စည်ပင်ရွေးကောက်ပွဲ NLD ကိုယ်စားလှယ်တွေ အနိုင်ရ

တောင်ဥက္ကလာမြို့နယ်တွင်းက မဲရုံတစ်ရုံမှာ မဲရေတွက်နေစဉ် Photo: RFA
ရန်ကုန်မြို့တော်စည်ပင်ရွေးကောက်ပွဲမှာ အန်အယ်လ်ဒီ ပါတီဝင် ကိုယ်စားလှယ်တွေ ၀င်ပြိုင်တဲ့ နေရာအားလုံးမှာ  ၉၉ ရာခိုင်နှုန်း အနိုင်ရခဲ့တယ်လို့ ရန်ကုန်တိုင်း အန်အယ်လ်ဒီကနေ သိရပါတယ်။

မနေ့က ကျင်းပခဲ့တဲ့ ရန်ကုန်မြို့တော် စည်ပင်ရွေးကောက်ပွဲမှာ NLD ပါတီက မြို့တော် စည်ပင်ကော်မတီဝင်နေရာအတွက် ၆ ဦး၊ မြို့နယ် ၃၃ မြို့နယ်ရဲ့ စည်ပင် ဥက္ကဋ္ဌနဲ့ အဖွဲ့ဝင် နှစ်နေရာအတွက် ၈၅ ဦး စုစုပေါင်း  ၉၁ ဦး ၀င်ရောက်ယှဉ်ပြိုင်ခဲ့ရာမှာ တစ်နေရာမှာသာ ရှုံးနိမ့်ခဲ့တယ်လို့ ရန်ကုန်တိုင်း NLD ပါတီ ရဲ့ အတွင်းရေးမှူး ဦးထွန်းမြင့်က ပြောပါတယ်။

ဆိပ်ကမ်းမြို့နယ် စည်ပင် ဥက္ကဋ္ဌ အဖြစ် ၀င်ရောက်ယှဉ်ပြိုင်ခဲ့တဲ့ NLD ပါတီ ကိုယ်စားလှယ်လောင်း တစ်ဦးသာ ရှုံးနိမ့်ခဲ့တာဖြစ်ပြီး အဲဒီနေရာမှာ တစ်သီးပုဂ္ဂလ ကိုယ်စားလှယ်လောင်း တစ်ဦး အနိုင်ရခဲ့တယ်လို့ သိရပါတယ်။

စည်ပင်ရွေးကောက်ပွဲမှာ တစ်သီးပုဂ္ဂလ ကိုယ်စားလှယ်တွေအပြင်  NLD ပါတီ၊ USDP ပါတီတွေက စုစုပေါင်း ကိုယ်စားလှယ်လောင်း အယောက် ၂၇၃ ဦး ၀င်ရောက်ယှဉ်ပြိုင်ခဲ့ကြတာဖြစ်ပါတယ်။

၂၀၁၄ ခုနှစ်က ကျင်းပခဲ့တဲ့ ရန်ကုန်မြို့တော်စည်ပင် ရွေးကောက်ပွဲမှာ ပါတီကိုယ်စားပြု ၀င်ရောက်ယှဉ်ပြိုင်ခွင့်မပြုဘဲ ဥပဒေသစ်အရ ဒီရွေးကောက်ပွဲမှာ စပြီး ခွင့်ပြုခဲ့တာပါ။

စည်ပင်ရွေးကောက်ပွဲကော်မရှင်ကလည်း ပါတီတွေ မဲဆွယ်စည်းရုံးရာမှာ ပါတီအလံ အမှတ်တံဆိပ်၊ နိုင်ငံရဲ့ အကြီးအကဲ ဓာတ်ပုံတွေ အသုံးပြုခွင့်ပေးခဲ့တဲ့အပေါ် မျှတမှုမရှိဘူးလို့ ရွေးကောက်ပွဲ မစခင်ကတည်းက ကိုယ်စားလှယ်လောင်းတွေက ဝေဖန်ခဲ့ကြပါတယ်။

စည်ပင်ရွေးကောက်ပွဲကို မဲဆန္ဒရှင်ပြည်သူတွေ စိတ်ဝင်စားမှုနည်းခဲ့ပြီး မဲလာပေးတဲ့ ရာခိုင်နှုန်းဟာ ၁၀ ရာခိုင်နှုန်းသာ ရှိခဲ့တယ်လို့ ရွေးကောက်ပွဲစောင့်ကြည့်လေ့လာရေး အဖွဲ့တစ်ဖွဲ့ဖြစ်တဲ့ PACE အဖွဲ့က ထုတ်ပြန်ထားပါတယ်။

ဒီသတင်းကို RFA သတင်းထောက် မသက်စုအောင် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ