းကြားထားပြီး၊ နိုင်ငံတော် အတိုင်ပင်ခံနဲ့ သမ္မတထံလည်း စာပေးပို့သွားမယ်လို့ သိရပါတယ်။

ဒီမိသားစုတွေရဲ့ အခြေအနေနဲ့ပတ်သက်ပြီး ဥပဒေဘောင်ထဲကနေ ညှိနှိုင်းဖို့ အကြံပေးသွားမယ်လို့ ချမ်းမြသာစည်မြို့နယ် လွှတ်တော် ကိုယ်စားလှယ် ဦးမြင့်အောင်မိုးက ပြောပါတယ်။

“တာဝါတိုင်ကျူးအောက်ကမြေတွေက အစကတည်းက မြေကွက်လည်း မရိုက်ဘူးလေ၊ အဲဒါတွေပါတယ်။ နဂိုကတည်းက အကွက်ရိုက်ကျန်တွေ၊ စည်ပင်အကွက်ရိုက်ကျန် ဘယ်သူ့မပေးထားတာတွေပါတယ်။ သူတို့ကလည်း စည်ပင်ကိုလျှောက်ထားတာတွေ မရှိဘူး၊ လွတ်နေတယ်ဆိုပြီးနေတာတွေများတယ်“

ဥပဒေအရ ပလပ်မြေပေါ်မှာ နေထိုင်ခွင့်မရှိဘူးလို့ မန္တလေးမြို့တော် စည်ပင်သာယာရေးကော်မတီ အဆောက်အအုံနဲ့ ကုန်ရုံဌာနက ဌာနမှူး ဦးဇော်ဝင်းက ပြောပါတယ်။

“ဥပဒေအရ နေခွင့်မရှိဘူး၊ ဥပဒေ လုပ်ထုံးလုပ်နည်းနဲ့အညီပဲ ဆင့်စာထုတ်တာပါ၊ ကျန်တာကတော့ သူတို့ဆန္ဒပေါ့။ အမိန့်ညွန်ကြားချက်တွေအရ ဆောင်ရွက်တာပါ”

လာမယ့် ဇွန်လ ၇ ရက်နေ့ နောက်ဆုံးထားပြီး ဖယ်ရှားပေးဖို့နဲ့ မဖယ်ပေးရင် တရားစွဲဆိုအရေးယူသွားမယ်လို့ မန္တလေးမြို့ စည်ပင်သာယာရေးကော်မတီရဲ့ ပေးပို့စာမှာ ပါရှိပါတယ်။

ဖယ်ပေးရမယ့် အဆောက်အဦးတွေမှာ နေထိုင်တဲ့ လူဦးရေ ၅၀၀ ကျော်ရှိတယ်လို့ သိရပါတယ်။

ဒီသတင်းကို RFA သတင်းထောက် မခေမဏီဝင်း ပေးပို့တာပါ။

RFA Burmese
https://www.rfa.org

ဒါရိုက်တာမင်းထင်ကိုကိုကြီး ရိုက်ကူးတဲ့ ဇာတ်လမ်းတို ရုပ်ရှင် ၃၀ ပြပွဲကျင်းပမည်

ဒါရိုက်တာ မင်းထင်ကိုကိုကြီး ကို အင်းစိန်မြို့နယ်တရားရုံးမှာ ၂၀၁၉ မေ ၂၃ ရက်နေ့က ရုံးထုတ်ခဲ့စဉ် / Photo: Aung Thain Kha/RFA
ဒါရိုက်တာ မင်းထင်ကိုကိုကြီး ရေးသားရိုက်ကူးထားတဲ့ လူ့အခွင့်အရေးနဲ့ သက်ဆိုင်တဲ့ ဇာတ်လမ်းတို ရုပ်ရှင် ၃၀ ကို လာမယ့် ဇွန်လ ၄ ရက်နေ့မှာ ပြပွဲကျင်းပဖို့ စီစဉ်ထားပါတယ်။

ရုပ်ရှင်ပြပွဲကို ရန်ကုန်မြို့ ဆူးလေရှန်ဂရီလာဟိုတယ်မှာ ဇွန်လ ၄ ရက်နေ့ နေ့လည် ၂ နာရီကနေ ညနေ ၆ နာရီအထိကျင်းပမှာဖြစ်ပြီး နိုင်ငံတကာသံရုံးအသီးသီးက တာဝန်ရှိသူတွေ၊ ပြန်ကြားရေးဝန်ကြီးဌာနဲ့ USAID က တာဝန်ရှိသူတွေ၊ အနုပညာရှင်တွေကို ဖိတ်ကြားထားပါတယ်။

မြန်မာနိုင်ငံမှာ လူ့အခွင့်အရေး လူ့ဂုဏ်သိက္ခာရုပ်ရှင်ပွဲတော်ကို ဒါရိုက်တာ မင်းထင်ကိုကိုကြီးက ဦးဆောင်ပြီး နှစ်စဉ်ကျင်းပနေပါတယ်။

ဒါရိုက်တာ မင်းထင်ကိုကိုကြီးဟာ သူ့ရဲ့ Facebook စာမျက်နှာမှာ ဖေဖော်ဝါရီလ ၁၅ ရက်နေ့ကနေ မတ်လ ၂၂ ရက်နေ့အတွင်း ရေးသားချက်တွေဟာ တပ်မတော်ရဲ့ ဂုဏ်သိက္ခာကို ထိခိုက်စေတယ်ဆိုပြီး ရန်ကုန်တိုင်း စစ်ဌာနချုပ်က ဒုဗိုလ်မှူးကြီး လင်းထွန်းက ရာဇသတ်ကြီး ပုဒ်မ ၅၀၅ (က) နဲ့ အင်းစိန်မြို့နယ် တရားရုံးမှာ တရားစွဲဆို ဖမ်းဆီးခံထားရပါတယ်။

ဒါ့အပြင် ဆက်သွယ်ရေး ဥပဒေပုဒ်မ ၆၆ (ဃ)နဲ့လည်း တပ်မတော်က ထပ်မံ တရားစွဲထားပါတယ်။

ဒါရိုက်တာ မင်းထင်ကိုကိုကြီးကို အမြန်ဆုံးပြန်လွှတ်ပေးဖို့ တောင်းဆိုတဲ့ ထောက်ခံချက်တွေကို နယ်သာလန် အခြေစိုက် မှတ်တမ်းရုပ်ရှင်ပွဲတော်ကျင်းပရေးအဖွဲ့ နှစ်ခုက ဦးဆောင်ပြီး နိုင်ငံတကာ ရုပ်ရှင်ဒါရိုက်တာတွေထံကနေ ကောက်ယူနေရာမှာ မေလ ၂၃ ရက်နေ့အထိ ထောက်ခံသူ တစ်ထောင်နီးပါးရှိနေပြီ ဖြစ်ပါတယ်။

 RFA Burmese
https://www.rfa.org
 

မြေပုံမြို့နယ် စစ်တွေ-ရန်ကုန် ကားလမ်းပေါ်တွင် ခရီးသည်တင်ကား မိုင်းပေါက်ကွဲထိမှန်

ဓာတ်ပုံ-  စိုးသူရ

နိရဉ္စရာ၊ မေလ ၃၁/ ၂၀၁၉

ရခိုင်ပြည်နယ်၊ မြေပုံမြို့နယ်၊ စစ်တွေ- ရန်ကုန်ကားလမ်းပေါ်တွင် ခရီးသည် ၄၄ ဦးကို တင်ဆောင်လာသည့် ရွှေမန်းရတနာကား ယနေ့ ညနေက မိုင်းပေါက်ကွဲ ထိမှန်ခဲ့သည်ဟု သတင်းရရှိသည်။
ဓာတ်ပုံ- စိုးသူရ
မြေပုံမြို့နယ် အုပ်ချုပ်ရေးမှူးက “ ဖြစ်တာက ဒီကနေ့ ညနေ ၄ နာရီခွဲမှာ ဖြစ်တာပါ။ မြေပုံမြို့နယ်၊ ပင်ကပ်ချောင်း ကျေးရွာအုပ်စု၊ ချောင်းကြီးကျေးရွာအနီးမှာ ကားလမ်းဘေးကို ချစဉ် မိုင်းပေါက်ကွဲတယ်လို့ ကနဦး သတင်းရရှိပါတယ်။ ကားပျက်စီးပေမယ့် ခရီးသည်တွေ ထိခိုက်မှု တစ်စုံတစ်ရာ မရှိဘူးလို့ သတင်းရပါတယ်” ဟု နိရဉ္စရာသတင်းဌာနသို့ ပြောကြားသည်။

မိုင်းပေါက်ကွဲသည့် နေရာသည် စစ်တွေဘက်ကလာလာလျှင် ကြာအင်းတောင်ကျေးရွာ အလွန် ချောင်းကြီးကျေးရွာအနီးတွင် ဖြစ်ပွားခဲ့သည်ဟု သိရသည်။

ဓာတ်ပုံ-  စိုးသူရ
ရွှေမန်းရတနာကားသည် စစ်တွေမှ ရန်ကုန်သို့ ခရီးသည် ၄၄ ဦးကို တင်ဆောင်၍ လာစဉ် မိုင်းပေါက်ကွဲ ထိမှန်ခဲ့ခြင်း ဖြစ်ကြောင်၊ ရန်ကုန်မှ မျက်နာချင်းဆိုင်လာသော ကုန်တင်ကားတစ်စီးကို ရှောင်ရန် လမ်းဘေးသို့ ဆင်းပေးစဉ် ပေါက်ကွဲခြင်း ဖြစ်ကြောင်း စစ်တွေမြို့ ရွှေမန်းရတနာ ကားဂိတ် မန်နေဂျာ ဦးတင်ရွှေက ပြောသည်။

၎င်းပြင် မန်နေဂျာ ဦးတင်ရွှေက “ နောက်ကားဘီးတွေ ပွင့်ထွက်ပြီး ပေါက်သွာတယ်။ ကားမှန်တစ်ချို့ ကွဲသွားတယ်။ ခရီးသည်တွေ ထိခိုက်မှု မရှိဘူး။ အခု စစ်တွေကနေ ကားနောက်တစ်စီး ထပ်လွတ် လိုက်ပါတယ်။ ခရီးသည်တွေ ဆက်ခရီးထွက်နိုင်အောင်ပါ” ဟု နိရဉ္စရာသတင်းဌာနသို့ ပြောကြားသည်။

ဒရိုင်ဘာနှင့် စပယ်ယာများလည်း ထိခိုက်မှု မရှိဟု သိရသည်။

ခိုင်လူလှ
Narinjara
https://www.facebook.com/narinjaranews

ပေ်ာက္ဆုံးနေသည့် အမ်ိုးသမီးငယ် ရုပ်အေလာင်းကို မီးလောင်သည့် အခန်းအေပ်ါထပ္မွာတြေ့ရွိ


တာချီလိတ်၊ မေ ၃၁

မေလ ၃၀ရက် ညပိုင်းက ကုန်စုံဆိုင် မီးလောင်မှု ဖြစ်စဉ်အတွင်း ပျောက်ဆုံးနေတဲ့ ဆိုင်ဝန်ထမ်း အမျိုးသမီးငယ်ရဲ့ ရုပ်အလောင်းကို မေလ ၃၁ရက် မနက်ပိုင်းမှာ အဲဒီဆိုင်ရဲ့ အပေါ်ထပ်အခန်းမှာ တွေ့ရှိတယ်လို့ သိရပါတယ်။

တာချီလိတ်မြို့၊ ဝမ်ကောင်းရပ်ကွက်၊ ရတနာလမ်းပေါ်က အဖျော်ယမကာနဲ့ ကုန်ပစ္စည်းဆိုင်တစ်ဆိုင် မေလ ၃၀ရက် ည ၇နာရီခွဲခန့်က မီးလောင်ကျွမ်းမှုဖြစ်ခဲ့ပြီး အဲဒီကုန်စုံဆိုင်မှာ အလုပ်လုပ်တဲ့ ၁၆နှစ်အရွယ် ဆိုင်ဝန်ထမ်း မစုမွန်ဦးလည်း ပျောက်ဆုံးနေတာကြောင့် လူပျောက်ကြော်ငြာ ကြေညာခဲ့ပါတယ်။

ဒီကနေ့ မေလ ၃၁ရက် မနက်ပိုင်းမှာတော့ မီးလောင်ထားတဲ့ ပစ္စည်တွေ ရှင်းလင်းမှု ပြုလုပ်စဉ်မှာ နှစ်ခန်းတွဲဆိုင်ရဲ့ ခေါင်းရင်းဘက်အခန်း အပေါ်ထပ်မှာ သူမရဲ့ ရုပ်အလောင်းကို တွေ့ရှိတာ ဖြစ်တယ်လို့ မျက်မြင်တွေ့သူ တစ်ဦးက ပြောပါတယ်။

“မနေ့ညက မီးသတ်နေတုန်းမှာ လူအော်သံလည်းမကြားရဘူး။ ဘာသံမှလည်းမကြားရတော့ အဲဒီကလေးမက ကြောက်ပြီး ထွက်ပြေးသွားတယ်လို့ပဲ ထင်ကြတာ။ ဒီမနက်ရှင်းလင်းရေးလုပ်မှ ရုပ်အလောင်းကို တွေ့ကြတာ” လို့ မျက်မြင်တွေ့ရှိသူ တစ်ဦးက ပြောပါတယ်။

ယမန်နေ့ညက ကုန်စုံဆိုင်မီးလောင်မှုဟာ အချိန်တစ်နာရီကျော်ကြာမြင့်ခဲ့ပြီး ဆိုင်အတွင်းမှာ မီးလောင်လွယ်တဲ့ ကုန်ပစ္စည်းတွေရှိတာကြောင့် ခက်ခက်ခဲခဲ ဝိုင်းဝန်းငြှိမ်းသတ်ခဲ့ရတာဖြစ်ပါတယ်။

သတင်း/ဓာတ်ပုံ - ရွှေတြိဂံဒေသသတင်း
https://www.facebook.com/GoldenTriangleRegionalNews

အင်းဒင်လူသတ်မှု ပြစ်ဒဏ်ခံရသူတွေကို လွှတ်ပေးတာ လူ့အခွင့်အရေးရှေ့နေ ဝေဖန်


ရခိုင်ပြည်နယ်မြောက်ပိုင်း အင်းဒင်ရွာလူသတ်မှုကို ကျူးလွန်တယ်ဆိုပြီး ထောင်ဒဏ်ကျခံရတဲ့ တပ်မတော်သားတွေကို ပြစ်ဒဏ်လျှော့ပေးပြီး ကာကွယ်ရေးဦးစီးချုပ်အမိန့်နဲ့ ပြန်လွှတ်ပေးခဲ့တာကို ကြည့်ရင် မြန်မာနိုင်ငံရဲ့ တရားစီရင်ရေးစနစ်မှာ ရှက်စရာကောင်းတဲ့ ဆုံးဖြတ်ချက်ဖြစ် တယ်လို့ လူ့အခွင့်အရေးရှေ့နေတဦးက ဝေဖန်ပြောဆိုလိုက်ပါတယ်။ လူသတ်မှု ကျူးလွန်ခဲ့တဲ့ တပ်မတော်သား ၇ဦးကို ပြီးခဲ့တဲ့ နိုဝင်ဘာ လကတည်းက ပြန်လွှတ်ပေးခဲ့တာပါ။ ဒီအကြောင်း ကိုဉာဏ်ဝင်းအောင်က တင်ပြပါမယ်။

အင်းဒင်ရွာမှာ ၂၀၁၇ ခုနှစ်တုန်းက ရိုဟင်ဂျာမွတ်ဆလင် ၁၀ဦးကို ဖမ်းဆီး လက်ပြန်ကြိုးတုတ်ပြီး ပစ်သတ်ခဲ့မှုနဲ့ပတ်သက်လို့ တပ်မတော်သား ၇ ဦးကို တပ်မတော်က အရေးယူပြီး နှစ်ရှည်ထောင်ဒဏ် ချမှတ်ထားခဲ့တာပါ။ ဒါပေမယ့် အဲဒီ တပ်မတော်သားတွေက အသနားခံစာတင်ပြီး အယူခံဝင်တာကြောင့် တပ်မတော် အက်ဥပဒေပုဒ်မ ၁၆၈(၂)၊ ၁၈၂(ဂ)အရ တပ်မတော်ကာကွယ်ရေး ဦးစီးချုပ်ရဲ့ လုပ်ပိုင်ခွင့်ကိုသုံးပြီး၊ သူတို့ ၇ ဦးကို ၂၀၁၈ နိုဝင်ဘာလထဲမှာ ပြန်လွှတ်ပေးခဲ့တယ်လို့ တပ်မတော်သတင်းမှန် ပြန်ကြားအဖွဲ့ပြောခွင့်ရ ဗိုလ်မှူးချုပ် ဇော်မင်းထွန်းက VOA မြန်မာပိုင်းကို အတည်ပြု ပြောကြားပါတယ်။

အခုလို တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က လွတ်ငြိမ်းသက်သာခွင့်ပေးလိုက်တာဟာ မြန်မာနိုင်ငံရဲ့ တရား စီရင်ရေးစနစ်မှာ တပ်မတော်က လွှမ်းမိုးနေတာကို ပြသရာရောက်ကြောင်း AHRC အာရှလူ့အခွင့်အရေးကော်မရှင်အဖွဲ့ လူ့အခွင့်အရေးရှေ့နေ ဦးမင်းလွင်ဦးက ဝေဖန်လိုက်ပါတယ်။

“တပ်မတော် အက်ဥပဒေအရ စစ်ဘက်ဆိုင်ရာ ဖြစ်ပွားတဲ့ မုဒိမ်းမှု ၊ လူသတ်မှု စတဲ့အမှုတွေနဲ့ ပတ်သက်လာတယ်ဆိုရင် အရပ်ဘက် တရားရုံးမှာ စစ်ဆေးစီရင်ပြီးတော့မှ အရပ်ဘက်တရားရုံးက ချမှတ်တဲ့ ပြစ်ဒဏ်ကို ပေးရမှာဖြစ်တယ်။ အခုကျတော့ အဲလိုမျိုးမဟုတ်ပဲနဲ့ အင်းဒင်မှာ ဖြစ်တဲ့အမှုမှာ တပ်မတော်တရားရုံးချုပ်ကနေပြီးတော့ ထောင်ဒဏ် ၁၀ နှစ်တို့ ၁၅ နှစ်တို့ စသဖြင့် ပေးလိုက်တယ်။ ပြီးတဲ့အခါကျတော့ အယူခံတင်လိုက် မင်းတို့ကိုငါ ပြန်လွှတ်ပေးလိုက်မယ်ဆိုပြီး လွှတ်ပေးလိုက်တော့ ကျနော်တို့ မြန်မာနိုင်ငံရဲ့ တရားစီရင်ရေးစနစ်က တပ်မတော်ကို လွှမ်းမိုးနိုင်ခြင်းမရှိသေးဘူး။ တပ်မတော်က ငါတို့လုပ်ချင်တာ လုပ်လို့ရတယ်ဆိုတဲ့အခြေအနေကို ပွင့်ပွင့်လင်းလင်းဖော်ပြလိုက်တဲ့သဘောမျိုးဖြစ်နေတယ်။ ဒါကတော့ တော်တော်ရှက်ဖို့ကောင်းတဲ့ကိစ္စဖြစ်တယ်။”

လူအစုလိုက် သတ်ဖြတ်သူတွေကို လွှတ်ပေးလိုက်တဲ့ လုပ်ရပ်ဟာ လက်ခံနိုင်စရာ မရှိဘူးလို့ ရှေ့နေဦးမင်းလွင်ဦးက သုံးသပ်ပါတယ်။

“ကာကွယ်ရေးဦးစီးချုပ်အနေနဲ့ ဒီလို သတ်ဖြတ်လိုက်တဲ့အပေါ်မှာ အသနားခံစာတင်လာတဲ့အတွက် လွှတ်ပေးလိုက်တယ်ဆိုတာကိုတော့ ကျနော်လုံးဝကို လက်မခံနိုင်ပါဘူး။ နောက်ပြီးတော့ တခါ လူ ၁၀ ယောက်စလုံးကို သွေးအေးအေးနဲ့ ပစ်သတ်ပြီးတော့မှ ပြစ်ဒဏ်ချမှတ်ထားပြီးတဲ့သူတွေကို ပြစ်ဒဏ် ၁ နှစ်မပြည့်ခင်ကာလအတွင်းမှာ လွတ်ပေးလိုက်တယ်ဆိုကတည်းကိုက တပ်မတော်က ငါ့လူကိုတော့ ငါကယ်မယ် မင်းတို့လုပ်ချင်တာလုပ်ဆိုတော့ ဥပဒေရဲ့အထက်မှာ ငါတို့အကုန်ရှိတယ်ဆိုပြီးတော့ ပြည်သူလူထုတရပ်လုံးကို စော်ကားလိုက်တယ်လို့ပဲ ကျနော်မြင်ပါတယ်။”

အင်းဒင်ရွာမှာ ဖမ်းမိသူတွေကို အရပ်ဖက် တရားရုံးမှာ တရားစီရင်လို့ ရနိုင်ပါလျက်နဲ့ တပ်မတော်က အကျဉ်းရုံး အဆုံးစီရင်တာဟာ ဥပဒေနဲ့ ညီညွတ်မှု မရှိဘူးလို့ ဦးမင်းလွင်ဦးက ထောက်ပြပါတယ်။

“ဒီအင်းဒင်ရွာသတ်မှုမှာ အကြမ်းဖက်သမားဖြစ်ပါစေအုန်း ကျနော်တို့ နိုင်ငံတကာ စစ်ဥပဒေပေါ့နော် Law အရရော International convention တွေအရရော အဲဒီလိုမျိုး အရင်ဖမ်းမိတဲ့လူတွေကို ဥပဒေမဲ့ သတ်ဖြတ်ပိုင်ခွင့်မရှိပါဘူး။ စစ်ဆေးပေါ်ပေါက်ချက်တွေအရ သူတို့က အကြမ်းဖက်သမားတွေ ဖြစ်တယ်ဆိုရင် သူတို့နဲ့ ထိုက်တန်တဲ့ နှစ်ရှည်ထောင်ဒဏ်တွေသော်လည်းကောင်း ၊ သေဒဏ်တွေသော်လည်းကောင်း တရားခွင်ကနေ စစ်ဆေးစီရင်ပြီးမှ အပြစ်ပေးရမှာဖြစ်ပါတယ်။ အခုလိုမျိုး ဥပဒေမဲ့ ငါတို့ထင်တိုင်း ပစ်သတ်လိုက်မယ်ကွာ ဆိုတာကတော့ တော်တော်ကြီးတရားမဲ့ဖြစ်လွန်းတယ်လို့ ကျနော်ကတော့ ပြောချင်ပါတယ်။”

အခုလို မွတ်ဆလင်ရွာသား ၁၀ ဦး ဥပဒေမဲ့သတ်ဖြတ်ခဲ့တဲ့ ပြစ်ဒဏ်ကျ တပ်မတော်သားတွေကို ကာကွယ်ရေးဦးစီးချုပ်အမိန့်နဲ့ ပြန်လွှတ်ပေး ခဲ့တဲ့အပေါ်မှာတော့ ဝေဖန်မှုတွေ ဆက်လက် ထွက်ပေါ်နေပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com

သမ္မတဦးဝင်းမြင့် အိန္ဒိယကို ရောက်ရှိ


မြန်မာသမ္မတ ဦးဝင်းမြင့်ဟာ ဒေလီမြို့ အိန္ဒိယ သမ္မတအိမ်တော် Rashtrapati Bhavan မှာ ကြာသပတေးနေ့က ကျင်းပတဲ့ အိန္ဒိယဝန်ကြီးချုပ် Narendra Modi ရဲ့ ဒုတိယသက်တမ်း ဝန်ကြီးချုပ်အဖြစ် ကျမ်းသစ္စာကျိန်ဆိုပွဲ အခမ်းအနားကို တက်ရောက်ခဲ့ပါတယ်။

ကျမ်းသစ္စာကျိန်ဆိုပွဲကို သီရိလင်္ကာနိုင်ငံသမ္မတ မိုင်သရီ ပါလဆီရီစီနာ၊ ကာဂျစ်စတန်နိုင်ငံသမ္မတ ဆော်ရွန်ဘေးဂျန်ဘီကို့ဗ်၊ ဘင်္ဂလားဒေ့ရှ် နိုင်ငံသမ္မတ မိုဟာမက် အဗ္ဗဒူလ် ဟာမစ်၊ နီပေါနိုင်ငံဝန်ကြီးချုပ် ကေပီရှာမာအိုလီ၊ ဘူတန်နိုင်ငံဝန်ကြီးချုပ် ဒေါက်တာလိုတေးရှားရင်း၊ မော်ရစ်ရှပ်နိုင်ငံဝန်ကြီးချုပ် ပရာဗင့်ကူးမားဂျက်နော့၊ ထိုင်းနိုင်ငံဝန်ကြီးချုပ်ရဲ့ အထူးကိုယ်စားလှယ် စိုက်ပျိုးရေးနှင့်သမဝါယမဝန်ကြီး ဂရီဆာဒါ ဘွန်းရေ့စ်တို့လည်း တက်ရောက်ကြတာပါ။

ကျမ်းသစ္စာကျိန်ဆိုပွဲအပြီးတွင် နိုင်ငံတော်သမ္မတဦးဝင်းမြင့်ဟာ အိန္ဒိယသမ္မတနိုင်ငံ ဝန်ကြီးချုပ် Narendra Modi နဲ့တွေ့ဆုံပြီး ဂုဏ်ယူဝမ်းမြောက်ကြောင်း ပြောကြားခဲ့တယ်လို့ သမ္မတရုံး ဝက်ဘ်ဆိုက်မှာ ဖေါ်ပြထားပါတယ်။

အစောပိုင်းတုန်းက အိန္ဒိယ နိုင်ငံခြားရေးဝန်ကြီးဌာန ပြောခွင့်ရ Raveesh Kumar က အိန္ဒိယနိုင်ငံရဲ့ အရှေ့ဒေသမှာ လှုပ်ရှားမယ့် မူဝါဒ - Act East Policy မှာ အရေးပါတဲ့ ပုဂ္ဂိုလ်ကြီးဖြစ်တဲ့ သမ္မတကြီး ဦးဝင်းမြင့်ဟာ ဝန်ကြီးချုပ် Modi နဲ့ ကောင်စီအဖွဲ့ဝင် ဝန်ကြီးတွေရဲ့ ကျမ်းသစ္စာ ကျိန်ဆိုပွဲ အခမ်းအနားကို တက်ရောက်ဖို့ ဒေလီကို ရောက်လာပြီဖြစ်ကြောင်း တွစ်တာမှာ ရေးပါတယ်။ သမ္မတဦးဝင်းမြင့်ဟာ မြန်မာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်စား တက်ရောက်လာတာ ဖြစ်ပါတယ်။

ဒီကျမ်းသစ္စာ ကျိန်ဆိုပွဲကို အိန္ဒိယသမ္မတ Ram Nath Kovind က ကြီးမှုးကျင်းပတာဖြစ်ပြီး မြန်မာ၊ ဘင်္ဂလားဒေ့ရှ်၊ ဘူတန်၊ နီပေါ၊ သီရိလင်္ကာနဲ့ ထိုင်း နိုင်ငံတွေပါဝင်တဲ့ BIMSTEC နိုင်ငံတွေက ခေါင်းဆောင်တွေ တက်ရောက်ကြပါတယ်။ Modi ရဲ့ ၂၀၁၄ ပထမအကြိမ် ဝန်ကြီးချုပ် ကျမ်းသစ္စာ ကျိန်ဆိုပွဲတုန်းက မြန်မာကို ဖိတ်ကြားခြင်း မရှိပါဘူး။

ဗွီအိုအေ (မြန်မာပိုင်း)
https://burmese.voanews.com

မြန်မာမြေရှားသတ္တုကို တရုတ် အဝင်မခံတော့တာ ဘာ့ကြောင့်လဲ

 မြေရှားအထုတ်ဆုံး နိုင်ငံတွေထဲ တရုတ်က ပထမ၊ မြန်မာက စတုတ္တ
မြေရှားသတ္တု Rare Earth ကို ပမာဏ အများဆုံး ထုတ်ခဲ့တဲ့ နိုင်ငံတွေထဲ မြန်မာဟာ တရုတ်၊ အမေရိကန်နဲ့ ဩစတြေးလျတို့နောက် စတုတ္တမြောက် ရှိနေတယ်လို့ အမေရိကန် အစိုးရရဲ့ ဘူမိလေ့လာရေး အသင်း USGS က ဆိုပါတယ်။

၂ဝ၁၈ ထဲမှာဆိုရင် မြန်မာနိုင်ငံဟာ မြေရှားသတ္တု တန် ငါးထောင် ထုတ်ခဲ့တယ်လို့ USGS ရဲ့ စရင်းယားတွေက ဖော်ပြ နေပါတယ်။

ဒါပေမယ့် မြန်မာဟာ မြေရှားသတ္တု စတုတ္တမြောက် အများဆုံး ရှိတဲ့ နိုင်ငံ ဖြစ်တယ်ဆိုတဲ့ အဓိပ္ပာယ်မျိုးတော့ မရှိပါဘူး။

ဥပမာ ဘရာဇီးနဲ့ အိန္ဒိယလို နိုင်ငံတွေမှာ ဆိုရင် မထုတ်ယူပဲ ထားတဲ့ ပမာဏ မက်ထရစ် တန်ချိန်ပေါင်း သိန်းရာနဲ့ချီ ရှိပေမယ့် တစ်နှစ်မှာ တန်ချိန် တစ်ထောင် ကနေ နှစ်ထောင် ကြားသာ တကယ်တမ်း ထုတ်ယူကြပါတယ်။

မြန်မာပြည် မြေအောက်ထဲ မြေရှားသတ္တု ဘယ်လောက် ပမာဏ ရှိနေနိုင်တယ် ဆိုတာကိုတော့ USGS က တိတိကျကျ မပြောဆို နိုင်ပါဘူး။

မြေရှားသတ္တု ဆိုတာ ဘာလဲ

မြေရှားသတ္တု Rare Earth အဖြစ် သတ်မှတ်ထားတဲ့ ဒြပ်စင် ၁၇ မျိုး အုပ်စု ရှိပါတယ်။ အဲဒီ ဒြပ်စင်တွေဟာ နည်းပညာ အသုံးပြု ကုန်ပစ္စည်းတွေ ထုတ်လုပ်ရာမှာ အင်မတန် အသုံးဝင်ပါတယ်။

ပြည့်ဖြိုးမြဲ စွမ်းအင်လို့ ခေါ်ကြတဲ့ ရုပ်ကြွင်းလောင်စာ အပေါ် မမှီခိုတဲ့ စွမ်းအင်မျိုး ထုတ်လုပ်တဲ့ နည်းပညာ (အထူးသဖြင့် လျှပ်စစ်ကား ဘက်ထရီ)မှာ အသုံးချတာကစလို့ ၊ ရေနံချက်တဲ့ လုပ်ငန်းအထိ၊ တခါ လျှပ်စစ်ပစ္စည်း ကိရိယာ အမျိုးမျိုး၊ ဖန်ထည်မှန်ထည် ထုတ်တဲ့ လုပ်ငန်း စတဲ့ ကုန်ထုတ်လုပ်ငန်း အတော်များများမှာ အသုံးပြု နေပါတယ်။

နည်းပညာ အသုံးပြု ကုန်ပစ္စည်းတွေ ထုတ်လုပ်ရာမှာ အင်မတန် အသုံးဝင်
လျှပ်စစ် ပစ္စည်းတွေ အရွယ်အစား ကြီးစရာ မလိုတော့ပဲ စွမ်းဆောင်မှု ပိုမြင့်အောင် လုပ်လာနိုင်တာလည်း မြေရှားသတ္တုကို အသုံးချလို့ ဖြစ်ပါတယ်။ လက်ကိုင်မိုဘိုင်းဖုန်းတွေ၊ တက်ဘ်လက်ပြားတွေရဲ့ အစိတ်အပိုင်း အတော်များများ ထုတ်ရာမှာလည်း မြေရှားသတ္တုတွေ အသုံးပြုထားတာ ဖြစ်ပါတယ်။

နာမည်ထဲ "ရှား" ဆိုတဲ့ စကားလုံး ပါဝင်နေလို့ အင်မတန် ရှားတဲ့ ပစ္စည်းတွေလို့ ယူဆမိတတ်ကြပါတယ်။ တကယ်တော့ ကမ္ဘာ့မြေသားထု အတွင်းပိုင်းမှာ တော်တော်လေး များများစားစား ရှိနေတယ်လို့ USGS က ဆိုပါတယ်။

ဒါပေမယ့် ကမ္ဘာပေါ် မြေရှားသတ္တု ထုတ်ယူတဲ့ နေရာတွေကတော့ တော်တော်လေး နည်းပါးပါတယ်။ အကြောင်းကတော့ တူးရတဲ့ လုပ်ငန်း ခက်ခဲသလို၊ သဘာဝ ဝန်းကျင် ထိခိုက် ပျက်စီးတဲ့ အန္တရာယ်လည်း ရှိပါတယ်။ ဒါ့ကြောင့် အရံပမာဏ တန်ချိန် သိန်းရာချီနေတဲ့ နိုင်ငံတွေဟာ တကယ်တမ်း ထုတ်တော့ တန် တစ်ထောင် ဝန်းကျင်လောက်ပဲ ထုတ်ကြတာ ဖြစ်ပါတယ်။

မြေရှားသတ္တု အစိုင်အခဲ အတုံးတွေကနေ လုပ်ငန်းသုံး အောက်ဆိုဒ် ဒြပ်ပေါင်း အခြေအနေထိ သန့်စင်မှု အလုပ်ခဲ့ဆုံး နိုင်ငံဟာ တရုတ်ဖြစ်ပြီး၊ မနှစ်ကဆိုရင် ၉ဝ % နီးပါး တရုတ်က ပြုလုပ် ခဲ့တာဖြစ်ပါတယ်။ ကျန်တဲ့ မြေရှားသတ္တု အောက်ဆိုဒ် ဒြပ်ပေါင်းတွေကိုတော့ မလေးရှားမှာ အခြေချထားတဲ့ ဩစတြေးလျ ကုမ္ပဏီက ပြုလုပ်တာ ဖြစ်ပါတယ်။

ပန်ဝါဒေသက သတ္တုလုပ်ကွက်

တရုတ်ဝယ်လက်နဲ့ မြန်မာမြေရှားသတ္တု

မြန်မာပြည်ဟာ မြေရှားသတ္တုထုတ်တဲ့ နိုင်ငံတွေထဲ ထိပ်ဆုံး ၄ နိုင်ငံထဲ ပါအောင်ကို ထုတ်လုပ်တဲ့ အကြောင်းကတော့ ထုတ်သမျှကို တရုတ်က ဝယ်တဲ့ အတွက် ဖြစ်ပါတယ်။

ဒါ့ကြောင့် အခုနှစ် ၂ဝ၁၉ မေလလယ်မှာ တရုတ်က မူဝါဒပြောင်းပြီး သူတို့ နိုင်ငံထဲ မြန်မာဘက်က မြေရှားသတ္တု သွင်းတာကို ပိတ်ပင်လိုက်တဲ့ အခါ မြန်မာပြည်ထဲ က ထုတ်လုပ်သူတွေ အနေနဲ့ ဝယ်လက်သစ် ရှာရတော့မယ်လို့ USGS က ပြောပါတယ်။

တရုတ်နိုင်ငံဟာ မြေရှားသတ္တု အရံပမာဏ အများဆုံး ရှိတဲ့ နိုင်ငံ၊ ထုတ်လုပ်မှု ပမာဏ အများဆုံး နိုင်ငံ ဖြစ်သလို ပြည်ပကို အတင်ပို့ဆုံး နိုင်ငံလည်း ဖြစ်ပါတယ်။ ဥပမာ- အမေရိကန်ထဲ ဝင်လာသမျှ မြေရှားသတ္တု အားလုံးရဲ့ ၈ဝ% ဟာ တရုတ်က ဖြစ်တယ်ဆိုတာ အမေရိက အစိုးရရဲ့ တရားဝင် ကိန်းဂဏန်းတွေက ဖော်ပြနေပါတယ်။

ဒါပေမယ့်လည်း၊ သူတို့ ပြည်တွင်း ကုန်ပစ္စည်း ထုတ်လုပ်ရေး လုပ်ငန်းများမှာ သုံးဖို့ အိမ်နီးချင်း မြန်မာဆီကနေ မြေရှားသတ္တုတွေ ပြန်သွင်းတာ ဖြစ်ပါတယ်။ တရုတ်ပြည် ဈေးကွက် စစ်တမ်းတွေအရ ၂ဝ၁၇ က စပြီး မြန်မာမြေရှားသတ္တုကို အတော်လေး အသုံးပြုလာကြတယ်လို့ ဆိုပါတယ်။

မြန်မာပြည် ဘယ်နေရာတွေမှာ မြေရှားထုတ်နေလဲ

ကုန်ထုတ်လုပ်ငန်း မဖွံ့ဖြိုးတဲ့ မြန်မာပြည်ထဲမှာတော့ မြေရှားသတ္တုနဲ့ အကြောင်း အပြောနည်းပြီး ဘယ်နေရာတွေမှာ ထွက်တယ်၊ ဘယ်သူတွေက ထုတ်လုပ်တယ် စတဲ့ အသေးစိတ် အချက်အလက်တွေလည်း တိတိကျကျ သိရတာ နည်းပါတယ်။

အခု မေလလယ်တုန်းကတော့ ကချင်ပြည်နယ် ချီဖွေ မြို့နယ် ၊ ပန်ဝါ ဒေသထဲမှာ ရှိတဲ့ မြန်မာ မျိုးကိုကို ကုမ္ပဏီရဲ့ ခွင့်ပြုမိန့်ရ မြေရှားသတ္တု လုပ်ကွက်တွေ၊ ဆန်းလင်း ကုမ္ပဏီရဲ့ သံသတ္တု သန့်စင်စက်တွေကို ဒေသန္တရာ အာဏာပိုင်တွေ ကွင်းဆင်း စစ်ဆေးတာတွေ လုပ်ခဲ့တယ်ဆိုတဲ့ အစိုးရရဲ့ ထုတ်ပြန်ချက်ကို တွေ့ရပါတယ်။

ပန်ဝါမှာ မြေရှားသတ္တု လုပ်ကွက်တွေရှိ

သွားရောက် စစ်ဆေးရတဲ့ အကြောင်းကတော့ သတ္တုလုပ်ကွက်တွေက စွန့်တဲ့ ရေဆိုးတွေကြောင့် အိမ်မွေး တိရိစ္ဆာန်တွေ အဆိပ်သင့်နေတယ် ဆိုပြီး ဒေသခံတွေက တိုင်တဲ့ အတွက် ဖြစ်ပါတယ်။ သူတို့ စစ်ဆေးတဲ့ လုပ်ကွက်တွေဟာ အစိုးရထံမှာ တရားဝင် မှတ်ပုံတင် ခွင့်ပြုချက်တောင်းပြီး လုပ်ကိုင်ကြတဲ့ လုပ်ငန်းတွေ အဖြစ် နားလည်ရပါတယ်။ အဲဒီ ဒေသမှာ မြေရှားသတ္တု ၊ ခဲမဖြူနဲ့ သံ တွေ ထွက်ပြီး တူးဖော်ရေးလုပ်တဲ့ ကုမ္ပဏီ အနည်းဆုံး ခြောက်ခု ရှိပါတယ်။

အဲဒီ ပန်ဝါဒေသဟာ ကချင် အထူး ဒေသ ၁ ဆိုပြီး သတ်မှတ်ထားတဲ့ နေရာ ဖြစ်ပါတယ်။ နယ်ခြားစောင့်တပ် အဖြစ် ပြောင်းထားတဲ့ ဇခုံတိန့်ယန်း ဦးဆောင်တဲ့ ကချင် ဒီမိုကရေစီ တပ်မတော် NDA-K အခြေစိုက်ရာ ဖြစ်ပါတယ်။ ကချင်ပြည်နယ် အရှေ့မြောက်ပိုင်း ပန်ဝါနဲ့ ချီဖွေကြား ဒေသမှာ မြေရှားသတ္တုလုပ်ကွက်တွေ ရှိပြီး တရုတ်ဘက်ကသူတွေ ဦးဆောင်လုပ်နေကြတာ ဖြစ်တယ်လို့ ဒေသခံ သတင်းတွေက ဖော်ပြကြပါတယ်။

တရုတ်နဲ့ နယ်စပ် ကချင်ဒေသတွေ ဖြစ်တဲ့ ပန်ဝါ၊ ချီဖွေ ၊ ကန်ပိုင်တီလို နေရာတွေမှာ သတ္တုတွင်း လုပ်ငန်းတွေ ရှိလာတာ ၁၉၉ဝ ပြည့်ကျော် နှစ်တွေ ကတည်းက ဖြစ်တယ်လို့ ဆိုပေမယ့် အဲဒီ အချိန်ကတည်းက မြေရှားသတ္တုလုပ်ကွက်တွေ ရှိလာပြီလား ဆိုတာတော့ မသေချာပါဘူး။

တခါ၊ ဝဒေသထဲ ရောက်ဖူးတဲ့ သတင်းရင်းမြစ်တွေ အရလည်း အဲဒီ ဒေသမှာ မြေရှားသတ္တု ထုတ်တဲ့ လုပ်ကွက်တွေ ရှိတယ်လို့ ပြောပေမယ့် ဘီဘီစီ အနေနဲ့တော့ သီးခြား အတည်ပြု နိုင်ခြင်း မရှိသေးပါဘူး။ တရုတ်နိုင်ငံထဲ ဖုန်းတွေ လုပ်တဲ့နေရာမှာ သုံးဖို့ ပို့ရတယ် ဆိုပြီး တူးထားတဲ့ မြေကြီးခဲတွေကို တချို့က ပြသတယ်လို့ ကြုံဖူးသူတချို့က ဆိုပါတယ်။

 ဩစတြေးလျက မြေရှားတွေကို မလေးရှားမှာ သန့်စင်ဖို့ ပို့ပါတယ်။
တရုတ်က မြန်မာမြေရှားသတ္တုကို ဘာလို့ အသွင်းမခံတော့တာလဲ

မြေရှားသတ္တု တူးဖော်တဲ့ လုပ်ငန်း မြန်မာပြည်ထဲ တွင်ကျယ်လာတဲ့ ၂ နှစ် ကျော်ကျော် ဝန်းကျင်ပဲ ရှိနိုင်တယ်ဆိုတဲ့ ယူဆချက်မျိုး ရှိပါတယ်။ ၂ဝ၁၆ မှာ မြန်မာနဲ့ ကပ်ရက် ယူနန် အပါအဝင် တရုတ်ပြည်တောင်ပိုင်းမှာ သဘာဝဝန်းကျင် ကာကွယ်ရေးမူတွေ တင်းကျပ် လာပါတယ်။

ဒီအခါ မြေရှားသတ္တု တူးတဲ့ တရုတ်လုပ်ငန်းတွေ မြန်မာထဲ ဝင်လာပါတယ်။ ကွမ်ကျိုးနဲ့ ကျန်းရှီးနယ်ထဲက လူ တစ်သောင်းခွဲလောက် မြန်မာဘက် ရောက်လာ ခဲ့ကြတယ်လို့ တရုတ်ပြည်ကလာတဲ့ သတင်းတွေက ဆိုပါတယ်။ မြန်မာပြည်ထဲကနေ သူတို့ တူးရတဲ့ မြေရှားသတ္တုတွေဟာ တရုတ်ပြည်ထဲ ပုံမှန်လမ်းကြောင်းကနေ မဝင်ပဲ မှောင်ခို ဈေးကွက်ထဲပဲ အဓိက ဝင်တယ်လို့ ဆိုပါတယ်။

ပြည်တွင်း ထုတ်လုပ်သူတွေဘက်က ဝေဖန်သံတွေ ကျယ်လောင်လာတဲ့ အတွက် ဒီလို မှောင်ခိုဈေးကွက်ထဲ ရောက်လာတဲ့ မြေရှားသတ္တုတွေကို ထိန်းချုပ်ဖို့ လိုတယ်ဆိုပြီး ၂ဝ၁၈ နှစ်လယ်ပိုင်းလောက်ကတည်းက ဘေဂျင်းမှာ ရှိတဲ့ တရုတ် ဗဟိုအစိုးရက စဉ်းစား ခဲ့ကြပါတယ်။ နောက်ဆက်တွဲ အနေနဲ့ ၂ဝ၁၉ မေလထဲမှာတော့ မြန်မာဘက်ကနေ မြေရှားသတ္တုတွေ အဝင် မခံတော့ပဲ ပိတ်ပင်လိုက်တာ ဖြစ်ပါတယ်။

 မြန်မာမြေရှားတွေ အဝင်မခံတော့တဲ့ ထိန်ချုံး
ဒါ့အပြင် ထိန်ချုံးမှာ ရှိတဲ့ ယူနန် မြန်မာ ဝင်ပေါက် ထွက်ပေါက် ဆိပ်ကမ်းကိုပါ ပိတ်ထားပါတယ်။ အဲဒီကနေ မြန်မာဘက်က မြေရှားသတ္တုတွေ အဓိက ဝင်တာလို့ တရုတ်အာဏာပိုင်တွေ ယူဆလို့ ဖြစ်ပါတယ်။ ဒီလိုပိတ်ပင်ပြီး ရက်ပိုင်းမှာပဲ တရုတ်ပြည်တွင်း ဈေးကွက်မှာ မြေရှားသတ္တုဝင် ဒိုင်ပရိုဆီယမ် အောက်ဆိုဒ်၊ တာဘီယမ် အောက်ဆိုဒ် ဈေးတွေ မြင့်တက်ခဲ့တာ တွေ့ရပါတယ်။

လက်ရှိ ကမ္ဘာ့ ကုန်သွယ်ရေး အခြေအနေကို ကြည့်ရင် အမေရိကန်နဲ့ ကုန်သွယ်ရေးစစ် ဖြစ်နေတဲ့ တရုတ်ဟာ အမေရိကန် ကုန်ထုတ်လုပ်ငန်းတွေ ထိခိုက်သွားနိုင်တဲ့ ခြေလှမ်းမျိုး အဖြစ် မြေရှားသတ္တုတွေ အမေရိကန်ကို တင်ပို့မှု ထိန်းချုပ်ကောင်း ထိန်းချုပ်မယ် ဆိုပြီး လေသံပစ်နေပါတယ်။ အထက်မှာ ပြောခဲ့သလို အမေရိကန်ထဲ ဝင်သမျှ မြေရှားသတ္တု ပမာဏ ၅ ပုံ ၄ပုံဟာ တရုတ်ကနေ လာတာ ဖြစ်ပါတယ်။

အမေရိကန်နဲ့ ကုန်သွယ်ရေး စစ်မှာ အခုလို မြေရှားသတ္တုကို နိုင်ဖဲသဖွယ် တရုတ်က သုံးလာနိုင်တယ်ဆိုတဲ့ အချက်နဲ့ မြန်မာရဲ့ မြေရှားသတ္တုတွေကို တရုတ်ထဲ အဝင်မခံတော့တဲ့ လုပ်ရပ်ဟာ ဆက်စပ်မှု ရှိ မရှိ အသေအချာ မပြောနိုင်သေးပါဘူး။ အမေရိကန်ကို တကယ်ပဲ မြေရှားသတ္တုတွေ မသွင်းတော့ဘူးဆိုရင် တရုတ် ပြည်တွင်း စုပုံနေမှာကို ကြိုတင်ဟန့်တားတဲ့ အနေနဲ့ မြန်မာ မြေရှားသတ္တုတွေကို ပိတ်တာ ဖြစ်နိုင်တယ်ဆိုတဲ့ ယူဆချက်မျိုးတော့ ရှိနေပါတယ်။

BBC Burmese
https://www.bbc.com

ဒီပဲယင်းလုပ်ကြံမှု ၁၆ နှစ်ပြည့်အခမ်းအနားကျင်းပ

ဒီပဲယင်းလုပ်ကြံမှု ၁၆ နှစ်ပြည့်အခမ်းအနားကို ရေဦး-မုံရွာကားလမ်းမဘေး ကျည်ရွာအဝင်မှာ ၂ဝ၁၉ မေလ ၃ဝ ရက်နေ့က ကျင်းပခဲ့ကြစဉ်။ / Photo: Phoe Kyaw
ဒေါ်အောင်ဆန်းစုကြည်နဲ့ NLD ပါတီဝင်တွေကို လုပ်ကြံတိုက်ခိုက်ခဲ့တဲ့ ဒီပဲယင်းအရေးအခင်း ၁၆ နှစ် ပြည့် အခမ်းအနားကို စစ်ကိုင်းတိုင်း၊ ရွှေဘိုခရိုင်၊ ဒီပဲယင်းမြို့နယ်၊ ကျည်ရွာမှာ ဒီကနေ့ မနက်ပိုင်းက ကျင်းပခဲ့ပါတယ်။

အခမ်းအနားမှာ အကြမ်းဖက်တိုက်ခိုက်ခံရမှုအတွင်း ကျဆုံးသွားသူတွေအတွက် လွမ်းသူ့ပန်းခွေချပြီး သံဃာတော်တွေကို ဆွမ်းဆက်ကပ်လှူဒါန်း အမျှပေးဝေခဲ့ပါတယ်။ အခမ်းအနားတက်ရောက်လာတဲ့ အမျိုးသားဒီမိုကရေစီဗဟိုအဖွဲ့ချုပ် ပြန်ကြားရေးတာဝန်ခံ မုံရွာအောင်ရှင်က....

“ ဒါဟာ ဖြစ်ခဲ့တာတွေအတွက် လက်စားချေဖို့မဟုတ်ဘူး။ တချိန်က စစ်အာဏာရှင်လက်ထက်မှာ ဒါမျိုးဖြစ်ခဲ့တယ်။ ဒီလိုခံစားချက်တွေရှိခဲ့တယ်ဆိုတာ ပြသချင်တဲ့အတွက် ဖြစ်တယ်” လို့ RFA ကို ပြောပါတယ်။

ဒါ့အပြင် ဒီပဲယင်းအထိမ်းအမှတ်အဖြစ် ကျည်ရွာထိပ်မှာ အထိမ်းအမှတ်စေတီတစ်ဆူ တည်ထားပြီး အဲဒီဘေးမှာဘဲ ပြတိုက်တစ်ခု တည်ဆောက်ဖို့ စီစဉ်ထားတယ်လို့လည်းပြောပါတယ်။

ဒီကနေ့အခမ်းအနားကို NLD ပါတီဝင်တွေနဲ့ ဒေသခံတွေ စုစုပေါင်း ၅ဝဝ ကျော်လောက်တက် ရောက်ခဲ့ကြပါတယ်။

၂ဝဝ၃ ခုနှစ် မေလ ၃ဝ ရက်နေ့က ဒေါ်အောင်ဆန်းစုကြည်နဲ့ NLD ခေါင်းဆောင်တွေ ပါတီဝင်တွေ မန္တလေးကနေ မုံရွာတလျှောက် ခရီးထွက်စဉ်မှာ စစ်ကိုင်းတိုင်း ကျည်ရွာအရောက် ထောင်ဂဏန်းလောက်ရှိတဲ့ လူအုပ်စုတစ်စုက အကြမ်းဖက်တိုက်ခိုက်ခဲ့တဲ့အတွက် NLD ပါတီဝင်တွေနဲ့ ဒေသခံတွေ စုစုပေါင်း ၇ဝ လောက် သေဆုံးခဲ့ပါတယ်။

RFA Burmese
https://www.rfa.org

စစ်ပွဲဒေသပဋိပက္ခ အရပ်သားထိခိုက်မှု အစီရင်ခံစာ ANP ထုတ်ပြန်

ရခိုင်အမျိုးသားပါတီ ANP က လေ့လာစုံစမ်းထားတဲ့ အစီရင်ခံစာနဲ့ပတ်သက်လို့ ပါတီတာဝန်ရှိသူတွေက ၂၀၁၉ မေ ၃၀ ရက်နေ့က သတင်းထောက်တွေကို ရှင်းလင်းခဲ့စဉ်
ရခိုင်ပြည်နယ်မှာ တပ်မတော်နဲ့ AA အဖွဲ့တို့အကြား တိုက်ပွဲကာလအတွင်း အရပ်သားတွေထိခိုက်မှု အခြေအနေနဲ့ ပတ်သက်လို့ ရခိုင်အမျိုးသားပါတီ ANP က လေ့လာတွေ့ရှိထားတဲ့ အစီရင်ခံစာတစ်စောင်ကို ဒီနေ့ထုတ်ပြန် လိုက်ပါတယ်။

စစ်တွေမြို့မှာ ဒီနေ့ကနေစတင်ကျင်းပနေတဲ့ ရခိုင်အမျိုးသားပါတီ ANP ရဲ့ ဒုတိယအကြိမ်ညီလာခံကနေ ထုတ်ပြန်လိုက်တာ ဖြစ်ပါတယ်။

လက်နက်ကိုင်ပဋိပက္ခကို နိုင်ငံရေးနည်းလမ်းနဲ့ ဆွေးနွေးအဖြေရှာဖို့၊ စစ်ဘေးဒုက္ခသည်တွေအပေါ် ကုလသမဂ္ဂနဲ့ နိုင်ငံတကာအဖွဲ့အစည်းတွေ၊ အလှူရှင်တွေ လွတ်လပ်စွာကူညီခွင့်ပြုဖို့၊ တိုက်ပွဲဖြစ်ပွားရာဒေသတွေကို ပြည်တွင်းပြည်ပသတင်းမီဒီယာသမားတွေကို လွတ်လပ်စွာသတင်းယူခွင့်ပြုဖို့၊ လူ့အခွင့်ရေးချိုးဖောက်ခံရမှုရှိမရှိကို လွတ်လပ်ပြီး တရားမျှတတဲ့ကော်မရှင်နဲ့စစ်ဆေးပြီး ဥပဒေအရ အရေးယူအပြစ်ပေးဖို့ စတဲ့အချက်တွေကို အစီရင်ခံစာမှာ အကြံပြုထားပါတယ်။

ရခိုင်အမျိုးသားပါတီရဲ့ညီလာခံကတော့ ပါတီမူဝါဒပိုင်းဆိုင်ရာပြောင်းလဲရေးကို အဓိကထားဆွေးနွေးအဖြေရှာမယ့် ညီလာခံဖြစ်တယ်လို့ ပါတီတာဝန်ရှိသူတွေကပြောပါတယ်။

ဒီနေ့ထုတ်ပြန်တဲ့ အစီရင်ခံစာမှာ လက်ရှိ NLD အစိုးရလက်ထက် ၄ လတာလုပ်ဆောင်ခဲ့တဲ့ စစ်ဆင်ရေးကြောင့် အပြစ်မဲ့ပြည်သူတွေ အသက် ဆုံးရှုံးမှု၊ ဒဏ်ရာရမှု၊ သံသယနဲ့ ဖမ်းဆီးချုပ်နှောင်မှုနဲ့ နေရပ်စွန့်ခွာမှုတွေဟာ အလွန်စိုးရိမ်ဖွယ်ရာ ဖြစ်ရပ်တစ်ခု ဖြစ်တယ်လို့ ဖော်ပြထားပါတယ်။

တိုက်ပွဲတွေစတင်လာကတည်းက ရခိုင်ဒေသလက်နက်ကိုင်ပဋိပက္ခတွေနဲ့စပ်လျဉ်းပြီး နိုင်ငံတော်အကြီးအကဲ တစ်ချို့ရဲ့ပြောဆိုမှုတွေဟာ အမျိုးသားပြန်လည်သင့်မြတ်ရေးကို ဦးမတည်ဘဲ စစ်မီးလျှံကို ပိုပြီးတောက်လောင်အောင်၊ ပြည်သူတွေ အထိတ်တလန့်ဖြစ်အောင် အဓိပ္ပါယ်သက်ရောက်စေခဲ့တယ်လို့ အစီရင်ခံစာမှာ သုံးသပ်ထားပါတယ်။

ဒါ့အပြင် နိုင်ငံတော်တာဝန်ရှိသူတွေအနေနဲ့ ရခိုင်ဒေသမှာဖြစ်ပေါ်နေတဲ့ လက်နက်ကိုင်ပဋိပက္ခတွေကို အဖြေရှာဖို့ကြိုးစားရာမှာ အခြားလက်နက်ကိုင်အဖွဲ့အစည်းတွေလို အပစ်အခတ်ရပ်စဲရေးကို တန်းတူမရရှိတာဟာလည်း ရခိုင်ပြည်နယ်ကို ပိုမိုပြင်းထန်တဲ့ စစ်မီးထဲကို တွန်းပို့သလိုဖြစ်နေတယ်လို့လည်း အစီရင်ခံစာမှာပါရှိပါတယ်။

ရခိုင်အမျိုးသားပါတီ ANP က စုံစမ်းလေ့လာတွေ့ရှိချက်တွေအရ ပစ်ခတ်မှုဖြစ်စဉ်တွေနဲ့ ပတ်သက်လို့ တပ်မတော်ရဲ့ထုတ်ပြန်ချက်၊ အစိုးရရဲ့ထုတ်ပြန်ချက်တွေဟာ ဖြစ်ရပ်မှန်နဲ့ကွဲလွဲနေတယ်လို့ ပါတီရဲ့ ဒုတိယဥက္ကဌ ဒေါ်အေးနုစိန်က သတင်းထောက်တွေကိုပြောပါတယ်။

“အရပ်သားတွေဟာ သောင်းကျန်းသူအသွင်ဆောင်တဲ့အတွက် ဒီလိုပဲပစ်ခတ်ရတယ်ဆိုတာ မြောက်ဦးတစ်မြို့လုံး ခံစားတွေ့ကြုံရတဲ့အပြင် မြောက်ဦးကိုရောက်နေတဲ့ နိုင်ငံခြားသား၊ မြောက်ဦးဒေသခံမဟုတ်တဲ့သူတွေရဲ့ ပကတိပြောဆိုချက်တွေဟာ ကျွန်မတို့ရဲ့ မီဒီယာတွေမှာ ပျံ့နှံ့ပြီးသားဖြစ်ပါတယ်။ ဒါတွေကိုထောက်ရှုလိုက်ရင် ဒီတပ်မတော်က ကျွန်မတို့အစိုးရဘက်က ထုတ်ပြန်တဲ့သတင်းထုတ်ပြန်ချက်ဟာ အမှားကြီးမှားပြီးတော့ အလွဲကြီးလွဲတယ်၊ တနည်းအားဖြင့် လိမ်တယ်ညာတယ်ဆိုတာ ထင်ရှားနေတာတွေ့ရတယ်”

ရခိုင်ပြည်နယ်မှာ တပ်မတော်နဲ့ အေအေအဖွဲ့တို့အကြား တိုက်ပွဲတွေကြောင့် ဒေသခံတွေ ထိခိုက်နစ်နာမှု အခြေအနေတွေနဲ့ ပတ်သက်လို့ ရခိုင်အမျိုးသားပါတီ ANP က ပြီးခဲ့တဲ့ မတ်လအတွင်းကနေစတင်ပြီး ကွင်းဆင်းလေ့လာမှုတွေပြုလုပ်ခဲ့တာပါ။

အရပ်သားတွေ လက်နက်ကျည်ထိမှန်တဲ့ဖြစ်စဉ်တွေဟာ နှစ်ဘက်ပစ်ခတ်တဲ့ တိုက်ပွဲကြားထဲမှာ ဖြစ်ပွားခြင်း မရှိတာဟာ ထူးခြားတဲ့အချက်တစ်ခုဖြစ်ပြီး တိုက်ပွဲနဲ့မဆိုင်ဘဲတပ်မတော်က ပစ်ခတ်လို့ ဒဏ်ရာရတယ်လို့ လက်နက်ကျည်ထိမှန်သူတွေကပြောဆိုကြကြောင်း ပါတီတာဝန်ရှိသူတွေကဆိုပါတယ်။

ဥပဒေမဲ့ပစ်ခတ်၊ ဖမ်းဆီး၊ သတ်ဖြတ်ခံရတဲ့ကိစ္စနဲ့ပတ်သက်လို့ နစ်နာသူတွေအတွက် တရားဥပဒေအရ အမှန်တရားပေါ်ပေါက်အောင် ဘယ်သူက ဘယ်နေရာမှာ တရားစွဲဆိုမလဲဆိုတာ လက်ရှိရင်ဆိုင်နေရတဲ့ စိန်ခေါ်မှုတစ်ရပ်ပဲလို့ ပါတီရဲ့ ဒုတိယဥက္ကဋ္ဌ ရှေ့နေဒေါ်အေးနုစိန်က သတင်းထောက်တွေကို ပြောဆိုခဲ့ပါတယ်။

ထိခိုက်မှုရှိနေတဲ့လူတွေနဲ့ပတ်သက်လို့ ကိုယ်တိုင်ကိုယ်ကျ မေးမြန်းလေ့လာမှုတွေပြုလုပ်ခဲ့ရာမှာ ဒေသခံတွေ ထိခိုက်ဒဏ်ရာရတဲ့ဖြစ်ရပ်တွေမှာ တပ်မတော်ဘက်က ဆောင်ရွက်ချက်တွေကြောင့်လို့ဆိုတာကို ထုတ်ဖော်ပြောဆိုခဲ့ကြတယ်လို့ဆိုပါတယ်။

အေအေအဖွဲ့ဟာ မကျေနပ်လို့ လက်နက်ကိုင်တော်လှန်တဲ့အဖွဲ့သာဖြစ်တဲ့အတွက် ရခိုင်အမျိုးသားပါတီ ANP အနေနဲ့ အေအေအဖွဲ့နဲ့ ပတ်သက်လို့ ပြောဆိုဖို့ တာဝန်မရှိတာကြောင့် ရခိုင်အမျိုးသားအကျိုးစီးပွားကို အခြေခံပြီးတော့ မိမိတို့အစိုးရ၊ တပ်မတော်ဘက်က လွန်ကျွံမှုတွေကို အဓိကထောက်ပြဖို့တာဝန်ရှိတယ်လို့လည်းပါတီ ဒုတိယဥက္ကဋ္ဌ ဒေါ်အေးနုစိန် ကပြောပါတယ်။

ရခိုင်ဒေသမှာ ဥပဒေမဲ့ဖမ်းဆီးခံရတာ၊ ပစ်ခတ်ခံရတာ စတဲ့ကိစ္စတွေနဲ့ပတ်သက်လို့ ရခိုင်အမျိုးသားပါတီအနေနဲ့ နစ်နာသူတွေဘက်က အမှုဖွင့်တရားစွဲဆိုရှိသလားလို့ သတင်းထောက်တစ်ဦးက မေးမြန်းရာမှာတော့ တရား ဥပဒေအရ အမှန်တရားပေါ်ပေါက်အောင်ဆောင်ရွက်ရေးဟာ လက်ရှိကြုံတွေ့နေရတဲ့ စိန်ခေါ်မှုတစ်ရပ်ပဲလို့ ပါတီရဲ့ဒုတိယဥက္ကဋ္ဌ ဒေါ်အေးနုစိန်က တုံ့ပြန်ခဲ့ပါတယ်။

“ရှေ့နေတစ်ယောက် သမ္မတဖြစ်နေတဲ့နိုင်ငံမှာ အခုလုပ်ထုံးလုပ်နည်းဟူသမျှဟာ တကယ့်လုပ်ထုံး လုပ်နည်းဥပဒေတွေနဲ့ညီသလားဆိုတာကို ဆန်းစစ်လို့အလွယ်တကူရနေတယ်။ ဥပဒေပညာရှင်တွေကလည်းသိနေတယ်။ ဒါပေမယ့် မတော်မတရားမှုဟူသမျှကို မတော်မတရားမှုရယ်လို့ ပြောနိုင်တာက တစ်နည်း။ ဒီမတော်မတရားမှုဟူသမျှဟာ မမှန်မကန်ဖြစ်ပါတယ်၊ အမှန်တရားကိုတည့်မတ်ပေးပါဆိုတာ လုပ်ပေးနိုင်မယ့်လူတွေနဲ့ စိတ်ကောင်းစေတနာကောင်းနဲ့ ဥပဒေနဲ့အညီ ဆောင်ရွက်မယ့်လူတွေနဲ့ဆိုင်တယ်။ တိုင်ရတာလွယ်တယ်။ ပြောရတာလွယ်တယ်။ အမှန်အတိုင်းဖြစ်ဖို့ရာ ဘယ်သူကဆောင်ရွက်ပေးမလဲဆိုတဲ့ အနှောင့်အယှက်၊ အခက်အခဲ၊ စိန်ခေါ်မှုအခက်အခဲတွေကို ကျွန်မတို့ ဖြတ်သန်းနေကြရတာဖြစ်ပါတယ်”

ရခိုင်အမျိုးသားပါတီ ANP က ဒီနေ့ထုတ်ပြန်တဲ့အစီရင်ခံစာမှာ ရခိုင်ပြည်နယ်မှာဖြစ်ပွားနေတဲ့ လက်နက်ကိုင် ပဋပက္ခဟာ နိုင်ငံရေးပြဿနာအပေါ် အရင်းခံနေတာကြောင့် တိုက်ပွဲတွေရပ်တန့်စေပြီး နိုင်ငံရေးနည်းနဲ့ တွေ့ဆုံ ဆွေးနွေးအဖြေရှာဖို့ အချက်အပါအဝင် အချက် ၅ ချက်ကို အကြံပြုထားပါတယ်။

ဒေသခံပြည်သူတွေအပေါ် လူ့အခွင့်အရေးချိုးဖောက်မှု တရားလက်လွတ်ပြုမူဆောင်ရွက်မှု၊ မတရား ဖမ်းဆီးနှိပ်စက်မှုတွေနဲ့ ဥပဒေမဲ့သတ်ဖြတ်မှုတွေကို ကျူးလွန်တာရှိမရှိကို လွတ်လပ်ပြီးတရားမျှတတဲ့ စုံစမ်းရေးကော်မရှင်တစ်ခုကိုဖွဲ့စည်းပြီး ပြစ်မှုကျူးလွန်သူတွေကို တရားဥပဒေအရ အရေးယူအပြစ်ပေးဖို့ကိုလည်း အကြံပြုထားပါတယ်။

ဒီအကြံပြုချက်တွေကို အစိုးရနဲ့တပ်မတော်ဘက်က ဘယ်လောက်ထိဆောင်ရွက်မယ်လို့ မျှော်လင့်ထားသလဲလို့ RFA ကမေးမြန်းရာမှာ ပါတီခေါင်းဆောင်တစ်ဦးဖြစ်တဲ့ ပြည်သူ့လွှတ်တော်ကိုယ်စားလှယ် ဦးဦးလှစော က အခုလိုပြောဆိုပါတယ်။

“အဖြေရှာသင့်တယ်ဆိုတာကို ရှာမယ်၊ မရှာဘူး၊ ရှာမယ်၊ တကယ့်စိတ်ရင်းမှန်နဲ့ရှာသလား၊ မရှာဘူးလားဆိုတာ အဲဒီဘက်ကအပိုင်း။ ကျွန်တော်တို့ကတော့ ပြောရမှာပဲ။ ဘာဖြစ်လို့လဲဆို ဒါက အမှန်တရားပဲ။ ထပ်ကာတလဲလဲပြောနေရမယ်။ အကောင်အထည်မဖော်ရင်လည်း ကျွန်တော်တို့ပြောနေရမယ်။ ကြုံရင်လည်း ဒါပဲပြောနေရမှာပဲ”

ဒီအစီရင်ခံစာကို မနက်ဖြန်မှာ နိုင်ငံတော်သမ္မတ၊ နိုင်ငံတော်အတိုင်ပင်ခံ၊ တပ်မတော်ကာကွယ်ရေးဦးစီးချုပ်တို့ထံ မနက်ဖြန် ပေးပို့သွားမှာဖြစ်ပြီး နိုင်ငံခြားသံရုံးတွေကိုပါ ဆက်လက်ပေးပို့သွားမယ်လို့လည်းပြောပါတယ်။

ဒီအစီရင်ခံစာဟာ ဧပြီလ မတိုင်ခင်အထိ အခြေအနေတွေကို လေ့လာစုံစမ်းထားတာဖြစ်ပြီး အဲဒီနောက်ပိုင်းအခြေအနေတွေကိုလည်း အစီရင်ခံစာ ဒုတိယပိုင်းအနေနဲ့ ဆက်လက်ထုတ်ပြန်ဖို့ရှိတယ်လို့လည်းသိရပါတယ်။

ဒီအစီရင်ခံစာမှာပါရှိတဲ့ ရခိုင်ဒေသ စစ်ပွဲကာလအတွင်း အရပ်သားတွေထိခိုက်မှု၊ ဖမ်းဆီးခံရမှုစတဲ့ကိန်းဂဏန်း တွေနဲ့ပတ်သက်လို့ သတင်းထောက်တွေကမေးမြန်းရာမှာတော့ မနက်ဖြန်နိုင်ငံတော်အကြီးအကဲတွေထံ ပေးပို့ပြီးတဲ့အခါမှ အစီရင်ခံစာအသေးစိတ်ကိုပြောဆိုနိုင်မှာဖြစ်တယ်လို့ ပါတီတာဝန်ရှိသူတွေကပြောဆိုခဲ့ ပါတယ်။

RFA ရဲ့လေ့လာတွေ့ရှိချက်အရ ပြီးခဲ့တဲ့နှစ် ဒီဇင်ဘာလကနေ ဒီနေ့အထိ လက်နက်ကျည်ထိမှန်လို့ သေဆုံးတဲ့အရပ်သား ၄၉ ဦးရှိနေပြီး လက်နက်ကျည်ထိမှန်လို့ ဒဏ်ရာရသူကတော့ ၈၅ ဦးအထိရှိနေပြီ ဖြစ်ပါတယ်။

ဒါ့အပြင် အရပ်ဘက်အဖွဲ့တွေရဲ့ စာရင်းအရ စစ်ဘေးဒဏ်သင့်လူဦးရေဟာ လေးသောင်းခန့်ရှိနေပြီဖြစ်ပါတယ်။

RFA Burmese
https://www.rfa.org

မက္ကစီကိုတွင် ယာဉ်တိုက်မှုကြောင့် လူ ၂၁ ဦးသေဆုံး

မက္ကစီကိုမြို့တွင်း၌ ယာဉ်တိုက်မှုဖြစ်ပေါ်နေမှုအားတွေ့ရစဉ်(ဆင်ဟွာ)
   မက္ကစီကို စီးတီး၊ မေ ၃၀ ရက်(ဆင်ဟွာ)

    မက္ကစီကိုနိုင်ငံ အရှေ့ပိုင်း Veracruzပြည်နယ် အဝေးပြေးလမ်းမပေါ်တွင် မေ ၂၉ ရက်၌ လယ်ထွန်စက်နောက်တွဲယာဉ်နှင့် ခရီးသည်ယာဉ်တစ်စီး ပြင်းထန်စွာတိုက်မိမှုကြောင့် လူ ၂၁ ဦးသေဆုံး ခဲ့ကြောင်း ဒေသလူထုအခြေပြု ကာကွယ်စောင့်ရှောက်ရေးသတင်းအေဂျင်စီတွင် ဖော်ပြထားသည်။

Veracruzပြည်နယ် ဆိပ်ကမ်းနှင့် Pueblaပြည်နယ်မြို့တော်သို့ ဆက်သွယ်ထားသော လမ်းပေါ်တွင် နံနက် ၁၀နာရီ ၂၀ မိနစ်တွင် ဖြစ်ပေါ်ခဲ့သော ယာဉ်တိုက်မှုကြောင့် နောက်ထပ် လူ ၃၀ ဒဏ်ရာရရှိခဲ့ကြောင်း သတင်းအေဂျင်စီက ဆိုသည်။

အဆိုပါ ယာဉ်တိုက်မှုဖြစ်ပွားပြီးနောက် ယာဉ်သည် မီးစတင်လောင်ကျွမ်းခဲ့ကြောင်း ဒေသခံအရာရှိများက ပြောသည်။

လယ်ထွန်စက်နောက်တွဲယာဉ်နှင့် ခရီးသည်ယာဉ်နှစ်စီး တိုက်မှုအတွင်းမှ Veracruzပြည်နယ် အစိုးရရှေ့နေ ၁၇ ဦး အလောင်းကို ရှာဖွေတွေ့ရှိခဲ့ကြောင်း သိရသည်။

ဒဏ်ရာရရှိသူများကို ဆေးရုံသို့ ပို့ဆောင်ရာတွင် လူတစ်ဦးသည် ဆေးရုံသို့ရောက်ရှိစဉ် သေဆုံးခဲ့ပြီး အခြားလူတစ်ဦးသည် ပြင်းထန်သော ဒဏ်ရာရရှိနေကြောင်း Veracruzပြည်နယ်၏ မြို့ပြကာကွယ်စောင့်ရှောက်ရေး အတွင်းရေးမှူး Guadalupe Osornက ပြောကြားသည်။

(Xinhua)
http://www.xinhuamyanmar.com

ဟန်ဂေရီ အပျော်စီးသင်္ဘော တိမ်းမှောက် ၇ ထက်မနည်းသေဆုံး

ကယ်ဆယ်ရေးတွေ လုပ်နေစဉ်
Hungary နိုင်ငံ Budapest မြို့တော်ကို ဖြတ်စီးနေတဲ့ Danube မြစ်ထဲမှာ အပျော်စီးသင်္ဘောနဲ့ တိုက်မိလို့မှောက်သွားတဲ့ ရှုခင်းအလှကြည့်သင်္ဘောပေါ်က တောင်ကိုရီးယား ကမ္ဘာလှည့်ခရီးသည် ၇ ယောက်သေဆုံးသွားပါတယ်။ နောက်ထပ် ၂၁ ယောက်လည်း ပျောက်ဆုံးနေပါတယ်။ ရှာဖွေကယ်ဆယ်ရေးမှာ အကူအညီပေးနိုင်ဖို့ အဖွဲ့ဝင်အမြောက်အများပါတဲ့ ကိုယ်စားလှယ်အဖွဲ့ကို တောင်ကိုရီးယားသမ္မတ Moon Jae-in က Budapest မြို့တော်ကို စေလွှတ်ထားပါတယ်။

Hungary တာဝန်ရှိသူတွေနဲ့ ပုးပေါင်းဆောင်ရွက်နိုင်အောင် သံတမန်ရေးလမ်းကြောင်း အားလုံးကို ဖွင့်ထားဖို့နဲ့ ကျွမ်းကျင်သူတွေ၊ လိုအပ်တဲ့ပစ္စည်းကိရိယာတွေကို ပို့ဆောင်ဖို့လည်း တောင်ကိုရီးယား တာဝန်ရှိသူတွေကို သမ္မတက ညွှန်ကြားထားပါတယ်။ Mermaid လို့ နာမည်ပေးထားတဲ့ ရှုခင်းအလှကြည့် ၂ ထပ်သင်္ဘောနဲ့ ပိုကြီးတဲ့ အပျော်စီးသင်္ဘောတို့ ဗုဒ္ဓဟူးနေ့ညက မိုးသည်းထန်စွာ ရွာနေချိန်မှာ တိုက်မိခဲ့တာပါ။ ရှုခင်းအလှကြည့်သင်္ဘောပေါ်မှာ တောင်ကိုရီးယားကမ္ဘာလှည့်ခရီးသည် အယောက် ၃၀၊ ကိုရီးယားစကားပြန် ၃ ယောက်နဲ့ Hungary အမှုထမ်း ၂ ယောက်တို့လိုက်ပါလာတာပါ။ ရေစီးသန်တဲ့ Danube မြစ်ထဲမှာ မိုကြီးလို့ မြစ်ရေ တက်နေတာကြောင့် ကယ်ဆယ်ရှာဖွေရေးအခက်အခဲကြုံနေပါတယ်။ နိုင်ငံတောင်ပိုင်း အိမ်နီးချင်း Serbia နိုင်ငံထဲအထိ ရှာဖွေရေးတွေ လုပ်နေပါတယ်။

Hungary ပါလီမာန် အဆောက်အဦးနားမှာ သင်္ဘောမှောက်ခဲ့ပြီးနောက် ကယ်ဆယ်ရေးက ရှာတွေ့တဲ့ ခရီးသည် ၁၄ ယောက်မှာ သေဆုံးသူ ၇ ယောက် ပါတယ်လို့ Hungary အရေးပေါ်ကယ်ဆယ်ရေး ပြောခွင့်ရသူက ပြောပါတယ်။ ရှုခင်းအလှကြည့်သင်္ဘောစီးဖို့ Booking လုပ်ပေးတဲ့ တောင်ကိုရီးယားခရီးသွား အေဂျင်စီတာဝန်ရှိသူတယောက်ရဲ့ အပြောအရ စာရင်းထဲမှာ ၆ နှစ်အရွယ် ကလေးတယောက်ပါပေမဲ့ ပြန်ရှာတွေ့သူတွေထဲမှာ ဒီမိန်းကလေးနာမည် မပါသေးဘူးလို့ပြောပါတယ်။

Mermaid သင်္ဘော အပိုင်းအစတွေကို သင်္ဘောမှောက်ပြီး နာရီပိုင်းအကြာ Margit တံတားနားမှာ ပြန်လည်တွေ့ရှိခဲ့ပါတယ်။ ဥရောပအရှေ့ပိုင်းကနေ ဥရောပအလယ်ပိုင်းအထိ ဖြတ်သန်းစီးဆင်းတဲ့ Danube မြစ်ဟာ ဥရောပမှာ ဒုတိယ အရှည်ဆုံးမြစ်ဖြစ်ပါတယ်။ Budapest မြို့ကိုလာကြတဲ့ ဧည့်သည်တွေကြားမှာလည်း Danube မြစ်ထဲမှာသင်္ဘောစီးပြီး ရှုခင်းအလှကြည့်ကြတာ ရေပန်းစားပါတယ်။

ဗွီအိုအေ (မြန်မာပိုင်း)
https://burmese.voanews.com

ဖယ်ဒရယ်ရေးရာဆွေးနွေးပွဲ ရန်ကုန် အမေရိကန်စင်တာ ကျင်းပ

ဖယ်ဒရယ်ရေးရာဆွေးနွေးပွဲ ရန်ကုန် အမေရိကန်စင်တာ ကျင်းပ
မြန်မာနိုင်ငံလို လူမျိုး၊ ဘာသာ မတူညီတဲ့ လူ့အဖွဲ့အစည်းတွေ တည်ရှိနေတဲ့ နိုင်ငံအနေနဲ့ ဖယ်ဒရယ်စနစ်ကို တည်ဆောက်မယ်ဆိုရင် အခြေခံအကျဆုံးအချက်ဟာ အပြန်အလှန်လေးစားမှုနဲ့ အပြန်အလှန် နားလည်မှု တွေဖြစ်တယ်လို့အမေရိကန်သံရုံးရဲ့ ဒုတိယအကြီးအကဲက ဒီနေ့ ကျင်းပတဲ့  ဖယ်ဒရယ်ရေးရာ ဆွေးနွေးပွဲမှာ ပြောဆိုပါတယ်။ ဒီဆွေးနွေးပွဲကို အမေရိကန်သံရုံးက ဦးဆောင်ကျင်းပတာဖြစ်ပြီး ပါဝင်တက်ရောက်လာတဲ့ ရန်ကုန်တိုင်း အစိုးရအဖွဲ့ဝင် တစ်ဦးကတော့ မြန်မာအစိုးရအနေနဲ့ ဖယ်ဒရယ်ရေးရာနဲ့ပတ်သက်ပြီး အသိအမြင်တိုးပွားစေဖို့ အလားတူဆွေးနွေးပွဲမျိုးတွေကို အစိုးရက ဦးဆောင်ကျင်းပသင့်ကြောင်း ပြောပါတယ်။ ဒီသတင်းကို ကိုယ်တိုင်သွားရောက် သတင်းယူခဲ့တဲ့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ရန်ကုန်မြို့ ၊ အမေရိကန်စင်တာမှာကျင်းပတဲ့ ဖယ်ဒရယ်ရေးရာဆွေးနွေးပွဲကို အစိုးရ၊ တပ်မတော်၊ တိုင်းရင်းသားအဖွဲ့အစည်းတွေ၊ နိုင်ငံရေးခေါင်းဆောင်တွေနဲ့ လူမှုအဖွဲ့အစည်းက ကိုယ်စားလှယ်တွေကို ဖိတ်ကြားပြီး ဖယ်ဒရယ်စနစ်ရဲ့ လက်တွေ့ကျင့်သုံးမှုနဲ့ ဖယ်ဒရယ်စကားရပ်အပေါ် နားလည်မှုတွေ မျှဝေနိုင်ဖို့ ကျင်းပတာဖြစ်ပါတယ်။

အမေရိကန်သံရုံးရဲ့ ဒုတိယအကြီးအကဲ ဂျော့ခ်ျ အန် ဆစ်ဘလီက မြန်မာနိုင်ငံက မတူကွဲပြားတဲ့ လူမှုအသိုင်းအ၀ိုင်းတွေကို စနစ်တစ်ခုတည်းမှာ စုစည်းနိုင်ရေးနဲ့ပတ်သက်ပြီး ဆွေးနွေးပွဲအဖွင့်အမှာစကားမှာ ထည့်သွင်းပြောဆိုထားပါတယ်။

"မတူကွဲပြားခြားနားတဲ့ လူမှုအသိုင်းအ၀ိုင်းတွေကို ကောင်းမွန်စွာ စီမံခန့်ခွဲမှု မလုပ်နိုင်ရင် ပြည်နယ်တွေဟာ ပြိုကွဲမှုတွေဖြစ်ပြီး ဆိုးဝါးတဲ့ ရလဒ်တွေ ဖြစ်လာနိုင်ပါတယ်။ ဒီအတွက် အခြေခံအကျဆုံးအချက်ဟာ အပြန်အလှန်လေးစားမှုနဲ့ အပြန်အလှန် နားလည်မှုတွေဖြစ်တယ်လို့ ကျနော် ယူဆပါတယ်။"

လက်ရှိ မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်မှာ ဖယ်ဒရယ်အရေးနဲ့ပတ်သက်ပြီးပြည်ထောင်စုက ခွဲမထွက်ရဆိုတာနဲ့ ကိုယ်ပိုင်ပြဌာန်းခွင့်အရေးတွေကို အကျေအလည်မဆွေးနွေးနိုင်တာကြောင့် ဆွေးနွေးပွဲတွေ ရပ်တန့်နေပါတယ်။

ဖယ်ဒရယ်ပြည်ထောင်စုအတွင်းက ခွဲထွက်ရေးနဲ့ပတ်သက်လို့လည်း အမေရိကန်နိုင်ငံအတွေ့အကြုံနဲ့ နှိုင်းယှဉ်ပြီး အခုလို ပြောဆိုထားပါတယ်။

"ဖယ်ဒရယ်စနစ်မှာရှိတဲ့  ပြည်နယ်သို့မဟုတ် တိုင်းဒေသတွေက ပြည်ထောင်စုကနေ ခွဲထွက်ဖို့အတွက်ဆိုတာ အရေးကြီးပြီး ခက်ခဲတဲ့ မေးခွန်းတစ်ခုပါ။ ဒါဟာ ဆွေးနွေးရမယ့် အချက် တစ်ချက်ဖြစ်ပါတယ်။ ဒီအချက်က ပဋိက္ခတွေ ဖြစ်စေနိုင်သလားဆိုတာ မသေချာပေမဲ့ ကျနော်တို့နိုင်ငံရဲ့ သမိုင်းကြောင်းမှာ တချိန်က ဒါမျိုး ဖြစ်ခဲ့ဖူးပါတယ်။ အခုအခါမှာတော့ ကျနော်တို့ အမေရိကန်နိုင်ငံက ခွဲထွက်တာကို လက်ခံမထားပါဘူး။ ဒါပေမဲ့ ခွဲထွက်တာကို လက်ခံလို့လည်း ရပါတယ်။ ဒါပေမဲ့ အကျေအလည်ဆွေးနွေးပြီးမှာ ဆုံးဖြတ်ကြရမှာဖြစ်ပါတယ်။"

ဒီအချက်အပေါ်မှာတော့ ဒီကနေ့ ဆွေးနွေးပွဲကို တက်ရောက်လာတဲ့ ရခိုင်ဒီမိုကရေစီအဖွဲ့ချုပ် ပါတီ အထွေထွေအတွင်းရေးမှုး ဦးမျိုးကျော်ကတော့ လူထုဆန္ဒခံယူပွဲနဲ့ အတည်ပြုထားတဲ့ ဖွဲ့စည်းပုံအခြေခံဥပဒေတောင် အကြိမ်ကြိမ်ဖျက်သိမ်းတာတွေရှိနေကြောင်း ထောက်ပြပြီး သူ့အမြင်ကိုအခုလို ပြောဆိုပါတယ်။

“ ကျနော်ထင်တယ်။ ကျနော်တို့တွေ အချင်းချင်းကနေပြီး တစ်ယောက်အပေါ်တစ်ယောက်၊ တစ်ယောက်ကို တစ်ယောက် နားလည်မှုဆိုတာက သူရဲ့ ရပိုင်ခွင့်ပြည့်ဝရင် ဘယ်တိုင်းရင်းသားကမှလည်း ဒီနိုင်ငံက ခွဲထွက်သွားမှာ မဟုတ်ပါဘူးလို့ပဲ ပြောချင်ပါတယ်။ ”

နိုင်ငံတော် သမ္မတ ဦးဝင်းမြင့်က ပြီးခဲ့တဲ့ သောကြာနေ့က နေပြည်တော်မှာ ပြည်ထောင်စုဝန်ကြီးတွေ၊ ဌာနဆိုင်ရာ တာဝန်ရှိသူတွေနဲ့ တွေ့ဆုံစဉ် မိမိတို့ရဲ့အန္တိမ ရည်ရွယ်ချက်ဟာ ဒီမိုကရေစီဖယ်ဒရယ် ပြည်ထောင်စုနိုင်ငံ တည်ဆောက်ဖို့ ဖြစ်ကြောင်း ပြောဆိုခဲ့ပါတယ်။

အခြားဆွေးနွေးပွဲတက်ရောက်သူတစ်ဦးဖြစ်တဲ့ ပန်းပဲတန်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးသန်းနိုင်ဦးကဖယ်ဒရယ်စနစ်တည်ဆောက်ဖို့အတွက် လူထုပညာပေးလုပ်ငန်းတွေကို အစိုးရက ဆောင်ရွက်ပေးစေလိုကြောင်း ပြောပါတယ်။

“ ကျနော်တို့ နိုင်ငံကို ဖယ်ဒရယ်ဒီမိုကရေစီနိုင်ငံတစ်ခုထူထောင်တော့မယ်ဆိုရင် ဒီ ဖယ်ဒရယ်နဲ့ပတ်သက်တဲ့ office တစ်ခုလောက်ကို ကျနော်က ရှိစေချင်တယ်။ ဒါကျနော့ရဲ့အမြင်ပါ။ individual အမြင်ပါ။ ရှိစေချင်တယ်။ ရှိနေပြီးတော့ ဘယ်နိုင်ငံရဲ့ ဖယ်ဒရယ်စနစ်နဲ့သွားမယ်ဆိုတာ ကျနော်တို့က မဟုတ်ဘူး။ ကျနော်တို့ အရှေ့တောင်အာရှမှာလည်း ဖယ်ဒရယ်ကျင့်သုံးတဲ့နိုင်ငံတွေ ရှိတယ်။ အိန္ဒိယလိုနိုင်ငံတွေ ရှိတယ်။ ကနေဒါရှိတယ်။ အနောက်ဘက်တွေမှာရှိတယ်။ ထားပါတော့။ ဘယ် Model နဲ့ သွားမယ်ဆိုတာမဟုတ်ဘဲနဲ့ ကျနော်တို့ နိုင်ငံနဲ့ ဘယ်လို ပေါင်းစပ်လို့ ရမလဲ။ ဘယ်လို သင့်တော်မလဲ ဒါတွေကို ကျနော်တို့ Brain Storming တွေ လုပ်ရမယ်။ အဲလိုမျိုးတွေကို အစိုးရကိုယ်တိုင်က ဦးဆောင်ပြီးတော့ လုပ်ပေးနိုင်ရင်ပိုကောင်းမယ်။”

ဒီကနေ့ ကျင်းပတဲ့ဆွေးနွေးပွဲကို လူ ၅၀လောက် ပါဝင်တက်ရောက်ပြီး ၂ရက်ကြာဆွေးနွေးကြမှာဖြစ်ပါတယ်။ ဒီလိုဆွေးနွေးပွဲတွေကို အမေရိကန်သံရုံးက ဦးဆောင်ပြီး နေပြည်တော်နဲ့ မန္တလေးမြို့တွေမှာ၃ကြိမ် ကျင်းပခဲ့ပြီး ဖြစ်ပါတယ်။

ကိုမိုးဇော် / ဗွီအိုအေ (မြန်မာပိုင်း)
https://burmese.voanews.com

မြန်မာပွန်ပီပက်ကုမ္ပဏီ လုပ်ပိုင်ခွင့်သက်တမ်းတိုးမပေးဖို့ ဒေသခံတွေ တောင်းဆို

တနသာင်္ရီတိုင်းဒေသကြီး၊ ထားဝယ်ခရိုင်၊ မေတ္တာမြို့နယ်ခွဲမှာရှိတဲ့ ဟိန္ဒားသတ္တုတွင်း လုပ်ငန်းခွင်တစ်နေရာကို တွေ့ရစဉ် /Photo: Kyaw Lwin Oo/RFA
တနင်္သာရီတိုင်းဒေသကြီး ထားဝယ်မြို့နယ်က ဟိန္ဒားသတ္တုတွင်းမှာ မြန်မာပွန်ပီပက်ကုမ္ပဏီကို လုပ်ပိုင်ခွင့် သက်တမ်းထပ်တိုးမပေးဖုိ့ ဒေသခံရွာသားတွေက တောင်းဆိုလိုက်ပါတယ်။

ဒီဟိန္ဒားသတ္တုတွင်းတဝိုက်မှာနေထိုင်တဲ့ ကျေးရွာ သုံးရွာက ဒေသခံ ၁၀၀ နီးပါးဟာ မြန်မာပွန်ပီပက်ကုမ္ပဏီကို သက်တမ်းတိုးမပေးဖို့ လက်မှတ်တောင်းဆိုပြီး ပြည်ထောင်စုအစိုးရ သယံဇာတနဲ့ ပတ်ဝန်းကျင်ထိန်းသမ်းရေးဝန်ကြီး ဦးအုန်းဝင်း ထံ မေ ၂၀ ရက်နေ့က စာပေးပို့ တောင်းဆိုထားတာဖြစ်ပါတယ်။

မြန်မာပွန်ပီပက်ကုမ္ပဏီ MPC ဟာ သတ္တုထုတ်လုပ်ခဲ့တဲ့ ကာလတလျှောက်မှာ စည်းကမ်းမဲ့ လုပ်ကိုင်တာတွေရှိခဲ့ တာကြောင့် ချောင်းတွေတိမ်ကောတာ၊ ဒေသခံတွေရဲ့ အိမ်ခြံမြေ ပျက်စီးတာ၊ သောက်သုံး ရေကန်တွေ၊ လယ်ယာ၊ ဥယျာဉ်ခြံတွေ ပျက်စီးခဲ့တယ်လို့ ဒေသခံတွေရဲ့ တောင်းဆိုချက်မှာ ပါရှိပါတယ်။

မြန်မာပွန်ပီပက်ကုမ္ပဏီဟာ လာမယ့် ဇွန်လ ၃၀ ရက်နေ့မှာ သတ္တုတူးဖော်ခွင့် သက်တမ်းကုန်ဆုံးမှာဖြစ်ပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org

လွတ်မြောက်တပ်မတော်သား ၇ဦး လူသတ်လိုတဲ့ဆန္ဒမရှိလို့ ဗိုလ်မှူးချုပ်ဇော်မင်းထွန်းပြော

နေပြည်တော် ပြန်ကြားရေးဝန်ကြီးဌာနမှာ ၂၀၁၉၊ မေ ၂၇ ရက်နေ့ ကျင်းပတဲ့ သတင်းစာရှင်းလင်းပွဲမှာ တပ်မတော် သတင်းမှန်ပြန်ကြားရေးအဖွဲ့က အတွင်းရေးမှူး ဗိုလ်မှူးချုပ် ဇော်မင်းထွန်း ကို တွေ့ရစဉ် / Photo: Win Ko Ko Latt/ RFA
ရခိုင်ပြည်နယ် မောင်တောမြို့နယ် အင်းဒင်ကျေးရွာက မွတ်ဆလင် ၁၀ ဦးကို သတ်မှုနဲ့ ထောင်ဒဏ် ၁၀ နှစ် ချမှတ်ခံခဲ့ရတဲ့ တပ်မတော်သား ၇ ဦးဟာ လူသတ်လိုတဲ့ဆန္ဒမရှိဘဲ ဒေသခံတွေက လက်စားချေဖို့ တောင်းဆိုခဲ့ မှုကြောင့် လုပ်ထုံးလုပ်နည်းလွဲမှားစွာ ဆောင်ရွက်ခဲ့တာဖြစ်တယ်လို့ တပ်မတော်သတင်းမှန် ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်း က RFA ကို ပြောပါတယ်။

အင်းဒင်ကျေးရွာ လူသတ်မှုမှာ ပါဝင်ခဲ့တဲ့ တပ်မတော်သား ၇ဦး လွတ်မြောက်သွားတာဟာ ဥပဒေနဲ့အညီသာ ဖြစ်တယ်လို့ ဗိုလ်မှူးချုပ် ဇော်မင်းထွန်း က တုံ့ပြန်ပြောလိုက်ပါတယ်။

ဖွဲ့စည်းပုံအခြေခံဥပဒေအရ တပ်မတော်သားတွေဟာ အကာကွယ်ရယူပိုင်ခွင့်ရှိပြီး စစ်တရားရုံးက ပြစ်ဒဏ်ချမှတ် ခဲ့ပြီးနောက် အသနားခံစာတင်ခွင့်နဲ့ အယူခံတင်ခွင့်ရှိတယ်လို့ ဆိုပါတယ်။

အင်းဒင်ကျေးရွာလူသတ်မှုနဲ့ ထောင်ဒဏ် ၁၀ နှစ်ချမှတ်ခံခဲ့ရတဲ့ တပ်မတော်သား ၇ ဦးဟာ လူသတ်လိုတဲ့ဆန္ဒ မရှိဘဲ ဒေသခံတွေက လက်စားချေဖို့တောင်းဆိုခဲ့မှုကြောင့် လုပ်ထုံးလုပ်နည်းလွဲမှားစွာ ဆောင်ရွက်ခဲ့တာဖြစ်တယ်လို့  သူကပြောပါတယ်။

တပ်မတော်သားတွေကို လွှတ်ပေးဖို့ မိသားစုဝင်တွေနဲ့ ရဟန်းရှင်လူပြည်သူတွေက ကာကွယ်ရေးဦးစီးချုပ်ထံ အသနားခံစာတင်ပြခဲ့လို့ ပြစ်ဒဏ်ကို လျော့ချခဲ့ပြီး လွတ်မြောက်သွားတာလို့ ဗိုလ်မှူးချုပ် ဇော်မင်းထွန်း က RFA ကို ပြောပါတယ်။

“တပ်မတော်ကာကွယ်ရေးဦးစီးချုပ်ရုံးနဲ့ တပ်မတော်ကို စာရေးကြတာရှိပါတယ်။ သူတို့မိသားစုတွေ ဒုက္ခရောက် တဲ့အကြောင်းနဲ့ ရဟန်းသံဃာတွေကနေ စာရေးပြီးတော့ လွှတ်ပေးဖို့အတွက် တောင်းဆိုတဲ့သူရှိတယ်။ ဒါကို တပ်မတော်ကာကွယ်ရေးဦးစီးချုပ်က တပ်မတော်အက်ဥပဒေနဲ့အညီ ပြစ်ဒဏ်လျော့လိုက်တဲ့အချိန်မှာ တစ်နှစ် တာကာလ အဲအထဲမှာ သူတို့နေရပါတယ်။ လျော့ရက်နဲ့ ဘာနဲ့ဆိုတော့ ၂၀၁၈  နိုဝင်ဘာလမှာ လွတ်သွား တာဖြစ်ပါတယ်။”

ပြီးခဲ့တဲ့ ၂၀၁၈ ခုနှစ် ဧပြီလ ၁၀ ရက်နေ့က ကာကွယ်ရေးဦးစီးချုပ်ရုံးက တပ်မတော်အက်ဥပဒေပုဒ်မ (၇၁) အရ နယ်ဘက်ပြစ်မှု တစ်ရပ်ဖြစ်တဲ့ လူသတ်မှုကို ကျူးလွန်ရာမှာ ပူးပေါင်းပါဝင်ခဲ့ကြောင်း တွေ့ရတဲ့အတွက် “အရာရှိ ၄ ဦးအား ရှုတ်ချ၍ အမြဲတမ်းထုတ်ပစ်စေရန်၊ အလုပ်ကြမ်းနှင့် ထောင်ဒဏ် ၁ဝ နှစ်အား နယ်ဘက် အကျဉ်းထောင်တွင် ကျခံစေရန်၊ အခြားအဆင့်စစ်သည် ၃ ဦးအား တပ်သားအဆင့်လျော့ချ၍ အမြဲတမ်းထုတ်ပစ်ရန်၊ အလုပ် ကြမ်းနှင့်ထောင်ဒဏ် ၁ဝ နှစ်အား နယ်ဘက်အကျဉ်းထောင်တွင် ကျခံစေရန်” ပြစ်ဒဏ်အသီးသီးချမှတ်ခဲ့တယ်လို့ ကြေညာချက်ထုတ်ပြန်ခဲ့ပါတယ်။

ကြေညာချက်ထုတ်ပြန်ခဲ့တဲ့လနဲ့ လွတ်မြောက်ခဲ့တဲ့လဟာ ၈ လသာကြာမြင့်ပါတယ်။

ဒီလိုလွတ်မြောက်လာတဲ့အပေါ် ဝေဖန်မှုတွေ ရှိနေတာပါ။

ပြစ်ဒဏ်ကို ထိထိရောက်ရောက်မပေးရင် ရာဇဝတ်မှုတွေ ပိုမိုကျူးလွန်လာနိုင်စရာရှိတယ်လို့ မြန်မာရိုဟင်ဂျာများ အသင်း ဥက္ကဋ္ဌ ဦးထွန်းခင် က ပြောပါတယ်။

“ဒါက ထိထိရောက်ရောက် ပြစ်ဒဏ်မပေးတဲ့အပြင် နောက်ထပ် ရိုဟင်ဂျာတွေကို သတ်ဖြတ်ဖို့အတွက် စစ်တပ်တွေကို အားပေးရာရောက်တယ်ဆိုတာ ပေါ်လွင်နေတယ်။ ဘာမှမဖြစ်ဘူး ဒီလိုပဲ ပြန်လွှတ်ပေးတယ် ဆိုတဲ့ အဲဒါက စစ်တပ်က ပိုပြီးရာဇဝတ်မှုကျူးလွန်မယ့်အပိုင်းမှာ ရှိပါတယ်”

ဗိုလ်မှူးချုပ်ဇော်မင်းထွန်းကတော့ ဥပဒေနဲ့အညီ ဆောင်ရွက်ခဲ့တာဖြစ်တဲ့အတွက် ပြည်တွင်းပြည်ပက ကွဲပြားခြားနားတဲ့အမြင်တွေအပေါ် တစ်စုံတစ်ရာ ပြောကြားလိုတာမရှိဘူးလို့ ပြောပါတယ်။

နိုင်ငံတကာက ဖိအားတွေလျော့ပေါ့အောင် ပြစ်ဒဏ်တွေချခဲ့ပြီးနောက် ခဏတာအတွင်း ပြန်လွှတ်ပေးလိုက်တာဟာ အသတ်ခံရသူတွေအတွက် တရားမျှတတဲ့အရေးယူမှုမရှိဘူးလို့ ဆိုလာသူက နိုင်ငံရေး လေ့လာသုံးသပ်သူ ဦးသန်းစိုးနိုင်ပါ။

“ဗမာပြည်ရဲ့ တရားမမျှတတဲ့ အခြေအနေကို ဖော်ပြလိုက်တာပါပဲ။ ၁၀ နှစ်ဆိုတာကတော့ နိုင်ငံတကာက ဖိအားတွေလျော့ကုန်အောင် စတိချလိုက်တာပါ။ ဒါပေမဲ့ အခြေအနေတစ်ခုအတွင်းမှာ လွှတ်ပေးလိုက်မယ်ဆိုတာ ကျနော်တို့က မြင်ပြီးသားပဲ။ အခုကတော့ ၁ နှစ်လောက်ကာလအတွင်းမှာ လွှတ်ပေးလိုက်တာဟာ အတော့်ကို တရားမမျှတတဲ့ကိစ္စပေါ့ဗျာ။ ဘက်လိုက်မှုရှိစွာ ဆုံးဖြတ်လိုက်တယ်။ အထူးသဖြင့် စစ်တပ်နဲ့ဆိုင်နဲ့ကိစ္စတွေမှာ ဆိုရင် စစ်တပ်က တရားစီရင်ရေးမူဘောင်တွေကျော်ပြီး အားလုံးလုပ်ပိုင်ခွင့်ရှိတယ်ဆိုတဲ့ အနေအထားကို ဖော်ပြလိုက်တာပါ။”

လွတ်မြောက်သွားသူ တပ်မတော်သားတွေဟာ လက်ရှိမှာ အစိုးရတပ်မတော်မှာ တာဝန်ထမ်းဆောင်ခြင်း မရှိတော့ဘူးလို့လည်း ဗိုလ်မှူးချုပ်ဇော်မင်းထွန်း ကပြောပါတယ်။

လူသတ်မှုမှာ ပါဝင်ခဲ့သူတွေကို ကာကွယ်ရေးဦးစီးချုပ်က အခုလို လွှတ်ပေးလိုက်တာဟာ နိုင်ငံတကာအမြင်မှာ မကောင်းနိုင်ဘူးလို့ တရားလွှတ်တော်ရှေ့နေ ဦးသိန်းသန်းဦး ကပြောပါတယ်။

“သူတို့က တပ်မတော်ဥပဒေအရလုပ်တယ်ဆိုတော့ သူတို့ဥပဒေသူတို့တရားရုံးနဲ့ သူတို့ဘာသာ ဆုံးဖြတ်သွား တာကတော့ ဘာမှပြောစရာမရှိဘူး။ ဒါပေမဲ့လို့ နိုင်ငံတကာအမြင်ကတော့ မကောင်းနိုင်ဘူး။ ကိုယ့်တရားရုံးမှာ ကိုယ်ဘာသာထောင်ချတယ်။ နိုင်ငံတကာအထိ အကြီးအကျယ် ဆူပူပြီးတော့ တကယ်တော့ အင်းဒင်လူသတ် မှုကြောင့်ပဲ ရိုက်တာသတင်းထောက်နှစ်ယောက် ဖမ်းခံထိတာပဲလေ။ ရိုက်တာသတင်းထောက်နှစ်ယောက် ဗမာပြည်သမိုင်းမှာ အခုလိုဖော်ထုတ်ဖမ်းဆီး အရေးယူတာလည်း ဒါပထမဆုံးပဲ။ ကိုယ့်ဘာသာထောင်ချ ကိုယ့်ဘာသာလွှတ်ပေးတယ်ဆိုတာမျိုးဖြစ်သွားမှာပေါ့။”

အင်းဒင်လူသတ်မှုမှာ ပါဝင်ခဲ့တဲ့ တပ်မတော်သားခုနှစ်ဦး လွတ်မြောက်သွားပြီဖြစ်ပေမယ့် အဲဒီအမှုနဲ့ပဲ ထောင်ဒဏ် ငါးနှစ်ကျခံထားရတဲ့ အင်းဒင်ရွာက ဒေသခံ ကျောင်းဆရာတစ်ဦး မလွတ်မြောက်သေးဘူးဆိုတဲ့ ဝေဖန်ချက်တွေ အပေါ် ဥပဒေဘောင်အတွင်းအသနားခံစာတင်တာ၊ အယူခံဝင်တာတွေ အဆင့်ဆင့်ဆောင်ရွက်နိုင်ပြီး ဥပဒေရဲ့ အကာအကွယ်ရယူနိုင်တယ်လို့ တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်း က ပြောပါတယ်။

ဒီသတင်းကို RFA သတင်းထောက် မဝေမာထွန်း ပေးပို့တာပါ။

RFA Burmese
https://www.rfa.org

ကလောမြို့နယ်၌ မီးလောင်မှုဖြစ်ပွား နှစ်ဦးသေဆုံးလေးဦးဒဏ်ရာရ


ကလော မေ ၃၀

ရှမ်းပြည်နယ်(တောင်ပိုင်း)တောင်ကြီးခရိုင် ကလောမြို့အမတ်(၅)ရပ်ကွက်ရှိ နတ်စင်လမ်းတွင် မေလ ၂၉ ရက်နေ့ည ၇ နာရီ မိနစ် ၂၀ ခန့်အချိန်တွင် ဒေါ်စန်းစန်းဝင်း နေအိမ်၌ မီးလောင်မှုဖြစ်ပွားခဲ့ရာ နှစ်ဦးသေဆုံးပြီး လေးဦးဒဏ်ရာရရှိကြောင်း သိရသည်။


ဖြစ်စဉ်မှာအိမ်ပိုင်ရှင် ဒေါ်စန်းစန်းဝင်း(သ) ၅၀ နှစ်၊ နေအိမ်တွင် မြေးတော်စပ်သူ မစိုးမြတ်နိုးဝတီ မှ လျှပ်စစ်ခြင်ရိုက်တံဖြင့် ဆော့ကစားနေစဉ် အနီးရှိ ဒေါ်စန်းစန်းဝင်း မှ ပေါ့လျော့စွာဖြင့် ဆိုင်ကယ်အား ဓါတ်ဆီဖြည့်သွင်းမှုကြောင့်ဆိုင်ကယ်အား မီးစတင်လောင် ကျွမ်းခဲ့သည်။ မီးလောင်မှုကြောင့် ဒေါ်စန်းစန်းဝင်း အသက်(၅၀)နှစ်၊ နှင့် နေအိမ်အတွင်းအလုပ်သမားအဖြစ် ခေါ်ယူထားသည့် မမေဇင်ဦး အသက် (၂၂)နှစ်တို့နှစ်ဦးမှာ မီးလောင်ဒဏ်ရာများဖြင့်သေးဆုံးခဲ့ပြီး ဦးဝေမြင့်(၃၁)နှစ် နှစ်ဖူးကွဲ မျက်ခုံးကွဲ ဒဏ်ရာရရှိ ၊ ကိုငယ်လေး (၂၃)နှစ် ခြေတောက်ဒဏ်ရာရရှိ ၊ ကိုမျိုးထွေး (သ)( ၃၂)နှစ် လက်ကျိုး ဒဏ်ရာရရှိ ၊ မစိုးမြတ်နိုးဝတီ(၁၁)နှစ် (၆)လ မှ ခြေလက်များ မီးလောင်ဒဏ်ရာများ(မစိုးရိမ်ရ)ဒဏ်ရာများအသီးသီးဖြင့် မြို့နယ်ပြည်သူ့ဆေးရုံတွင် ဆေးကုသမှု ခံယူလျက်ရှိသည်။

အဆိုပါ မီးလောင်မှုဖြစ်ပွားရာသို့ ကလောမြို့နယ်ပြည်နယ်လွှတ်တော် ကိုယ်စားလှယ် ဦးသန်းထိုက် မြို့နယ်အုပ်ချုပ်ရေးမှူး ဦးခင်မင်း၊ မြို့နယ်ရဲတပ်ဖွဲ့မှူး ဒုရဲမှူး လှနိုင်ဦးစီး၍၊ ကလောတပ်နယ် မှ အရာရှိစစ်သည်များ၊ မြို့နယ်မီးသတ်ဦးစီးဌာန ဦးစီးအရာရှိ ဦးသန့်ဇော် နှင့်ပြည်သူများပူးပေါင်း၍ မီးသတ်ယာဉ်(၅)စီး ရေသယ်ယာဉ် ၄ စီး ဝိုင်းဝန်းမီးငြိမ်းသတ်ခဲ့ရာ ၈ နာရီ၂ဝမိနစ် မီးထိန်းနိုင်ခဲ့ပြီး ၈ နာရီခွဲတွင် မီးငြိမ်းနိုင်ခဲ့သည်။မီးလောင်မှုကြောင့် (၉×၄၀)ပေ ၄ ခန်း သွပ်မိုး၊ ပျဉ်ကာ မြေစိုက်နေအိမ်နှင့် ကား ၁ စီး ဆိုင်ကယ် ၄ စီး ဆုံးရှုံးပျက်စီးခဲ့ကြောင်းသိရသည်။
ဖြစ်စဉ်နှင့် စပ်လျဉ်း၍ ကလောမြို့နယ် ရဲစခန်းမှ အမှုဖွင့်အရေးယူဆောင်ရွက် ထားရှိကြောင်း သိရသည်။

မြို့နယ် (ပြန်/ဆက်)
Myanmaalinn
https://www.facebook.com/MYANMAALINNNEWS

နမ့်တွန်းကျေးရွာ (၁၆)မိုင်အဆင်း ယာဉ်တစ်စီးတိမ်းမှောက် တစ်ဦးသေဆုံး


လားရှိုး မေ ၃၀

ရှမ်းပြည်နယ်မြောက်ပိုင်း လားရှိုးမြို့နယ် နမ့်တွန်းကျေးရွာ (၁၆)မိုင်အဆင်း၌ မေ ၂၉ ရက် ည ၁၁ နာရီက ယာဉ်တစ်စီး မတော်တဆတိမ်းမှောက်ကြောင်းသိရသည်။

ဖြစ်စဉ်မှာ နမ့်တွန်းကျေးရွာ(၁၆)မိုင်အဆင်း၊ မိုင်တိုင်အမှတ် (၁၈၉/၄)နှင့်(၁၈၉/၅)ကြား လားရှိုးမှသိန်းနီသို့ ယာဉ်မောင်း ကိုယ်ပိုင်အမှတ် တ/၄၀၀၃၄ဝတပ်သားမျိုထက်အောင် (၃၄)နှစ် အမှတ်(၉၁၂)စစ်မြေပြင်အင်ဂျင်နီယာတပ်ရင်း ၊MIအမျိုးအစား မြေထိုးစက်အားတင်ဆောင်၍မောင်းနှင်လာသောယာဉ်အမှတ် 8L------Dong Feng (၁၂)ဘီး အပြာရောင်သည် ဘရိတ်ပေါက်၍ အရှိန်မထိန်းနိုင်ဘဲ လမ်းဘေးရေမြောင်းထဲထိုးကျ၍ ကွန်ကရစ်မြေ ထိန်းနံရံအားဝင်ဆောင့်မိကာ ယဉ်ခေါင်းခန်းတွင်လိုက်ပါလာသူ ကပ/၆၃၆၇၆၈ ဒုအရာခံဗိုလ်ဦးမောင်မောင်စိုး(၅၅)နှစ် အမှတ်(၉၁၂)စစ်မြေပြင်အင်ဂျင်နီယာတပ်ရင်း၊ကာခေါင်းထဲတွင်ညပ်နေကြောင်း တယ်လီဖုန်းသတင်းရရှိ၍ လားရှိုးခရိုင်မီးသတ်ဦးစီးရုံးမှ လက်ထောက်ညွှန်ကြားရေးမှူး ဦးမျိုးထွဋ်ဦး၊ဦးဆောင်သောရှာဖွေ ကယ်ဆယ်ရေးတပ်ဖွဲ့ဝင်(၈)ဦးတို့မှ 4M/------အထောက်အကူပြု ယာဉ်နှင့် 7G/-----သူနာတင်ယာဉ်ဖြင့်သွားရောက်ကူညီ ကယ်ထုတ်ရာ အခင်းဖြစ်ပွားရာနေရာတွင် ကားခေါင်းခန်း၌လိုက်ပါ လာသူ ဒုအရာခံဗိုလ် ဦးမောင်မောင်စိုးမှာအောက်ပိုင်း ပြတ်ဒဏ်ရာ ဖြင့် သွေးထွက်လွန်သေဆုံးသွားခဲ့ပြီးအတူလိုက်ပါလာသူ ကိုယ်ပိုင်အမှတ်တ/၄၄၁၀၄၇ဒုတပ်ကြပ်ဇော်လင်းထိုက်(၃၂)နှစ်(ဘ)ဦးတင်စိုးသည် ဝဲဘက်နံရိုးအောင့်ဒဏ်ရာ(မစိုးရိမ်ရ) ရရှိခဲ့ပြီး ယာဉ်မောင်း တပ်သားမျိုးထက်အောင်မှာ အခင်းဖြစ်ပွားရာနေရာမှ ထွက်ပြေးတိမ်းရှောင်နေကြောင်းသိရသည်။

အခင်းဖြစ်ပွားရာနေရာသို့ မြန်မာနိုင်ငံမီးသတ်တပ်ဖွဲ့နှင့်အတူ (အမှတ်-၁၂၁)ယာဉ်ထိန်းတပ်ဖွဲ့စုမှ ဒုရဲအုပ်ချိုထွန်းနိုင်ဦးစီးသည့် ယာဉ်ထိန်းတပ်ဖွဲ့ဝင်များ၊လားရှိုးလူငယ်များလူမှုကူညီရေးအသင်း၊ နမ့်တွန်းကျေးရွာအုပ်ချုပ်ရေးမှူး-ဦးခူးဖန်၊ပေးသော လက်စေတနာရှင်သွေးနှင့် လူမှုကူညီရေးအသင်း၊မြတ်ရတနာ လူမှုကူညီရေးအသင်း တို့ပါဝင်ကူညီဆောင်ရွက်ခဲ့ကြကြောင်း သိရသည်။

ဟန်ဌေး
Myanmaalinn
https://www.facebook.com/MYANMAALINNNEWS

ထိုင်းနိုင်ငံသို့တရားမဝင် ၀င်ရောက်သူများတွင် အသက်မပြည့်သည့် ကလေးငယ်များ ပါဝင်နေ


မေလ ၃၀ ရက် ၂၀၁၉

ထိုင်းနိုင်ငံ သို့ တရားမဝင် ၀င်ရောက် အလုပ်လုပ်သူများတွင် အသက်မပြည့်သေးသည့် ကလေးငယ်များ ပါဝင်နေကြောင်း သိရသည်။

မေ လ အတွင်း အသက်မပြည့်ဘဲ ထိုင်းနိုင်ငံသို့ တရားမဝင် ၀င်ရောက်သည့် ကလေးငယ် ၁၀ ဦးကျော် ဖမ်းဆီးရမိသည်ဟု ကူညီဆောင်ရွက်ပေးသူများ ပြောကြားချက် အရ သိရသည်။

မေလ ၁၇ ရက်နေ့က ထိုင်းနိုင်ငံ လမ်းပွန်းခရိုင်တွင် တရားမဝင် ၀င်ရောက်သည့် အသက် ၁၈ နှစ်အောက် ယောင်္ကျားလေး ၂ ဦး၊ မိန်းကလေးငယ် ၆ ဦး ဖမ်းဆီးရမိခဲ့ပြီး၊ မေလလယ်တွင်လည်း ချင်းမိုင်မြို့တွင် အသက်မပြည့်သည့် ယောင်္ကျားလေး ၂ ဦး၊ မိန်းကလေးငယ် ၁ ဦးကိုလည်း ဖမ်းဆီးရမိခဲ့သည်။

“ မေ ၁၇ ရက်က မယ်ဆိုင်ကနေ ၁၄ ယောက်လာတယ်။ ဘန်ကောက်ကို သွားအလုပ်လုပ်ဖို့ပြောတယ်။ လမ်းမှာ ဖမ်းမိတာ အဲ့ထဲမှာ အသက်မပြည့်တာ ၈ ဦးပါတယ်။ ကလေးတွေ များတော့ ခေါ်စစ်ပြီး မြန်မာပြည် ပြန်ပို့လိုက်တယ်။” ဟု ဘာသာပြန်လိုက်ကူလုပ်ပေးသည့် စိုင်းတိုင်း က ပြောပြသည်။

အဆိုပါ အဖမ်းခံရသူများသည် ထိုင်းနိုင်ငံ ဘန်ကောက်တွင် အလုပ်သွားလုပ်မည့် သူများဖြစ်ပြီး၊ ဖမ်းခံရသည့် အများစုသည် သျှမ်းပြည်နယ် မှ ကလေးငယ်များဖြစ်ကြောင်း၊ လက်ရှိတွင် မြန်မာပြည်သို့ပြန်လည်ပို့ဆောင်ပေးလိုက်ကြောင်း၊ ကလေးငယ်များကို ထိုင်းနိုင်ငံသို့ ခေါ်ဆောင်လာသည့် ကားသမားတဦး ကိုသာ ဖမ်းဆီး စစ်ဆေးနေကြောင်း လည်း စိုင်းတိုင်း က ပြောပြသည်။

“ မေ ၂၃ ရက်နေ့ က ကျမ တရားမဝင်တဲ့ မြန်မာနိုင်ငံသား ၁၃ ယောက် ကို သွားဘာသာပြန်ပေးတယ်။ အဲ့ထဲမှာ အသက်မပြည့်တဲ့ ကလေး ၃ ယောက်ပါတယ်။ အသက်က ၁၆ ၊ ၁၇ နှစ်တွေပါ။ အဲ့သူတွေက ပတ္တရား ဘက်ကနေ ချင်းမိုင် ကို ပြောင်းလာတာ” ဟု လိုက်လံ ကူညီပေးသည့် အမျိုးသမီး တဦး ကပြောသည်။

ယခုနောက်ပိုင်း ထိုင်းနိုင်ငံကို တရားမဝင် လာပြီး အလုပ်လုပ်ကာ ဖမ်းဆီးခံရသူ များသည် သျှမ်းပြည် တောင်ပိုင်း မှာလာကြသည့်သူများဖြစ်ကြသည် ဟုလည်း ၎င်း က ပြောသည်။

သျှမ်းပြည်နယ် တွင် အလုပ်အကိုင် ရှားပါးမှု ၊ မကြာခဏ တိုက်ပွဲများ ဖြစ်ပွားမှုကြောင့် နေရာရွှေ့ပြောင်းနေရမှုများနှင့် လယ်ယာမြေများ သိမ်းဆည်းခံရမှု တို့ကြောင့် နယ်စပ်ဒေသသို့ စွန့်ခွာ အလုပ်လုပ်နေကြရကြောင်း သိရသည်။

ထိုင်းနိုင်ငံ ချင်းမိုင် တွင် ယခု မေလ အတွင်း တရားမဝင် ရွှေ့ပြောင်းအလုပ်သမား ၃၀ ခန့် ဖမ်းဆီးရမိကြောင်း သိရသည်။

Panglong(Burmese)
https://www.facebook.com/ShanNewsBurmese

အရှုံးပေါ်နေတဲ့ အစိုးရလုပ်ငန်းတွေ ဖြည့်စွက်ဘဏ္ဍာငွေ အများဆုံးထပ်တောင်း

 လုပ်ငန်း ၁၀ခုက စုစုပေါင်း ကျပ် ၈၃၃.၃၈၇ဘီလီယံ (အမေရိကန်ဒေါ်လာ သန်း ၅၀၀ ကျော်၊ ၁ ဒေါ်လာ= ၁၅၀၀ ကျပ်) အထိအရှုံးနှစ်စဉ် အရှုံး ပေါ်နေ ပါတယ်။
တောင်းခံတဲ့ပမာဏက၂၀၁၈-၁၉ခုနှစ်ဖြည့်စွက်ဘဏ္ဍာငွေ ပမာဏတစ်ခုလုံး ကျပ်ငွေ ဘီလီယံ ၂၆၃၅ ရဲ့ တစ်ဝက်ကျော် ၁၄၃၂.၃၈၂ ဘီလီယံ (အမေရိကန်ဒေါ်လာ ၁ ဘီလီယံခန့်)အထိ ရှိတာကို ၂၀၁၈-၁၉ခုနှစ် ပြည်ထောင်စုရဲ့ နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေကြမ်းမှာ ပါရှိပါတယ်။

အဲဒီ ဥပဒေကြမ်းပါ ထပ်တောင်းထားတဲ့ငွေပမာဏကို စီမံကိန်းနဲ့ ဘဏ္ဍာရေးဝန်ကြီးဌာန တာဝန်ရှိသူတွေနဲ့ ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီရဲ့ စိစစ်ပူးပေါင်းရေးအဖွဲ့ ၂၀ က စိစစ်ပြီး ပြည်ထောင်စုလွှတ်တော်ကို မေလ နောက်ဆုံးအပတ်မှာ တင်ပြထားတာ ဖြစ်ပါတယ်။

အရှုံးပေါ်နေတဲ့ နိုင်ငံပိုင်စီးပွားရေးလုပ်ငန်းတွေက တောင်းခံငွေဟာ၂၀၁၈-၁၉ခုနှစ် ဖြည့်စွက်ဘဏ္ဍာငွေ တောင်းခံမှုအားလုံးရဲ့ တစ်ဝက်ပမာဏကျော်ဖြစ်သလို ၈ နှစ်အတွင်း တောင်းခံခဲ့တဲ့ ဖြည့်စွက်ဘဏ္ဍာငွေ တွေထဲမှာလဲ အခုအချိန်တောင်းခံမှုက ပမာဏအများဆုံးလည်း ဖြစ်ပါ တယ်။
 ရေကြောင်းပို့ဆောင်ရေး၊ လျှပ်စစ်စတာတွေအရှုံးပေါ်နေတယ်

နိုင်ငံပိုင်စီးပွားရေးလုပ်ငန်းပေါင်း ၃၂ခုအထိရှိနေပြီးတော့ ၂၂ ခုကသာ ကိုယ်ပိုင်ဝင်ငွေနဲ့ ရပ်တည် နေနိုင်ကြတာဖြစ်ပြီး ကျန်တဲ့ ၁၀ခုကတော့နှစ်စဉ်အရှုံးပေါ်နေတာကိုလည်း ပြည်သူ့ငွေစာရင်း ပူးပေါင်း ကော်မတီရဲ့ နှစ်စဉ် ဘဏ္ဍာငွေအရသုံးဆိုင်ရာ သုံးသပ်ချက်အစီအရင်ခံစာ တွေကဖော်ပြပါတယ်။

၂၀၁၈- ၁၉ခုနှစ် ဘဏ္ဍာငွေအရအသုံးဆိုင်ရာ စာရင်းတွေအရ လုပ်ငန်း ၁၀ခုက စုစုပေါင်း ကျပ် ၈၃၃.၃၈၇ဘီလီယံ (အမေရိကန်ဒေါ်လာ သန်း ၅၀၀ ကျော်၊ ၁ ဒေါ်လာ= ၁၅၀၀ ကျပ်) အထိအရှုံးနှစ်စဉ် အရှုံး ပေါ်နေ ပါတယ်။

"မြန်မာ့လေကြောင်း၊ မြန်မာ့မီးရထား၊ ရေကြောင်းပို့ဆောင်ရေး၊ လျှပ်စစ်စတာတွေအရှုံးပေါ်နေတယ်။ နိုင်ငံကနေစိုက်ထုတ် နေရတယ်။ ဒါတွေကိုလုပ်မယ်ဆိုရင်အစိုးရကတစိုက်မတ်မတ်နဲ့ သေချာလေ့လာ၊ သုတေသန လုပ်၊ ဘယ်လိုဖြေရှင်းသင့်တယ်ဆိုတာကို အစိုးရကပဲ ဆုံးဖြတ်ပြီးလုပ်သင့်တယ်" လို့ ပြည်သူ့လွှတ်တော် ပြည်သူ့ငွေစာရင်းကော်မတီဝင် ဦးစိုင်းသီဟကျော်က ဘီဘီစီကိုပြောပါတယ်။
Getty Images
နိုင်ငံပိုင်စီးပွားရေးလုပ်ငန်းတွေအရှုံးပေါ်နေတာမှန်ပါတယ်။ သူတို့တောင်းတာကို ထပ်ပေးတာကလည်း ရှုံးနေတဲ့လုပ်ငန်းတွေအပေါ် ပြန်ကုစားနိုင်ဖို့အတွက်ဖြစ်တယ်။ အမှန်တကယ်လိုတဲ့ဟာတွေကို ဖြည့်ဆည်း ပေးဖို့တော့လိုလည်းလိုတယ်လို့ သူကဆိုပါတယ်။

နိုင်ငံပိုင်စီးပွားရေးလုပ်ငန်းတွေအရှုံးပေါ်တာပြီးခဲ့တဲ့လွှတ်တော်သက်တမ်းကတည်းကအဲဒါတွေကို စိစစ်ဖို့ အတွက်ကိုလည်း ကော်မတီအနေနဲ့ကွင်းဆင်းပြီးတော့ သုံးသပ်တာတွေလုပ်ပါတယ်။ လေ့လာတွေ့ရှိချက် တွေကိုလည်း ပြန်တင်ပြီးတော့ ဝိုင်းဝန်းဆွေးနွေးနိုင်အောင်လုပ်နေတယ်လို့လည်း သူကဆက်ပြောပါတယ်။

"လွှတ်တော်ကိုယ်စား လှယ်တွေ ကတော့ ဘာလုပ်သင့်တယ်ဆိုတာပဲတိုက်တွန်းနိုင်မယ်။ ပညာရှင်တွေနဲ့ သေချာဖြေရှင်းတာလို ထိရောက်မှာမဟုတ်ပါဘူး။ နိုင်ငံပိုင်စီးပွားရေးလုပ်ငန်း တွေထဲက တခုချင်းစီကို အစိုးရကဖြေရှင်းသွားတာသင့်တော်မယ်" လို့ ဦးစိုင်းသီဟကျော်က မှတ်ချက်ပြုပါတယ်။

ဒါ့အပြင် ဖြည့်စွက်ရံပုံငွေတွေတိုးတောင်းတာ တစ်နှစ်ထက်တစ်နှစ်များပြားလာတာက မူလစာရင်းမှာ ကတည်းက ဦးစားပေးလုပ်သင့်တဲ့လုပ်ငန်းတွေကို ထည့်သွင်းထားတာမရှိတာနဲ့ သေချာတွက်ချက် တင်ပြမှုတွေမရှိတာတွေကို ပူးပေါင်းကော်မတီတွေက စိစစ်တွေ့ရှိခဲ့ရတယ်လို့လည်း စိစစ်ရေးပူးပေါင်း ကော်မတီအဖွဲ့ဝင်တွေက ပြောပါတယ်။

ဘဏ္ဍာရံပုံငွေတွေအမြောက်အမြားတောင်းပေမယ့် လုပ်ငန်းပြီးအောင်မလုပ်နိုင်လို့ နောက်နှစ်ကုန်မှာ ပြန်အပ်ရတယ်။ မူလကတည်း လုပ်နိုင်မယ့်လုပ်ငန်းတွေကို သေချာတွက်ချက်ပြီး မတင်ပြဘဲ နောက်ပိုင်း ဖြည့်စွက်ရံပုံငွေထဲမှာ တောင်းတာတွေလုပ်လာလို့ ဖြည့်စွက်ရံပုံငွေတွေများလာတာကို လွှတ်တော်က စိစစ်တွေ့ရတယ်လို့ စိစစ်ရေးပူးပေါင်းကော်မတီဝင်တွေက ဆိုကြပါတယ်။

အခုလိုတောင်းခံထားတဲ့ ပမာဏကိုလည်း လက်ရှိကျင်းပနေတဲ့ ၁၂ကြိမ်မြောက် ပြည်ထောင်စုလွှတ်တော် အစည်းအဝေးအတွင်း ကိုယ်စားလှယ်တွေက ပါဝင်ဆွေးနွေးမှုတွေလုပ်ပြီး အတည်ပြုမှာဖြစ်တယ်လို့ ဦးစိုင်းသီဟကျော်က ပြောပါတယ်။

BBC Burmese
https://www.bbc.com

ရန်ကုန်တိုင်းအတွင်းမှာ TTC ကျောင်းကလွဲလို့ ကျောင်းအားလုံး ပုံမှန်ကျောင်းတက်ချိန်အတိုင်းသာ ကျောင်းတက်ရမယ်

 ဒီနှစ်ပညာသင်နှစ်ကစပြီးစာသင်ချိန်ကာလကိုသာ မတ်လအထိ တက်ရောက်ရတော့မှာဖြစ်
ဒီနှစ် ၂၀၁၉ - ၂၀၂၀ ပညာသင်နှစ်အတွက် ရန်ကုန်တိုင်းအတွင်းမှာ ရန်ကုန်ပညာရေး တက္ကသိုလ် လေ့ကျင့်ရေး အထက်တန်းကျောင်း ( TTC) ကျောင်းကလွဲလို့ ကျန်တဲ့ကျောင်းအားလုံးဟာ ယခင် ကျောင်းတက်ချိန်အတိုင်းပဲ အပြောင်းအလဲမရှိဘူးလို့ ရန်ကုန်တိုင်းဒေသကြီး ပညာရေးမှူး ရုံးဒုတိယ ညွန်ကြားရေးမှူးချုပ်ဒေါ်ခင်မာဆွေက ပြောပါတယ်။

Grade 6 နဲ့ Grade 3 မှာ သင်ရိုးအသစ်တွေပြောင်းလဲထားတဲ့အတွက် စာသင်ကြားချိန် တိုးမြှင့် သွားဖွယ် ရှိတယ်လို့ သတင်းတွေထွက်ပေါ်ခဲ့ပေမယ့်လည်း မူလစာသင်ကြားချိန်ထက် ထပ်တိုးသွားဖို့မရှိဘူးလို့ သိရပါတယ်။

' 'ပုံမှန် ၂ချိန်ကျောင်းဖွင့်တဲ့ကျောင်းကလည်း ၂ချိန် (မနက် ၆နာရီကနေ ၁၂ နာရီထိ တစ်ချိန်နဲ့ နေ့လယ် ၁၂ နာရီကနေ ညနေ ၅နာရီထိ) ပဲ။ တစ်ချိန် ကျောင်း (မနက် ၉နာရီကနေ ၃နာရီထိ) တွေကလည်း အရင်အတိုင်းပဲ။ တစ်ခုပဲ အရင်တစ်ချိန်ပဲဖွင့်တဲ့ကျောင်းတွေက ကျောင်းဆောင်တွေတိုးတယ်ဆိုရင်တော့ ၂ချိန်ဖွင့်ရင်ဖွင့်မယ်။ အခြေခံပညာဦးစီးဌာနအောက်မှာရှိတဲ့ကျောင်းတွေရဲ့ ကျောင်းတက်ချိန်တွေကို တော့ မပြောင်းပါဘူး။'' လို့ ရန်ကုန်တိုင်းဒေသကြီး ပညာရေးမှူးရုံးဒုတိယ ညွန်ကြားရေးမှူးချုပ်ဒေါ်ခင်မာဆွေက ပြောပါ တယ်။

အဆင့်မြှင့်ပညာဦးစီးဌာနလက်အောက်မှာရှိတဲ့ TTC ကျောင်းကိုတော့ ကျောင်းတက်ချိန် ၃ချိန်ခွဲထားပြီး သတ္တမတန်းကနေ ဒဿမတန်းအထိ နံနက် ၈နာရီ ကနေ နေ့လယ် ၂ နာရီ၊ တတိယတန်းကနေ ဆဋ္ဌမ တန်းအထိ နံနက်၉နာရီ ကနေညနေ ၃နာရီ နဲ့ KG ကနေ Grade 2 အထိ နံနက် ၉နာရီကနေ ညနေ ၂ နာရီခွဲထိ တက်ရောက်ရမှာဖြစ်ပါတယ်။

'' TTC ကကျတော့ ကျောင်းတက်ချိန်ပဲ ၃ချိန်ခွဲထားတာ။ အဓိကက ကျောင်းတက်ကျောင်းဆင်းချိန်မှာ လာကြိုတဲ့ကားတွေနဲ့ ပိတ်လွန်းလို့ ကျောင်းဆင်းချိန်တွေကို ခွဲထားလိုက်တာ။ စာသင်ကြားရမဲ့ သတ်မှတ် အချိန်ကတော့ မပြောင်းပါဘူး။ စာသင်ကြားချိန် ပြည့်အောင်သင်မှာပါ။'' လို့ အဆင့်မြင့်ပညာဦးစီးဌာန ညွှန်ကြားရေးမှူးဒေါက်တာသိန်းဝင်းက ဘီဘီစီကိုပြောပါတယ်။

စာသင်ကြားချိန်တွေမပြောင်းလဲသော်လည်း စာသင်ချိန်ကာလကိုတော့ ဇွန်လကနေ မတ်လကုန်အထိ တက်ရောက်ရတော့မှာဖြစ်ပါတယ်။

' ' အရင်ကတည်းကလည်း မတ်လအထိ သင်ရမယ်လို့ ရှိပြီးသားပါ။ ဆယ်တန်းစာမေးပွဲတွေအတွက် ကျန်တဲ့ ကလေးတွေကို ဖေဖော်ဝါရီလောက်မှာကတည်းက စစ်လိုက်လို့ မတ်လမှာ ကျောင်းပိတ် သွား တဲ့သဘောပဲ။ အခုတော့ သင်ရိုးသစ်တွေအတိုင်း တဖြည်းဖြည်းချင်း သူ့သင်ရိုးကို ကုန်အောင် မတ်လအထိ တက်ရတော့မှာဖြစ်ပါတယ်။'' လို့ ရန်ကုန်တိုင်းဒေသကြီး ပညာရေးမှူးရုံးဒုတိယ ညွန်ကြားရေးမှူးချုပ် ဒေါ်ခင်မာဆွေကပြောပါတယ်။

ဒီနှစ်ပညာသင်နှစ်မှာ ရန်ကုန်တိုင်းအတွင်းက TTC ၊ ဒဂုံ ၁ အပါအဝင် နာမည်ကြီးကျောင်းအချို့မှာ သူ့သတ်မှတ် ဧရိယာအတွင်းကကျောင်းသားတွေကိုသာလက်ခံသင်ကြားပေးသွားဖို့နဲ့ နယ်ကျော် ကျောင်းမအပ်ရ ဆိုတဲ့မူကို တင်းတင်းကျပ်ကျပ် ဆောင်ရွက်နေပြီလည်းဖြစ်ပါတယ်။

BBC Burmese
https://www.bbc.com

ပုဒ်မ ၁၇(၁) နဲ့ တရားစွဲခံထားရတဲ့ ကျေးရွာအုပ်ချုပ်ရေးမှူးကို ရုံးထုတ်

နမ့်ဟူးတောင်းကျေးရွာအုပ်စု အုပ်ချုပ်ရေးမှူးကို ရုံးထုတ်ခဲ့တဲ့ ကျောက်မဲမြို့နယ် တရားရုံးကို တွေ့ရစဉ် / Photo: Kan Thar/RFA
ရှမ်းတိုင်းရင်းသားလက်နက်ကိုင်အဖွဲ့တွေအတွက် ငွေကြေးကောက်ခံပေးတယ်ဆိုပြီး တပ်မတော်က ဖမ်းဆီး တရားစွဲဆိုထားတဲ့ ကျောက်မဲမြို့နယ် နမ့်ဟူးတောင်းကျေးရွာအုပ်စု အုပ်ချုပ်ရေးမှူးကို ကျောက်မဲမြို့နယ်တရားရုံးမှာ ဒီကနေ့ ရုံးထုတ်ခဲ့ပါတယ်။

ကျောက်မဲမြို့ နယ် နမ့်ဟူးတောင်းကျေးရွာအုပ်စု အုပ်ချုပ်ရေးမှူး စိုင်းတင့်ချို ကို ကျောက်မဲအခြေစိုက် ခမရ ၅၀၂ က ဗိုလ်မှူး ဝေယံထွန်းက မတရားအသင်းဆက်သွယ်မှုဥပဒေပုဒ်မ ၁၇/၁နဲ့  တရားလိုလုပ်ပြီး တရားစွဲဆိုထားတာဖြစ် တယ်လို့ စွပ်စွဲခံရသူဘက်ကနေရှေ့နေအဖြစ် လိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဦးသန့်စင်ထွန်း က ပြောပါတယ်။

စိုင်းတင့်ချို ကို ကျောက်မဲမြို့  နမ့်ဟူးတောင်းရွာက သူ့ကြက်ခြံမှာ အရပ်ဝတ်ဝတ်ထားသူတွေက ဧပြီ ၂၆ ရက်နေ့  ညနေပိုင်းမှာ ဖမ်းဆီးခေါ်ဆောင်သွားတာလို့ သားဖြစ်သူ စိုင်းဆိုင်မိန်း က ပြောပါတယ်။

နမ့်ဟူးတောင်းကျေးရွာအုပ်စုမှာ ကျေးရွာ ၅ရွာပါဝင်ပြီး စိုင်းတင့်ချိုဟာ ၂၀၁၃ ခုနစ်က စတင်ကာ အုပ်ချုပ်ရေးမှူး တာဝန်ကို ထမ်းဆောင်ခဲ့ပြီး ၂၀၁၆ ခုနှစ် ဒီဇင်ဘာမှာ အုပ်ချုပ်ရေးမှူးတာဝန်ကနေ နုတ်ထွက်စာတင်ခဲ့တယ်လို့ သိရပါတယ်။

စိုင်းတင့်ချိုဟာ ရှမ်းပြည်တိုးတက်ရေးပါတီ SSPP နဲ့  ရှမ်းပြည်ပြန်လည်ထူထောင်ရေးကောင်စီ RCSS တပ်ဖွဲ့တွေအတွက် ငွေကြေးကောက်ခံပေးနေသူဖြစ်ပြီး ဧပြီ ၂၆ရက်နေ့က နမ့်ဟူးတောင်းရွာအတွင်းမှာ ၀င်ရောက်ရှာဖွေဖမ်းဆီးစဉ် ကောက်ခံရရှိငွေ ၁၅ သိန်းကို စာရွက်စာတန်းတွေနဲ့အတူ ဖမ်းဆီးရမိခဲ့တယ်လို့ တပ်မတော်က ဧပြီ ၃၀ ရက်နေ့မှာ သတင်းထုတ်ပြန်ခဲ့ပါတယ်။

ဒီသတင်းကို RFA သတင်းထောက် ကိုကံသာ ပေးပို့တာပါ။

RFA Burmese
https://www.rfa.org

ဆိပ်ကမ်းမဲဆန္ဒနယ် ရွေးကောက်ပွဲ အငြင်းပွားမှု NLD အနိုင်ရရှိ

၂၀၁၈ စက်တင်ဘာ ၁၅ ရက်နေ့က ဆိပ်ကမ်းမြို့နယ် တိုင်းဒေသကြီးလွှတ်တော် ကိုယ်စားလှယ်လောင်း ဦးသန်းထိုက်အောင် မဲဆွယ်နေစဉ် /Photo: Yangon Information Committee NLD
ရန်ကုန်တိုင်း ဆိပ်ကမ်းမြို့နယ် မဲဆန္ဒနယ်အမှတ် (၂) က ကြံ့ခိုင်ဖံွ့ဖြိုးရေးပါတီ တိုင်းဒေသကြီးလွှတ်တော် ကိုယ်စားလှယ် ဦးနေမျိုးအောင် ရဲ့ မဲရလဒ်အပေါ် အန်အယ်လ်ဒီပါတီ ကိုယ်စားလှယ် ဦးသန်းထိုက်အောင် က ကန့်ကွက်ထားတဲ့အမှုကို ပြည်ထောင်စုရွေးကောက်ပွဲကော်မရှင်က ဒီနေ့ အပြီးသတ်အမိန့်ချရာမှာ NLD ပါတီကို အနိုင်ပေးလိုက်ပါတယ်။

ဦးနေမျိုးအောင် ဟာ ၂၀၁၈ နိုဝင်ဘာလ ကြားဖြတ်ရွေးကောက် ပွဲကာလအတွင်း မဲဆွယ်လှုပ်ရှားရာမှာ ဥပဒေနဲ့ မညီညွတ်ဘူးဆိုပြီး ဆုံးဖြတ်လိုက်တာပါ။

ကြားဖြတ်ရွေးကောက်ပွဲမှာ ရှုံးနိမ့်ခဲ့တဲ့ NLD ပါတီ ကိုယ်စားလှယ်လောင်း ဦးသန်းထိုက်အောင်ဟာ ရွေးကောက် ပွဲကော်မရှင် ဥပဒေပုဒ်မ ၆၆ အရ တရားလိုလုပ်တိုင်ကြားခဲ့တာဖြစ်ပါတယ်။

မဲဆွယ်ကာလအတွင်း ဆိပ်ကမ်းမြို့နယ် ကြံ့ခိုင်ဖံွ့ဖြိုးရေးပါတီရုံးကို နိုင်ငံပိုင်မြေပေါ်မှာ တည်ဆောက်ထားတာ၊ ရွေးကောက်ပွဲမတိုင်မီ ပါတီရဲ့ ငွေချေးလုပ်ငန်းကနေ ငွေကြေးချေးငှားခဲ့တာ၊ ဘာသာရေးကိုအခြေခံပြီး မဲဆွယ် စည်းရုံးတာ၊ ရွေးကောက်ပွဲအသုံးစရိတ် တင်သွင်းဖို့ ပျက်ကွက်တာ စတဲ့အချက်တွေအရ ရွေးကောက်ပွဲကော်မရှင် ဆီ တိုင်ကြားခဲ့တာလို့ သိရပါတယ်။

ရွေးကောက်ပွဲမှာ ကြံ့ခိုင်ဖွံ့ဖြိုးရေးပါတီ ကိုယ်စားလှယ် ဦးနေမျိုးအောင် ဟာ NLD ကိုယ်စားလှယ်လောင်း ဦးသန်းထိုက်အောင်ကို မဲရလဒ် ၅၀၀ ကျော်နဲ့ အနိုင်ရခဲ့တာဖြစ်ပါတယ်။

ဦးနေမျိုးအောင်အနေနဲ့ ၁၅ ရက်အတွင်းမှာ ပြည်ထောင်စုရွေးကောက်ပွဲကော်မရှင်ထံ အယူခံလျှောက်ထား ခွင့်ရှိတယ်လို့လည်း သိရပါတယ်။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

RFA Burmese
https://www.rfa.org

၁၉ နှစ်ရွယ် ကျောင်းသူ မီးရှို့သတ်မှုနဲ့လူ ၁၆ ဦးကို ဘင်္ဂလားဒေ့ရှ် ရဲ တရားစွဲ


ဘင်္ဂလားဒေ့ရှ် နိုင်ငံမှာ ကျောင်းအုပ်ကြီးရဲ့ လိင်မှုဆိုင်ရာ စော်ကားမှုခံရတယ်လို့ တိုင်ကြားခဲ့တဲ့ ဆယ်ကျော်သက် ကျောင်းသူလေးကို မီးရှို့သတ်ဖို့ ကြိုးစားမှုမှာ ပါဝင်နေသူ ၁၆ ဦးကို ဘင်္ဂလားဒေ့ရှ် ရဲတွေက ဗုဒ္ဓဟူးနေ့မှာ တရားစွဲဆိုလိုက်ပါတယ်။

ကျောင်းအုပ် Siraj Ud Doula ရဲ့လုပ်ရပ်ကို တိုင်ကြားခဲ့ပြီး ရက်ပိုင်းအတွင်းမှာပဲ အသက် ၁၉ နှစ်အရွယ် Nusrat Jahan Rafi ကို သူတက်ရောက်နေတဲ့ အစ္စလာမ်ကျောင်း ခေါင်မိုးပေါ်မှာ ဓါတ်ဆီလောင်း မီးရှို့သတ်ပစ်ဖို့ ဧပြီလ ၆ ရက်နေ့က ကြိုးစားခဲ့ကြတာ ဖြစ်ပါတယ်။ တိုင်ကြားချက်အရရဲက ဖမ်းဆီးတာ ခံရတဲ့ Doula က ထောင်ထဲကနေ Rafi ကို သတ်ပစ်ဖို့ ညွှန်ကြားခဲ့တာဖြစ်ကြောင်း ရဲက ပြောပါတယ်။

တိုက်ခိုက်သူတွေက Rafi ကို ကျောင်းခေါင်မိုးပေါ် ဖြားယောင်း ခေါ်သွားပြီး သူ့တိုင်ကြားချက် ပြန်ပယ်ဖျက်ပေးဖို့ ပြောကြပေမယ့် သူက ငြင်းဆန်ခဲ့တဲ့အတွက် သူ့ကို မီးတင်ရှို့ခဲ့တာ ဖြစ်ပါတယ်။ Rafi ဟာ မီးအရှို့ခံရပြီး ရက်သိပ်မကြာခင်မှာပဲ သေဆုံးခဲ့ပါတယ်။ တိုက်ခိုက်မှုမှာ ပါဝင်တယ်လို့ အစွပ်စွဲခံရသူတွေက လူသတ်မှုကို ကိုယ့်ကိုယ်ကိုယ် သတ်သေမှု ပုံစံဖြစ်အောင် လုပ်ဆောင်ခဲ့ပေမယ့် Rafi က သူသေဆုံးသွားတဲ့ ဧပြီလ ၁၀ ရက် မတိုင်ခင်မှာ အဖြစ်မှန်ကို ပြောကြားနိုင်ခဲ့တာပါ။

Rafi ရဲ့ သေဆုံးမှုကြောင့် ဘင်္ဂလားဒေ့ရှ် နိုင်ငံတဝှမ်း ဆန္ဒပြမှုတွေ ပေါ်ပေါက်ခဲ့ပြီး လိင်မှုဆိုင်ရာ စော်ကားမှုတွေ ကို အရေးယူဖို့ တောင်းဆိုမှုတွေ တိုးမြင့်လာခဲ့ပါတယ်။

ဘင်္ဂလားဒေ့ရှ် ဝန်ကြီးချုပ် Sheikh Hasina ကလည်း ဒီအမှုမှာ ပါဝင်ပတ်သက်သူ မှန်သမျှ ထိုက်သင့်တဲ့ ပြစ်ဒဏ်ပေးမယ်လို့ ကတိပေးခဲ့တာပါ။

ဗွီအိုအေ (မြန်မာပိုင်း)
https://burmese.voanews.com

မြန်မာ့အရေးကျွမ်းကျင်သူ ဂျပန်သံတမန် ဓားထိုးခံသေဆုံးမှု အတွက် ၀မ်းနည်းကြေကွဲ

ဒေါ်အောင်ဆန်းစုကြည်ရဲ့ ဂျပန်ခရီးစဉ် အတွင်းမှာ တွေ့ရတဲ့ Satoshi Oyama (Source: Asahi Shimbun file photo)
မေလ ၂၈ ရက် အင်္ဂါနေ့ မနက် ၇ နာရီ ၄၀ မှာ ဂျပန်နိုင်ငံ ကာဝါဆာကီမြို့က မူလတန်းကျောင်းအနီး ဓားထိုး အကြမ်းဖက်မှုတစ်ခု ဖြစ်ပွားခဲ့လို့ လူ ၂ ဦး သေဆုံးခဲ့ရာမှာ သေဆုံးသူ တစ်ဦးဟာ မြန်မာ စကားကို ကောင်းကောင်း ပြောဆိုနိုင်တဲ့ မြန်မာ့အရေး ကျွမ်းကျင်သူ ဂျပန်သံတမန် Mr. Satochi Oyama ဖြစ်ပါတယ်။ Mr. Oyama ဟာ ဂျပန်-မြန်မာ ဆက်ဆံရေး တိုးတက်အောင် ဆောင်ရွက်ခဲ့တဲ့အတွက် သူသေဆုံးတာဟာ ဂျပန်ပြည်သူတွေ အတွက်ရော မြန်မာပြည်သူတွေ အတွက်ပါ ဆုံးရှုံးမှုတစ်ခု ဖြစ်တယ်လို့ဂျပန်နိုင်ငံဆိုင်ရာ မြန်မာသံရုံးက သတင်း ထုတ်ပြန်ခဲ့ပါတယ်။ ဒီ အကြောင်းကို ကိုရဲမင်းထွန်းက တင်ပြပေးပါမယ်။

တိုကျိုမြို့အနီး ကာဝါဆာကီမြို့ Caritas Catholics မူလတန်း ကျောင်းအနီးမှာ လူတစ်ဦးက အရှည် ၁၁ လက်မရှိ ဓားနှစ်လက်ကိုင်ဆောင်ပြီး ကျောင်းသူကျောင်းသားတွေကို တိုက်ခိုက်ခဲ့ရာမှာ ၁၁ နှစ်အရွယ် Hanako Kuribarashi အမည်ရှိ မိန်းကလေး တစ်ဦးနဲ့ အသက် ၃၉ နှစ်အရွယ် Mr. Satochi Oyama သေဆုံးခဲ့သလို တစ်ခြား ၁၇ ဦးလည်း ဒဏ်ရာရရှိခဲ့ပါတယ်။ ဂျပန် အာဏာပိုင်တွေက အသက် ၅၁ နှစ် အရွယ်ရှိတဲ့ ဓားထိုး အကြမ်းဖက် တိုက်ခိုက်သူ Ryuichi Iwasaki ဟာလည်း သူ့လည်ပင်းသူထိုးပြီး အဆုံးစီရင်ခဲ့တယ်လို့ ပြောပါတယ်။ ဒီ အဖြစ်အပျက်နဲ့ ပတ်သက်ပြီး ဂျပန်ဝန်ကြီးချုပ် ရှင်ဇို အာဘေးက အခုလို ၀မ်းနည်းစကား ပြောကြားခဲ့ရပါတယ်။

“ ဓားထိုးခံရသူတွေထဲမှာ လူမမယ် ကလေးငယ်တွေ ပါဝင်နေတာကြောင့် ဒါဟာ နာကျည်းစရာနဲ့ မခံချိမခံသာ ဖြစ်စရာကောင်းတဲ့ အဖြစ်အပျက် တစ်ခုပါ။ သေဆုံးသူတွေအတွက် ကျွန်တော် ဆုတောင်းပေးနေသလို သူတို့ရဲ့ မိသားစုအတွက်လည်း ၀မ်းနည်း စကားပါးချင်ပါတယ်။”

ဆဌမတန်းကျောင်းသူ Hanako Kuribarashi နဲ့အတူ သေဆုံးခဲ့ရတဲ့ Mr Satoshi Oyama ဟာ သူ့ရဲ့ ကလေးလို့ ကျောင်းပို့ ဖို့အသွား ဓားထိုးခံခဲ့ရတာပါ။ သူဟာ မြန်မာစကား ကောင်းကောင်း ပြောတတ်သလို မြန်မာ အရေး ကျွမ်းကျင်သူ တစ်ဦး ဖြစပါတယ်။ လက်ရှိ ဂျပန်နိုင်ငံခြားရေး ၀န်ကြီးဌာနက လက်ထောက် ညွှန်ကြား ရေးမှူး တစ်ဦးပါ။

ဂျပန်နိုင်ငံခြားရေးဝန်ကြီး Taro Kana က Satoshi Oyama သေဆုံးမှုအတွက် ၀မ်းနည်းကြောင်းနဲ့ Oyama ဟာ ပါရမီရှင် မြန်မာ့အရေး ကျွမ်းကျင်သူ တစ်ဦး ဖြစ်ကြောင်း၊ မြန်မာနိုင်ငံဆိုင်ရာ ဂျပန် သံရုံးမှာ တာဝန်ထမ်းဆောင်ခဲ့ဖူးကြောင်းနဲ့ ဂျပန်နိုင်ငံရဲ့ မြန်မာနိုင်ငံဆိုင်ရာ သံတမန်ရေးရာ ကိစ္စရပ်တွေမှာ ဦးဆောင်မယ့်သူတစ်ဦး အဖြစ် မျှော်လင့်ထားခဲ့ကြောင်း ပြောပါတယ်။ Satoshi Oyama ရဲ့ တခြား အထက်လူကြီးတစ်ဦးကလည်း Oyama သေဆုံးမှုဟာ ဂျပန်နိုင်ငံရဲ့ သံတမန်ရေးကိစ္စကို ထိခိုက်စေမှာ ဖြစ်ကြောင်း ဂျပန်နိုင်ငံခြားရေး ၀န်ကြီးဌာနမှာ မြန်မာ့ရေးရာ တာဝန်ခံ ၀န်ထမ်း ၂ ဦးသာရှိပြီး Oyama ရဲ့ ဌာနခွဲဟာ အမြဲ အလုပ်များနေလေ့ရှိကြောင်း ပြောပါတယ်။

Satoshi Oyama ဟာ၂၀၁၃ ခုနှစ်တုန်းက မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဂျပန်နိုင်ငံကို ချစ်ကြည်ရေး ခရီးသွားစဉ်ကနဲ့ ၂၀၁၄ ခုနှစ်မှာ ဂျပန် နိုင်ငံခြားရေးဝန်ကြီး Fumio Kishida မြန်မာ နိုင်ငံကို လာရောက်ပြီး ဒေါ်အောင်ဆန်းစုကြည်နဲ့ တွေ့ဆုံခဲ့ရာမှာ စကားပြန်အဖြစ် ဆောင်ရွက်ခဲ့သူ ဖြစ်ပါတယ်။ သေဆုံးသူ Satoshi Oyama ဟာ မြန်မာ-ဂျပန် ရင်းနှီးမှုနဲ့ နှစ်နိုင်ငံ အကျိုးအတွက် ကြိုးပမ်းဆောင်ရွက်ပေးခဲ့သူဖြစ်သလို ဂျပန်-မြန်မာ ယဉ်ကျေးမှုနဲ့ ပြည်သူ နှစ်ရပ်အကြား ဆက်ဆံရေး တိုးမြင့်အောင် ဆောင်ရွက်ပေးခဲ့သူ သံတမန်ကောင်း ဖြစ်တယ်လို့ ဂျပန်နိုင်ငံ တိုကျိုမြို့ မြန်မာသံရုံးရဲ့ သတင်းထုတ်ပြန်ချက်မှာ ဖော်ပြထားပါတယ်။

မြန်မာနိုင်ငံဆိုင်ရာ ဂျပန် သံအမတ်ကြီးဟောင်းTateshi Higuchi က အရည်အချင်းပြည့်မီသူ၊ နှိမ့်ချ ဖော်ရွေသူ၊ ပါရမီရှင် စတဲ့စကားလုံးတွေအားလုံး Oyama ရဲ့ ပင်ကိုယ် အရည်အသွေးနဲ့ အကြုံးဝင်တယ်လို့ ပြောသလို Oyama ဟာ သိပ်ကို အားကိုးရသူဖြစ်တယ်လို့လည်း ပြောပါတယ်။ Oyama နဲ့ သူ့ရဲ့ ဇနီးတို့ နှစ်ဦးစလုံးဟာ တိုကျို တက္ကသိုလ်၊ နိုင်ငံခြားဘာသာဌာနက ဘွဲ့ရရှိခဲ့ ကြပြီး ဇနီး ဖြစ်သူဟာလည်း မြန်မာ့အရေးကို စိတ်ဝင်တစား သိရှိသူ ဖြစ်တယ်လို့ ပြောပါတယ်။ သူသေဆုံးရတာနဲ့ ပတ်သက်ပြီး သူ့ရဲ့ အမျိုးသမီးက အဖြစ်အပျက်ဟာ မြန်ဆန်လွန်းကြောင်း၊ သူ သိပ် ၀မ်းနည်းလွန်းလို့ ဘာကိုမှ ဖြောင့်ဖြောင့်တန်းတန်း မစဉ်းစားနိုင်တော့ကြောင်း သတင်းထုတ်ပြန်ပြောဆိုခဲ့ပါတယ်။

ဂျပန်နိုင်ငံခြားရေးဝန်ကြီဌာန ၀က်ဘ်ဆိုဒ်မှာ Oyama ဟာ ၂၀၀၄ ခုနှစ်မှာ နိုင်ငံခြားရေးဝန်ကြီးဌာနမှာ စတင်တာဝန်ထမ်းဆောင်ခဲ့ပြီး၂၀၀၇ ခုနှစ်မှာ မြန်မာနိုင်ငံဆိုင်ရာ ဂျပန်သံရုံးကို စေလွှတ်ခြင်းခံရပြီး သံရုံးမှာ ရံဖန်ရံခါ စကားပြန်အဖြစ် တာဝန်ယူရတယ်လို့ ဖော်ပြထားပါတယ်။ Oyama ကွယ်လွန်သွားတာဟာ ဆုံးရှုံးမှုတခုဖြစ်တယ်လို့ ဂျပန်မှာရှိတဲ့ မြန်မာလူမှု အသိုင်းအဝိုင်းက ခံယူကြကြောင်း တိုကျိုမြို့က မြန်မာ့အရေး လှုပ်ရှားသူ ဦးကျော်ကျော်စိုးက ပြောပါတယ်။

“ သူက အဲဒီ ကာဝါဆာကီမြို့မှာ ရှိတဲ့ Noborito ဆိုတဲ့ ရထား ဘူတာနားမှာ ပုဂ္ဂလိက မူလတန်းကျောင်း တကျောင်းကို သူ့ကလေးတွေ ကျောင်းကိုသွားတဲ့ ဘတ်စ်ကားဂိတ် ရှိပါတယ်။ အဲဒီ ဘတ်စ်ကား ဂိတ်မှာ ကလေးတွေ နေ့ ကျောင်းသွားဖို့ဆို လာစောင့်ရတာ။ သူလည်း အဲဒီနားမှာ ကလေးတွေ နားမှာ ရပ်နေတယ်။ ၁၀ စက္ကန့် စက္ကန့် ၂၀ လောက် အကြာမှာ နောက်ကျောကနေ ဓားနဲ့ထိုးသွားတာ အဲလိုဖြစ်ရတာပါ။ ဆေးရုံမှာ ဆုံးတာပါ။ သူက ဗမာ ကွန်မြူနတီနဲ့လည်း ထိတွေ့ ဆက်ဆံမှုက များတယ်။ ကျနော်တို့ မြန်မာ ကွန်မြူနတီ အသိုင်းအ၀ိုင်းကြားမှာလည်း သူ့အတွက် အမှတ်တရလေးတွေ စိတ်မကောင်းတာတွေ အတော်များများ ဖြစ်ကြပါတယ်။”

Oyama နဲ့ လူမမယ် ကျောင်းသားကလေးငယ်တွေကို ဘာကြောင့် ဓားနဲ့ ထိုးရသလဲဆိုတဲ့ အကြောင်းရင်းကိုတော့ ခုထိ မသိရှိရသေးပါဘူး။ Kawasaki မြို့ တာဝန်ရှိသူတွေက ဓားနဲ့လိုက်ထိုးသူ Iwasaki ဟာ အသက် ၈၀ ကျော် အရွယ်ရှိ အဒေါ်နဲ့ ဦးလေးတို့နဲ့ ကပ်နေသူဖြစ်ကြောင်း၊ သူ အလုပ် မလုပ်တာ ကြာပြီဖြစ်ကြောင်း၊ တစ်ဦးတည်းနေလေ့ရှိပြီး ၊ သူ့ရဲ့ မိသားစုဆီက ရာဇ၀တ် ကျူးလွန်နိုင်တဲ့သတင်း တစ်ခါမှ မကြားရကြောင်း အခု အဖြစ်အပျက်အပေါ် အံ့သြ တုန်လှုပ်မိကြောင်း ပြောပါတယ်။

ရဲမင်းထွန်း/ ဗွီအိုအေ (မြန်မာပိုင်း)
https://burmese.voanews.com

အနိုင်ကျင့်ခံရလို့ ကိုယ့်ကိုယ်ကိုယ် သတ်သေခဲ့တဲ့ အိန္ဒိယ ဆရာဝန်မလေး

 ပါယယ် တက်ဗီ ကို အနိုင်ကျင့် အနှောင့်အယှက်ပေးတာတွေ ရှိခဲ့တယ်လို့ သူ့မိခင်ကပြော
အိန္ဒိယနိုင်ငံ မွန်ဘိုင်းမြို့မှာ ဆရာဝန် အမျိုးသမီးငယ် တစ်ဦး နှောင့်ယှက် အနိုင်ကျင့်ခံခဲ့ရတဲ့အတွက် ကိုယ့်ကိုယ်ကိုယ် သေကြောင်း ကြံစည်ခဲ့တယ် ဆိုတဲ့ စွပ်စွဲချက်တွေ ပေါ်ထွက်နေချိန်မှာ လုပ်ဖော်ကိုင်ဖက် ဆရာဝန် ၃ ဦးကို ဖမ်းဆီးလိုက်ပါတယ်။

ဒီအကြောင်း ဘီဘီစီ မရာသီဌာနက သတင်းထောက် ဂျန်ဟာဗီး မူလီနဲ့ ပရာဗင် တက်ကရီ တို့က အခုလို သတင်းပေးပို့ထားပါတယ်။

"ဒေါက်တာ ပါယယ် ရဲ့ မိခင်ပါလို့ ကျွန်မကိုယ်ကျွန်မ ညွှန်းလေ့ ရှိတယ်။ အခု ဘယ်လို ပြောရတော့မလဲ" လို့ ပါယယ် တက်ဗီရဲ့ မိခင် အဘီဒါ က မျက်ရည်လည်ရွဲနဲ့ ပြောပြပါတယ်။

သူ့ရဲ့ အသက် ၂၆ နှစ်အရွယ် သမီးဖြစ်သူ ပါယယ် ဟာ ဇာတ်နိမ့် အနွယ်ဝင် ဖြစ်နေလို့ လနဲ့ချီ နှောင့်ယှက် အနိုင်ကျင့်ခံခဲ့ရအပြီး မေလ ၂၂ ရက်နေ့မှာ သူ့ကိုယ်သူ သတ်သေသွားခဲ့ပါတယ်။

ပါယယ် သူ့ကိုယ်သူ သတ်မသေခင် လပိုင်းတွေမှာ ဆေးကောလိပ်က သူ့အထက် ဆရာဝန် ၃ ဦးက သူ့ကို အနိုင်ကျင့်ခဲ့ကြတယ်လို့ ပါယယ်ရဲ့ မိသားစုက စွပ်စွဲထားပါတယ်။ အဲဒီ ဆရာဝန် ၃ ဦးစလုံးဟာ အမျိုးသမီး ဆရာဝန်တွေ ဖြစ်ပါတယ်။

စွပ်စွဲခံထားရတဲ့ ဆရာဝန်မ ၃ ဦးစလုံးကို မေလ ၂၈ ရက် အင်္ဂါနေ့မှာ ရဲက ဖမ်းဆီးလိုက်ပြီး စုံစမ်းစစ်ဆေးနေတယ်လို့ ရဲ ဒုတိယ ကော်မရှင်နာမင်းကြီး အဘင်နက်ရှ် ကူးမား က ဘီဘီစီကို ပြောပါတယ်။ ဒါပေမဲ့ ANI သတင်းဌာနပါ စွပ်စွဲ ဖော်ပြချက်တွေဟာ မတရား စွပ်စွဲချက်တွေ ဖြစ်တယ်လို့ အဲဒီ ဆရာဝန်မတွေက ငြင်းဆိုလိုက်ပြီး သူတို့ကို မျှမျှတတ တရားစီရင်ပေးဖို့ တောင်းဆိုထားပါတယ်။

အဲဒီ ဆရာဝန်မတွေ အဖမ်းမခံရခင်လေးမှာ သူတို့ အလုပ်လုပ်နေတဲ့ နိုင်ယာ ဆေးရုံက သူတို့ကို အလုပ်ကနေ ယာယီ ရပ်ဆိုင်းလိုက်ပါတယ်။ ဒီစွပ်စွဲချက်တွေနဲ့ ပတ်သက်လို့ ဆေးကောလိပ်ကလည်း စုံစမ်းစစ်ဆေးမှု တစ်ခု စလုပ်နေပြီ ဖြစ်ပါတယ်။

ပါယယ် ကိုယ့်ကိုယ်ကိုယ် သေကြောင်းကြံခဲ့တာအပေါ် သူ့ရဲ့ လုပ်ဖော်ကိုင်ဖက်တွေ၊ သူငယ်ချင်းတွေက အကြီးအကျယ် တုန်လှုပ်သွားခဲ့ကြပြီး တရားဥပဒေအတိုင်း အရေးယူပေးဖို့ ဆေးရုံရှေ့မှာ တောင်းဆို ဆန္ဒပြနေကြပါတယ်။

ဇာတ်နိမ့်ဇာတ်မြင့် ခွဲခြားတာမျိုးဟာ အိန္ဒိယနိုင်ငံရဲ့ စီးပွားရေး အချက်အချာနဲ့ မြို့ပြ အဆန်ဆုံး မြို့လို့ ဆိုရမဲ့ မွန်ဘိုင်းလို မြို့ကြီးက ကောလိပ်ကျောင်း တစ်ခုမှာတောင် ဆက်ရှိနေတယ် ဆိုတာ ဒီဖြစ်ရပ်က ဖော်ပြနေပါတယ်။

ပါယယ်ဟာ မွန်ဘိုင်းမြို့ တည်ရှိရာ မဟာရက်ရ်ှထရာ ပြည်နယ်ရဲ့ မြောက်ပိုင်းက ဂျာဂေါင်းမြို့က ဖြစ်ပါတယ်။ သူ့လိုပဲ ဆရာဝန်တစ်ဦး ဖြစ်တဲ့ ဆာလ်မန် တက်ဗီ နဲ့ လက်ထပ်ပြီး ဘွဲ့လွန် ဆေးပညာ ဒီဂရီတစ်ခုအတွက် မွန်ဘိုင်းမြို့ကို ပြောင်းရွှေ့လာခဲ့တာပါ။

သားဖွားမီးယပ် အထူးကု တစ်ဦး ဖြစ်ဖို့ တိုပီဝါလာ ဆေးကောလိပ်မှာ ပညာသင်ကြားနေစဉ် ပါယယ် အခုလို သေဆုံးခဲ့တာပါ။ ပါယယ်ဟာ ငယ်ငယ်လေးကတည်းက ဆရာဝန် ဖြစ်ချင်ခဲ့တာလို့ သူ့မိခင် အဘီဒါ က ပြောပါတယ်။ သူ့အိပ်မက်က ဆင်းရဲတဲ့ မျိုးနွယ်ကလူတွေ အတွက် ကျန်းမာရေး ဝန်ဆောင်မှု ပိုပေးနိုင်ဖို့ လို့ ဆိုပါတယ်။

ပါယယ် ဟာ အိန္ဒိယ နိုင်ငံမှာ ခွဲခြား ဆက်ဆံခံထားရတဲ့ မျိုးနွယ် ၇၀၀ ကျော်ထဲက တစ်ခု ဖြစ်တဲ့ တက်ဗီ ဘေလ် မျိုးနွယ်စုဝင် တဦး ဖြစ်ပါတယ်။ ၂၀၁၁ ခုနှစ်က နောက်ဆုံး ကောက်ယူခဲ့တဲ့ သန်းခေါင်စာရင်းအရ တက်ဗီ ဘေလ် လူမျိုးစုဝင် ဦးရေ ၈ သန်းလောက် ရှိတယ်လို့ သိရပြီး အရင်က ဇာတ်နိမ့်ဇာတ်မြင့် ခွဲခြားဆက်ဆံတာမျိုးကို ပြင်ဆင်ပြောင်းလဲတဲ့အနေနဲ့ တက်ဗီ ဘေလ် လူမျိုးစုဝင်တွေကို အစိုးရက နိုင်ငံရဲ့ အခန်းကဏ္ဍအသီးသီးမှာ အချိုးအစားနဲ့ ပါဝင်ခွင့် ပြုထားပါတယ်။

ပါယယ်ဟာ အဲဒီလို ခွဲခြား ဆက်ဆံခံရတဲ့ လူမျိုးစုတွေအတွက် ချမှတ်ထားတဲ့ အချိုးအစားအရ ဆေးကောလိပ် ဝင်ခွင့် ရခဲ့တာ ဖြစ်ပါတယ်။ ဆင်းရဲ နွမ်းပါးတဲ့ ဇာတ်နိမ့်အနွယ်ဝင် ဖြစ်ပေမဲ့ အောင်မြင်မှု ဆွတ်ခူးနိုင်တဲ့ သမီး ဖြစ်သူအတွက် အရမ်း ဂုဏ်ယူခဲ့ရတယ်လို့ မိခင်ဖြစ်သူ အဘီဒါ က ပြောပါတယ်။

"ဘယ်လို အသေးအဖွဲ ကိစ္စမျိုးပဲဖြစ်ဖြစ် သူ့ကို ကဲ့ရဲ့ခဲ့ကြတယ်"

အထက်လူကြီး ဆရာဝန်မ ၃ ဦးရဲ့ နှောင့်ယှက်မှုတွေအကြောင်း သူ့ကို ပြန်ပြောပြခဲ့တယ်လို့ ပါယယ်ရဲ့ မိခင်က ပြောပါတယ်။

"လူနာတွေရှေ့မှာ အသေးအဖွဲ ကိစ္စတိုင်းအတွက် သူ့ကို ကဲ့ရဲ့ ပြောဆိုတာ၊ ရင့်ရင့်သီးသီး စကားလုံးတွေနဲ့ စော်ကားပြောတာ၊ သူ့မျက်နှာကို ဖိုင်တွဲနဲ့ ပေါက်တာတွေ ခံခဲ့ရတယ်၊ ထမင်းတောင် ကောင်းကောင်း စားခွင့် မပေးခဲ့ဘူး ဆိုပြီး ပါယယ်က ပြန်ပြောပြခဲ့တယ်" လို့ မိခင်ဖြစ်သူက ပြောပါတယ်။

ဒါ့အပြင် ဆေးကုခွင့် အပိတ်ခံရအောင် သူ့ကို လုပ်ပစ်မယ်လို့ အဲဒီဆရာဝန်မတွေက ခြိမ်းခြောက်ခဲ့တယ်လို့ ဆိုပါတယ်။

ပါယယ်နဲ့ မိခင် အဘီဒါ
ကင်ဆာ ရောဂါအတွက် ဆေးကုသ ခံနေတဲ့ အဘီဒါဟာ ပါယယ် ကျောင်းတက် အလုပ်လုပ်ခဲ့တဲ့ နိုင်ယာ ဆေးရုံကို မကြာခဏ သွားရောက် လည်ပတ်လေ့ ရှိပါတယ်။

အဲဒီလို သွားတိုင်း သူ့သမီးက အမြဲ အလုပ်များနေတာမို့ အဝေးကနေပဲ လှမ်းကြည့်နေခဲ့ရတယ်လို့ အဘီဒါ က ပြန်ပြောပြပါတယ်။

"သူ့သမီးအပေါ် ဆက်ဆံပုံကို တွေ့ရတော့ အထက်ကို တိုင်မယ်လို့ ဆုံးဖြတ်ခဲ့ပေမဲ့ သမီးက တားခဲ့တယ်" လို့ အဘီဒါ ကပြောပါတယ်။

ဒီလို တိုင်လိုက်ရင် အဲဒီ ဆရာဝန်မ ၃ ဦးရဲ့ အလုပ်ကို ထိခိုက်မှာ၊ နောက်ထပ် သူ့ကို ပို နှောင့်ယှက် အနိုင်ကျင့်လာမှာကို ပါယယ် က စိုးရိမ်ခဲ့ပါတယ်။

ဒါပေမဲ့ ၂၀၁၈ ခုနှစ် ဒီဇင်ဘာလမှာတော့ မိခင် အဘီဒါနဲ့ ခင်ပွန်းသည် ဆယ်လ်မန် တို့က ပါယယ် ကြုံတွေ့နေရတဲ့ နှောင့်ယှက် အနိုင်ကျင့်မှုတွေအကြောင်း တခြား အထက်လူကြီးတွေနဲ့ ပါမောက္ခတွေကို ပြောပြလိုက်ကြပါတယ်။

ပါယယ်ကို တခြားအုပ်စုနဲ့ ပြောင်းပြီး အတူအလုပ်လုပ်ခွင့် ပေးဖို့ကို တောင်းဆိုခဲ့ကြပါတယ်။ အဲဒီအခါ ပါယယ်ကို ဂျူတီပြောင်းချပေးခဲ့တဲ့အခါ စိတ်သက်သာရာ ရသွားပုံ တွေ့ရတယ်လို့ အဘီဒါ က ပြန်ပြောပြပါတယ်။

ဒါပေမဲ့ သိပ်မကြာခင်မှာပဲ အနှောင့်အယှက်ပေးမှုတွေ ပြန်ဖြစ်လာတဲ့အတွက် မေလ ၁၀ ရက်၊ ၁၂ ရက် လောက်မှာ အဘီဒါကိုယ်တိုင် ဒီအကြောင်း စာရေးတိုင်ခဲ့တယ်လို့ ဆိုပါတယ်။ ဒီတခါမှာတော့ သိပ်အလေးထား အရေးယူတာမျိုး မရှိတော့ဘူးလို့ ဆိုပါတယ်။

၁ဝ ရက်အကြာမှာတော့ ပါယယ် တစ်ယောက် ကိုယ့်ကိုယ်ကိုယ် အဆုံးစီရင်သွားခဲ့ပါတယ်။

"ဝမ်းနည်းကြေကွဲဖွယ် ကောင်းတဲ့ ဖြစ်ရပ်ပါ"

ပါယယ် သေဆုံးသွားခဲ့မှုဟာ အိန္ဒိယနိုင်ငံတဝန်းက စာသင်ကျောင်းတွေနဲ့ ကောလိပ်တွေမှာ အနိုင်ကျင့်မှုတွေ ကျယ်ကျယ်ပြန့်ပြန့် ဖြစ်ပွားနေတာကို သတိပေးလိုက်သလို ဖြစ်သွားခဲ့ပါတယ်။ ကျောင်းတွေမှာ ဒီလို အနိုင်ကျင့်တာတွေကို တားမြစ်ထားပေမဲ့ ခုချိန်ထိ ရှိနေဆဲ ဖြစ်ပြီး ဇာတ်နိမ့်နွယ်ဝင် ကျောင်းသားတွေအနေနဲ့ ဒီဒဏ်ကို မကြာခဏ ဆိုသလို ရင်ဆိုင်နေရပါတယ်။

ပါယယ် သေဆုံးခဲ့ရမှုနဲ့ ပတ်သက်လို့ စွပ်စွဲချက်တွေကို စုံစမ်းစစ်ဆေးဖို့ နိုင်ယာ ဆေးရုံက ကော်မတီတရပ် ဖွဲ့စည်းခဲ့ပြီး မကြာခင် အစီရင်ခံစာတခု ထုတ်ပြန်နိုင်ဖို့ မျှော်လင့်ထားတယ်လို့ တိုပီဝါလား ဆေးကောလိပ်ကျောင်းအုပ် ဒေါက်တာ ရာမက်ရှ် ဘာမားလ် က ဘီဘီစီကို ပြောပါတယ်။

"သိပ်ကို ဝမ်းနည်း ကြေကွဲစရာ ကောင်းတဲ့ ဖြစ်ရပ်ပါ၊ ကျွန်တော်တို့ အတော်လေး တုန်လှုပ်သွားခဲ့ပါတယ်၊ ဒီဖြစ်ရပ်က ဘယ်လိုကနေ ဖြစ်ခဲ့တာလဲ၊ ဘယ်လို တားဆီးခဲ့သင့်သလဲ၊ အခု ဘာလုပ်သင့်သလဲ ဆိုတာ မေးခွန်းထုတ်စရာပါ။တကယ်တော့ ဒီဖြစ်ရပ်မျိုးကို မဖြစ်ခင် ကြိုတင် တားဆီးနိုင်ကောင်းပါတယ်" လို့ သူက ပြောပါတယ်။

ပါယယ်ရဲ့ ခင်ပွန်းသည် ဆာလ်မန်က ဒေါက်တာ ဘာမားလ်နဲ့ သူတွေ့ဆုံ စကားပြောခဲ့ကြောင်းနဲ့ ကောလိပ် ကျောင်းအုပ်ကြီး ရုံးခန်းကို ဘယ်သူမှ မဆက်သွယ် မတိုင်တန်းခဲ့တာ ဘာ့ကြောင့်လဲဆိုတာ မေးခဲ့ကြောင်း ပြောပါတယ်။ ပါယယ်ရဲ့ ဌာနက ဝန်ထမ်းတွေကို သူစကားပြောခဲ့တယ်၊ လုပ်ထုံးလုပ်နည်းအတိုင်း သူတို့ လုပ်ခဲ့တယ်လို့ ဆာလ်မန်က ဒေါက်တာ ဘာမားလ်ကို ပြောပြခဲ့ပါတယ်။

"အဲဒီဝန်ထမ်းတွေက ဘာ့ကြောင့် ဘာမှမလုပ်ခဲ့တာလဲ" လို့ ဒေါက်တာ ဘာမားလ်က မေးခွန်းထုတ်ခဲ့ပါတယ်။

 ဒေါက်တာ ပါယယ် သေဆုံးခဲ့မှုအတွက် ဆေးရုံအရှေ့မှာ ကန့်ကွက် ဆန္ဒပြနေကြစဉ်
ပါယယ်ရဲ့ မိခင် အဘီဒါ ကလည်း "ကျွန်မတို့ဘက်က ဘာလုပ်ပေးရမှာလဲ၊ သူတို့ကောလိပ်မှာ ဖြစ်ပျက်နေတာကို သူတို့ မသိကြဘူးလား၊ သူတို့ မျက်စိရှေ့မှာ ဖြစ်နေတာပဲလေ၊ သူတို့ စုံစမ်းသင့်တာပေါ့"လို့ မေးခွန်းထုတ်ခဲ့ပါတယ်။

ဒေါက်တာ ဘာမားလ်က နှောင့်ယှက် အနိုင်ကျင့်မှုတွေနဲ့ ပတ်သက်လို့ တိုင်ကြားလာမှုတွေကို အရေးယူ ဖြေရှင်းပေးဖို့ စနစ်တစ်ခုကို သူ့ရဲ့ ဆေးကောလိပ်နဲ့ ဆေးရုံမှာ ချမှတ်ထားတယ်လို့ ပြောပါတယ်။ အဲဒီ စနစ်မှာ ကျောင်းသားသစ်တွေအတွက် သီးသန့် တွေ့ဆုံ စကားပြောပေးတာမျိုး၊ တိုင်ကြားမှုတွေကို စုံစမ်းဖို့ ကော်မတီ တရပ် ဖွဲ့တာမျိုးနဲ့ ကြီးကြပ်သူတွေက ကြုံရင် ကြုံသလို ဝင်ရောက် စစ်ဆေးတာမျိုးတွေ ပါတယ်လို့ ဆိုပါတယ်။

"ဒီကိစ္စကို သူလုံးဝ မသိခဲ့ဘူး၊ သူသာ သိရင် ဒီလို ဖြစ်လာမှာ မဟုတ်ဘူး၊ အသေအချာ အရေးယူဆောင်ရွက်တာတွေ လုပ်ပြီး ဒီလို မဖြစ်အောင် ရှောင်ရှားနိုင်မှာပဲ" လို့ ဒေါက်တာ ဘာမားလ် က ပြောပါတယ်။

"သမီးက ကျွန်မကို ကျောထောက်နောက်ခံ ပေးနေတဲ့ သူပါ"

ပါယယ် ကြီးပြင်းလာတဲ့ ဂျာဂေါင်းမြို့က နေအိမ်မှာ မိသားစု ဆွေမျိုးတွေ အိမ်နားနီးချင်းတွေ ရောက်ရှိနေကြပြီး ဖြေမဆည်နိုင်အောင် ဖြစ်နေကြပါတယ်။ သူတို့အားလုံးက ပါယယ်ရဲ့ အကြောင်း အလုအယက် ပြောပြကြပါတယ်။ ပါယယ် ဘယ်လောက် ဉာဏ်ကောင်းတယ်၊ ရည်ရွယ်ချက် ကြီးတယ်၊ အလုပ်ကြိုးစားတယ် ဆိုတာကို သူတို့ အမှတ်ရနေကြဆဲပါ။

သူ့မောင်လေး မသန်စွမ်းဘဝနဲ့ မွေးလာပြီး လမ်းမလျှောက်နိုင် ဖြစ်ခဲ့တဲ့အတွက် ပါယယ်ဟာ ဆရာဝန် ဖြစ်ချင်ခဲ့တာ ဖြစ်ပြီး လူတွေကို အမြဲ ကူညီချင်စိတ် ရှိခဲ့တယ်လို့ သူတို့က ပြောပြပါတယ်။

ပါယယ် အခုလို ဖြစ်ခဲ့တဲ့အတွက် ဇာတ်နိမ့်အနွယ်ဝင် တခြား ကျောင်းသားတွေလည်း ဘယ်လိုနေကြမလဲဆိုတာ စဉ်းစားမိတယ်လို့ သူ့မိခင် အဘီဒါက ပြောပါတယ်။

သူ့တူ တူမတွေနဲ့ သူ့လူမျိုးနွယ်ထဲက တခြား ကလေးတွေ ဘဝကိုလည်း တွေးတော စာနာမိတယ်လို့ ဆိုပါတယ်။

"အခုဆို သူတို့မိဘတွေက ကလေးတွေကို ဒီလိုကြုံရသလား ဆိုတာကို အိမ်မှာ မေးစမ်းကြည့်ရင် ကောင်းမလား ဆိုတာ ကျွန်မဆီ လာမေးကြတယ်။ ကလေးတွေကို ကျောင်းအဖွဲ့အစည်းတွေက စောင့်ရှောက် ကာကွယ်တယ်လို့ သူတို့ မယုံကြတော့ဘူး" လို့ အဘီဒါ က ပြောပါတယ်။

"ကျွန်မ သမီးက ကျွန်မကို ကျောထောက် နောက်ခံ ပေးနေသူပါ၊ ကျွန်မတို့ အသိုင်းအဝိုင်း တစ်ခုလုံးအတွက်လည်း ကျောရိုးတစ်ခုလိုပါပဲ၊ ကျွန်မတို့ လူမျိုးနွယ်အတွက် ပထမဆုံးသော ဆရာဝန်မ ပါ။ ဒါပေမဲ့ ခုတော့ ဒီအိပ်မက်တွေကို ဆက်ဖြည့်ဆည်းရဦးမှာပါ"

BBC Burmese
https://www.bbc.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ