တိုက်ပွဲတွေ ရပ်ဆိုင်းဖို့နဲ့ စစ်ရှောင်တွေကို ကူညီဖို့ ရခိုင်ပြည် မြို့နယ် ၄ ခုမှာ ဒီနေ့ ဆန္ဒပြတောင်းဆိုမယ်

တိုက်ပွဲတွေ ရပ်ဆိုင်းဖို့နဲ့ စစ်ဘေးရှောင်တွေကို ကူညီဖို့ စစ်တွေ၊ ပုဏ္ဏားကျွန်း၊ ပေါက်တော၊ မောင်တော စတဲ့ မြို့နယ် ၄ ခုမှာ ဒီကနေ့ နေ့လယ်ပိုင်း ဆန္ဒပြ တောင်းဆိုမယ်
ရခိုင်ပြည်နယ်မှာ လက်ရှိ ဖြစ်ပွားနေတဲ့ တိုက်ပွဲတွေ ရပ်ဆိုင်းဖို့နဲ့ စစ်ဘေးရှောင်တွေကို ကူညီဖို့ စစ်တွေ၊ ပုဏ္ဏားကျွန်း၊ ပေါက်တော၊ မောင်တော စတဲ့ မြို့နယ် ၄ ခုမှာ ဒီကနေ့ နေ့လယ် ၁ နာရီ မှာ တပြိုင်တည်း ဆန္ဒပြ တောင်းဆိုသွားမယ်လို့ လူမှုကူညီပေးသူတွေက ပြောပါတယ်။

တိုက်ပွဲတွေ ရပ်ဆိုင်းဖို့နဲ့ စစ်ဘေးရှောင်တွေကို ကူညီဖို့ နိုင်ငံတော် သမ္မတ၊ နိုင်ငံတော် အတိုင်ပင်ခံပုဂ္ဂိုလ်နဲ့ တပ်မတော် ကာကွယ်ရေး ဦးစီးချုပ်နဲ့ ပြည်နယ်အစိုးအဖွဲ့ထံ ဆရာတော်သံဃာတော်တွေ၊ နိုင်ငံရေး သမားတွေ၊ မြို့မိမြို့ဖ၊ လူမှုအဖွဲ့ အစည်းတွေနဲ့ ဌာနေဒေသခံတွေက မေလ ၈ ရက်က စာပေးပို့တောင်းဆိုခဲ့တယ်လို့ ဆိုပါတယ်။

ပေးဖို့တဲ့စာမှာ ရခိုင်ဒေသက တိုက်ပွဲတွေ ရပ်ဆိုင်းဖို့ ဆွေးနွေးအဖြေရှာပေးရေး၊ စစ်ဘေးဒုက္ခသည်တွေကို အစိုးရက တာဝန်ယူဆောင်ရွက်ပေးရေး၊ စစ်ဘေးဒုက္ခသည်တွေကို အကူအညီပေးနေတဲ့ ပြည်တွင်း ပြည်ပက အလှူရှင်တွေကို လွတ်လပ်စွာ သွားလာခွင့်ပြုဖို့စတဲ့ အချက်တွေကို ရေးသားပေးပို့ တောင်းဆိုခဲ့ကြတာပါ။

ဒီလိုစာပေးဖို့ တောင်းဆိုရာမှာ မေလ ၁၆ ရက် အထိ အကြောင်းပြန်ပေးဖို့ တောင်းခံထားပေမဲ့ သတ်မှတ်ရက်ကျော်လွန်တဲ့အထိ အရေးယူဆောင်ရွက်ပေးမယ်ဆိုတဲ့ အကြောင်းပြန်မှု တစုံတရာ မရှိလို့ ဒီကနေ့ ဆန္ဒပြတောင်းဆိုမှာ ဖြစ်တယ်လို့ ဦးဆောင်ပါဝင်သူ တစ်ဦးက ပြောပါတယ်။

BBC Burmese
https://www.bbc.com

စစ်ဗိုလ်ချုပ်ဟောင်းတွေ ပါဝင်တဲ့ အမျိုးသားနိုင်ငံရေး ဒီမိုကရက်တစ်ပါတီ မှတ်ပုံတင်ရရှိ

လွှတ်တော်တွင်းက တပ်မတော်သားကိုယ်စားလှယ်များ
အငြိမ်းစား စစ်ဗိုလ်ချုပ်ဟောင်းတွေနဲ့ ဖွဲ့စည်းထားသော အမျိုးသားနိုင်ငံရေး ဒီမိုကရက်တစ်ပါတီကို ပြည်ထောင်စု ရွေးကောက်ပွဲ ကော်မရှင်က မေလ ၁၇ ရက်က တရားဝင် နိုင်ငံရေးပါတီအဖြစ် မှတ်ပုံတင်ချပေးလိုက်ပြီ ဖြစ်ပါတယ်။

အဲဒီပါတီမှာ ဗိုလ်ချုပ်ဟောင်း ဦးစိုးမောင်က ပါတီခေါင်းဆောင် အဖြစ် ပါဝင်ပြီး ပြည်ထောင်စု ရာထူးဝန် ဥက္ကဋ္ဌ ဟောင်းလည်းဖြစ် ဗိုလ်ချုပ်ဟောင်းလည်းဖြစ်သူ ဦးကျော်သူက ဒုတိယခေါင်းဆောင် အဖြစ် ပါဝင်ပြီး၊ စာရင်းစစ်ချုပ် တာဝန်ယူခဲ့တဲ့ အငြိမ်းစားဗိုလ်ချုပ် လွန်းမောင် ပါဝင်တယ်လို့ ပြည်ထောင်စု ရွေးကောက်ပွဲ ကော်မရှင်ရဲ့ ပြောရေးဆိုခွင့်ရှိသူ ဦးမြင့်နိုင်က ပြောပါတယ်။

ဗိုလ်ချုပ်ဟောင်း ဦးစိုးမောင်ဟာ သမ္မတဟောင်း ဦးသိန်းစိန် လက်ထက် သမ္မတ ရုံးဝန်ကြီးဟောင်း ဦးစိုးမောင်ဖြစ်ပြီး ပါတီဌာနချုပ်ကိုတော့ နေပြည်တော်မှာ ထားရှိမယ်လို့ သိရပါတယ်။

အမျိုးသားနိုင်ငံရေး ဒီမိုကရက်တစ်ပါတီကို ဗိုလ်ချုပ်မှူးကြီးဟောင်း ဦးသန်းရွှေရဲ့ လမ်းညွှန်မှုနဲ့ ဖွဲ့စည်းခဲ့တယ်လို့လည်း သတင်းတွေ ထွက်ပေါ်ခဲ့ပါတယ်။

ပါတီတည်ထောင်သူ အများစုဟာ တပ်မတော်က ဗိုလ်ချုပ် အငြိမ်းစားတွေ ဖြစ်တဲ့အတွက် ၂၀၂၀ ရွေးကောက်ပွဲ ဝင်တဲ့ အခါမှာလည်း တပ်မတော်က အငြိမ်းစားတွေ ပါဝင်လာသလို လက်ရှိမှာလည်း နိုင်ငံရေး စိတ်ဝင်စားတဲ့ လူငယ်တွေကို ပါတီဝင်အဖြစ် ကမ်းလှမ်းဖို့ ဆောင်ရွက်နေတာတွေ ရှိနေပါတယ်။

BBC Burmese
https://www.bbc.com
 

လေပြင်းတိုက်ခိုက်မှုကြောင့် ပြည်နယ်နှင့် တိုင်းဒေသကြီး ၅ခုတွင် နေအိမ်များ အပျက်အစီးဖြစ်ပေါ်

လေပြင်းတိုက်ခိုက်မှုကြောင့် ပျက်စီးခဲ့သည့်နေအိမ်အားတွေ့ရစဉ်(ဓာတ်ပုံ-ရဲဇာနည်)
ရန်ကုန်၊ မေ ၁၉ ရက် (ဆင်ဟွာ)

 မေ ၁၈ ရက်က လေပြင်းတိုက်ခိုက်မှုကြောင့် ပြည်နယ်နှင့် တိုင်းဒေသကြီး ၅ခုတွင် နေအိမ်များ အပျက်အစီးဖြစ်ပေါ်ခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ဧရာဝတီတိုင်းဒေသကြီးနှင့် ရှမ်းပြည်နယ်တို့တွင် လေပြင်းတိုက်ခိုက်မှုကြောင့် နေအိမ်များ ပျက်စီးထိခိုက်မှုများဖြစ်ပေါ်ခဲ့ကြောင်း သိရသည်။

လေပြင်းတိုက်ခတ် မှုကြောင့် မေ ၁၈ ရက်တွင် ပဲခူးတိုင်းဒေသကြီးအတွင်း နေအိမ် ၉ လုံး၊ မကွေးတိုင်းဒေသကြီး၌ နေအိမ် ၉ လုံး၊ မန္တလေးတိုင်းဒေသကြီး၌ နေအိမ် ၂၄ လုံး၊ ရှမ်းပြည်နယ်၌ နေအိမ် ၅လုံး၊ ဧရာဝတီတိုင်းဒေသကြီး၌ နေအိမ် အလုံး ၈၀ ကျော် ပျက်စီးဆုံးရှုံးခဲ့ကြောင်း သိရသည်။

အဆိုပါ လေပြင်းတိုက်ခိုက်မှုကြောင့် တိုင်းဒေသကြီးနှင့် ပြည်နယ် ၄ခုတွင် နေအိမ် ၁၀၀ကျော် ပျက်စီးဆုံးရှုံးသည့်အပြင် စာသင်ကျောင်း၊ ဘုန်းကြီးကျောင်း၊ သိုလှောင်ရုံ၊ ကြက်ခြံစသည်းများလည်း ပျက်စီးဆုံးရှုံးခဲ့ကြောင်း သိရသည်။

(Xinhua)
http://www.xinhuamyanmar.com

ရန်ကုန်-မန္တလေးအမြန်လမ်းမကြီးတွင် ယာဉ်တိမ်းမှောက်မှုကြောင့် တစ်ဦးသေ၊ တစ်ဦး ဒဏ်ရာရရှိ

အမြန်လမ်းမကြီး၌ တိမ်းမှောက်နေသော ယာဉ်အားတွေ့ရစဉ်(ဓာတ်ပုံ-ကြေးမုံ)
ရန်ကုန်၊ မေ ၁၉ ရက် (ဆင်ဟွာ)

ပဲခူးတိုင်းဒေသကြီး တောင်ငူမြို့နယ် ရန်ကုန်-မန္တလေးအမြန်လမ်းမကြီး မိုင်တိုင်အမှတ် (၁၄၄/၀နှင့် ၁၄၄/၁)ကြား၌ မေ ၁၈ ရက် နံနက်ပိုင်းတွင် ယာဉ်တိမ်းမှောက်မှုကြောင့် လူ တစ်ဦးသေ၊ တစ်ဦးဒဏ်ရာရရှိခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန်မှ မောင်းနှင်လာသော Corolla Ractis ယာဉ်သည် ယာဉ်မောင်းအိပ်ငိုက်၍ အရှိန်မထိန်းနိုင်ဘဲ တိမ်းမှောက်ခဲ့သောကြောင့် ယာဉ်ပေါ်ပါ အမျိုးသားတစ်ဦး ဒဏ်ရာများရရှိကာ အခင်းဖြစ်နေရာ၌ သေဆုံးခဲ့ပြီး အမျိုးသမီးတစ်ဦး ဒဏ်ရာများရရှိခဲ့ကြောင်း သိရသည်။

အဆိုပါ ယာဉ်မှောက်မှုနှင့်ပတ်သက်ပြီး ယာဉ်မောင်းအား  ဇီးပင်သာအမြန်လမ်းမကြီး ရဲစခန်းက အရေးယူထားကြောင်း သိရသည်။

(Xinhua)
http://www.xinhuamyanmar.com
 

မြန်မာမူးယစ်ဂိုဏ်း ထိုင်းရဲဖမ်း

၂၀၁၃ ခုနှစ်တုန်းက ဖေဖော်ဝါရီလက ထိုင်းနိုင်ငံတွင် ဖမ်းမိသည့် စိတ်ကြွဆေးထုတ်များ။
ထိုင်းနိုင်ငံ ချွန်ဖုန်းခရိုင်နဲ့  ထိုင်းတောင်ပိုင်းမှာ အဓိက မူးယစ် ဂိုဏ်းဝင်တွေကို ဆက်တိုက် ဖမ်းဆီးနိုင်ခဲ့သလို ကာလတန်ဖိုး ထိုင်းဘတ်ငွေ သန်း၄၀၀လောက် တန်ဖိုးရှိတဲ့ စိတ်ကြွဆေး၃သန်းခွဲကို ဖမ်းမိကြောင်း အမှတ် (၈) ဒေသ မှာ သတင်းစာ ရှင်းလင်းပွဲ လုပ်ခဲ့ပါတယ်။ နကော်ဖနုန် ခရိုင် ကလောင်လွမ် မြို့ နယ်အတွင်းမှာတော့ မြန်မာနိုင်ငံသား မူးယစ်ဂိုဏ်း ကို ထိုင်းရဲတွေက ၀င်ရောက်စီးနင်းခဲ့ရာမှာ လက်နက်တွေနဲ့အတူမြန်မာနိုင်ငံသား ၅ဦးကိုဖမ်းဆီးခဲ့ပါတယ်
ထိုင်းအခြေစိုက် ဗွီအိုအေသတင်းထောက် မအေးမာကသတင်းပေးပို့ထားပါတယ် ။

ထိုင်းနိုင်ငံ နကော်ဖနုန် ခရိုင် ကလောင်လွမ် မြို့ နယ်အတွင်းမှာ မြန်မာနိုင်ငံသား မူးယစ်ဂိုဏ်း ကို ထိုင်းရဲတွေက သူတို့နေထိုင်ရာ အခန်းတွဲကို မလ ၁၈ ရက်နေ့က ၀င်ရောက်စီးနင်းခဲ့ရာမှာ လက်နက်တွေနဲ့ အတူ မြန်မာနိုင်ငံသား ၅ဦးကိုဖမ်းဆီးခဲ့တာပါ။ မူးယစ်ဆေးဝါးဂိုဏ်း ရှိရာနေရာကို ရပ်ကွက်ထဲက ပြည်သူတွေက သတင်းပေး တိုင်ကြားချက်အရ ခုလို ဖမ်းဆီးခဲ့ရာမှာ မြန်မာနိုင်ငံသား ငါးဦးနဲ့  လက်နက် ပါဖမ်းဆီးနိုင်ခဲ့တယ်လို့ ထိုင်းအာဏာပိုင်တွေက ဆိုပါတယ်။ သူတို့ကို ဖမ်းဆီးပြီး မူးယစ်ဆေး ရောင်းချနေမှုနဲ့ ပါတ်သက်ပြီး ဆက်လက် စစ်ဆေးနေပါတယ်။

အလားတူေ မလ ၁၆ ရက်နေ့ကလည်း မူးယစ်ဆေးဝါးသုံးသန်းခွဲကို ဖမ်းဆီးမိခဲ့ပါတယ်။ ဒီရက်ပိုင်းအတွင်း ချွန်ဖုန်းခရိုင်မှာ မူးယစ်ဆေးဝါးတွေ ဖမ်းမိနေတာတွေနဲ့ ပတ်သက်လို့ ချွန်ဖုန်းမြို့ ပိုင် ပြောသွားတာတော့-”မူးယစ်ဆေးဝါး နိမ်နင်ရေး ကာလမှာ လူငယ်တွေအကြား သုံးစွဲမှု တွေ ပိုများလာတာတွေ့ ရပါတယ် ဒီလိုဖြစ်ရပ်တွေမှာ အဓိက တရားခံ ရောင်းနေတဲ့သူတွေနဲ့ နိုင်ငံတွင်း သယ်လာနေတဲ့သူတွေကို မိအောင်ဖမ်းရမယ်၊ တဆက်တည်း ပညာပေးလုပ်ငန်းတွေပါ လုပ်ဆောင်နေပါတယ်လို့  ပြောဆိုသွားပါတယ်။

ထိုင်းအစိုးရအနေနဲ့ မူးယစ်ဆေးဝါးတွေကို ၆လအတွင်းမှာ စိတ်ကြွဆေး သန်း
၃၀၀လောက် ဖမ်းမိထားသလို အဲဒီထဲက သုံးပုံ ၂ပုံကတော့ ထိုင်းမြန်မာနယ်စပ် က
ဖြစ်တယ်လို့ ဆိုပါတယ်။ ထိုင်းမြောက်ပိုင်းကတော့ မူးယစ်ဆေးဝါးဝင်ရောက်ရာ လမ်းကြောင်းဖြစ်တာမို့ စစ်ဆင်ရေးနယ်မြေအဖြစ်သတ်မှတ်ပြီးနေစဉ်မပြတ် မူးယစ်ဆေးဝါးတွေကို ဆက်တိုက်နှိမ်နင်းနေပါတယ်။ ဒါအပြင်မူးယစ်ဆေးဝါး သယ်ဆောင်လာသူတွေနဲ့ ထိုင်းစစ်တပ်တို့ဟာ မကြာခဏ ဆိုသလို တိုက်ပွဲတွေဖြစ်ပွားနေပါတယ်။

အေးအေးမာ/ ဗွီအိုအေ (မြန်မာပိုင်း)
https://burmese.voanews.com

သီရိလင်္ကာ လွတ်ငြိမ်းခွင့် အစွန်းရောက် သံဃာ မပါဝင်

Photo: ASSOCIATED PRESS
သီရိလင်္ကာ သမ္မတ က အကျဉ်းသား ၇၆၂ ဦးကို ကဆုန်လပြည့် ဗုဒ္ဓနေ့ အထိမ်းအမှတ်အဖြစ် မနေ့က လွတ်ငြိမ်းချမ်းသာခွင့် ပေးလိုက်ပေမယ့် အမုန်းတရား ဟောကြားမှုနဲ့ နာမည်ကျော်တဲ့ သံဃာတော် အရှင် Gnanasara ဂနားနားစာယား တော့ ပါဝင်ခြင်း မရှိပါဘူး။

Welikada ဝယ်လီကားဒါး အကျဉ်းထောင်မှာ လွှတ်ပေးမယ့် အကျဉ်းသားတွေကို သမ္မတ Sirisena ဆီရီဆီးနာက မိန့်ခွန်းပြောရာမှာ လူ့ဘောင်အသိုင်းအဝန်းမှာ ဘဝတွေ ပြန်လည်ထူထောင်နိုင်ရေးအတွက် သူတို့ကို ငွေကြေးထောက်ပံ့မယ်လို့ ကတိပေးခဲ့ပါတယ်။

အခုလွှတ်ပေးလိုက်တဲ့ အကျဉ်းသားတွေထဲမှာ လူသတ်မှုနဲ့ မုဒိမ်းမှု ကျူးလွန်ခဲ့သူတွေ ပါဝင်ခြင်း မရှိဘဲ သာမာန်ရာဇဝတ်မှု အသေးစားတွေနဲ့ ထောင်ဒဏ်သက်တမ်း အနည်းငယ်မျှ အပစ်ပေးခံထားရသူတွေပဲ ပါဝင်တယ်လို့ အာဏာပိုင်တွေက ပြောပါတယ်။

ဗုဒ္ဓဘာသာ ခေါင်းဆောင်အများအပြားက အရှင် ဂနားနားစာယားကို ဗုဒ္ဓနေ့မှာ လွှတ်ပေးဖို့တောင်းဆိုခဲ့ပေမယ့် သမ္မတကတော့ သူနဲ့ပတ်သက်ပြီး တစ်စုံတရာ ပြောကြားခဲ့ခြင်း မရှိပါဘူး။ အရှင် ဂနားနားစာယား ဟာ တရားရုံးကို မထီမဲ့မြင်လုပ်မှု၊ အမျိုးသမီး တစ်ဦးကို ခြိမ်းခြောက်မှုတွေအတွက် ထောင်ဒဏ် ခြောက်နှစ် အပစ်ပေးခံနေရပြီး သူဟာ မစိုးရိမ်ဆရာတော် အရှင် ဝီရသူနဲ့ ခင်မင်ရင်းနှီးသူလည်း ဖြစ်ပါတယ်။

RFA Burmese
https://www.facebook.com/rfaburmese/

အသက်ရှင်လျက် မြေမြှုပ်ခံရတဲ့ မွေးကင်းစကလေးကို ကယ်တဲ့ခွေးလေး

 Khaosod
ထိုင်းနိုင်ငံမြောက်ပိုင်းက ရွာတစ်ရွာမှာ ဆယ်ကျော်သက် မိခင်က အရှင်လတ်လတ်မြေမြှုပ်ခဲ့တယ်ဆိုတဲ့ မွေးကင်းစကလေးကို ခွေးတစ်ကောင်က ကယ်တင်လိုက်ပါတယ်။

ကယ်တင်ခံခဲ့ရတဲ့ကလေးဟာ ယောက်ျားလေး ဖြစ်ပါတယ်။

အသက် ၁၅ နှစ်အရွယ် သူ့အမေက သူကိုယ်ဝန်ရခဲ့တာကို မိဘတွေ မသိစေချင်လို့ အခုလို စွန့်ပစ်ခဲ့တာလို့ ဆိုပါတယ်။

ပင်ပေါင်ဆိုတဲ့ ခွေးလေးက လယ်ကွင်းထဲမှာ လှည့်ပတ်ပြီး ဟောင်လိုက် မြေကြီးတွေ တူးလိုက် လုပ်နေခဲ့တာပါ။ နောက်တော့ ကလေးရဲ့ ခြေထောက်လေးတစ်ဖက် မြေကြီးထဲက ထွက်နေတာကို သူ့သခင်က သတိထား မိခဲ့ပါတယ်။

ရွာသားတွေလည်း ကလေးကို ဆေးရုံအပြေးပို့ခဲ့ကြပါတယ်။ ဆရာဝန်တွေက သန့်ရှင်းပေးပြီးတဲ့အခါမှာ ကလေးကျန်းမာတယ်လို့ သူတို့ကို အသိပေးခဲ့ပါတယ်။

ပင်ပေါင်ဟာ ကားတိုက်ခံပြီးနောက် ခြေတစ်ဖက် မသန်ဖြစ်နေတဲ့ ခွေးလေးပါလို့ သူ့သခင်က ပြောပါတယ်။

ကျွန်တော်သူ့ကို မွေးထားတာ သူက အရမ်း သစ္စာရှိလို့၊ စကားနားထောင်လို့ပါ။ သူက လယ်ထဲသွားရင်လည်း အဖော်ရတယ်။ သူ့ကို တစ်ရွာလုံးက ချစ်ကြတယ်။ အံ့သြစရာပဲလို့ ပင်ပေါင်ရဲ့ ပိုင်ရှင်က ပြောပါတယ်။

ကားတိုက်ခံရလို့ ခြေတစ်ဖက်မသန်တဲ့ ခွေးကလေး

ကလေးရဲ့ အမေကိုတော့ ကလေးစွန့်ပစ်မှု၊ လူသတ်ရန်ကြံစည်မှုတွေနဲ့ အရေးယူထားပါတယ်။

အခုအခါမှာ အဲဒီ မိန်းကလေးကို သူ့မိဘတွေနဲ့ စိတ်ရောဂါ အထူးကု တို့က စောင့်ရှောက်ပေးနေတယ်လို့ ရဲအရာရှိတစ်ဦးက ပြောပါတယ်။

မိန်းကလေးက သူ့လုပ်ခဲ့တာတွေကို နောင်တရနေပြီလို့လည်း အဲဒီရဲအရာရှိက ဆက်ပြောပါတယ်။

ကလေးကိုတော့ သူ့အဘိုးအဘွားတွေက မွေးဖို့ ဆုံးဖြတ်ထားပါတယ်။

BBC Burmese
https://www.bbc.com

ခိုလှုံခွင့်လျှောက်ထားသူ ရာနဲ့ချီ တက္ကဆက်ကနေ ကယ်လီဖိုးနီးယားကို လေယာဉ်နဲ့ပို့


အမေရိကန်ပြည်ထောင်စုမှာ ရွှေ့ပြောင်းအခြေချနေထိုင်ဖို့ကြိုးစားသူ ရာပေါင်းများစွာကို လူဝင်မှုကြီးကြပ်ရေးလုပ်ငန်းစဉ်တွေ လုပ်ဆောင်ဖို့အတွက် အမိမြေလုံခြုံရေး ၀န်ကြီးဌာနက တက္ကဆက်ပြည်နယ်တောင်ပိုင်းကနေ ကယ်လီဖိုးနီးယားပြည်နယ် San Diego မြို့ကို လေယာဉ်နဲ့ ပို့ဆောင်ပေးနေတယ်လို့ အမေရိကန်အာဏာပိုင်တွေက ပြောကြားလိုက်ပါတယ်။

အမေရိကန်ပြည်ထောင်စုမှာ ခိုလှုံခွင့်လျှောက်ထားတဲ့ ရွှေ့ပြောင်းအခြေချသူ အရေအတွက်များလွန်းတာကြောင့် အမေရိကန်အကောက်ခွန် နဲ့ နယ်စပ်လုံခြုံရေးတာဝန်ရှိသူတွေဟာ အလုပ်တွေ မနိုင်မနင်းဖြစ်နေကြတာဖြစ်ပါတယ်။

ပြီးခဲ့တဲ့ အောက်တိုဘာ ၁ ရက်နေ့ကစပြီး အမေရိကန်နိုင်ငံမှာ ခိုလှုံခွင့်လျှောက်ထားသူ ၅ သိန်းကျော်ကို မက္ကဆီကိုနိုင်ငံနဲု့ ထိစပ်နေတဲ့ အမေရိကန်တောင်ပိုင်း နယ်စပ်တလျှောက်မှာ နယ်စပ်လုံခြုံရေးတာဝန်ရှိသူတွေက ထိန်းသိမ်းခဲ့ပြီး အဲဒီလူတွေအတွက် လူဝင်မှုကြီးကြပ်ရေး ကိစ္စတွေကို တဦးချင်းစီအလိုက်ရော၊ မိသားစုအလိုက်ပါ အချိန်မီပြီးအောင်လုပ်ပြီး ပြန်လွှတ်ပေးဖို့ အခက်အခဲတွေနဲ့ ရင်ဆိုင်နေရပါတယ်။

တပတ်မှာ ၃ ကြိမ် San Diego မြို့ကို လေယာဉ် နဲ့ ပို့ဆောင်ပေးသွားမှာဖြစ်ပြီး၊ လေယာဉ် ၁ စင်းကို လူ ၁၃၀ ထက်မနည်းဆန့်တယ်လို့ လူဝင်မှုကြီးကြပ်ရေး တာဝန်ရှိသူတွေက ပြောပါတယ်။ ဒါ့အပြင် လူဝင်မှုကြီးကြပ်ရေးကိစ္စတွေကို မလုပ်ရသေးတဲ့ တခြားရွှေ့ပြောင်းအခြေချနေထိုင်သူတွေကို ၊ အမေရိကန်နိုင်ငံတ၀ှမ်းက တခြားမြို့တွေကို ပို့ဆောင်ပြီး လုပ်သွားဖို့အတွက် အမေရိကန် လူဝင်မှုကြီးကြပ်ရေးဌာနက စဉ်းစားနေတယ်လို့ သတင်းတွေက ဖော်ပြနေကြပါတယ်။

ဗွီအိုအေ (မြန်မာပိုင်း)
https://burmese.voanews.com

ကနေဒါနဲ့ မက္ကစီကို ကုန်စည်တချို့အပေါ် သွင်းကုန်ခွန်ကောက်ခံမှု ကန်ရုပ်သိမ်း

ကနေဒါနဲ့ မက္ကစီကို ကုန်စည်တချို့အပေါ် သွင်းကုန်ခွန်ကောက်ခံမှု ကန်ရုပ်သိမ်း
ကနေဒါနဲ့ မက္ကဆီကို နိုင်ငံတွေက အလူမီနီယံနဲ့ သံမဏီ သွင်းကုန်ခွန်တွေကို ပယ်ဖျက်ဖို့ အမေရိကန်က သဘောတူလိုက်ပြီး တနင်္ဂနွေနေ့မှာ စတင်အသက်ဝင်မှာ ဖြစ်ပါတယ်။ ဒီသဘောတူညီချက်အရ ကနေဒါနဲ့ မက္ကဆီကို အစိုးရတွေအနေနဲ့ သူတို့နိုင်ငံတွေကို ဖြတ်ပြီး တရုတ်သံမဏိတွေ အမေရိကန်ပြည်ထောင်စုထဲ ဝင်ရောက်လာမှာကို တားမြစ်ပေးရမှာ ဖြစ်ကြောင်း The Washington Post သတင်းစာမှာ သောကြာနေ့က ဖော်ပြထားပါတယ်။

သမ္မတ Trump မြောက်အမေရိကတိုက် ကုန်သွယ်ရေးသဘောတူမှုရရှိရေး ကြိုးပမ်းမှုအတွက်လည်း အထောက်အကူ ဖြစ်သွားစေပါတယ်။ အမိမြေလုံခြုံရေးစိုးရိမ်မှုကြောင့် ကနေဒါနဲ့ မက္ကဆီကိုနိုင်ငံတွေအပေါ် ၂၀၁၈ မတ်လမှာ သမ္မတ Trump က သွင်းကုန်ခွန်ချမှတ်လိုက်တာပါ။

အလူမီနီယံနဲ့ သံမဏိကို တရုတ်က အမြောက်အမြားထုတ်လုပ်နေတာကို အမေရိကန်ထဲ တင်သွင်းခွင့်ပေးထားခဲ့တာကြောင့် ကမ္ဘာ့ပေါက်ဈေးကျဆင်းစေပြီး အမေရိကန်စက်ရုံတွေ ဆုံးရှုံးရစေပါတယ်။

ကနေဒါနဲ့ မက္ကဆီကိုအပေါ် သွင်းကုန်ခွန် ဆက်လက်ထားရှိနေသေးသရွေ့ Trump ရဲ့ မြောက်အမေရိကားတိုက် ကုန်သွယ်ရေးသဘောတူစာချုပ်ကို ထောက်ခံမှာ မဟုတ်ကြောင်း ရီပါဘလစ်ကန် အထက်လွှတ်တော်အမတ်တချို့က ပြောဆိုနေတာပါ။

အမေရိကန်ရဲ့ သွင်းကုန်ခွန်ကို မက္ကဆီကိုက တန်ပြန်တုန့်ပြန်မှုကြောင့် Iowa ပြည်နယ်က အမေရိကန်တောင်သူတွေကို ထိခိုက်ခဲ့ပြီး အမေရိကန်ရဲ့ စိုက်ပျိုးရေးထုတ်ကုန်တွေအပေါ်မှာလည်း ထိခိုက်ခဲ့ပါတယ်။

တရုတ်ဆက်သွယ်ရေး နည်းပညာကုမ္ပဏီကြီးဖြစ်တဲ့ Huawei ကုမ္ပဏီထုတ်ပစ္စည်းကို အမေရိကန်အနေနဲ့ အသုံးပြုခွင့် ပိတ်ပင်တဲ့ အမိန့်ကို ပြီးခဲ့တဲ့သီတင်းပတ်တုန်းက ချမှတ်ခဲ့ပြီးတဲ့နောက် အမေရိကန်နဲ့ တရုတ်ကြား ကုန်သွယ်ရေးစစ်ပွဲ ပိုပြီး တင်းမာလာခဲ့ပါတယ်။

ဒါကို တုန့်ပြန်တဲ့အနေနဲ့ ဒေါ်လာ ၆၀ ဘီလျံတန်ဖိုးရှိတဲ့ အမေရိကန်ထွက်ကုန်တွေအပေါ် ဇွန်လ ၁ ရက်နေ့ကစပြီး အခွန်ချမယ်လို့ တရုတ်က ကြေညာလိုက်ပါတယ်။

ဗွီအိုအေ (မြန်မာပိုင်း)
https://burmese.voanews.com

ရခိုင်ပြည်နယ်မှာ တိုက်ပွဲတွေ ရပ်ဆိုင်းဖို့ ဆန္ဒပြတောင်းဆိုမည်

ရခိုင်မှာ အပစ်ရပ်ကြေညာဖို့နဲ့ စားပွဲဝိုင်းဆွေးနွေးဖို့ သံဃာတော်တွေ၊ အရပ်ဘက်လူမှုအဖွဲ့အစည်းတွေ၊ ဒေသခံတွေက စစ်တွေမြို့မှာ ၂၀၁၉၊ မေ ၆ ရက်နေ့က တွေ့ဆုံဆွေးနွေးစဉ် /Photo: Min Thein Aung/ RFA
ရခိုင်ပြည်နယ်မှာ လက်ရှိဖြစ်ပွားနေတဲ့ စစ်ရေးပဋိပက္ခတွေ ချုပ်ငြိမ်းရေးအတွက် စစ်တွေ၊ ပုဏ္ဏားကျွန်း၊ ပေါက်တော၊ မောင်တော စတဲ့မြို့နယ် လေးခုမှာ မနက်ဖြန် ဆန္ဒပြတောင်းဆိုသွားမယ်လို့ သိရပါတယ်။

ဒီကိစ္စနဲ့ပတ်သက်လို့ စစ်တွေမြို့မှာရှိတဲ့ ဂိုဏ်းပေါင်းစုံ ဆရာတော်ကြီးတွေ၊ ဝါရင့်နိုင်ငံရေးသမားတွေ၊ မြို့မိမြို့ဖတွေ၊ လူမှုအဖွဲ့အစည်းတွေ၊ ဒေသခံတွေက နိုင်ငံတော် သမ္မတ၊ နိုင်ငံတော် အတိုင်ပင်ခံပုဂ္ဂိုလ်၊ တပ်မတော်ကာကွယ်ရေးဦးစီးချုပ်တို့ထံ မေလ ၉ ရက်နေ့က စာပေးပို့တောင်းဆိုခဲ့ကြပါတယ်။

ရခိုင်ဒေသကို အပစ်အခတ်ရပ်စဲပြီး စစ်ရေးနဲ့မဖြေရှင်းဘဲ စားပွဲဝိုင်းမှာဆွေးနွေးပြီး အဖြေရှာဖို့၊ စစ်ဘေးဒုက္ခသည်အရေးအတွက် အစိုးရက တာဝန်ယူဆောင်ရွက်ပေးဖို့၊ စစ်ဘေးဒုက္ခသည်တွေအတွက် ပြည်တွင်းပြည်ပကအလှူရှင်တွေကို လွတ်လပ်စွာ သွားလာဆောင်ရွက်ခွင့်ပြုဖို့၊ မြန်မာ့တပ်မတော်ကပစ်ခတ်လို့ သေဆုံးဒဏ်ရာရတာ ဖမ်းဆီးခံရတာ စတဲ့ဖြစ်ရပ်တွေ နောင်မဖြစ်စေဖို့ စတဲ့အချက်တွေကို တောင်းဆိုခဲ့ကြတာပါ။

ဒီတောင်းဆိုစာနဲ့ပတ်သက်လို့ ရခိုင်ပြည်နယ် ဝန်ကြီးချုပ် ဦးညီပုက မေလ ၁၅ ရက်နေ့က ဆရာတော်ကြီးတွေထံကို စာနဲ့အကြောင်းပြန်ခဲ့ရာမှာ အပစ်အခတ်ရပ်စဲပြီး စားပွဲဝိုင်းမှာ အဖြေရှာဖို့ကိစ္စဟာ နိုင်ငံတော်အစိုးရနဲ့ တပ်မတော်က ဆောင်ရွက်ရမယ့်ကိစ္စဖြစ်သလို စစ်ဘေးဒုက္ခသည်အရေးအတွက် ပြည်နယ်အစိုးရက ဆောင်ရွက်နေတာတွေရှိကြောင်း ရေးသားထားပါတယ်။

ဒါ့အပြင် မြန်မာ့တပ်မတော်က ပစ်ခတ်လို့ သေဆုံး၊ ဒဏ်ရာရ၊ ဖမ်းဆီးခံနေရတဲ့ကိစ္စနဲ့ ပတ်သက်လို့ ပြည်ထောင်စုအစိုးရနဲ့ ပြည်နယ်အစိုးရတို့က တည်ဆဲဥပဒေတွေနဲ့ ညီညွတ်မှုမရှိရင် ဥပဒေနဲ့အညီ အမှုဖွင့်အရေးယူနိုင်ရေး စီမံသွားမှာဖြစ်တယ်လို့လည်း ပြည်နယ်ဝန်ကြီးချုပ် ဦးညီပုက အကြောင်းပြန်စာထဲမှာ ပါရှိပါတယ်။

ဝန်ကြီးချုပ် ဦးညီပုရဲ့ အကြောင်းပြန်စာထဲမှာ အပစ်အခတ်ရပ်စဲဖို့ အာမခံချက် မပါရှိတဲ့အတွက် ဆန္ဒပြတောင်းဆိုမှုကို မနက်ဖြန်လုပ်ဆောင်ဖို့ ဆရာတော်ကြီးတွေက ဆုံးဖြတ်ခဲ့တာဖြစ်တယ်လို့ ဆန္ဒပြပွဲဦးဆောင်သူတွေကပြောပါတယ်။

RFA Burmese
https://www.rfa.org/burmese

ကုန်စည် သယ်ပို့မှု ကန့်သတ်လို့ တရုတ် မြန်မာ နယ်စပ်ဂိတ် အငြင်းပွားမှု ဖြစ်ရတာလို့ ဒေသခံတွေပြော

 တရုတ် တာဝန်ရှိသူများမှ မြန်မာနိုင်ငံသား တစ်ဉီးကို ဖမ်းဆီးဖို့ ကြိုပမ်းနေစဉ်
မြန်မာတရုတ်နယ်စပ်ကုန်သွယ်ရေးရဲ့ အဓိက ဝင်ပေါက် ထွက်ပေါက် ဖြစ်တဲ့ ဆင်ဖြူဂိတ်မှာ မေလ ၁၇ ရက်နေ့ က မြန်မာနိုင်ငံသားအချို့ နဲ့တရုတ်ရဲတွေကြားရုန်းရင်းဆန်ခတ်ဖြစ်ခဲ့ပါတယ်။

တရုတ် ရဲတချို့ဟာ မြန်မာနိုင်ငံထဲထိဝင်ရောက် ပြီး ကားသမားတစ်ဦးကိုဖမ်းဆီးရကနေ ရုန်းရင်းဆန်ခတ်ဖြစ်ခဲ့တာပါ။

တရုတ်ရဲတွေ ရဲ့ ဝင်ရောက် ဖမ်းဆီးခြင်း ကို ခံရတဲ့ ကိုစန်းမြင့်အောင် ပြောတာ က တရုတ် နိုင်ငံထဲ ကို ဝင်မယ် ဆိုရင် အရင်တုန်း က မနက်၈ နာရီ ကနေ ည ၁၂ နာရီ ခွဲ အထိ ခွင့်ပြု ပေးထားခဲ့တယ်လို့ ပြောပါတယ်။

အဲဒီနောက်မှာ ည ဆယ်နာရီ ခွဲ အထိသာ ဝင်ထွက်ခွင့်ပြုမယ်လို့ အချိန် ပြောင်းလိုက်တဲ့ အတွက် ကားသမားတွေက သူတို့ အနေနဲ့ ဒါကို မသိရှိကြောင်း ပြန်လည် ပြောဆိုရာက အချင်းများ ခဲ့တာ ဖြစ်ပါတယ်။

တရုတ် နိုင်ငံ ဘက်ခြမ်းမှာ ဒီလို ဂိတ်ပိတ်မယ့် အကြောင်း ကို သတိပေးစာ ကပ်ထားပြီးသား လို့ တရုတ် ရဲတွေ က ပြန်လည် ပြောဆို ကြောင်း ဖမ်းဆီးဆွဲခေါ်ယူခြင်း ကို ခံခဲ့ရတဲ့ ကိုစန်းမြင့်အောင် က ဘီဘီစီကို ပြောပါတယ်။

ဒါပေမယ့် တရုတ်ဘက်ခြမ်းမှာ စာကပ် ရုံနဲ့ မလုံလောက်ဘဲ၊ မြန်မာဘက် ခြမ်းမှာလည်း စာကပ်ဖို့ လိုကြောင်း ပြောဆိုမှုကို လက်မခံတဲ့ အတွက် အခုလို ရုန်းရင်းဆန်ခတ် ဖြစ်ပွား ခဲ့ရတာ လို့ သူက ပြောဆိုပါတယ်။

မေလ ၁၇ ရက်နေ့ မနက် ၈ နာရီလောက် က တရုတ်နိုင်ငံက ရဲတပ်ဖွဲ့ဝင် ၃ ဦးဟာ မြန်မာနိုင်ငံသားတစ်ဦးကို မြန်မာပိုင်နက်ထဲ ၅ ပေလောက်ထိ ဝင်ရောက် ဖမ်းဆီး တဲ့ ဗီဒီယိုတွေ လူမှုကွန်ရက်တွေမှာ ပျံ့နှံ့ခဲ့ပါတယ်။

တရုတ် ရဲတွေက ဖမ်းဆီးဖို့ ကြိုးစားစဉ်
တရုတ် ရဲတွေရဲ့ ဆွဲယူ ဖမ်းဆီး မှုကို အတင်း ရုန်းကန် ရင်း ကနေ နောက်ဘက်မှာ ရှိတဲ့ မြန်မာ နိုင်ငံသား အချို့ရဲ့ ဝိုင်းဝန်း ပြောဆို မှုကြောင့် တရုတ် ရဲတွေ လက်လျှော့ပြီး သူတို့ ဘက် ခြမ်း ကို ဝင်သွား ခဲ့တာ ဖြစ်ပါတယ်။

အရင်ကတော့ မြန်မာတရုတ်နယ်စပ်ဝင်ပေါက်တွေဖြစ်တဲ့ ဆင်ဖြူနဲ့နန်းတော်ဂိတ်တွေက တရုတ်နိုင်ငံထဲ ဝင်မယ်ဆိုရင် တရုတ် စံတော်ချိန် မနက် ၈ နာရီကနေ ည ၁၂ နာရီခွဲထိ ခွင့်ပြုထားပေမဲ့ မေလ ၁၅ ရက်နေ့ ကစလို့ မနက် ၈ နာရီက ည ၉ နာရီခွဲအထိသာ ဝင်ထွက်သွားလာခွင့်ပြုမယ်လို့တရုတ်ဘက် က ပြင်ဆင် သတ်မှတ်လိုက်တာ ဖြစ်ပါတယ်။

ဒီလိုပြင်ဆင်သတ်မှတ်တာကို မသိတဲ့အတွက် တရုတ် နိုင်ငံထဲ ဝင်ထွက်ဖို့ တန်းစီထားတဲ့ ကားသမားတွေနဲ့ တရုတ် အာဏာပိုင်တွေ အကြား စကား အချေ အတင် ဖြစ်ခဲ့ ကြတာပါ။

မြန်မာ ကားသမားတစ်ဦး ဟာ တရုတ်နိုင်ငံက နေ မြန်မာနိုင်ငံ ဘက်ဝင်တဲ့အပေါက်ကို ကားနဲ့ပိတ်ထားသလိုဖြစ်ရာ ကနေ အခုလိုရုန်းရင်းဆန်ခတ်ဖြစ်ခဲ့တာ လို့မျက်မြင်အချို့ကပြောပါတယ်။

နယ်စပ်ဂိတ်ရှေ့မှာ ဆန္ဒပြနေတဲ့ မြန်မာနိုင်ငံသားများ
ဒါ့အပြင် တရုတ်အစိုးရအနေနဲ့ပြီးခဲ့တဲ့နှစ်ကစလို့မြန်မာနိုင်ငံကနေတရုတ် နိုင်ငံထဲ ဝင်ရောက်မဲ့သူ တွေ ကို လက်ဗွေရယူတာ မြန်မာဖက် က ဒေသထွက်ကုန်တွေကို တနိုင်တပိုင် သယ်ယူခွင့်မပြုတာတွေကိုပါ ကန့်သတ်ခဲ့ပါတယ်။

အဲဒီလိုဆောင်ရွက်တာကိုဒေသခံတော်တော်များများက မ ကျေမနပ်ဖြစ်နေခဲ့တာပါ။

အခုလိုမြန်မာနိုင်ငံထဲ တရုတ်အာဏာပိုင်တွေဝင်ရောက် ဖမ်းဆီး သလို ပြုလုပ်တဲ့ ကိစ္စကို မကျေနပ်တဲ့ အတွက် မူဆယ်ဒေသခံ အတော်များများ ဟာလည်း ဆင်ဖြူဂိတ် ရှေ့မှာ ဆန့်ကျင် ကန့်ကွက်မှုတွေ လုပ်ခဲ့ကြပါတယ်။

ရုန်းရင်းဆန်ခတ်ဖြစ်ပြီးတဲ့နောက်ပိုင်းနှစ်နိုင်ငံဒေသဆိုင်ရာ အာဏာပိုင်တွေ တွေ့ဆုံဆွေးနွေးခဲ့ သလို မေလ ၁၈ ရက်နေ့မှာလည်း အလုပ်သမားနဲ့လူဝင်မှု ကြီးကြပ်ရေးဝန်ကြီးဌာ န ပြည်ထောင်စုဝန်ကြီးဦးသိန်းဆွေ မူဆယ်ကို ရောက်ရှိ နေတယ်လို့ ဒေသခံတွေက ပြောပါတယ်။

NLD အစိုးရတက်လာပြီးနောက်ပိုင်း နှစ်နိုင်ငံဆက်ဆံရေး ကို နီးနီးကပ်ကပ် ဆောင်ရွက် နေသလို နယ်စပ် ဒေသမှာ မြန်မာနိုင်ငံ က တင်ပို့တဲ့ ကုန် တွေကို တရုတ်နိုင်ငံဘက် က ဖမ်းဆီးတာ၊ နယ်စပ်ဖြတ်ကျော် အဝင်အထွက် တွေကို တင်းကျပ်တာ နှစ်နိုင်ငံနယ်စပ်မျဉ်း အငြင်းပွားမှုတွေ မကြာခဏ ဖြစ်လေ့ ရှိပါတယ်။

BBC Burmese
https://www.bbc.com

ပစ်ခတ်မှုတွေ ဖြစ်ပွားခဲ့တဲ့ ကျောက်တန်းကျေးရွာကနေ စစ်တပ်ထွက်ခွာပြီ

 ပစ်ခတ်မှုတွေ ဖြစ်ပွားခဲ့တဲ့ ကျောက်တန်းကျေးရွာကနေ စစ်တပ်ထွက်ခွာပြီ
ရက္ခိုင့် တပ်မတော် AA အဖွဲ့နဲ့ ဆက်စပ်နေလား ဆိုတဲ့ သံသယနဲ့ အစိုးရစစ်တပ်ရဲ့ ဖမ်းဆီး စစ်ဆေးတာ ခံရပြီး ပစ်ခတ်မှုကြောင့် ရွာသား ၆ ဦး သေဆုံးရသလို ၈ ဦး ဒဏ်ရာ ရရှိခဲ့တဲ့ ရခိုင်ပြည်နယ်၊ ရသေ့တောင်မြို့နယ် ကျောက်တန်း ကျေးရွာမှာ ရှိနေတဲ့ စစ်တပ်တွေ ထွက်ခွာသွားခဲ့ပြီလို့ ရွာခံတွေက ပြောပါတယ်။

အစိုးရ တပ်မတော်က စစ်သား ၃၀၀ နီးပါးလောက်ဟာ ကျောက်တန်းကျေးရွာထဲကို ဧပြီလ ၃၀ ရက်က ဝင်ရောက် နေရာယူခဲ့တာ ဖြစ်ပြီး မေလ ၁၅ ရက် ညဥ့်အချိန်မှ ရွာကနေ ထွက်ခွာ သွားခဲ့ကြတယ်လို့ ရွာသားတွေက ပြောပါတယ်။

ဧပြီ ၃ဝ ရက် ကတည်းက ရွာသားတွေကို ဖမ်းဆီး စစ်ဆေးတာတွေ လုပ်ခဲ့ပြီး မေလ ၁ ရက် ည သန်းခေါင်းကျော် အချိန် ၂ နာရီ ဝန်းကျင်မှာ အဲဒီ ကျေးရွာသား ၂၇၅ ဦး ကို ထိန်းသိမ်းထားတဲ့ ကျောက်တန်းရွာ၊ အစိုးရ စာသင်ကျောင်းဝင်းထဲ ပစ်ခတ်မှု ပေါ်ပေါက်ခဲ့တာ ဖြစ်ပါတယ်။

တပ်မတော် သတင်းမှန်ပြန်ကြားရေး အဖွဲ့ကတော့ ပစ်ခတ် ထိန်းသိမ်းရလောက်တဲ့အထိ လုံခြုံရေး စိုးရိမ်မှုတွေ ပေါ်ပေါက်လာတဲ့အတွက် အစိုးရစစ်တပ် လုံခြုံရေး ကင်းအဖွဲ့တွေက သေနတ်နဲ့ ပစ် ဟန့်တားခဲ့ရတာ ဖြစ်တယ်လို့ သတင်းထုတ်ပြန်ပါတယ်။

စစ်သားတွေ ရွာမှာ စခန်းချနေတုန်း ၁၅ ရက် နီးပါးကြာ ရွာသားတွေကို ပြင်ပက လူတွေနဲ့ အဆက်အသွယ် ဖြတ်တောက် ထားခဲ့ပါတယ်။

အစိုးရ စစ်တပ်က ရွာသားတွေကို ဖမ်ဆီးထားစဉ် သူတို့မေးမြန်း ခံခဲ့ရတာတွေနဲ့ ပတ်သက်ပြီး ရွာသားတစ်ဦး ပြောပြတာက " ရွာမှာ AA တွေက အကောက်ခံတွေကောက်လား ၊ ခင်ဗျားက AA သင်တန်းတွေရော တက်ဘူးလား အဲလို ခြိမ်းခြောက်ပြီးတော့ မေးတာ၊ ကျွန်တော်ကတော့ AA မမြင်ဖူးဘူး၊ ကြားတော့ကြားဖူးတယ် ပြန်ပြောတာပေါ့" လို့ ပြောပါတယ်။

စစ်ဆေးရာမှာလည်း ရွာသားတွေ များတာကြောင့် နေ့ရောညပါ စစ်ဆေးသလို၊ ဗိုလ်ကြီး ဗိုလ်မှူးတွေနဲ့ နယ်ခြားစောင့်တပ်ကပါ စစ်မေးတယ်လို့ သူက ဆိုပါတယ်။

ပစ်ခတ်မှုဖြစ်ချိန် ကြုံတွေ့ရတာနဲ့ ပတ်သက်ပြီး အဲဒီရွာသားပြောတာက " ညည့် ၂ နာရီလောက်မှာ ဖြစ်တာ၊ ဖမ်းဆီးစစ်ဆေးတော့ အရှုးတွေနဲ့ လူတွေနဲ့ အကုန်အတူရောပြီးထားတာ၊ ညည့် ၂ နာရီ လောက်မှာ အဲအရှုးက ရဲ ရဲ ဆိုပြီး အော်တော့ သေနတ်သံ ကြားရတယ်။ လူတွေက ကြောက်လန့်ပြီးတော့မှ ကင်းသမားတွေ အဆောင်ဆီကို ပြေးကြတော့ သူက ပစ်သတ်တာ" လို့ ပြောပါတယ်။

ကျောက်တန်းကျေးရွာကနေ အခုလို စစ်သားတွေ ထွက်ခွာသွားပေမယ့် လူ ၇ ဦးထိ သေဆုံးပြီး ရွာသား အများအပြား ဒဏ်ရာရှိခဲ့တဲ့အတွက် ရွာသားတွေ အနေနဲ့ ပုံမှန် အနေအထားကို မရောက်သေးဘဲ ကြောက်လန့် စိုးရိမ်မှုတွေ ခုချိန်ထိ ရှိနေကြရတယ်လို အဖမ်းဆီးခံခဲ့ရတဲ့ အထဲမှာပါတဲ့ ကျေးရွာသား တချို့က ပြောပါတယ်။

ကျောက်တန်းရွာခံ အမျိုးသမီးတစ်ဦးက ရွာက လူတွေကတော့ သူတို့တွေ နောက်ထပ်လာမှာစိုးလို့ ထွက်ပြေးတာလည်း ရှိသလို ရွာကို ပြန်လာကြသူတွေလည်း ရှိတယ်။ အခုတော့ အကုန်လာလို့ ရပါပြီလို့ ပြောပါတယ်။

အစိုးရတပ်ရဲ့ ဖမ်းဆီး စစ်ဆေးတာ ခံရပြီး ပစ်ခတ်မှုကြောင့် ရွာသား ၆ ဦး သေဆုံးရသလို ၈ ဦး ဒဏ်ရာ ရရှိခဲ့တဲ့ ကျောက်တန်းကျေးရွာကနေ စစ်တပ်ထွက်ခွာပြီ
ကျောက်တန်းကျေးရွာ ပစ်ခတ်မှုကြောင့် ဒဏ်ရာရခဲ့တဲ့သူ ၈ ဦး ထဲက နောက်ဆုံး ဒဏ်ရာ မသက်သာတဲ့ ဦးအောင်ကျော်လင်းကို ရန်ကုန်မြို့ မြောက်ဥက္ကလာပ ဆေးရုံကြီးကို ပို့ဆောင်ကုသပေမယ့် မေလ ၁၄ ရက်နေ့က ၎င်းဒဏ်ရာနဲ့ ကွယ်လွန်သွားခဲ့ပါတယ်။

တပ်မတော်ဘက်ကလည်း AA လက်နက်ကိုင်တွေဟာ ရွာသားတွေနဲ့ ရောနှော အသွင်ယူတာမျိုးကြောင့် စိစစ်ခွဲခြားနိုင်ဖို့ ထိန်းသိမ်း စစ်ဆေးရတယ်လို့ ပြောဆိုထားပါတယ်။

ရွာထဲ ဝင်ပြီး အိမ်ထောင်စုတွေကို စစ်တဲ့ အခါမှာလည်း ရပ်ရွာအုပ်ချုပ်ရေး အဖွဲ့ဝင် လူကြီးတွေရဲ့ အကူအညီနဲ့ နည်းလမ်းတကျ စစ်တယ်လို့ ပြောခဲ့ပါတယ်။

ဒါ့အပြင် ဒီဖြစ်စဉ်အပေါ် တပ်မတော်ဘက်ကလည်း အဖွဲ့တစ်ဖွဲ့ ဖွဲ့ပြီး စစ်ဆေးမှုတွေ ပြုလုပ်နေတယ်လို့ တပ်မတော် သတင်းမှန်ပြန်ကြားရေး အဖွဲ့က ပြောပါတယ်။

BBC Burmese
https://www.bbc.com

ဖားကန့်မှာ ရေမဆေးကျောက်ရှာဖွေသူ တစ်ဦးသေပြီး နှစ်ဦး ဒဏ်ရာရ

ဖားကန့် ကျောက်စိမ်းလုပ်ကွက် တစ်နေရာကို တွေ့ရစဉ် /Photo: RFA
ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ နမ့်မှော်ကျေးရွာက ကျောက်စိမ်းလုပ်ကွက်မှာ မနေ့ မနက်က အမြင့် ၁၀ ပေ ကျော်လောက်ရှိတဲ့ မြေပြိုကျခဲ့တဲ့အတွက် ရေမဆေးကျောက် ဝင်ရောက် ရှာဖွေသူ တစ်ဦး သေဆုံးပြီး နှစ်ဦး ထိခိုက်ဒဏ်ရာရရှိခဲ့ကြောင်း ဖားကန့်မြို့နယ် အထွေထွေအုပ်ချုပ်ရေးမှူးရုံးက သိရပါတယ်။

ထိခိုက်ဒဏ်ရာရသူ နှစ်ဦးကို ဖားကန့်မြို့နယ် ပြည်သူ့ဆေးရုံးမှာ တင်ပို့ ကုသပေးထားကြောင်း ဖားကန့်မြို့နယ် ဒုတိယ အထွေထွေ အုပ်ချုပ်ရေးမှူး ဦးဖုန်ဂမ်ရိန်က RFA ကို ပြောပါတယ်။

အဲ့ဒီမြေပြိုကျတဲ့နေရာဟာ လုပ်ကွက်သက်တမ်း ကုန်ဆုံးလို့ ပိတ်သိမ်းထားပြီး အန္တရာယ်ရှိ ဆိုင်းဘုတ်စိုက်ထူထားတဲ့နေရာဖြစ်ပြီး ရေမဆေးကျောက် ရှာဖွေသူတွေက တရားမဝင် ဝင်ရောက်ရှာဖွေချိန်မှာ မြေပြိုကျမှုဖြစ်ခဲ့တာဖြစ်ကြောင်းလည်း ဖားကန့်မြို့နယ် အထွေထွေအုပ်ချုပ်ရေးမှူးရုံးက ပြောပါတယ်။

သေဆုံးသူနဲ့ ထိခိုက်ဒဏ်ရာရရှိသူတွေဟာ ဖားကန့်မြို့နယ်မှာ ရေမဆေးကျောက် လာရောက်ရှာဖွေနေတဲ့ ရခိုင်တိုင်းရင်းသားတွေဖြစ်ကြောင်း ဖားကန့်မြို့နယ် အထွေထွေ အုပ်ချုပ်ရေးမှူးရုံးကို ဆိပ်မူကျေးရွာအုပ်ချုပ်ရေးမှူးက တင်ပြတဲ့ အစီရင်ခံစာအရ သိရပါတယ်။

ဖားကန့်မြို့နယ်အတွင်းမှာ ပြီးခဲ့တဲ့ ဧပြီလက နွံကန်ပြိုကျမှု နှစ်ကြိမ်ဖြစ်ပွားခဲ့ပြီး လူ ၅၈ ဦး သေဆုံးခဲ့ရပါတယ်။ အဲဒီနောက်ပိုင်းမှာတော့ အန္တရာယ်ရှိတဲ့ ကျောက်စိမ်းတူးဖော်ရေးလုပ်ကွက် ရှစ်ခုမှာ ဝင်ရောက် လုပ်ကိုင်နေတဲ့ ကုမ္ပဏီ ၁၁ ခုကို ကချင်ပြည်နယ်အစိုးရ အဖွဲ့က ကျောက်မျက်တူးဖော်ခွင့် ပိတ်ပင်ခဲ့ပါတယ်။

RFA Burmese
https://www.rfa.org

ပခုက္ကူမြို့က လမ်းချဲ့ဖို့ မလွတ်တဲ့ သစ်ပင် ၂၀ ကို မခုတ်တော့ဖို့ သဘောတူ

မန္တလေးတိုင်းဒေသကြီး ပခုက္ကူမြို့နယ် ပခုက္ကူ-ပေါက်လမ်းက နှစ်ရှည်ပင်ကြီးများရှိရာနေရာများတွင် ၂၀၁၉၊ မေ ၁၇ ရက်နေ့က ခုတ်လှဲရန်စီစဉ်နေခြင်းနှင့် ပတ်သက်ပြီး ကန့်ကွက်ကြောင်း လက်မှတ်များ ကောက်ခံနေစဉ် /ဓါတ်ပုံ - ပြည့်ဖြိုးကျော်
ပြီးခဲ့တဲ့ ရက်ပိုင်းက လူမှုကွန်ရက်မှာ ဝေဖန်မှုတွေရှိခဲ့တဲ့ မကွေးတိုင်းဒေသကြီး ပခုက္ကူမြို့နယ် ပခုက္ကူ-ပေါက်လမ်းက မြို့မလမ်းချဲ့ဖို့အတွက် မလွတ်တဲ့ နှစ်ရှည်သစ်ပင် ၂၅ ပင်ထဲက အပင် ၂၀ ကို မခုတ်တော့ဖို့ ဒေသခံတွေနဲ့ အစိုးရတာဝန်ရှိသူတွေ ဒီနေ့အစည်းအဝေးကျင်းပပြီး သဘောတူဆုံးဖြတ်လိုက်ကြောင်း ဒေသခံတွေက ပြောပါတယ်။

ကျန်တဲ့ အပင် ငါးပင်ကိုလည်း လာမယ့် တနင်္လာနေ့မှာ ကွင်းဆင်းလေ့လာပြီး ခုတ်သင့်၊ မသင့် ဆုံးဖြတ်သွားမယ်လို့ အစည်းအဝေးကို တက်ရောက်ခဲ့တဲ့ ဒေသခံ ဦးမင်းသန့်စင်က ပြောပါတယ်။

ဒီနေ့မနက်က ပခုက္ကူမြို့နယ် မြို့မလမ်းချဲ့တဲ့ စီမံကိန်းနဲ့ပတ်သက်ပြီး ခရိုင်အထွေထွေအုပ်ချုပ်ရေးမှူးရုံးမှာ လွှတ်တော် ကိုယ်စားလှယ်တွေ၊ ဒေသခံပြည်သူတွေနဲ့ လမ်းတံတားဦးစီးဌာနက တာဝန်ရှိသူတွေ တွေ့ဆုံဆွေးနွေးကြပြီး အခုလို သဘောတူညီခဲ့ကြတာဖြစ်ပါတယ်။

လမ်းနဲ့မလွတ်လို့ဆိုပြီး ခုတ်ဖို့ရည်ရွယ်ထားတဲ့ အနည်းဆုံးသက်တမ်း ၇၀ ရှိတဲ့ တမာပင်တွေကို ပြီးခဲ့တဲ့ မေ ၁၅ ရက် လောက်ကစပြီး အနီရောင်ကြက်ခြေခတ် အမှတ်သားတွေ ရေးဆွဲခဲ့ကြတာဖြစ်ပါတယ်။

ပခုက္ကူမြို့မှာရှိတဲ့ သစ်ပင်ချစ်သူ သုံးထောင်လောက်က သစ်ပင်တွေကို မခုတ်ကြဖို့ ကန့်ကွက်လက်မှတ်ရေးထိုး တောင်းဆိုတာတွေရှိတာကြောင့် အစည်းအဝေး ကျင်းပပြီး အခုလို အပင် ၂၀ ကျော်ကို မခုတ်တော့ဖို့ ဆုံးဖြတ်လိုက်ကြတာဖြစ်ပါတယ်။

ဒီသတင်းကို RFA သတင်းထောက် မဇာဏီထွဏ်း ပေးပို့တာပါ။

RFA Burmese
https://www.rfa.org

ဗီယက်နမ်မှာ 5G တယ်လီဖုန်း စသုံးပြီ

5g logo (စက်တင်ဘာ၊ ၂၆၊ ၂၀၁၈)
အာရှရဲ့ တောင်ကိုရီးယားနိုင်ငံကနေ- ဥရောပ ဖင်လန်နိုင်ငံအထိ 5G ဆက်သွယ်ရေးနည်းပညာ ဖွံ့ဖြိုးတိုးတက်ရေးအတွက် အပြိုင်အဆိုင် ကြိုးစား တီထွင်နေကြတဲ့ နိုင်ငံတွေထဲမှာ အခုနောက်ဆုံးပြိုင်ဘက်ကတော့ ဗီယက်နမ်နိုင်ငံပဲ ဖြစ်ပြီး Game နဲ့ပတ်သက်တဲ့ နည်းပညာ နယ်ပယ်ထဲကို ဝင်ရောက်ချင်တာပါ။

တယ်လီဖုန်းမှာ အသုံးပြုတဲ့ 5G နည်းပညာကို ဒီလထဲမှာ အောင်မြင်စွာ စမ်းသပ်နိုင်ခဲ့တယ်လို့ ဗီယက်နမ်က ကြေညာလိုက်ပါတယ်။ ဗီယက်နမ်ရဲ့ 5G နည်းပညာဟာ တယ်လီဖုန်း အင်တာနက် အတွက်သာမက ဗီယက်နမ်ရဲ့ ရည်မှန်းချက်ဖြစ်တဲ့ ဒစ်ဂျစ်တယ်-စီးပွားရေး အထိပါ အကျုံးဝင်တယ်လို့ဆိုပါတယ်။

အနာဂတ် စီးပွားရေးလုပ်ရာမှာ ကုန်ပစ္စည်း အစားသောက်တွေ ပို့တဲ့အခါ ဒရုန်းယာဉ်တွေကို အသုံးပြု လာကြမှာ ဖြစ်သလို cyber တိုက်ခိုက်မှုတွေကို ကာကွယ်ဖို့ လူတွေအစား စက်တွေကနေရာယူ အလုပ်လုပ်လာကြဖို့ ရှိပါတယ်။ ကျန်းမာရေး မှတ်တမ်းတွေကိုလည်း ဒစ်ဂျစ်တယ်-နည်းပညာတွေ သုံးလာကြမှာပါ။ စိုက်ပျိုးရေးနဲ့ ခရီးသွားလုပ်ငန်းတွေလောက်သာ နဂိုလုပ်နည်းတွေနဲ့ ဆက်လုပ်သွားဖို့ များတယ်လို့ ဗီယက်နမ်အစိုးရရဲ့ အစီရင်ခံစာက ဆိုပါတယ်။

ဗီယက်နမ်ဟာ သူ့ရဲ့မဟာမိတ် သြစတြေးလျားနိုင်ငံတို့ ပူးပေါင်းပြီး ဒစ်ဂျစ်တယ်-စီးပွားရေးကဏ္ဍနဲ့ ပတ်သက်တဲ့ အစီရင်ခံစာတစောင်ကို ပြီးခဲ့တဲ့ ဗုဒ္ဓဟူးနေ့က ထုတ်ပြန်ခဲ့ပါတယ်။ အနာဂတ်မှာ အကောင်ထည်ဖေါ်မယ့် ကဏ္ဍ ၄ ခုအတွက် ဘာတွေ လုပ်ဆောင်သွားမယ်ဆိုတာကို ဖေါ်ပြထားပါတယ်။

ဗီယက်နမ်ရဲ့ အနာဂတ် ဒစ်ဂျစ်တယ်-စီးပွားရေးကို ၂၀၃၀ ကနေ ၂၀၄၅ အတွင်း အကောင်ထည်ဖေါ်သွားဖို့ မူဝါဒ ချမှတ်ထားပါတယ်။

ဗွီအိုအေ (မြန်မာပိုင်း)
https://burmese.voanews.com

ABSDF ဗဟိုကော်မီတီဝင် ကိုကျော်ကို ကွယ်လွန်

ကိုကျော်ကို ABSDF ဦးဆောင် ဗဟိုကော်မတီဝင် (ညာဘက်)
ထိုင်း-မြန်မာနယ်စပ်အခြေစိုက် ABSDF မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးရဲ့ လက်ရှိ ဗဟိုဦးဆောင်ကော်မတီဝင် ဖြစ်သူ ဦးကျော်ကိုဟာ မေလ ၁၇-ရက် ညပိုင်းက နှလုံးရပ်ပြီး ထိုင်းနယ်စပ် မဲဆောက်မြို့မှာ ကွယ်လွန်သွားခဲ့ပါတယ်။ လူချစ်လူခင်များတဲ့ ဦးကျော်ကိုအတွက် သူ့ရဲ့လုပ်ဖေါ်ကိုင်ဖက်တွေက စိတ်မကောင်းစွားနဲ့ နှမြောတသ ကျန်ရစ်ခဲ့ကြပါတယ်။ ကိုဉာဏ်ဝင်းအောင်က စုစည်း တင်ပြထားတာပါ။

ABSDF (ကျောင်းသားတပ်မတော်)မှာ အရင်က တပ်ရင်းမှူး တဦးအဖြစ် တာဝန်ထမ်းခဲ့သလို၊ ABSDF ရဲ့ အထွေထွေ အတွင်းရေးမှူး၊ ဒုဥက္ကဋ္ဌ စတဲ့ တာဝန်တွေ ထမ်းဆောင်ခဲ့ဖူးတဲ့ ကိုကျော်ကိုကိုဝင်း(ခေါ်) ကိုကျော်ကိုဟာ မေလ ၁၇-ရက် ညနေပိုင်း မဲဆောက်မြို့မှာ ဘောလုံးကန်ရင်း အမောဖေါက်ပြီး နှလုံးရပ်သေဆုံးသွားရတာ ဖြစ်တယ်လို့ ကိုကျော်ကို မကွယ်လွန်ချိန်လေးမှာ သူနဲ့အတူ ဘောလုံးကန်ခဲ့တဲ့ AAPPB နိုင်ငံရေး အကျဉ်းသားများ ကူညီစောင့်ရှောက်ရေးအသင်း တွဲဖက်အတွင်းရေးမှူး ကိုဘိုကြည်က အဖြစ်အပျက်တွေကို ခုလိုပြောပြပါတယ်။

"ဒီနေ့ညနေ ၆ နာရီကနေ ၇ နာရီ ကျနော်တို့ ဘောလုံးတူတူကန်နေတာပါ။ ကန်နေရင်းနဲ့ ၇ နာရီကျော်လောက်ပေါ့... အဲ့လို ပွဲပြီးခါနီးအချိန်မှာပဲ သူဘောလုံးကန်ပြီးတော့ ပစ်လဲသွားပါတယ်။ ပစ်လဲသွားပြီးကတည်းကနေ ပြန်ပြီးတော့ သတိပြန်မလည်လာတော့ဘူး။ ကျနော်တို့ အဲ့ကနေပြီးတော့ ဆေးရုံ အရေးပေါ်ကို ပို့ပါတယ်။ ပို့ပြီးတဲ့အခါကျတော့ ဆေးရုံမှာလည်း စက်နဲ့ ဒီနှလုံးကို ပြန်နိုးတာတွေရှိတယ်။ ဒါမဲ့ သူ ဘယ်လိုမှ အဆင်မပြေတော့ပါဘူး။ ပြန်ပြီးတော့ သတိလည်လာတာမျိုး မရှိတော့ဘူး။ သူက အေးဆေးတယ်၊ တည်ငြိမ်တယ်။ ပြဿနာတွေကို အေးအေးဆေးဆေး တည်တည်ငြိမ်ငြိမ်နဲ့ ဖြေရှင်းတတ်တယ်။ ပြီးတဲ့အခါကျတော့ တော်တော်လေးလည်း ကြိုးစားတယ်။ နယ်စပ်မှာတော့ လူတော်တော်များများက သူ့ရဲ့ အေးဆေးတဲ့၊ တည်ငြိမ်တဲ့၊ ကြိုးစားတဲ့ ကိစ္စတွေကို တော်တော်များများက သဘောလည်းကျကြပါတယ်။ ကျနော်လည်း သဘောကျပါတယ်။ လေးလည်း လေးစားပါတယ်။ ကျနော်တို့ အတွက် ကြီးမားတဲ့ ဆုံးရှုံးမှုကြီး တခုပါ။"
ကိုကျော်ကို ABSDF ညီလာခံတခုမှာ ဆွေးနွေးစဉ်
မြန်မာနိုင်ငံမှာ စစ်အာဏာရှင်စနစ်ကြီးစိုးခဲ့တဲ့ ၁၉၈၈ ခုနှစ်ကာလနောက်ပိုင်း ABSDF ကျောင်းသားတပ်မတော်ရဲ့ အခန်းကဏ္ဍ ကြီးမားခဲ့ တာပါ။ ကိုကျော်ကိုဟာ ABSDF မှာ တာဝန်တွေအမျိုးမျိုး ထမ်းဆောင်ခဲ့သူ၊ လူချစ်လူခင်များသူတဦး ဖြစ်တယ်လို့ ABSDF ဥက္ကဋ္ဌဟောင်း ဦးမိုးသီးဇွန်က ပြောပါတယ်။

"သတိရစရာအကြောင်းတွေကတော့ ၈၈ မှာ သူက အငယ်ဆုံးဗဟိုကော်မတီ ဖြစ်လာတယ်။ အသက်အငယ်ဆုံးနဲ့ ABSDF ရဲ့ ဒုဥက္ကဋ္ဌ ထိ သူဖြစ်တယ်။ သူ့ကို ရဲဘော်တွေ ချစ်ကြတယ်။ ထူးခြားတဲ့ အချက်တွေကတော့ သူက လက်ရုံးရည်ရော၊ နှလုံးရည်ရော ပြည့်စုံတယ်လို့ ကျနော်တော့ အဲ့လိုပဲ မြင်တယ်။ သူက တပ်မှူးလုပ်ခဲ့တယ်။ သူက တကယ်တော့ စစ်ရေးဘက်မှာ တအားသန်ပြီး တာဝန်ယူခဲ့ရတဲ့ ရဲဘော်တယောက်။ တခါ ကျနော်တို့ နိုင်ငံရေး လိုအပ်ချက်တွေ ဖြစ်လာတော့ သူ့ကို နိုင်ငံရေးဘက် ပြန်ရွှေ့တော့လည်း လေ့လာရေးအားကောင်းတယ်။ ချက်ချင်းပဲ သူ့ရဲ့ ပြောင်မြောက်တဲ့ အရည်အချင်းတွေကို ပြလာတယ်။ အခု ကျနော်တို့ဆီမှာ လူကောင်းတွေ သိပ်ရှားနေတဲ့ အချိန်မှာ သူ့လို လူတယောက် ဆုံးရှုံးရတဲ့အတွက် ကျနော်တို့ အရမ်းဝမ်းနည်း ထိခိုက်မှု ဖြစ်တယ်။ နောက်တခုက ပိုဆိုးတာက သူက ဒီနောက်တပတ်လောက်ဆိုရင် အမေရိကားလာဖို့ရှိတယ်။ အမှတ်မထင်လေး ရက်ပိုင်းလေး အတွင်းမှာပဲ ခုလို ရေတိမ်နစ်သွားတာပေါ့ဗျာ ဆုံးပါးသွားတော့။ ဒါက ကျနော်တို့အတွက်ရော person အရ ဆုံးရှုံးမှု ထိခိုက်ခံစားရတယ်။ နောက် အဖွဲ့အစည်းအတွက်လည်း ဆုံးရှုံးမှုနစ်နာမှု တခုပဲလို့ မြင်တယ်။"

ထိုင်းနယ်စပ်က တော်လှန်ရေးကာလ ကြိုးပမ်းခဲ့ကြတဲ့ ABSDF ရဲဘော်တွေထဲမှာ ကိုကျော်ကိုဟာ အဖွဲ့အစည်းနဲ့ တော်လှန်ရေးအပေါ် အလေးနက်ထားသူ၊ ကိုယ်ကျိုးငဲ့သူအဖြစ် သူကြုံဆုံဖူးကြောင်း ABSDF ဥက္ကဋ္ဌဟောင်း ဒေါက်တာ နိုင်အောင်က ပြောပါတယ်။

"သူက ရဲဘော်ကောင်းလည်း ဖြစ်ပါတယ်။ နောက်ပြီးတော့ ခေါင်းဆောင်ကောင်းလည်း ဖြစ်ပါတယ်။ တော်လှန်ရေးကိုလည်း တကယ်ပဲ လေးလေးနက်နက် ခိုင်ခိုင်မာမာ ယုံကြည်တယ်။ အဖွဲ့အစည်းအတွက်လည်း အမြဲတမ်း ကာကွယ်စောက်ရှောက်တဲ့သူ တယောက်လည်း ဖြစ်ပါတယ်။ ဒါပြီးတော့ သူက တကယ်ကိုပဲ ရိုးရိုးသားသား အနေကုတ်တုတ်နဲ့ နေတဲ့သူ ဖြစ်တယ်။ သူနဲ့ သူ့မိသားစုအတွက်ဆိုရင် ဘယ်တော့မှ ဘာမှတောင်းဆိုတတ်တဲ့ သူမျိုးမဟုတ်ဘူး။ နောက် သူများအတွက်ကိုပဲ ဘာလုပ်ပေးရမလဲဆိုတာ အမြဲတမ်း စဉ်းစားနေတဲ့ သူဖြစ်ပါတယ်ခင်ဗျ။ ကျနော်တို့အနေနဲ့တော့ တကယ်ကို ကောင်းမွန်တဲ့ ရဲဘော်ကောင်း တယောက်ဆုံးရှုံးသွားတယ်လို့ ထင်ပါတယ်။ တကယ့်ကိုပဲ ဆေးလိပ်မသောက်၊ အရက်မသောက်၊ ကွမ်းမစား၊ ကျန်းမာရေးလည်း အင်မတန် လိုက်စားတဲ့သူပေါ့နော်။ အဲ့ဒါကိုမှ ရုတ်တရက် သေမင်းက ဒီလိုကြီး ကြားဖြတ်ခေါ်သွားတဲ့ အတွက် အလွန်ကိုပဲ စိတ်မကောင်းဖြစ်ရပါတယ်။"

မွန်ပြည်နယ် မုဒုံမြို့ဇာတိဖြစ်တဲ့ ကိုကျော်ကိုဟာ၊ ၁၉၈၈ ခုနှစ် စက်တင်ဘာလ စစ်တပ်က အာဏာသိမ်းပြီးနောက်ပိုင်း ထိုင်းမြန်မာနယ်စပ်ကို တောခိုလာတဲ့ ကျောင်းသားတဦးဖြစ်ပြီး ABSDF တပ်ဖွဲ့ကို ဝင်ရောက်ခဲ့တာပါ။ သူကွယ်လွန်ချိန်မှာ အသက်(၅၀)ကျော် ရှိပြီဖြစ်ပြီး ဇနီးနဲ့ သမီးတယောက် ကျန်ရစ်ခဲ့ပါတယ်။

ကိုဉာဏ်ဝင်းအောင်/ ဗွီအိုအေ (မြန်မာပိုင်း)
https://burmese.voanews.com

ကရင်နီလူငယ် ၆ ဦးကို ကယားပြည်နယ်အစိုးရ အမှုဖွင့်

ကရင်နီလူငယ် ၆ ဦးကို နိုင်ငံသားများရဲ့ ပုဂ္ဂိုလ်ဆိုင်ရာ လွတ်လပ်မှု လုံခြုံမှုကို ကာကွယ်ပေးရေး ဥပဒေ ပုဒ်မ ၁၀ နဲ့ ပြည်နယ်အစိုးရအဖွဲ့က အမှုဖွင့်
ကရင်နီလူငယ် ၆ ဦးကို နိုင်ငံသားများရဲ့ ပုဂ္ဂိုလ်ဆိုင်ရာ လွတ်လပ်မှု လုံခြုံမှုကို ကာကွယ်ပေးရေး ဥပဒေ ပုဒ်မ ၁၀ နဲ့ ပြည်နယ်အစိုးရအဖွဲ့က မေလ ၁၆ ရက်က လွိုင်ကော်မြို့မရဲစခန်းမှာ တိုင်ကြား အမှုဖွင့် ခဲ့ပါတယ်။

ကယားပြည်နယ် ဝန်ကြီးချုပ်နဲ့ ပြည်နယ် စီမံဘဏ္ဍာဝန်ကြီးကို နိုင်ငံရေး ရာဇဝတ်ကောင်၊ ကရင်နီအမျိုးသား သစ္စာဖောက်၊ တိုင်းရင်းသား သွေးစည်းညီညွတ်ရေးရဲ့ရန်သူ အဖြစ် ကရင်နီလူငယ် ၆ ဦးကို ကြေညာခဲ့လို့ ကယားပြည်နယ် အစိုးရအဖွဲ့ ကိုယ်စား ပြည်နယ်အစိုးရအဖွဲ့ရုံးရဲ့ လက်ထောက်ညွှန်ကြားရေးမှူး ဦးသက်နောင်က တိုင်ကြား အမှုဖွင့်ခဲ့တာ ဖြစ်ပါတယ်။

ဝန်ကြီးချုပ်နဲ့ စီမံဘဏ္ဍာဝန်ကြီးကို ကရင်နီလူငယ် ၆ ဦးက ကြေညာခဲ့တာက မတ်လ ၂၅ ရက်က ဖြစ်ပြီး အစိုးရ အဖွဲ့က (ပ) ၁၄၅/၂၀၁၉ ၂၀၁၇ ခုနှစ် နိုင်ငံသားများရဲ့ ပုဂ္ဂိုလ်ဆိုင်ရာ လွတ်လပ်မှု လုံခြုံမှုကို ကာကွယ်ပေးရေး ဥပဒေ ပုဒ်မ ၁၀ နဲ့ အမှုဖွင့်တိုင်ကြားတာက မေလ ၁၆ ရက်မှ ဖြစ်တယ်လို့ အမှုဖွင့်ခံထားရတဲ့ ကရင်နီ လူငယ်တွေက ပြောပါတယ်။

" ပြည်နယ်အစိုးရအဖွဲ့က တရားလိုလုပ်ပြီး စခန်းမှာ တိုင်ကြားအမှုဖွင့်ထားတယ် ဆိုတာ သိရတယ်၊ ဒါပေမယ့် ကျွန်တော်တို့ ၆ ယောက်လုံးဆီ ရဲစခန်းက တရားဝင် အကြောင်းကြားတာ မရှိသေးဘူး၊ စုံစမ်းသိရတာက ဒီအမှုက ရဲအရေးပိုင်မှုဖြစ်လို့ အရေးယူဆောင်ရွက်ဖို့က ညွှန်ကြားချက် တိတိကျကျ မရောက်သေးလို့ ပြောတာကြားရတယ်" လို့ အမှုဖွင့်တိုင်ကြားခံရသူ တစ်ဦးဖြစ်တဲ့ ကိုမျိုးလှိုင်ဝင်းက ပြောပါတယ်။

ပြည်နယ်အစိုးရအဖွဲ့က အခုလို အမှုဖွင့်တိုင်ကြားတာက ဗိုလ်ချုပ်ကြေးရုပ် ရွှေ့ပြောင်းရေး ဆွေးနွေးပွဲ ပျက်ပြယ်သွားချိန်မှာ ကရင်နီလူငယ်တွေ အနေနဲ့ လှုပ်ရှားမှုတွေ မလုပ်နိုင်အောင် အမှုတွေနဲ့ အလုပ်များနေအောင် လုပ်ဆောင်တာ ဖြစ်တယ်လို့ ယူဆကြောင်း သူက ပြောပါတယ်။

အမှုဖွင့် တိုင်ကြားခံရတဲ့ ကရင်နီလူငယ် ၆ ဦး မှာ ခူကြူးဖဲကေး၊ ခူးရီးဒူ၊ ခွန်သောမတ်၊ မျိုးလှိုင်ဝင်း၊ ပျားလေး၊ ဒီးဒီ တို့ ဖြစ်ပါတယ်။

BBC Burmese
https://www.bbc.com

မွန်ပါတီ ၂ ခုပေါင်းစည်းပြီး မွန်ညီညွတ်ရေးပါတီ အဖြစ်တည်ထောင်ခွင့် ရွေးကောက်ပွဲကော်မရှင်ခွင့်ပြု

မွန်ပါတီ ၂ ခုပေါင်းစည်းပြီး မွန်ညီညွတ်ရေးပါတီ အဖြစ်တည်ထောင်ခွင့် ရွေးကောက်ပွဲကော်မရှင်ခွင့်ပြု
မွန်ဒေသလုံးဆိုင်ရာ ဒီမိုကရေစီပါတီနဲ့ မွန်အမျိုးသားပါတီ (Mon National Party) ၂ ခု ကို ပါတီတစ်ခုတည်းအဖြစ် တည်ထောင်ခွင့်ပြုတယ်လို့ ပြည်ထောင်စု ရွေးကောက်ပွဲ ကော်မရှင်က မေ လ ၁၇ ရက်စွဲနဲ့ ထုတ်ပြန်ကြေညာပါတယ်။

မွန်ဒေသလုံးဆိုင်ရာ ဒီမိုကရေစီပါတီနဲ့ မွန်အမျိုးသားပါတီ (Mon National Party) ၂ ခု ပူးပေါင်းပြီး မွန်ညီညွတ်ရေးပါတီ (Mon Union Party) အဖြစ်လည်း တည်ထောင်ခွင့်ပြူလို့ နိုင်ငံရေးပါတီများ မှတ်ပုံတင်ခြင်း နည်းဥပဒေအညီ ခေါင်းဆောင်တစ်ဦးနဲ့ ဒုတိယခေါင်းဆောင်တစ်ဦး ရွေးချယ်ပြီး ရက်ပေါင်း ၃၀ အတွင်း ပါတီမှတ်ပုံတင်လျှောက်ထားဖို့ ကော်မရှင်က ပြောပါတယ်။

၂၀၁၅ ရွေးကောက်ပွဲမှာ တိုင်းရင်းသားပါတီ အများအပြား ဝင်ပြိုင်ခဲ့ရာမှာ တချို့ တိုင်းရင်းသား ဒေသတွေမှာ တိုင်းရင်းသားပါတီတွေ တခုထက် မက ကွဲပြားနေလို့ မဲရသင့်သလောက် မရခဲ့ဘူးဆိုတဲ့ ဝေဖန်မှုတွေ ရှိခဲ့ပါတယ်။

ဒီအခြေအနေတွေကြောင့်လည်း မွန်အမျိုးသား နိုင်ငံရေး ပါတီတွေဖြစ်တဲ့ မွန်ဒေသလုံးဆိုင်ရာ ဒီမိုကရေစီပါတီနဲ့ မွန်အမျိုးသားပါတီ (Mon National Party) ၂ ခု ကို ပါတီတစ်ခုတည်းအဖြစ် ပေါင်းစည်း တည်ထောင်တာလည်း ဖြစ်ပါတယ်။

ဒါကြောင့် လာမယ့် ၂၀၂၀ ရွေးကောက်ပွဲမှာ တိုင်းရင်းသား ပါတီတွေ လွှတ်တော်ထဲ နေရာများများ ရလာရင် စာပေယဉ်ကျေးမှုနဲ့ မိမိတို့ ပြည်နယ်ကို ပိုပြီး အကျိုးပြုနိုင်မယ်ဆိုတဲ့ လုပ်ဆောင်ချက်နဲ့ တိုင်ရင်းသားပါတီတူချင်း တစ်ပါတီအဖြစ် ပေါင်းစည်းကြတာ ဖြစ်ပါတယ်။

BBC Burmese
https://www.bbc.com

မကွေးတိုင်းဒေသကြီးတွင် ယာဉ်နှစ်စီးတိုက်မှုဖြစ်ပွားပြီး လူ၂ဦးသေ၊ ၈ ဦးဒဏ်ရာရရှိ

မကွေးတွင် ယာဉ်တိုက်မှုဖြစ်ပေါ်ခဲ့သော ယာဉ်အား ကယ်ဆယ်ရေးပြုလုပ်စဉ်(မီးသတ်ဦးစီးဌာန)

    ရန်ကုန်၊ မေ ၁၈ ရက် (ဆင်ဟွာ)

    မကွေးတိုင်းဒေသကြီး မကွေး-ရေနံချောင်းသွားလမ်း၊ ဒေါင်းနေချောင်းတံတားအနီးမိုင်တိုင်အမှတ် ၃၄၇/၀ တွင် မေ ၁၇ ရက်၊မွန်းလွဲ ၁ နာရီခွဲခန့်က ယာဉ်နှစ်စီးမျက်နှာချင်းဆိုင် တိုက်မှုဖြစ်ပွားခဲ့ပြီး လူ၂ဦးသေ၊ ၈ ဦးဒဏ်ရာရရှိခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

ချောက်မြို့မှ မကွေးမြို့သို့ ပြေးဆွဲလာသည့်ရွှေမိတ်သစ်ယာဉ်လိုင်းမှ ခရီးသည်တင် မော်တော် ယာဉ်သည် တိုက်ရော့ပြုတ်၍ တစ်ဘက်ယာဉ်ကြောသို့ ရောက်ရှိပြီး မကွေးမှ ချောက်သို့ ပြေးဆွဲသောရွှေမိတ်သစ်ခရီးသည် တင်ယာဉ်အားမျက်နှာချင်းဆိုင် တိုက်မိခဲ့ခြင်းဖြစ်ကြောင်း သိရသည်။အဆိုပါ ယာဉ်တိုက်မှုကြောင့် အမျိုးသားတစ်ဦး နှင့် အမျိုးသမီးတစ်ဦး သေဆုံးပြီး၊ ရှစ်ဦးဒဏ်ရာ ရရှိကာ ဒဏ်ရာရရှိသူများအား မီးသတ်ဦးစီးဌာနမှ မီးသတ်တပ်ဖွဲ့ဝင်များနှင့် လူမှုရေးအသင်းအဖွဲ့များက မကွေးပြည်သူ့ဆေးရုံသို့ ပို့ဆောင်၍ ဆေးကုသခံယူလျက်ရှိကြောင်း သိရသည်။

(Xinhua)
http://www.xinhuamyanmar.com

ဓါးရှည်ကိုင်ဆောင်ပြီး လမ်းသွားလမ်းလာများအား လိုက်လံရန်ပြုနေသူကို သေနတ်ဖြင့် ပစ်ခေတ်ဖမ်းဆီးသဖြင့် သေဆုံးမှုဖြစ်ပွား

Photo မြန်မာနိုင်ငံ လူမှုကယ်ဆယ်ရေး အဖွဲ့ချုပ် - မန္တလေး

မန္တလေး - ၁၈ မေ

မန္တလေးမြို့ အောင်မြေသာစံမြို့နယ် ကျုံးအရှေ့ဘက်တွင် လမ်းသွားလမ်းလာများအား လိုက်လံရန်ပြုနေသူကို သေနတ်ဖြင့် ပစ်ခတ်ဖမ်းဆီးခဲ့ရကြောင်း မန္တလေးတိုင်း ဒေသကြီးရဲတပ်ဖွဲ့မှ သိရသည်။

အောင်မြေသာစံမြို့နယ် ကျုံးအရှေ့ဘက် ဒေါနဘွားရပ်ကွက်၊ ၁၄×၆၆ လမ်းထောင့်တွင် မေ ၁၈ ရက် နံနက် ၄ နာရီအချိန်ခန့်က ဓါးရှည်ကိုင်ဆောင်ပြီး လမ်းသွားလမ်းလာများအား လိုက်လံရန်ပြုနေသူကို သေနတ်ဖြင့် ပစ်ခတ်ဖမ်းဆီးခဲ့ရကြောင်း သိရသည်။

Photo မြန်မာနိုင်ငံ လူမှုကယ်ဆယ်ရေး အဖွဲ့ချုပ် - မန္တလေး
လမ်းသွားလမ်းလာများအား လူတစ်ဦးမှ ဓားရှည်ဖြင့် လိုက်လံခုတ်၍ ရန်ပြုနေကြောင်း တာဝန်သိပြည်သူတစ်ဦးက လာရောက်အကြောင်းကြားခဲ့ကြောင်း၊ နယ်မြေ အတွင်းလှည့်ကင်းဆောင်ရွက်နေသည့် အမှတ်(၁)နယ်မြေရဲစခန်းမှ ဒုရဲအုပ် အောင်ကျော်မျိုးနှင့်အဖွဲ့သည် သက်သေများနှင့်အတူ အခင်းဖြစ်နေရာအား သွားရောက်ဖမ်းဆီးခဲ့ကြောင်း သိရသည်။

ဖြစ်စဉ်တွင် အသက် (၄၅)နှစ်ခန့် အမျိုးသား တစ်ဦးသည် အရိုး ၇ လက်မ သွား ၁၉ လက်မခန့်ရှိ ငှက်ကြီးတောင်ဓားရှည် ၁ ချောင်းဖြင့် လမ်းသွားလမ်းလာများအား ရန်ပြုတိုက် ခိုက်နေသည်ကိုတွေ့ရှိရကြောင်း၊ ဓါးချပြီးအဖမ်းခံရန် အကြိမ်ကြိမ်ပြောဆိုခဲ့သော်လည်း လိုက်နာမှုမရှိဘဲ တာဝန်ထမ်းဆောင်နေသူများအား ဓားဖြင့် ဆက်လက်ရန်ပြုနေသဖြင့် နောက်ဆုံးအကြိမ် ဓါးရှည်အား ချရန်နှင့် မချပါက သေနတ်ဖြင့်ပစ်ခတ်မည်ဟု ပြောဆိုသော်လည်း ထပ်မံရန်ပြုတိုက်ခိုက်ခဲ့ကြောင်းသိရသည်။

သိုပါသောကြောင့် ဒုရဲအုပ်အောင်ကျော်မျိုးမှ (၃၈)ဗို့ခြောက်လုံးပြူးဖြင့် (၁)ချက်ပစ်ခတ်ရာ ယာခြေမျက်စိအထက် ထိမှန်သော်လည်းဆက်လက်ရန်ပြုနေသဖြင့် ထပ်မံ၍ ခြောက်လုံးပြူးဖြင့်ပစ်ခတ်ရာ ဝဲလက်မှ ဝမ်းဗိုက်သို့ ဖောက်ဝင်ဒဏ်ရာ (၁) ချက်ရရှိပြီး ဖမ်းဆီးရမိခဲ့ကြောင်း ရဲမှတ်တမ်းများအရ သိရသည်။

ဓါးကိုင်သောင်းကျန်းနေသူအား မန္တလေးဆေးရုံကြီးသို့ ဆက်လက်ပို့ဆောင်ကုသခဲ့ရာ ဆေးကုသမှုခံယူနေစဉ် ရရှိသောဒဏ်ရာဖြင့် သေဆုံးသွားခဲ့ကြောင်း သိရသည်။

"ဓါးကိုင်သောင်းကျန်းတဲ့သူကိုမန္တလေးပြည်သူ့ဆေးရုံကြီးကိုပို့ဆောင်ပေးခဲ့ပါတယ်။ ပို့ဆောင်ပေးပြီး နာရီဝက်ခန့်အကြာမှာ သေးဆုံးသွားခဲ့တာပါ'' ဟု ကူညီဆောင်ရွက်ပေးသူတစ်ဦးက ပြောသည်။

အိမို့မို့ခိုင်
Myanmar Digital News
https://www.facebook.com/MyanmarDigitalNews

ကျောက်တော်မြို့နယ် ရွှေပြည်ကျေးရွာ တာဝန်ခံကို AA အဖွဲ့ကို ဆက်သွယ်မှုနဲ့ ဖမ်းဆီး

ကျောက်တော်မြို့ အဝင်ကို တွေ့ရစဉ် /Photo: Min Thein Aung/RFA
ရခိုင်ပြည်နယ် ကျောက်တော်မြို့နယ် ရွှေပြည်ကျေးရွာ တာဝန်ခံ ဦးသိန်းစိုးအောင်ကို ရက္ခိုင့်တပ်မတော် AA နဲ့ ပတ်သက် ဆက်နွယ်နေတယ်ဆိုပြီး တပ်မတော်က ဖမ်းဆီးလိုက်ပြီး တရားဥပဒေအရ အရေးယူနိုင်ရေး ဆောင်ရွက်နေကြောင်း တပ်မတော် ကာကွယ်ရေး ဦးစီးချုပ်ရုံးက ဒီနေ့မနက်မှာ သတင်းထုတ်ပြန်ပါတယ်။

မြန်မာနိုင်ငံ ရဲတပ်ဖွဲ့ဝင်တွေဟာ တပ်မတော် စစ်ကြောင်းနဲ့အတူ ရွှေပြည်ကျေးရွာအတွင်း ဝင်ရောက် စစ်ဆေးရာမှာ ကျေးရွာတာဝန်ခံ ဦးသိန်းစိုးအောင်က သူရဲ့နေအိမ်ပေါ်ကနေ လုံခြုံရေးတပ်ဖွဲ့ဝင်တွေကို ဓာတ်ပုံရိုက်ယူနေတာကို တွေ့ရတာကြောင့် ဖုန်းကို စစ်ဆေးရာမှာ AA အဖွဲ့နဲ့ ပတ်သက်ဆက်နွယ်နေတဲ့ပုံတွေ ဖုန်းအတွင်းမှာ တွေ့ရှိပြီး ဖမ်းဆီးလိုက်တာဖြစ်ကြောင်း သိရပါတယ်။

လက်ရှိအချိန်ထိ တပ်မတော်က ထိန်းသိမ်းစစ်ဆေးနေပြီး မကြာခင် ရဲတပ်ဖွဲ့ကို လွှဲပြောင်း အပ်နှံသွားမှာဖြစ်ကြောင်းနဲ့ ရွှေပြည်ကျေးရွာ တာဝန်ခံ ဦးသိန်းစိုးအောင်ကတော့ သူ့အနေနဲ့ AA အဖွဲ့နဲ့ ပတ်သက်မှုရှိကြောင်း ထွက်ဆိုထားခြင်း မရှိသေးကြောင်း တပ်မတော် သတင်းမှန် ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းက RFA ကိုပြောပါတယ်။

ကျေးရွာတာဝန်ခံရဲ့ နေအိမ်အတွင်းကနေ ထုပ်ပိုးထားတဲ့ ထမင်းခြောက်အိတ်၊ ခေါက်ဆွဲခြောက်ဖာတွေ၊ ဓာတ်ဆားထုတ်တွေနဲ့ အခြား စားသောက်ကုန်ပစ္စည်းတွေကိုလည်း ရှာဖွေတွေ့ရှိ သိမ်းဆည်းမိခဲ့တယ်လို့လည်း တပ်မတော်ရဲ့ ထုတ်ပြန်ချက်အရ သိရပါတယ်။

ရွှေပြည်ကျေးရွာတာဝန်ခံကို AA နဲ့ ဆက်သွယ်တယ်ဆိုပြီး ဖမ်းဆီးလိုက်တဲ့အပေါ် မိသားစုဝင်တွေကို ဆက်သွယ်ခဲ့ပေမယ့် အဆက်အသွယ် မရရှိခဲ့ပါဘူး။

ရက္ခိုင့်တပ်မတော် AA အဖွဲ့ ပြောရေးဆိုခွင့်ရှိသူ ခိုင်သုခကတော့ ဦးသိန်းစိုးအောင်ဟာ နေအိမ်မှာ ဈေးဆိုင်ဖွင့်လှစ်ရောင်းချနေသူဖြစ်ပြီး ဖမ်းဆီးရမိတဲ့ပစ္စည်းတွေဟာ ရောင်းချတဲ့ ပစ္စည်းတွေဖြစ်ကြောင်းနဲ့ AA အဖွဲ့နဲ့ ပတ်သက်မှုမရှိကြောင်း RFA ကို ပြောပါတယ်။

RFA Burmese
https://www.rfa.org

လက္ကာကျေးရွာသား ၂၄ ဦးကို ချုပ်ရမန်ယူပြီး ဆက်လက်ဖမ်းဆီး

မြောက်ဦးမြို့နယ် လက္ကာကျေးရွာသားတွေကို ၂၀၁၉၊ မေ ၁၇ ရက်နေ့က ရုံးထုတ်ခဲ့စဉ်
ရခိုင်ပြည်နယ် မြောက်ဦးမြို့နယ် လက္ကာကျေးရွာက AA နဲ့ပတ်သက်တယ်ဆိုတဲ့ သံသယနဲ့ တပ်မတော်က ဖမ်းဆီးစစ်ဆေးခဲ့သူ ၂၄ ဦးကို စစ်တွေမြို့နယ် တရားရုံးမှာ အကြမ်းဖက်မှုတိုက်ဖျက်ရေးဥပဒေ ပုဒ်မ ၅၀(ဈ)၊ ၅၂(က) တို့နဲ့ မနေ့က ချုပ်ရမန်ထပ်ယူပြီး ဆက်လက် ဖမ်းဆီးထိန်းသိမ်းလိုက်ပါတယ်။

တပ်မတော်ကစစ်ဆေးစဉ်မှာ လိုချင်တဲ့ပုံစံအတိုင်း ပြောရကြောင်း၊ အဲဒီလိုမပြောရင် ရိုက်နှက်တာတွေ၊ အမျိုးမျိုးနှိပ်စက်တာတွေရှိသလို သံတုတ်တွေနဲ့ပါ ရိုက်နှက်ကြောင်း မနေ့ကရုံးထုတ်ချိန်မှာ ဖမ်းဆီးခံထားရသူတွေက သတင်းထောက်တွေကို ပြောဆိုခဲ့ကြပါတယ်။

တပ်မတော် သတင်းမှန် ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းက ဖမ်းဆီးခံထားရသူတွေကို တပ်မတော်က စစ်ဆေးပြီးနောက်မှာ ရဲတပ်ဖွဲ့တွေကို လွှဲပြောင်းစစ်ဆေးတာတွေ ရှိခဲ့တာကြောင့် ဖမ်းဆီးခံထားရချိန်အတွင်း ညှင်းပန်းနှိပ်စက်တာတွေ ရှိ၊ မရှိကို အတိအကျ မပြောဆိုနိုင်ကြောင်းနဲ့ တပ်မတော်က ဖမ်းဆီးထားစဉ်မှာ ဥပဒေအတိုင်း စစ်ဆေးဆောင်ရွက်ခဲ့ကြောင်း ပြောပါတယ်။

ရခိုင်ပြည်နယ် ရဲတပ်ဖွဲ့ကို RFA က ဆက်သွယ်ရာမှာတော့ အဆက်အသွယ် မရရှိခဲ့ပါဘူး။

ဖမ်းဆီးခံထားရသူတွေကိစ္စနဲ့ ပတ်သက်လို့ မိသားစုဝင်တွေက ဧပြီလ ၂၆ ရက်နေ့မှာ ရခိုင်ပြည်နယ် ဝန်ကြီးချုပ် ဦးညီပု၊ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ဖုန်းတင့်၊ ပြည်နယ်ရဲတပ်ဖွဲ့ ရဲမှူးကြီး ကြည်လင်းတို့နဲ့ ပြည်နယ်အစိုးရအဖွဲ့ရုံးမှာ သီးသန့်တွေ့ဆုံခွင့်ရခဲ့ပါတယ်။

အဲဒီလိုတွေ့ဆုံရာမှာ ဖမ်းဆီးထားသူ ၂၄ ဦးထဲက နှစ်ဦးကို မကြာခင် ရက်ပိုင်းအတွင်း ပြန်လွှတ်ပေးမှာဖြစ်ကြောင်း ပြောဆိုခဲ့ပေမယ့် အခုအချိန် သုံးပတ်လောက်ကြာလာတဲ့အထိ ပြန်လွှတ်ပေးခြင်း မရှိသေးပါဘူး။

ဧပြီလ ၁၀ ရက်နေ့က လက္ကာကျေးရွာအနီးမှာ တပ်မတော်နဲ့ AA အဖွဲ့တို့ တိုက်ပွဲတွေဖြစ်ပွားခဲ့ပြီးနောက် ကျေးရွာအတွင်းမှာရှိနေတဲ့ လူ ၂၇ ဦးကို တပ်မတော်ကဖမ်းဆီးပြီး စစ်တွေတပ်နယ်မှာ စစ်ကြောရေးတွေ လုပ်ဆောင်ခဲ့တာပါ။

တပ်မတော်က ဖမ်းဆီးထားချိန်အတွင်း လူ သုံးဦးသေဆုံးခဲ့ပြီး အဲဒီအထဲက အသက် ၂၅ နှစ်အရွယ် ကိုဇော်မျိုးထွန်းဟာ နှလုံးအမောဖောက်ပြီး သေဆုံးသွားကြောင်း၊ အသက် ၄၀ နှစ်အရွယ် ဦးသိန်းထွန်းစိန်ဟာ ကြိုးဆွဲချ သေဆုံးသွားကြောင်း၊ အသက် ၄၅ နှစ်အရွယ် ဦးမောင်သန်းနုဟာ ယခင်မူးယစ်ဆေးဝါး သုံးစွဲခဲ့တဲ့ဒဏ်ကြောင့် သေဆုံးခဲ့ကြောင်း စသဖြင့် တပ်မတော်က ထုတ်ပြန်ပြော ဆိုထားတာဖြစ်ပါတယ်။

မူယစ်ဆေးဝါးသုံးစွဲတာကြောင့် သေဆုံးသွားတယ်ဆိုတဲ့ ဦးမောင်သင်းနု ဟာ ဆေးလိပ်၊ ကွမ်းယာ၊ အရက်တောင်မသောက်တဲ့သူဖြစ်တာကြောင့် တပ်မတော်ရဲ့ ထုတ်ပြန်ချက်ကို နားမလည်အောင်ဖြစ်ရကြောင်း သေဆုံးသူတွေရဲ့ မိသားစုဝင်တွေက ပြောဆိုထားပါတယ်။

ဖမ်းဆီးထားသူတွေကို မနေ့က ရုံးထုတ် ရမန်ယူပြီးနောက် မေလ ၃၁ ရက်နေ့ကို နောက်တစ်ကြိမ် ရုံးချိန်း ထပ်မံချိန်းဆိုလိုက်ပါတယ်။

RFA Burmese
https://www.rfa.org

အာရှအလင်းရောင်ဆရာတော် တောင်ဒဂုံအစ္စလာမ်ဘာသာဝင်တွေကို နှစ်သိမ့်အားပေး

သတင်းဓါတ်ပုံ - Nang Phyu Phyu Linn
ရန်ကုန် ဒဂုံမြို့သစ်တောင်ပိုင်း အစ္စလာမ်ဘာသာဝင်တွေရဲ့ ရမ္မဒန် ဥပုဒ် ကာလအတွင်း တရားဝင်သတ်မှတ်ထားတဲ့ ဝတ်ပြုဆုတောင်းတဲ့ နေရာတခုကို လူအင်အား ၁၀၀ ကျော်လောက်က မေလ ၁၅ရက်က ဝင်ရောက်တားဆီးခဲ့တဲ့အတွက် ယာယီ ဝတ်ပြုမိန့် ပိတ်ထားရာကနေ ဒီကနေ့ မနက်ပိုင်းကစပီး ဝတ်ပြုခွင့်ပြုလိုက်ပါပီ။ အာရှအလင်းရောင်ဆရာတော်အပါအဝင် ဘာသာပေါင်းစုံ ချစ်ကြည်ရေးနဲ့ ငြိမ်းချမ်းရေး လိုလားသူတွေက အစ္စလာမ်ဘာသာဝင်တွေ ဝတ်ပြုရာနေရာတွေကို သွားရောက်အားပေးပြီး အမုန်းတရား ကင်းစင်ရေး အဖြူရောင်လှုပ်ရှားမှုတွေကို ပြုလုပ်ခဲ့ကြပါတယ်။ အပြည့်အစုံကိုတော့ ကိုကောင်းစံဟိန်းကပြောပြပေးမှာပါ။

ဒဂုံမြို့သစ်တောင်ပိုင်း ၂၆ ရပ်ကွက်မှာ ရန်ကုန်တိုင်းဒေသကြီး အစိုးရခွင့်ပြုထားတဲ့ အစ္စလာမ်ဘာသာဝင်တွေရဲ့ ဝတ်ပြုဆုတောင်းရာနေရာကို ရဟန်းတချို့နဲ့ လူအယောက် ၁၀၀ ကျော်လောက်က မေလ ၁၅ရက် ညပိုင်းမှာ အကြမ်းဖက်အင်အားသုံး ပိတ်ပင်တားဆီးခဲ့တာကြောင့် မြို့နယ်အာဏာပိုင်တွေက ဒီဝတ်ပြုတဲ့နေရာကို ယာယီပိတ်ထားခဲ့ရပါတယ်။ ဒီကနေ့မနက်ပိုင်းကစပီး ၃နေရာလုံးမှာ ဝတ်ပြုမိန့် ခွင့်ပြုလိုက်ပြီလို့ ဘာသာပေါင်းစုံ ငြိမ်းချမ်းမေတ္တာ အဖွဲ့မှ အစ္စလာမ် ကိုယ်စားလှယ် ဦးအေးလွင်က အခုလို ပြောပါတယ်။

"ဗလီတစ်လုံးဆိုရင် ခရိုင်အုပ်ချုပ်ရေးမှူးကိုယ်တိုင် ခွင့်ပေးပါတယ်။ ဒီနေ့ သောကြာနေ့အထူး ဝတ်ပြုဖို့ရှိတာပေါ့နော် အဲ့တော့ ကျနော်တို့ သတင်းရချက်အရ ၃ နေရာစလုံးအထူးဝတ်ပြုဖို့ ရသွားပါပီ။"

လူအုပ်စုနဲ့ အင်အားသုံး ပိတ်ပင်ခဲ့တဲ့ တောင်ဒဂုံမြို့နယ်က အစ္စလမ် ယာယီဝတ်ပြုဆောင်များကို မနေ့ညက အာရှအလင်းရောင်ဆရာတော် ကြွရောက်အားပေးကာ ငြိမ်းချမ်းရေးစကားများ ပြောဆိုပြီး ငြိမ်းချမ်းရေး နှင်းဆီဖြူများ ဝေငှပေးခဲ့ပါတယ်။ ဆရာတော် အနေနဲ့ သွားရောက်အားပေးဖြစ်တဲ့ အကြောင်းနဲ့ ပက်သက်ပြီး အခုလို မိန့်ပါတယ်။

"ဘုန်းဘုန်းတတ်နိုင်သလောက် ဗုဒ္ဓဘာသာရဲ့ဂုဏ်သိက္ခာကို မြှင့်တင်တဲ့အနေနဲ့သော်လည်းကောင်း နောက်ပီးတော့ လူသားဆန်တဲ့ သဘောတရားကို ပြချင်တဲ့အနေနဲ့၊နောက်တစ်ခု သူတို့ကို ကိုယ်ချင်းစာတဲ့သဘောတရား ရှိနေတယ်ဆိုတာကိုလည်း သူတို့ကို သိစေချင်တဲ့ သဘောနဲ့ ဘုန်းဘုန်းတို့က သွားပီးတော့ အားပေးတာပါဗျ။"

ဆရာတေ်ာ အခုလို ဖြစ်ရပ်မျိုးတွေ ဆက်ရှိမလာစေဖို့ နိုင်ငံတေ်ာ အစိုးရတင်မက သံဃာ့နာယက ဆရာတေ်ာကြီးတွေကပါ ကြပ်ကြပ်မတ်မတ် ဆောင်ရွက်ဖို့လိုပြီး နိုင်ငံရေးအတွက် ဘာသာရေးကို ခုတုံးလုပ်ခြင်းဟာ နိုင်ငံတကာမှာ အရှက်သိက္ခာမဲ့စေတယ်ဆိုပီး မိန့်ပါတယ်။

"ကိုယ့်ဘာကို နိုင်ငံရေး လုပ်မယ်ဆိုရင် အခြားနည်းလမ်းတွေနဲ့ လုပ်ခွင့်ရှိပါတယ်။ဒီ့ထက်ကောင်းမွန်တဲ့ နည်းတွေနဲ့ ကြိုးစားသွားကြပါလို့ နိုင်ငံရေးကို ဘာသာရေးလုပ်ခြင်းအားဖြင့် ကိုယ့်ဘာသာ ပုံရိပ်ဟာ ကမ္ဘာမှာအရုပ်ဆိုး အကျည်းတန် ဖြစ်နေပါပီဆိုတာလေးကို အဲ့ဒီပုဂ္ဂိုလ်တွေကို ဒီကနေအသိပေးချင်ပါတယ်။"

ဒီကနေ့မှာလည်း ငြိမ်းချမ်းရေး လိုလားတဲ့ လူငယ်တွေက ရန်ကုန်မြို့ ဇဖါရ်ှရှား ဗလီမှာ အမုန်းတရား ရပ်တန့်ရေး လှုပ်ရှားမှုတရပ်အနေနဲ့ အဖြူရောင်နှင်းဆီပန်းတွေ ဝေမျှခဲ့ကြပါတယ်။

ဒဂုံမြို့သစ် တောင်ပိုင်းမှာ အစ္စလာမ်ဘာသာဝင် ၁၆,၀၀၀ ကျော်ရှိပြီး အခုနှစ် ရာမ္မဒန်ဥပုဒ်လအတွက် ဝတ်ပြုဆုတောင်းဖို့နေရာ ၁၅နေရာ ခွင့်ပြုဖို့ အာဏာပိုင်တွေကို တောင်းခံခဲ့ရာမှာ ၃နေရာပဲ ရန်ကုန်တိုင်းအစိုးရ ခွင့်ပြူပေးထားတယ်လို့ အစ္စလာမ်အသိုင်းအဝိုင်းခေါင်းဆောင်တွေက ဗွီအိုအေကိုပြောပါတယ် ခင်ဗျား။

ကောင်းစံဟိန်း/ ဗွီအိုအေ (မြန်မာပိုင်း)
https://burmese.voanews.com

ဘင်္ဂလားဒေ့ရ်ှရောက် ရိုဟင်ဂျာဒုက္ခသည်တွေအနက် ၂ သိန်းခွဲကို ကုလအသိအမှတ်ပြုကပ်ပြားထုတ်ပေးပြီ

ရိုဟင်ဂျာ မိသားစုတစု
ဘင်္ဂလားဒေ့ရ်ှနိုင်ငံမှာ ရောက်နေတဲ့ ရိုဟင်ဂျာဒုက္ခသည်တွေထဲက ၂ သိန်း ခွဲလောက်ကို ပထမဆုံးအကြိမ်အဖြစ် ကုလသမဂ္ဂက အထောက်အထား ကဒ်ပြားတွေ ထုတ်ပေးလိုက်ပါတယ်။

တချိန်ကျရင် မြန်မာနိုင်ငံကို ကိုယ့်သဘောဆန္ဒအရ ပြန်ကြတဲ့အခါ ဒုက္ခသည်တွေရဲ့ အခွင့်အရေးတွေကို အကာအကွယ်ပေးနိုင်ဖို့ လူသားချင်းစာနာမှု အဖွဲ့အစည်းတွေ၊ အာဏာပိုင်တွေ အနေနဲ့ လိုအပ်တဲ့ အချက်အလက်တွေ ရနိုင်ဖို့ ၂၀၁၈ ဇွန်လကတည်းက စာရင်းကောက်ယူတဲ့ အစီအစဉ်ကို စတင်ခဲ့ကြောင်းလည်း ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံး (UNHCR) က ဒီကနေ့ပဲ ကြေညာချက်ထုတ်ပြန် ပြောဆိုလိုက်တာပါ။

အသက် ၁၂ နှစ်အထက် ဒုက္ခသည်တွေကို ထုတ်ပေးတဲ့ အထောက်အထား ကဒ်ပြားတွေမှာတော့ အမည်၊ မိသားစု၊ လက်ဗွေ၊ မျက်စေ့သူငယ်အိမ်မှတ်တမ်း စတဲ့ အချက်အလက်တွေ ပါဝင်ပါတယ်။

UNHCR ကြေညာချက်မှာတော့ ဘင်္ဂလားဒေ့ရ်ှနိုင်ငံ Cox’s Bazar မှာ ရိုဟင်ဂျာ ဒုက္ခသည် ၉ သိန်းကျော် ရှိနေပြီး ဒီအထဲက ၇၄၁,၀၀၀ ဟာ ၂၀၁၇ သြဂုတ်လနောက်ပိုင်း မြန်မာနိုင်ငံက ထွက်ပြေးလာသူတွေ ဖြစ်ကြောင်းလည်း ဖော်ပြထားပါတယ်။

၂၀၁၇ သြဂုတ်လတုန်းက ရခိုင်ပြည်နယ် မြောက်ပိုင်းမှာရှိတဲ့ ရဲကင်းစခန်းတွေကို စီးနင်းတိုက်ခိုက်ခဲ့တဲ့ ARSA ရိုဟင်ဂျာ အစွန်းရောက်အဖွဲ့ကို မြန်မာလုံခြုံရေးတပ်ဖွဲ့တွေ လိုက်လံရှင်းလင်းတဲ့ စစ်ဆင်ရေးတွေရဲ့ နောက်ဆက်တွဲအဖြစ် သိန်းနဲ့ချီတဲ့ ဒုက္ခသည်တွေ ဘင်္ဂလားဒေ့ရှ် နိုင်ငံကို ထွက်ပြေးခိုလှုံခဲ့ကြတာပါ။

မြန်မာအစိုးရကတော့ ရိုဟင်ဂျာဆိုတဲ့ အမည်ကို တရားဝင် အသိအမှတ်ပြု လက်ခံမထားပေမဲ့ ဒုက္ခသည်တွေကို စိစစ်ပြီး ပြန်လည် လက်ခံမှာဖြစ်ကြောင်း ပြောဆိုထားပါတယ်။

ဒုက္ခသည်တွေ ပြန်လည်လက်ခံဖို့အတွက် UNHCR ဘင်္ဂလားဒေ့ရှ် နိုင်ငံတို့နဲ့လည်း သီးခြားလက်မှတ်ရေးထိုး သဘောတူထားပေမယ့် လက်တွေ့ အစီအစဉ်တွေကတော့ အခုအထိ အကောင်အထည် မဖော်နိုင်ပဲ ဖြစ်နေပါတယ်။

ဗွီအိုအေ (မြန်မာပိုင်း)
https://burmese.voanews.com

ရှမ်းပြည် မူဆယ်မြို့ တရုတ်-မြန်မာနယ်စပ်ဂိတ်မှာ ရုန်းရင်းဆန်ခတ်ဖြစ်ပွား

တရုတ်- မြန်မာ နယ်စပ်ဂိတ်ကို ၂ဝ၁၉ ခုနှစ် မေလ ၁၇ ရက်နေ့က တွေ့ရစဉ် /Photo: Ye Htet/RFA
မြန်မာနိုင်ငံဘက်ကနေ တရုတ်နိုင်ငံထဲကို ဝင်ရောက်သွားလာကြတဲ့ ကုန်သည်တွေ တရုတ်နိုင်ငံထဲဝင် ရောက်ချိန်ကို ကန့်သတ်လိုက်တဲ့အတွက် နယ်စပ်ဂိတ်မှာပိတ်ဆို့မှုတွေ ဖြစ်ပေါ်ခဲ့ပြီး ဒီကနေ့မနက်ပိုင်းမှာ တရုတ်လုံခြုံရေးရဲတွေနဲ့ မြန်မာကုန်သည်တချို့တို့ ရုန်းရင်းဆန်ခတ် ဖြစ်ပွားခဲ့ပါတယ်။

ဒီနေ့ မနက်စောစောက မြန်မာဘက်ခြမ်းမှာရှိတဲ့ ဆင်ဖြူဂိတ်မှာ ကားပိတ်ဆို့နေပြီး ဒီလိုပိတ်ဆို့နေချိန်မှာ တရုတ် အာဏာပိုင်တွေနဲ့ မြန်မာတချို့တို့ ရုန်းရင်းဆန်ခတ်ဖြစ်ခဲ့ပွားပါတယ်။

မူဆယ်နဲ့နယ်ချင်းကပ်လျက်ဖြစ်တဲ့ ဆင်ဖြူ၊ နန်းတော်၊ မန်ဝိန်း စတဲ့ နယ်စပ်ဂိတ်တွေရှိရာမှာ ဆင်ဖြူနဲ့ နန်းတော်ဂိတ်အ၀င်အထွက်တွေကို အရင်က မြန်မာစံတော်ချိန် ည ၁၀ နာရီခွဲ၊ တရုတ်ချိန် ည ၁၂ နာရီအထိ ၀င်ထွက်သွားလာလို့ရပေမယ့် မေလ ၁၅ ရက်နေ့ကစပြီး မြန်မာချိန် ည ၈ နာရီတရုတ်ချိန် ည ၉ နာရီခွဲအထိသာ တရုတ်နိုင်ငံဘက်က ဝင်ရောက်ခွင့်တွေ ကန့်သတ်လိုက်ပါတယ်။

မန်ဝိန်းဂိတ်မှာ ကုန်တင်ကားတွေနဲ့ သုံးဘီးကားတွေသာ ၀င်ထွက်သွားလာနိုင်ပြီးအဲဒီဂိတ်ကတော့ မြန်မာစံတော်ချိန် ည ၁၀ နာရီအထိ ၀င်ထွက်နိုင်ပါတယ်။ နန်းတော်ဂိတ်ကလူတွေပဲသီးသန့် ၀င်ထွက်နိုင်ပြီး ဆင်ဖြူနယ်စပ်ဂိတ်ကတော့ ကားလေး၊ ဆိုင်ကယ်နဲ့ လူတွေတန်းစီဝင်ထွက်သွားလာနေတဲ့ ဂိတ်တွေဖြစ်ပါတယ်။

တရုတ်-မြန်မာနယ်စပ်ကုန်သွယ်ရေးဟာ မြန်မာနိုင်ငံအတွက် အကြီးဆုံးနယ်စပ်ကုန်သွယ်ရေးဖြစ်သလို မြန်မာနိုင်ငံသူ၊ နိုင်ငံသားတွေ တရုတ်နိုင်ငံထဲကို နေ့စဉ်ဝင်ရောက် လုပ်ကိုင်နေတဲ့သူတွေ အများအပြားရှိပါတယ်။

ဒီသတင်းကို RFA သတင်းထောက် ကိုရဲထက် ပေးပို့တာပါ။

RFA Burmese
https://www.rfa.org

တောင်ဒဂုံမှာ အစ္စလာမ်ဘာသာဝင်တွေ ဝတ်ပြုခွင့်ပြန်ရ

ဝတ်ပြုခွင့်ပိတ်ခံထားရတဲ့ တောင်ဒဂုံမြို့နယ်က အစ္စလာမ်ဘာသာရေးဝတ်ပြုဆောင်ကို တွေ့ရစဉ် /Photo: Kyaw Zaw Win/RFA
ဝတ်ပြုခွင့်ပိတ်ခံထားရတဲ့ တောင်ဒဂုံမြို့နယ်က အစ္စလာမ်ဘာသာရေးဝတ်ပြုဆောင် သုံးခုကို မြို့နယ်အထွေထွေ အုပ်ချူပ်ရေးမှူးက ပြန်လည်ဝတ်ပြုခွင့်ပေးခဲ့ပြီး ရဲအင်အား၂၀ ကျော်နဲ့ လုံခြုံရေးပေးထားတယ်လို့ ၁၀၆ ရပ်ကွက်က ယာယီဘာသာရေးဝတ်ပြုဆောင် တာဝန်ခံ ဦးရန်အောင်က ပြောပါတယ်။

ဒီကနေ့နေ့လယ်ပိုင်းက စတင်ဝတ်ပြုခွင့်ကိုပေးခဲ့တာဖြစ်ပြီး မြို့နယ်အထွေထွေအုပ်ချူပ်ရေးမှူးကိုယ်တိုင် ယာယီ ဝတ်ပြုဆောင်တွေ လာရောက်ကြည့်ရှုစစ်ဆေးခဲ့ကြောင်းနဲ့ ပြဿနာဖြစ်စဉ်မှာ အစ္စလာမ်ဘာသာဝင်တွေဖက်က သည်းခံပေးခဲ့တဲ့အတွက် ကျေးဇူးတင်ကြောင်း ပြောခဲ့တယ်လို့ ဝတ်ပြုဆောင်တာဝန်ခံက ပြောပါတယ်။

ဒါ့အပြင် မိုက်ကယ်ကျော်မြင့် ဦးဆောင်တဲ့ အမျိုးသားရေးလှုပ်ရှားသူတွေကို အရေးယူဖို့ ဆောင်ရွက်နေပြီဖြစ်ကြောင်း မြို့နယ်အထွေထွေအုပ်ချူပ်ရေးမှူးက ပြောတယ်လို့ ဦးရန်အောင်က ဆက်ပြောပါတယ်။

ပြီးခဲ့တဲ့မေလ ၁၄ ရက်နေက စတင်ခဲ့တဲ့ တောင်ဒဂုံမြို့နယ်အတွင်းက ၁၀၆ ရပ်ကွက် ၂၆ ရပ်ကွက် ၆၄ ရပ်ကွက်က အစ္စလာမ်ဘာသာရေး ဝတ်ပြုဆောင်တွေကို မိုက်ကယ်ကျော်မြင့် ဦးဆောင်တဲ့ အမျိုးသားရေးလှုပ်ရှားသူတွေက ပိတ်ဖို့ဖိအားပေခဲ့တာဖြစ်ပြီး ဒီကနေ့မှာတော ရဲလုံခြုံရေးတွေနဲ့ ဝတ်ပြုခွင့်ပြန်လည်ရရှိခဲ့ပြီဖြစ်ပါတယ်။

ဒီသတင်းကို RFA သတင်းထောက် ကိုထက်အာကာ ပေးပို့တာပါ။

RFA Burmese
https://www.rfa.org/burmese

အင်အားနဲ့ခြိမ်းခြောက်တဲ့ သမ္မတ Trump တကယ်စစ်တိုက်မလား

အမေရိကန်သမ္မတ က အိမ်ဖြူတော်မြက်ခင်းပြင်မှာ သတင်းထောက်မေးခွန်းကို နားထောင်နေစဉ်။ (မေ ၁၄၊ ၂၀၁၉)
မြောက်ကိုရီးယား၊ ဗင်နီဇွဲလားနဲ့ အီရန်နိုင်ငံတွေအပေါ် အမေရိကန်က တပ်အင်အားသုံးတဲ့ ဗျူဟာအတိုင်း သူ့ရဲ့တခြား ဆန့်ကျင်ဘက် နိုင်ငံတွေအပေါ် ကျင့်သုံးဖို့ သမ္မတ Donald Trump နဲ့ သူ့ရဲ့ အမျိုးသားလုံခြုံရေးအဖွဲ့က အာရုံစိုက်လာတဲ့ သဘောကို တွေ့လာရပါတယ်။ ဒါပေမဲ့လည်း သမ္မတ Trump ရဲ့တခြားနိုင်ငံ ပဋိပက္ခတွေမှာ ကြားဝင်ပတ်သက်မှု မလုပ်လိုတဲ့ အချက်ကြောင့် ဒီလို တပ်အင်အားသုံးမယ့် ခြိမ်းခြောက်မှု တွေကိုသိပ်စိုးရိမ်စရာမရှိဘူးလို့ ဝေဖန်သုံးသပ်သူတွေက ပြောပါတယ်။ VOA သတင်းထောက် Brian Padden ရဲ့ သတင်းလွှာကို မမြသဇင်အောင်က ပြောပြပေးပါမယ်။

သမ္မတ Trump က အမေရိကန်ရဲ့ ဆန့်ကျင်ဘက် နိုင်ငံတွေအရေးနဲ့ ပတ်သက်လာရင် စစ်ရေးအရ ခြိမ်းခြောက်ပြောဆိုလေ့ရှိပါတယ်။ ဒီအပေါ်မှာ The Brookings Institution က Michael O'Hanlon က သူ့အမြင်ကို အခုလိုပြောပါတယ်။

“သမ္မတ Trump ကို ပျော့ပျောင်းတဲ့ သဘောထားရှိသူလို့ မမြင်ရင်တောင် စစ်ကိုမလိုလားတဲ့သူ တယောက်လို့ မြင်ရင်တောင် မဆိုးပါဘူး။ တကယ်က သူက စစ်ကို မလိုလားတဲ့သူပါ။”

သမ္မတ Trump က မြောက်ကိုရီးယားကို အမြဲဒေါသတကြီး ခြိမ်းခြောက်နေတဲ့အပေါ်မှာ သုံးသပ်သူတွေ အမြင်ကတော့ ဒါဟာ မြောက် ကိုရီးယား ခေါင်းဆောင်ကို နြူကလီယားဖျက်သိမ်းရေး ဆွေးနွေးပွဲ စကားဝိုင်းကို ရောက်လာအောင် ခေါ်တဲ့သဘောပဲဖြစ်တယ်လို့ ပြောကြပါတယ်။ ဒါပေမဲ့လည်း အခုလက်ရှိမှာတော့ မြောက်ကိုရီးယားက ပဲ့ထိန်းတပ် ဒုံးကျည်စမ်းသပ်ပစ်လွှတ်တာနဲ့ မြောက်ကိုရီးယားရဲ့ ကုန်တင်သင်္ဘောကို ကျောက်မီးသွေး တင်ပို့မှု ပိတ်ပင်ထားတဲ့ ကုလသမဂ္ဂရဲ့ ဒဏ်ခတ်ပိတ်ဆို့မှုကို ချိုးဖောက်တယ်ဆိုပြီး အမေရိကန်က ဖမ်းဆီးထိန်းသိမ်းထားတာတွေကြောင့် အမေရိကန်နဲ့ မြောက်ကိုရီးယားကြား ဆွေးနွေးမှုတွေမှာ သဘောတူညီချက်တစုံတရာမရဘဲ ရပ်ဆိုင်းနေပါတယ်။

အီရန်အပေါ် စစ်ရေးအရ ခြိမ်းခြောက်မှုတွေဟာလည်း တကယ်က အီရန်ရဲ့ နြူကလီယားနဲ့ ပတ်သက်တဲ့ စ်ိတ်အားထက်သန်နေတာတွေကို အဆုံးသတ်စေချင်တာဖြစ်သလို ဗင်နီဇွဲလားကို စစ်တပ်စေလွှတ်တာဟာလည်းအာဏာရှင် ဗင်နီဇွဲလားသမ္မတ Nicolas Maduro ကို ဖြုတ်ချလိုရင်းအတွက် ဖိအားပေးတာလို့ ယူဆနိုင်ပါတယ်။ အီရန်ကိုတားဆီးဖို့ အမေရိကန်က ရေတပ်တိုက်ခိုက်ရေးအဖွဲ့ကို မြေထဲပင်လယ်ထဲကို စေလွှတ်ခဲ့ပါတယ်။ ပင်တဂွန်စစ်ဌာနချုပ်က အရှေ့အလယ်ပိုင်းဒေသကို တပ်အင်အားတသိန်း နှစ်သောင်း စေလွှတ်ဖို့ပြင်ဆင်နေတဲ့ သတင်းတွေအပေါ် ငြင်းဆိုနေတဲ့ကြားမှာပဲ သမ္မတ Trump ရဲ့တပ်အင်အားပြ ခြိမ်းခြောက်လိုတဲ့သဘောကို တွေ့ရပါတယ်။

“ကျနော်- တပ်တွေလွှတ်မလား။ လွှတ်မှာပေါ့။ အစီအစဉ်တွေတော့ မလုပ်ရသေးဘူး။ လုပ်ချင်မှလည်းလုပ်မယ်။ လွှတ်ရင်တော့ ဒီထက်ပို များလိမ့်မယ်။”

သမ္မတ Trump က ပဋိပက္ခ ကြီးကြီးမားမားတွေမှာ ပါဝင်ပတ်သက်လိုတဲ့ သဘောမရှိပေမဲ့ သူ့ရဲ့ ကြမ်းတမ်းတဲ့ အပြောအဆိုတွေကြောင့် သူ့ရဲ့ ခြိမ်းခြောက်မှုတွေကို ဆန့်ကျင်ဘက်နိုင်ငံတွေက အလေးအနက် သဘောထားကြပါတယ်လို့ The Brookings Institution က Michael O'Hanlon က ပြောပါတယ်။

“ကျနော့်အထင် သမ္မတရဲ့ စိတ်နေစိတ်ထား၊ သူခြိမ်းခြောက်တာတွေကို သေချာလေ့လာကြည့် ရင် သူခြိမ်းခြောက်နေသလို လုပ်ဖို့ အခွင့်အလမ်းနည်းတယ်ဆိုတာ မြင်နိုင်ပါတယ်။”

စစ်ရေးအရ ခြိမ်းခြောက်တာ တကယ်တော့ အန္တရာယ်များတဲ့ ကစားနည်းတခုပါ။ ဒါက အန္တရာယ်များသလို အတွက်အချက်မှားသွားရင် ကမ္ဘာရန် ဖြစ်သွားနိုင်ပါတယ်။ စစ်မက်ဖြစ်နိုင်ချေကို သိရက်နဲ့ အန္တရာယ် ခံတွင်းဝ အထိတိုးဝင်စွန့်စားလိုတဲ့ သမ္မတ Trump ရဲ့ မူဝါဒကို ထောက်ခံသူတွေရှိသလို ဒီလိုဖိအားတွေက တကယ်တော့ ပိုပြီးဆိုးဝါးတဲ့ အကျိုးဆက်တွေဖြစ်လာနိုင်တယ်လို့ သုံးသပ်သူတွေက ရှုမင်ကြပါတယ်ရှင်။

 မြသဇင်အောင်/ ဗွီအိုအေ (မြန်မာပိုင်း)
https://burmese.voanews.com

လိင်တူစုံမက်သူတွေ တရားဝင်လက်ထပ်ခွင့်ပြုတဲ့ ဥပဒေကြမ်း ထိုင်ဝမ်လွှတ်တော် အတည်ပြု

ထိုင်ဝမ်မှာ လိင်တူချစ်သူတွေကို တရားဝင်လက်ထပ်ခွင့်ပြုလိုက်တဲ့ ဥပဒေအရ လက်ထပ်ဖို့ စီစဉ်နေကြတဲ့ Yang Hsun (ဝဲ) နဲ့ Hsu Pei-chieh
လိင်တူစုံမက်သူတွေ တရားဝင် လက်ထပ်ခွင့်ပြုတဲ့ ဥပဒေကြမ်းကို ထိုင်ဝမ်လွှတ်တော်က အတည်ပြုလိုက်ပါတယ်။ လိင်တူချစ်သူတွေကို တရားဝင်လက်ထပ်ခွင့်ပြုသလို လက်ထပ်ထားကြောင်း အစိုးရဌာနတွေမှာ တရားဝင်မှတ်ပုံတင်ခွင့်ပြုတဲ့ ဥပဒေကို လွှတ်တော်မှာ မဲအများစုနဲ့ ထောက်ခံခဲ့ကြတာဖြစ်ပါတယ်။

ဒါကြောင့် ထိုင်ဝမ်ဟာ လိင်တူလက်ထပ်သူတွေကို တရားဝင်အသိအမှတ်ပြုတဲ့ ပထမဆုံး အာရှနိုင်ငံ ဖြစ်လာပါတယ်။ အမျိုးသမီး၊ အမျိုးသားစုံတွဲတွေနည်းတူ လက်ထပ်တဲ့ အခွင့်အရေးရဖို့ ဟိုးအရင် နှစ်နဲ့ချီထဲက စည်းရုံးလှုပ်ရှားလာကြတဲ့ LGBT လိင်တူချစ်သူတွေအတွက် အကြီးအကျယ် အနိုင်ရမှုလည်း ဖြစ်ပါတယ်။

လိင်တူလက်ထပ်မှုကို အပြည့်အဝ တရားဝင်အသိအမှတ်ပြုမယ့်အစား အကန့်အသတ်နဲ့လက်ခံဖို့ ဥပဒေကြမ်းကို Conservative တွေဖက်က အတည်ပြုနိုင်ဖို့ ကြိုးစားခဲ့ပေမဲ့လည်း မအောင်မြင်ခဲ့ပါဘူး။

ဒီကနေ့ကျရောက်တဲ့ လိင်တူစုံမက်သူတွေအပေါ် မနှစ်မြို့မှုဆန့်ကျင်ရေး နိုင်ငံတကာနေ့မှာ ဥပဒေကြမ်းကို ထိုင်ဝမ်လွှတ်တော်မှာ မဲခွဲဆုံးဖြတ်တာမှာ မိုးတွေ အကြီးအကျယ်ရွာနေတဲ့ကြားထဲက LGBT အခွင့်အရေးလှုပ်ရှားသူ ထောင်နဲ့ချီ လွှတ်တော်အဆောက်အဦးအပြင်မှာ လာရောက် စုဝေးခဲ့ကြပါတယ်။

လွှတ်တော်က အတည်ပြုလိုက်တဲ့ဥပဒေမှာ ထိုင်ဝမ်နိုင်ငံသား လိင်တူစုံမက်သူအချင်းချင်း ဒါမှမဟုတ် လိင်တူချင်းလက်ထပ်တာကို တရားဝင်ခွင့်ပြုတဲ့ နိုင်ငံခြားသားနဲ့မှ လက်ထပ်နိုင်မှာဖြစ်ပါတယ်။

ကလေးမွေးစားမယ်ဆိုလည်း လက်ထပ်သူ ၂ ယောက်ထဲက တယောက်နဲ့ သွေးသားတော်စပ်သူမျိုးကိုပဲ မွေးစားခွင့်ရှိပါတယ်။ မေလ ၂၄ ရက်နေ့ကစပြီး လိင်တူလက်ထပ်သူတွေ အစိုးရဆီမှာ တရားဝင်မှတ်ပုံတင်နိုင်ခွင့်ရှိသွားတဲ့အတွက် ဒါဟာသမိုင်းစာမျက်နှာသစ်ကို ဖွင့်နိုင်ခဲ့တာဖြစ်တယ်လို့ LGBT အခွင့်အရေး လှုပ်ရှားသူတွေက ပြောနေကြပါတယ်။

ဗွီအိုအေ (မြန်မာပိုင်း)
https://burmese.voanews.com

ဒေါင်းတို့မျိုးဆက်သံချပ်အဖွဲ့ဝင်တွေ ရုံးထုတ်

တပ်မတော်ကပုဒ်မ ၅၀၅ (က)နဲ့ တရားစွဲတာခံထားရတဲ့ ဒေါင်းတို့မျိုးဆက်သံချပ်အဖွဲ့ ရုံးထုတ်မှာ တပ်မတော်၏ တရားစွဲဆိုမှုများ ရုပ်သိမ်းပေးပါ စာတန်းပါ အပြာရောင်အင်္ကျီဝတ်ပြီး လှုပ်ရှားမှုကို ၂ဝ၁၉ ခုနှစ် မေလ ၁၇ ရက်နေ့က တွေ့ရစဉ် /Photo: Aung Thain Kha/RFA
တပ်မတော်ကပုဒ်မ ၅၀၅ (က)နဲ့ တရားစွဲတာခံထားရတဲ့ ဒေါင်းတို့မျိုးဆက်သံချပ်အဖွဲ့ဝင်တွေထဲက မဆုရတနာမြင့်နဲ့ ကိုငြိမ်းချမ်းစိုး(ခ)ချစ်ယုံတို့ကို ဒီကနေ့ ဗိုလ်တထောင်မြို့နယ် တရားရုံးမှာ ပထမဆုံးရုံးထုတ်ခဲ့ပြီး အာမခံလျှောက်ထားတာကို အာမခံမပေးဘဲ ချုပ်မိန့်နဲ့ အင်းစိန်အကျဉ်းထောင်ကို ဒီနေ့ ပို့လိုက်ပြီဖြစ်ပါတယ်။

ရန်ကုန်တိုင်းစစ်ဌာနချုပ်က ဒုတိယဗိုလ်မှူးကြီး မျိုးမင်းဦးက တရားလိုပြုလုပ်ပြီး ဒေါင်းတို့မျိုးဆက် သံချပ်အဖွဲ့ဝင် ခုနှစ်ဦးကိုပုဒ်မ ၅၀၅ (က)နဲ့ ဗိုလ်တထောင်မြို့နယ် တရားရုံးမှာ တရားစွဲဆိုထားတာ ဖြစ်ပါတယ်။

တရားလိုဖြစ်တဲ့ ဒုတိယဗိုလ်မှူးကြီး မျိုးမင်းဦးက ဒေါင်းတို့မျိုးဆက်အဖွဲ့ဝင် ငါးဦးဟာ အင်းစိန်အကျဉ်းထောင်မှာ ဖမ်းဆီးခံထားရတယ်ဆိုတာကို မသိရှိတဲ့အကြောင်း သူတို့ကိုချုပ်ထားရာနေရာ မသိတဲ့အတွက် ဒီနေ့ ရုံးထွက်ခွင့်မရပဲ မေလ ၂၀ ရက်နေ့နောက်ပိုင်း ရုံးချိန်းတွေမှသာ စတင်စစ်ဆေးနိုင်မယ်လို့ စွပ်စွဲခံရသူတွေဖက်က ဆောင်ရွက်ပေးနေတဲ့ တရားလွှတ်တော် ရှေ့နေ ဒေါ်စမ်းစမ်းမြင့်က ပြောပါတယ်။

ဒေါင်းတို့မျိုးဆက်သံချပ်အဖွဲ့ကို လာမယ့်မေလ ၂၀ ရက်နေ့မှာ ဗိုလ်တထောင်မြို့နယ် တရားရုံးမှာ ရုံးထုတ်မှာဖြစ်ပါတယ်။ တပ်မတော်က ပုဒ်မ ၅၀၅ (က)နဲ့ တရားစွဲဆိုခံနေရတဲ့ ဒေါင်းတို့မျိုးဆက်သံချပ်အဖွဲ့ အပါအဝင် ဦးနေမျိုးဇင် ဒါရိုက်တာ မင်းထင်ကိုကိုကြီးနဲ့ မန္တလေးမြို့က ဆရာတော်ဥူးသောဘိတ စတဲ့ရုံးချိန်းတွေမှာ အပြာရောင်လှုပ်ရှားမှုတွေ ပြုလုပ်သွားမှာဖြစ်ပါတယ်။

ဒီသတင်းကို RFA သတင်းထောက် ကိုအောင်သိင်္ခ ပေးပို့တာပါ။

RFA Burmese
https://www.rfa.org/burmese

ဖုယွင်သပိတ်ကူညီသူတွေကို အမိန့်ချမှတ်

ဖုယွင်သပိတ်ကူညီသူတွေကို ၂ဝ၁၉ ခုနှစ် မေလ ၁၇ ရက်နေ့က ကျောက်တံတားမြို့နယ် တရားရုံးရှေ့မှာ တွေ့ရစဉ် / Photo: Aung Thain Kha/RFA

ရက်ပေါင်း ၇၀ ကျော်ကြာမြင့်ခဲ့တဲ့ ဒဂုံမြို့သစ်ဆိပ်ကမ်းမြို့နယ်က ဖုယွင်အထည်ချုပ်စက်ရုံ အလုပ်သမားသပိတ်ဟာ ပြေလည်မှု ရရှိပြီးသွားပေမယ့် သိပိတ်ဖြစ်မြောက်ရေးအတွက် ကူညီပံ့ပိုးခဲ့ကြတဲ့ နိုင်ငံရေးတက်ကြွလှုပ်ရှားသူ သုံးဦးကို ဒီနေ့ ကျောက်တံတားမြို့နယ် တရားရုံးက ထောင်ဒဏ် ၁၅ ရက် စီချမှတ်လိုက်ပါတယ်။

ပြီးခဲ့တဲ့နှစ် အောက်တိုဘာလက ဖုယွင်သပိတ်နဲ့ ပတ်သက်ပြီး ကျောက်တံတားမြို့နယ် မဟာဗန္ဓုလပန်းခြံအနီးမှာ ပြုလုပ်တဲ့ ဆန္ဒပြပွဲကြောင့် ငြိမ်းစုစီပုဒ်မ ၂၀ နဲ့ မြို့နယ်တရားရုံးက ထောင်ဒဏ် ၁၅ ရက် သို့မဟုတ် ငွေဒဏ် နှစ်သောင်းကျခံဖို့ ပြောချိန်မှာ ဦးအောင်မြင့်ကတော့ ထောင်ဒဏ် ၁၅ ရက်ကိုရွေးချယ်ခဲ့ပြီး အဓ္ဓမဝါဒီဆန့်ကျင်ရေးက ဦးမြတ်ကျော် အပါအဝင် နှစ်ဦးကတော့ ငွေဒဏ် နှစ်သောင်းကျပ် ဆောင်ခဲ့ကြပါတယ်။

ထောင်ဒဏ် ၁၅ ရက်ကိုရွေးချယ်ရတာဟာ မြန်မာနိုင်ငံမှာ ၂၀၀၈ ဖွဲ့စည်းပုံအခြေခံဥပဒေအောက်မှာ တရားစီရင်ရေးဟာလည်း တရားမျှတမှု မရှိတဲ့အတွက် ငွေဒဏ်ကိုမရွေးဘဲ ထောင်ဒဏ်ကိုရွေးခဲ့တာ ဖြစ်တယ်လို့ ဘိုကလေး ဦးအောင်မြင့်က ဒီနေ့ အမိန့်ချအပြီးမှာ ပြောခဲ့ပါတယ်။

ပြီးခဲ့တဲ့နှစ် စက်တင်ဘာလတည်းက အထည်ချုပ်စက်ရုံ အလုပ်သမားတွေဟာ အလုပ်သမားအခွင့်အရေးရရှိဖို့ သပိတ်စခန်းဖွင့် ဆန္ဒထုတ်ဖော်ခဲ့ကြပြီး အောက်တိုလမှာ ပြေလည်မှုရပြီး အလုပ်သမားတွေ အလုပ်ပြန်ဆင်းခွင့် ရနေကြပြီ ဖြစ်ပါတယ်။

ဒီသတင်းကို RFA သတင်းထောက် ကိုအောင်သိင်္ခ ပေးပို့တာပါ။

RFA Burmese
https://www.rfa.org/burmese

ကလေးတွေဓာတ်ပုံ ဆိုရှယ်မီဒီယာ တင်သင့်မတင်သင့် တရုတ်နဲ့ ဗီယက်နမ်မှာ သဘောထားကွဲ


ဗီယက်နမ်မှာ ကလေးတွေ လိင်အနိုင်ကျင့်ခံရတာကို အသိပညာပေးဖို့ လုပ်တဲ့အခါမှာ ကလေးမော်ဒယ်လ်တွေသုံးလို့ အငြင်းပွားစရာ ဖြစ်ခဲ့ပါတယ်။ တရုတ်မှာတော့ မိဘတွေက ကလေးတွေ ဓာတ်ပုံတွေ ဆိုရှယ်မီဒီယာတွေမှာ တင်တာများလွန်းတယ်ဆိုတာ ၁၁ သမီးကလေး တစ်ယောက်က စဆွေးနွေးလိုက်တာနဲ့ ပတ်သက်ပြီး ပြင်းပြင်းထန်ထန် အငြင်းအခုံ ဖြစ်နေကြပါတယ်။

ကျွန်မကတော့ ဘီဘီစီအရှေ့အာရှရေးရာ ဌာနက အမျိုးသမီးရေးရာ အယ်ဒီတာ လာရာ အိုဝင် ဖြစ်ပါတယ်။

ကျွန်မတို့ အရှေ့အာရှဌာနက ဘာသာစကား ခြောက်ခုမှာ အမျိုးသမီးတွေကြား စိတ်ဝင်တစားပြောနေကြတဲ့ အကြောင်းတွေကို ပြောဖြစ်ကြပါတယ်။

ဒီတစ်ပတ်မှာတော့ လူတွေရဲ့ အမူအကျင့်တွေပြောင်းဖို့ ပညာပေးတွေလုပ်ဖို့ ကလေးတွေရဲ့ ပုံတွေကို သုံးတာ မှန်တဲ့နည်းလမ်းဟုတ်မဟုတ်ဆိုတာနဲ့ ကလေးတွေအကြောင်း အပြိုင်အဆိုင် အွန်လိုင်းမှာ တင်ကြတာတွေအကြောင်း ပြောဖြစ်ကြပါတယ်။

ဗီယက်နမ်မှာ မိန်းကလေးတွေ လိင်အနိုင်ကျင့်ခံရတာကို ကာကွယ်ဖို့ အသိပညာပေး မြှင့်တင်ဖို့ လုပ်တဲ့ ဆိုရှယ်မီဒီယာ ကမ်ပိန်းတစ်ခုနဲ့ ပတ်သက်ပြီး အငြင်းပွားစရာ ဖြစ်နေပါတယ်။

'ကိုယ်ဝန်ဆောင်ကလေးများ' လို့ နာမည်ပေးထားတဲ့ ဓာတ်ပုံ ပရောဂျက်တစ်ခုနဲ့ ပတ်သက်ပြီး အငြင်းပွားနေကြတာ ဖြစ်ပါတယ်။ အဲဒီမှာ အသက် ၈ နှစ်လောက်ပဲ ရှိသေးတဲ့ မိန်းကလေးတွေကို လိင် အနိုင်ကျင့်ခံရတဲ့ ကလေးတွေ အဖြစ် သရုပ်ဆောင်ခိုင်းပြီး ကလေးတွေကို ကိုယ်ဝန်ဆောင်တွေလို ဝတ်စားခိုင်းထားလို့ ဖြစ်ပါတယ်။


အဲဒီဓာတ်ပုံတွေမှာ ကလေးတွေ မျက်နှာတွေကို သေချာ ထင်ထင်ရှားရှား မြင်ရပါတယ်။ မိန်းကလေးတွေက သူတို့ ဗိုက်ဖောင်းဖောင်းလေးတွေကို ကိုင်ထားကြလို့ပေါ့။ တချို့ဓာတ်ပုံတွေမှာတော့ သူတို့က ကြောက်ကြောက်ရွံ့ရွံ့လေးတွေပေါ့။ ဘယ်သူမှန်းမသိတဲ့လူတစ်ယောက်က သူတို့ကို သကြားလုံးပေးနေတဲ့ ပုံ၊ သူတို့ပါးစပ်ကို ပိတ်ထားခံရပုံ နဲ့ သူတို့ ပုခုံးကို လှမ်းဆွဲထားတဲ့ပုံ တွေကို တွေ့ရပါတယ်။

အဲဒီပညာပေးလှုပ်ရှားမှုကို အမျိုးသမီး ဓာတ်ပုံဆရာ တစ်ယောက် ဖြစ်တဲ့ ဒါမီယောနဲ့ ရုပ်သံတင်ဆက်သူတွေဖြစ်တဲ့ မင်းထရန် ငုယင် နဲ့ ဖန်ကောင်တို တို့က ဦးဆောင်ခဲ့တာဖြစ်ပါတယ်။ သူတို့က ကလေးတွေကို တင်ဆက်မှုအနုပညာနဲ့ သရုပ်ဆောင်ပညာတွေ သင်ကြားပေးနေတဲ့ ရှိုင်းအကယ်ဒမီနဲ့ ပူးပေါင်းလုပ်ဆောင်ခဲ့တာ ဖြစ်ပါတယ်။

ကလေးတွေဟာ ယဉ်ကျေးမှုအဆင့်မြင့်ပြီး နွေးထွေးတဲ့ လူ့အသိုင်းအဝိုင်းမှာ နေထိုင်နိုင်ဖို့လိုတယ်။ ဒီပရောဂျက်က ကြည့်ရှုသူတွေကို တွေးစရာတွေ လေးလေးနက်နက် ချန်ထားပေးနိုင်မယ်။ အဲလို ချန်ထားနိုင်ခြင်းအားဖြင့် အနိုင်ကျင့်ခံရတဲ့ ကလေးတွေရဲ့ နာကျင်မှုကို လူတိုင်းက နားလည်နိုင်မယ်လို့ ကျွန်မ မျှော်လင့်ခဲ့တယ်လို့ ဓာတ်ပုံဆရာမ ဒါမိယောက သူ့ရဲ့ လူမူကွန်ရက်စာမျက်နှာမှာ ရေးခဲ့ပါတယ်။

ဓာတ်ပုံတွေကို - "မိန်းကလေးတွေ လိင်အနိုင်ကျင့်ခံရတဲ့ ပျမ်းမျှ အသက်ဟာ ၉ နှစ်ပါ" လို့ ပုံစာရေးထားပါတယ်။

ကုလသမဂ္ဂ ကလေးများ ရန်ပုံငွေ အဖွဲ့က ၂၀၁၈ မှာ ထုတ်ခဲ့တဲ့ ထုတ်ပြန်ချက်ကို ကြည့်ရအောင်ပါ။ အဲဒီမှာ ဗီယက်နမ်မှာ ၂၀၁၄ ကနေ ၂၀၁၆ ကြား လိင်အလွဲသုံး အနိုင်ကျင့်ခံရတဲ့ အမှု ၅၃၀၀ ကို စိစစ်ကြည့်ခဲ့ပါတယ်။ အဲလို စိစစ်ကြည့်တဲ့အခါ အများစုက မိန်းကလေးငယ်လေးတွေမှာ ဖြစ်ခဲ့တာပါ။

ဒါပေမဲ့ ယူနီဆက် ဗီယက်နမ်ကိုယ်စားလှယ်ကတော့ တကယ့် ဖြစ်တဲ့အရေအတွက်က အဲဒီ ကိန်းဂဏန်းတွေထက် အများကြီးများရမယ်လို့ ဆိုပါတယ်။ အဲဒီထဲကမှ အရေအတွက်နည်းနည်းလေးလောက်ကပဲ ရဲစခန်းတိုင်တာမျိုးဖြစ်လာတာလို့ ဆိုပါတယ်။

ဆိုရှယ်မီဒီယာပေါ်က တုံ့ပြန်မှု
ခုနက ဓာတ်ပုံကမ်ပိန်းက ပုံတွေ ဆိုရှယ်မီဒီယာပေါ်တင်အပြီးမှာ ကွက်ကွက်ကွင်းကွင်း ပြထားတဲ့ ဓာတ်ပုံတွေနဲ့ ပတ်သက်ပြီး ကျယ်ကျယ်လောင်လောင် ဆွေးနွေးစရာ အကြောင်းတစ်ခု ဖြစ်လာပါတယ်။

အဲဒီထဲက တစ်ခုကတော့ ပုဂ္ဂလိက လွတ်လပ်ခွင့်နဲ့ အခု ဓာတ်ပုံကမ်ပိန်းမှာပါခဲ့တဲ့ ကလေးတွေရဲ့ စိတ်ပိုင်းဆိုင်ရာ ထိခိုက်မှုအကြောင်း ဖြစ်ပါတယ်။

ကလေးငယ်ငယ်လေးက ကိုယ်ဝန်ဗိုက်ကို ကိုင်ထားစရာကိုမလိုဘူး။ အဲဒီအကြောင်း ပြောဖို့ တခြားနည်းလမ်းတွေ အများကြီးရှိတယ်လို့ တစ်ယောက်က မှတ်ချက်ပေးပါတယ်။

နောက်တစ်ယောက်ကတော့ - ဘာလို့ အဲဒီထဲက လူကြီးမျက်နှာကျ ဖျောက်ထားပြီး ကလေးမျက်နှာပဲ ပြတာလဲ။ သူတို့က လူတွေ လန့်ဖြန့် အာရုံစိုက်ခံရတာပဲ လိုချင်တာပါလို့ ရေးပါတယ်။

ဒါပေမဲ့ အဲဒီ ကမ်ပိန်းကို ထောက်ခံသူတွေလည်း ရှိပါတယ်။ အဲဒီထဲမှာ အမျိုးသမီးတွေလည်း ပါပါတယ်။

ဒီ အရေးကြီးတဲ့ ပညာပေး ဓာတ်ပုံတွေမှာ သရုပ်ဆောင်ခဲ့တဲ့ သတ္တိရှိတဲ့ကလေးတွေကို ကျေးဇူးတင်ပါတယ်လို့ တစ်ယောက်က ရေးပါတယ်။

နောက်တစ်ယောက်ကတော့ - သူတို့ မျက်နှာတွေကို ဖျောက်ထားလိုက်ရင် နာကျင်မှုတွေ ဒုက္ခတွေကို ဘယ်မြင်ရတော့မလဲ။ အဲဒါဆို ဒီအရေးကြီးတဲ့ ပရောဂျက်ရဲ့ ရည်ရွယ်ချက် ပျောက်သွားမှာပေါ့လို့ ရေးပါတယ်။

အဲဒီ ပရောဂျက်လုပ်ခဲ့တဲ့ ဒါရိုက်တာတွေကတော့ သူတို့ကို ဘီဘီစီက အင်တာဗျူးလုပ်တာကို ဖြေဖို့ ငြင်းခဲ့ပါတယ်။

ဒါပေမဲ့ ဝေဖန်မှုတွေ မြင့်တက်လာတဲ့အခါ ဒါရိုက်တာတွေထဲက တစ်ယောက်က ဗီယက်နမ် သတင်းစာတစ်စောင်မှာ ကြေညာချက်ရေးခဲ့ပါတယ်။

အဲဒီကြေညာချက်ထဲမှာ ဒီပရောဂျက်ထဲမှာ ပါတဲ့ ကလေးတွေရဲ့ မိဘတွေနဲ့ ဆွေးနွေးခဲ့ပြီးဖြစ်တယ်ဆိုတာနဲ့ အကုန်လုံးကို အခုပရောဂျက်ရဲ့ မမြင်နိုင်တဲ့ ဖြစ်လာနိုင်တဲ့ အကျိုးဆက်တွေအကြောင်း သတိပေးထားပြီး ဖြစ်တယ်လို့ ပါပါတယ်။

တကယ်လို့ ကလေးတွေကို မကောင်းတဲ့ အကျိုးဆက်တွေ ဖြစ်လာမယ်ဆိုရင် ဒါကို ချက်ချင်း ရပ်လိုက်မယ်လို့ သူကပြောပါတယ်။

ဘီဘီစီ ဗီယက်နမ်ဌာနက သုဖန်က ပြောတာကတော့ - ကလေးတွေ လိင်အနိုင်ကျင့်ခံရတာ ဗီယက်နမ်မှာ အရေးကြီးတဲ့ ကိစ္စ ဖြစ်နေပါတယ်။ တချို့ လူသိများသူတွေမှာ ဖြစ်တဲ့ ကိစ္စတွေဆိုရင် ဆိုရှယ်မီဒီယာတွေမှာ အရမ်းကို ခါးခါးသီးသီး ဆွေးနွေးစရာ ဖြစ်တယ်လို့ ပြောပါတယ်။

ဒီကမ်ပိန်းနဲ့ ပတ်သက်ပြီး ကိုယ့်အမြင်ကို ဘယ်လိုပဲ ပြောပြောပါ၊ ဒီ ဓာတ်ပုံတွေကတော့ လိင်ပညာပေး အရေးကြီးပုံနဲ့ ကလေးတွေကို အနိုင်ကျင့်တဲ့သူတွေကို အပြစ်ပေးဖို့ တင်းကျပ်တဲ့ ဥပဒေတွေ လိုလာပြီဆိုတာတွေကို ဆွေးနွေးဖို့ ဒီကမ်ပိန်းက လမ်းစဖော်ပေးခဲ့တယ်လို့ သူကပြောပါတယ်။

'Sharenting' -ကလေးတွေအကြောင်း ဆိုရှယ်မီဒီယာပေါ်တင်တာရဲ့ ဆိုးကျိုး

ကလေးတွေနဲ့ဆိုင်တဲ့ အကြောင်းတွေ ဆိုရှယ်မီဒီယာပေါ် ချင့်ချင့်ချိန်ချိန်လုပ်ပြီးမှ တင်သင့်ပြီလားဆိုတာ တရုတ်နိုင်ငံမှာ ပြောနေကြပါတယ်။

အဲဒီဆွေးနွေးတာတွေ စခဲ့တာကတော့ ရှန်ဟိုင်းက အသက် ၁၁ အရွယ် မိန်းကလေး တစ်ယောက်အကြောင်းနဲ့ ပတ်သက်ပြီး စခဲ့တာပါ။ သူက သူတို့ ဒေသက လူငယ်စုဝေးပွဲမှာ 'sharenting' အကြောင်းပြောကြဖို့ အဆိုပြုခဲ့တာကနေ စခဲ့တာပါ။

အဲလို ကလေးတွေအကြောင်း မိဘတွေက ပျော်ပျော်ရွှင်ရွှင်နဲ့ ဆိုရှယ်မီဒီယာပေါ် အလွန်အကျွံတင်တာကို အင်္ဂလိပ်လို 'Sharenting' လို့ သုံးနှုန်းပါတယ်။ အဲဒီစကားလုံးကို ၂၀၁၆ မှာ ကောလင်း အင်္ဂလိပ် အဘိဓာန်မှာ ထည့်ခဲ့ပါတယ်။

အဲဒီစကားလုံးက တရုတ်လိုဆိုရင်တော့ ကလေးကို သူများသတိထားမိအောင်လုပ်တာလို့ ဆိုလိုတဲ့ အဓိပ္ပာယ်ရှိပါတယ်။

အဲဒီ အဆိုပြုချက်ကို တရုတ်အစိုးရပိုင် People's Daily သတင်းစာက မေလ ၈ ရက်မှာ ဖော်ပြခဲ့ပါတယ်။ ကလေးတွေအကြောင်း တင်ရင် ကလေးတွေ ကြိုက်ရဲ့လားဆိုတာ မေးသင့်သလားဆိုတဲ့ 'ခွင့်ပြုချက်တောင်းသင့်သလား' ဆိုတဲ့ စကားစု တရုတ်ဆိုရှယ်မီဒီယာ ဝေဘိုပေါ်မှာ ၂၄ နာရီမပြည့်သေးခင်မှာတင် အကြိမ် နှစ်သောင်းကျော်သုံးခဲ့ပါတယ်။

အဲဒီ ဆွေးနွေးမှုကို စခဲ့တဲ့ ကျန်းချူရီနဲ့ သူငယ်ချင်းတွေဟာ သူတို့မိဘတွေဆီမှာ စစ်တမ်းကောက်ခဲ့ကြပါတယ်။
NICOLAS ASFOURI/AFP/Getty Images
အဲဒီစစ်တမ်းကို ဖြေပေးတဲ့ မိဘတွေရဲ့ ၈၀ ရာခိုင်နှုန်းက WeChat app မှာ ကလေးတွေ ဓာတ်ပုံတွေ တင်တယ်လို့ ဖြေပါတယ်။ ဒါပေမဲ့ ၆၀ ရာခိုင်နှုန်းကပဲ ကလေးတွေကို မေးပြီးမှ တင်တယ်လို့ ဖြေပါတယ်။

မိဘတွေက ကလေးတွေရဲ့ စာမေးပွဲအမှတ်တွေ အနုပညာသင်တန်းတွေက လုပ်ဆောင်မှုတွေကို အလွန်အကျွံအပြိုင်အဆိုင်တင်တာတွေက ကလေးတွေကို ဖိအားတွေ ဖြစ်စေတယ်လို့ ကျန်းချူရီနဲ့ သူ့သူငယ်ချင်းတွေက ပြောပါတယ်။

တရုတ်က မိသားစု အများစုက တစ်ဦးတည်းသော သားသမီးတွေပဲ ရှိတာဆိုတော့ မိဘတွေက အဲဒီကလေးရဲ့ အောင်မြင်မှုကိုပဲ ပုံအော အာရုံစိုက်ကြတယ်။ အဲလို တွန်းအားပေးတာတွေ လုပ်တာက နောက်ဆုံး ကလေးမှာပဲ ဖိအားတွေ ပိုများလာတယ်လို့ ဘီဘီစီ သတင်းထောက် ဝမ်ယန်ဆောင်းက ပြောပါတယ်။

တရုတ်နိုင်ငံမှာနေတဲ့ စိတ်ပညာရှင်နဲ့ စာရေးဆရာ တန်ယင်ဟုန်က အဲလိုကိစ္စတွေနဲ့ ပတ်သက်ပြီး အခုနှစ်အစပိုင်းမှာ သတင်းတစ်ခုမှာ အခုလို ပြောခဲ့ပါတယ်။

Sharenting လုပ်တယ်ဆိုတာ မိဘတွေဟာ သူတို့ကိုယ်တိုင်ဘဝမှာ အဓိပ္ပာယ် တစ်ခုခု လိုအပ်နေတဲ့ လက္ခဏာကို ပြနေတာပါ။

ကလေးတွေအကြောင်း ပုံမှန်တင်နေခြင်းအားဖြင့် သူတို့အတွက် တန်ဖိုးတစ်ခုခု၊ အခြေအနေတစ်ခုခု၊ အမှတ်အသားတစ်ခုခု ရစေပါတယ်လို့ သူက ပြောပါတယ်။

Crezalyn Nerona Uratsuji

'Sharenting' နဲ့ ပတ်သက်ပြီး အက်စတိုးနီးယား တက္ကသိုလ်က မီဒီယာလေ့လာရေးဌာနက ပါမောက္ခ တစ်ယောက်ကလည်း စစ်တမ်းအတော်များများ လုပ်ခဲ့ပါတယ်။

လက်ရှိမှာတော့ မိဘတွေက ကလေးတွေကို ဆိုရှယ်မီဒီယာမှာ အချိန်မကုန်စေနဲ့ဆိုပြီး သူတို့ကိုယ်တိုင်တော့ အဲဒီစည်းကမ်းကို မလိုက်နာကြဘူး၊ အကုန်လုံး လိုက်နာနိုင်မယ့် စည်းကမ်းထုတ်လိုက်ရင် ကလေးနဲ့မိဘ ဆက်ဆံရေး ပိုကောင်းဖို့ အကူအညီ ဖြစ်မယ်လို့ သူကပြောပါတယ်။

People's Daily သတင်းစာက အဲဒီ အသက် ၁၁ နှစ် မိန်းကလေးပြောတဲ့ 'sharenting' အကြောင်းကို ပြောလိုက်တာနဲ့ ပတ်သက်ပြီး တရုတ်က ဆိုရှယ်မီဒီယာမှာလည်း ဆွေးနွေးလာကြပါတယ်။

ကလေးတွေဓာတ်ပုံတင်တာ သည်းခံလို့ရပါတယ်။ ဒါပေမဲ့ နေ့တိုင်း တင်နေတာကိုတော့ သည်းမခံနိုင်ဘူး။ မနက်ဖြန် စန္ဒရား၊ ပြီးတော့ နောက်တစ်နေ့ လက်ရေးလှ၊ ပြီးတော့ အဆိုသင်တန်းလိုမျိုးတင်နေတာတွေကို သည်းမခံနိုင်ဘူးလို့ တစ်ယောက်က ပြောပါတယ်။

တချို့ကတော့ ကလေးတွေရဲ့ ပုဂ္ဂိုလ်ရေးလွတ်လပ်ခွင့်နဲ့ ပတ်သက်လို့ပြောကြပါတယ်။

သူ့သူငယ်ချင်းက သူ့သား ရေကူးသင်တန်းကပုံတွေကို လျှောက်တင်ထားတာနဲ့ ပတ်သက်ပြီး ချီဆိုသူ ပြောတာဖြစ်ပါတယ်။

တကယ်တမ်းက သုံးစွဲသူ သန်း ၅၀၀ ရှိတဲ့ တရုတ်ဆိုရှယ်မီဒီယာ ဝေဘိုမှာ ကျန်းချူရီရဲ့ အဆိုပြုချက်ဟာ 'sharenting' နဲ့ ပတ်သက်လို့ ဒီ့ထက် ပိုရှုပ်ထွေးတဲ့ ကျယ်ကျယ်ပြန့်ပြန့် ဆွေးနွေးစရာတွေအတွက် အစလေး တစ်ခုမျှသာ ဖြစ်ပါသေးတယ်။

BBC Burmese
https://www.bbc.com

ကယားပြည်နယ်မှာ အရေးကြီးကာလ ဘာကြောင့် သတ်မှတ်သလဲ

 ကြေးရုပ်တု ရွှေ့ပြောင်းရေးကိစ္စနဲ့ ပတ်သက်လို့ အငြင်းပွားမှု ဖြစ်ပွားနေတဲ့ ကယားပြည်နယ်မှာ အရေးကြီးကာလ သတ်မှတ်
ကယားပြည်နယ်အတွင်း မေလ ၁၄ ရက်က စတင်ပြီး အရေးကြီးကာလအဖြစ် သတ်မှတ်လိုက်သလို နယ်မြေလုံခြုံရေးနဲ့ ရုံးလုံခြုံရေး အထူးဂရုပြု ဆောင်ရွက်ဖို့နဲ့ ထူးခြားဖြစ်စဉ်တွေ ဖြစ်ပွားလာရင် တင်ပြဖို့ ကယားပြည်နယ် ဝန်ကြီးချုပ်ကိုယ်စား ပြည်နယ်အစိုးရအဖွဲ့ အတွင်းရေးမှူးက ညွှန်ကြားစာ ထုတ်ထားပါတယ်။

ပြည်နယ် အစိုးရက ပေးပို့လာတဲ့ ညွှန်ကြားစာကို မေလ ၁၆ ရက်က လက်ခံ ရရှိတယ်လို့ အမည်မဖော်လိုတဲ့ ကယားပြည်နယ်ထဲက မြို့နယ်အုပ်ချုပ်ရေးမှူး တစ်ဦးက ပြောပါတယ်။

အခုလို ညွှန်ကြားတာဟာ ဖေ့ဘုတ်မှာ ထွက်ပေါ်လာတဲ့ သတင်းတွေအရ ဒီရက်ပိုင်းနဲ့ မနက်ဖြန်မှာ ဗိုလ်ချုပ်ကြေးရုပ်နဲ့ ပတ်သတ်တဲ့ လှုပ်ရှားမှုတွေ ချီတက်ပွဲတွေ ရှိတယ်ဆိုပြီး သတင်းရရှိလို့ သက်ဆိုင်ရာ နယ်မြေတွေရဲ့ လမ်းကြောင်းနဲ့ ရုံးတွေမှာ လုံခြုံရေး အထူးဂရုပြု ဆောင်ရွက်ဖို့ ဖြစ်တယ်လို့ အဲဒီအုပ်ချုပ်ရေးမှူးက ပြောပါတယ်။

ဒါ့အပြင် ဒီနေ့မှာလည်း ပြည်သူ့လွှတ်တော်က ပြဋ္ဌာန်းခဲ့တဲ့ မော်ကွန်းဥပဒေအရ ကျောက်တိုင်၊ ဗိုလ်ချုပ်ကြေးရုပ်၊ ပန်းခြံ စတာတွေကို မဖျက်ဆီးဖို့နဲ့ မော်ကွန်းဥပဒေပါ အတိုင်း လိုက်နာဖို့၊ ဖျက်လို့ဖျက်ဆီး လုပ်မရဘူး ဆိုတာကို ပြည်သူတွေကို အသိပေးဖို့ ညွှန်ကြားစာ ထပ်မံ ရရှိထားတယ်လို့ သူက ဆိုပါတယ်။

ကြေးရုပ်တု ရွှေ့ပြောင်းရေးကိစ္စ ဆွေးနွေးပွဲ ပျက်သွားခဲ့ပြီးတဲ့နောက့် ပြည်နယ်အစိုးရက အရေးကြီး ကာလအဖြစ် သတ်မှတ်တယ်လို့ ညွှန်ကြားထုတ်ပြန်တဲ့ ကြေညာချက်မှာ အချိန်ကာလ သတ်မှတ်ချက် ပါဝင်တာကို မတွေ့ရပါဘူး။

ဒီနေ့မှာလည်း ဗိုလ်ချုပ်ကြေးရုပ်တု တည်ရှိတဲ့ လွိုင်ကော်မြို့က ကန္ဒာဟေဝန်ပန်းခြံ တဝိုက်နဲ့ အစိုးရရုံးအဖွဲ့ တည်ရှိတဲ့ နေရာတဝိုက်ကို သံဆူးကြိုးတွေ ထပ်မံ ကာရံထားသလို လုံခြုံရေးတွေ တိုးမြှင့်ချထားတာ တွေ့ရတယ်လို့ လွိုင်ကော်မြို့ခံ တစ်ဦးက ပြောပါတယ်။

" ဒီမနက် ဖားဆောင်းဘက်ကို ခရီးထွက်လာတော့ ပြည်နယ်ရုံးရှေ့၊ ဗိုလ်ချုပ်ကြေးရုပ်တု ထားတဲ့နေရာမှာ ရဲတွေလုံခြုံရေး ချထားတယ်။ ဂိတ်တွေမှာလည်း စစ်ဆေးမှုတွေ လုပ်နေတာတွေ့တယ်" လို့ အဲဒီလွိုင်ကော်မြို့ခံ ပြောပါတယ်။

ပြီးခဲ့တဲ့ မေလ ၁၄ ရက် က ကယားပြည်နယ် အစိုးရရုံးမှာ ပြုလုပ်တဲ့ ဗိုလ်ချုပ်ကြေးရုပ်တု ရွှေ့ပြောင်းရေး ညှိနှိုင်း အစည်းအဝေးမှာ ဗိုလ်ချုပ်ကြေးရုပ်တု လုံးဝ မရွှေ့နိုင်ဘူးလို့ ကယားပြည်နယ်ဝန်ကြီးချုပ်က ပြောဆိုလို့ ကြေးရုပ်တု ရွှေ့ပြောင်းရေးကိစ္စ ဆွေးနွေးပွဲ ပျက်သွားခဲ့ပြီ ဖြစ်ပါတယ်။

အခုလို လုံခြုံရေး တင်းကျပ်လုပ်ဆောင်တာဟာ ဒေသခံတွေကို ထိတ်လန့်တကြား ဖြစ်စေသလို၊ မလိုလားအပ်တဲ့ လုပ်ရပ်ဖြစ်တယ်လို့ လွိုင်ကော်မြို့ခံလည်းဖြစ်၊ ဗိုလ်ချုပ်ကြေးရုပ် ဖယ်ရှားရေး တောင်းဆိုနေတဲ့ ကရင်နီလူငယ် အဖွဲ့ဝင် တစ်ဦးလည်း ဖြစ်သူ မမော်မိုးမြာက ဆိုပါတယ်။

" လူငယ်တွေကို ကြောက်လို့လား မသိဘူး၊ ပြည်သူတွေ ကြောက်ရွံ့ အောင် ဘာလို့ လုပ်ရလဲ မသိဘူး၊ ကြေးရုပ်ကိစ္စက အေးအေးဆေးဆေး ဖြေရှင်းလို့ ရတယ်၊ ကျွန်မတို့ လူငယ်တွေက အဲလောက်ထိ ရှုပ်ရှုပ်ယှက်ယှက် လုပ်မှာလည်း မဟုတ်ဘူး၊ ဘာလို့ အရေးကြီးကာလ သတ်မှတ်ရတယ် မသိဘူး " လို့ ပြောပါတယ်။

 ကြေးရုပ်တု ရွှေ့ပြောင်းရေးကိစ္စနဲ့ ပတ်သက်လို့ အငြင်းပွားမှု ဖြစ်ပွားနေတဲ့ ကယားပြည်နယ်မှာ အရေးကြီးကာလ သတ်မှတ်
ကရင်နီ လူငယ်တွေကတော့ ပြည်နယ်ဝန်ကြီးချုပ် ကိုယ်တိုင်က ဗိုလ်ချုပ်ကြေးရုပ်တု လုံးဝမရွှေ့နိုင်ဘူးလို့ ပြောဆိုတာဟာ ဌာနေ တိုင်းရင်းသားတွေရဲ့ ဆန္ဒ လိုလားချက်ကို လျစ်လျုရှုတာလို့ ကရင်နီ ပြည်နယ် လူငယ်အင်အားစုက ဆိုပါတယ်။

ဒါ့အပြင် ကရင်နီ ပြည်နယ် လူငယ်အင်အားစု သပိတ်ကော်မတီနဲ့ ပြည်နယ်အစိုးရ အဖွဲ့အကြား ရရှိထားတဲ့ သဘောတူညီမှုတွေကို တာဝန်ယူမှု တာဝန်ခံမှု မရှိဘဲ ပြည်နယ် ဝန်ကြီးချုပ်နဲ့ အစိုးရအဖွဲ့က ကတိကဝတ်တွေကို အကြိမ်ကြိမ် ချိုးဖောက် ပျက်ကွက်ခဲ့တယ်လို့လည်း ကရင်နီပြည်နယ် လူငယ်အင်အားစု သပိတ်ကော်မတီဝင် ခွန်းသောမတ်စ်က ပြောပါတယ်။

အဲဒီအခြေအနေတွေကြောင့် ဗိုလ်ချုပ်ကြေးရုပ်နဲ့ ပတ်သက်လို့ ဖြစ်လာနိုင်တဲ့ ကိစ္စရပ်တွေကို ပြည်နယ်အစိုးရက တာဝန်ယူရမယ်လို့ ကရင်နီပြည်နယ် လူငယ်အင်အားစုက မေလ ၁၄ ရက်မှာ ထုတ်ပြန်ချက် ထုတ်ပြီး ပြောဆိုခဲ့ပါတယ်။

လွိုင်ကော်မြို့ ကန္ဒာဟေဝန်ပန်းခြံအတွင်း စိုက်ထူထားတဲ့ ဗိုလ်ချုပ်ကြေးရုပ်တု
ကယားပြည်နယ်မှာ ဗိုလ်ချုပ်ကြေးရုပ်ထု စိုက်ထူဖို့ လုပ်ဆောင်ကတည်းက ဒေသခံ ကရင်နီ လူငယ်တွေက ကြေးရုပ်ကို စိုက်ထူခြင်း မပြုဖို့ ကန့်ကွက် ဆန္ဒထုတ်ဖော်ခဲ့ကြတာပါ။

လက်ရှိ လွိုင်ကော်မြို့ ကန္ဒာဟေဝန်ပန်းခြံအတွင်း စိုက်ထူထားတဲ့ ဗိုလ်ချုပ်ကြေးရုပ်တုကို ရွှေ့ပြောင်းမယ့် နေရာဟာ အများပြည်သူနဲ့ သက်ဆိုင်တဲ့ မြေနေရာ မဖြစ်ရေးနဲ့ လက်ရှိ အာဏာရပါတီ အမျိုးသားဒီမိုကရေစီအဖွဲ့ချုပ် NLD ပါတီ ပိုင် မြေနေရာ၊ ရုံးနေရာနဲ့ လူမှု အဖွဲ့စည်းပိုင် နေရာတွေ ဖြစ်ရင် သဘောတူနိုင်တယ်လို့ ကရင်နီပြည်နယ် လူငယ်အင်အားစုက ပြည်နယ် အစိုးရအဖွဲ့ကို တောက်လျှောက် တောင်းဆိုထားပါတယ်။

ကန့်ကွက်မှုတွေ ရှိနေတဲ့ကြားက ကယားပြည်နယ် လွိုင်ကော်မြို့ ကန္ဒာဟေဝန် ပန်းခြံမှာ စိုက်ထူထားတဲ့ ဗိုလ်ချုပ်အောင်ဆန်း ကြေးရုပ်ဖွင့်ပွဲကို ပြီးခဲ့တဲ့ ဖေဖော်ဝါရီ ၂ ရက်က ပြုလုပ်ခဲ့ပြီး ကယားပြည်နယ် ဝန်ကြီးချုပ် ကိုင်တိုင် တက်ရောက် ခဲ့ပါတယ်။

BBC Burmese
https://www.bbc.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ