တပ်မတော်က တရားစွဲထားတဲ့ ဒါရိုက်တာ မင်းထင်ကိုကိုကြီးကို ဖမ်းဆီး

ဆက်သွယ်ရေးဥပဒေပုဒ်မ ၆၆(ဃ)နဲ့ အမှုဖွင့်ခံရတဲ့ ဒါရိုက်တာမင်းထင်ကိုကိုကြီးကို အင်းစိန်မြို့နယ်ရဲစခန်းမှာ ၂၀၁၉ ဧပြီ ၂ ရက်နေ့ကတွေ့ရစဉ်/ Photo: Thant Zin Oo/RFA
တပ်မတော်က ဂုဏ်သိက္ခာကျဆင်းစေမှု ပုဒ်မ ၅၀၅ (က) နဲ့ တရားစွဲဆိုထားတဲ့ ဒါရိုက်တာ မင်းထင်ကိုကိုကြီးကို အင်းစိန်မြို့နယ် တရားရုံးက အာမခံမပေးဘဲ အင်းစိန် အကျဉ်းထောင်မှာ ဒီနေ့ ဖမ်းဆီးထိန်းသိမ်းလိုက်ပါတယ်။

တပ်မတော်က တရားစွဲထားတဲ့အမှုကို အင်းစိန်မြို့နယ် တရားရုံးမှာ ပထမဆုံးအကြိမ် ရုံးချိန်းခေါ်ရာမှာ အာမခံမပေးဘဲ ဖမ်းဆီးလိုက်တာဖြစ်ကြောင်း မင်းထင်ကိုကိုကြီးရဲ့ ရှေ့နေဖြစ်တဲ့ ဦးရောဘတ်စန်းအောင်က RFA ကို ပြောပါတယ်။

ရန်ကုန်တိုင်း စစ်ဌာနချုပ်က ဒုဗိုလ်မှူးကြီး လင်းထွန်းက တရားလိုလုပ်ပြီး တပ်မတော်ရဲ့ ဂုဏ်သိက္ခာကျဆင်းစေမှု ပုဒ်မ ၅၀၅ (က) နဲ့ ဒါရိုက်တာ မင်းထင်ကိုကိုကြီးရဲ့ Facebook လူမှုကွန်ရက် စာမျက်နှာမှာ ရေးသားဖော်ပြချက်တွေကို တရားစွဲဆိုထားတာဖြစ်ပါတယ်။

တရားစွဲခံရသူဟာ ကျန်းမာရေး မကောင်းတာကြောင့် တရားရုံးအနေနဲ့ အာမခံပေးသင့်ကြောင်းနဲ့ နောင်လာမယ့် ရုံးချိန်းတွေမှာ အာမခံထပ်မံလျှောက်ထားမလားဆိုတာကို ဒါရိုက်တာ မင်းထင်ကိုကိုကြီးနဲ့ မဆွေးနွေးရသေးကြောင်း ဦးရောဘတ်စန်းအောင်က ပြောပါတယ်။

ပုဒ်မ ၅၀၅ (က) နဲ့ တရားစွဲခံထားရတဲ့ ကိစ္စကို လာမယ့် ဧပြီလ ၂၅ ရက်နေ့မှာ ဒုတိယအကြိမ် ရုံးချိန်းထပ်မံချိန်းဆိုလိုက်တယ်လို့ သိရပါတယ်။

ဒါ့အပြင် မင်းထင်ကိုကိုကြီးကို ဆက်သွယ်ရေး ဥပဒေ ပုဒ်မ ၆၆ (ဃ) နဲ့လည်း တပ်မတော်က ထပ်မံ တရားစွဲထားတယ်လို့ သိရပါတယ်။

အဲဒီ ဆက်သွယ်ရေး ဥပဒေ ပုဒ်မ ၆၆ (ဃ) နဲ့ ပတ်သက်ပြီး ဧပြီလ ၂ ရက်နေ့က အင်းစိန်မြို့မရဲစခန်းမှာ သွားရောက် အစစ်ခံပြီး ပြန်လည်ထွက်ခွာလာချိန်မှာ ဖေဖော်ဝါရီ ၁၅ ရက်နေ့ကနေ မတ်လ ၂၂ ရက်အတွင်း Facebook မှာ ရေးအသားချက် တချို့ဟာ တပ်မတော်ရဲ့ ဂုဏ်သိက္ခာကို ထိခိုက်စေတယ်ဆိုပြီး တရားစွဲခံရတာဖြစ်ကြောင်း ဒါရိုက်တာ မင်းထင်ကိုကိုကြီးက RFA ကို ပြောဆိုထားပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ