တောမီးကြောင့် ရွာသား ၃ ဦး သေဆုံး

စစ်ကိုင်းတိုင်းဒေသကြီး၊ ကနီမြို့နယ်၊ မဟူတောင်ပေါ်မှာ ၂ဝ၁၉ ခုနှစ် မတ်လ ၃ဝ ရက်နေ့က တောမီးလောက်ခဲ့တဲ့ နေရာကို တွေ့ရစဉ် / Photo : Tun Tun Win
စစ်ကိုင်းတိုင်းဒေသကြီး၊ ကနီမြို့နယ်၊ မဟူတောင်ပေါ်မှာ မနေ့က တောမီးလောင်မှုကြောင့် အသက်နှစ်ဆယ်ကျော် အရွယ် ရွာသား ၃ ယောက် သေဆုံးခဲ့ပြီး ၃ ယောက် ဒဏ်ရာရရှိခဲ့ပါတယ်။

တောစပ်မှာရှိတဲ့ ပါဟဲမြောက်ရွာက ရွာသား ၆ ယောက်ဟာ တောထဲမှာ မနေ့က သစ်ခွပန်းသွားရှာစဉ် တောမီးလောင်မှုကြောင့် နေရာမှာပင် ၂ ယောက် သေဆုံးခဲ့တာလို့ သိရပါတယ်။

တောမီးကနေ လွတ်မြောက်ခဲ့သူ ၄ ယောက်ထဲက ပြင်းထန်ဒဏ်ရာရထားတဲ့ ၂ ယောက်ကို ကနီဆေးရုံကနေ မုံရွာဆေးရုံကို ဒီနေ့ ပို့ဆောင်စဉ် လမ်းမှာနောက်ထပ်တစ်ယောက် သေဆုံးသွားခဲ့တာလို့ စစ်ကိုင်းတိုင်းဒေသကြီး ကယ်ဆယ်ရေးနဲ့ ပြန်လည်နေရာချထားရေးဦးစီးဌာန ညွှန်ကြားရေးမှူး ဦးစ၀ီလီဖရန့်စ် က RFA ကို ပြောပါတယ်။

သေဆုံးသွားသူတွေအတွက် တစ်ယောက်ကို ငွေကျပ် ၃ သိန်းနှုန်းနဲ့ ထိခိုက်ဒဏ်ရာရသူတွေအတွက် တစ်ယောက်ကို ၅ သောင်းနှုန်း လူကယ်ပြန်က ထောက်ပံ့ဖို့စီစဉ်နေတယ်လို့လည်း သိရပါတယ်။

ကနီမြို့နယ်မှာ အခုလို တောမီးကြောင့် လူသေဆုံးတာ ဒါပထမဆုံးအကြိမ်ဖြစ်တယ်လို့ သိရပါတယ်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ