စစ်တွေထောင်ထဲမှ ညဥ့်အချိန် သေနတ်သံများထွက်ပေါ်


နိရဉ္စရာ၊ ဧပြီ ၂၀

ရခိုင်ပြည်နယ်မြို့တော် စစ်တွေထောင်မှ ယနေ့ညဥ့် ၈ နာရီကျော် သေနတ်ပစ်ခတ်သံများ ဆက်တိုက် ကြားခဲ့ရသည်ဟု ဒေသခံများက ပြောသည်။

အနီးအနားရှိ ဒေသခံ တစ်ဦးက “ထောင်ထဲကနေ သေနတ်ပစ်ခတ်သံ ၂၀ ကျော်လောက် ကြားရပါတယ်။ ထောင်ထဲမှာ ဘာဖြစ်နေသလဲဆိုတာ မသိရသေးဘူး။ အခုအချိန်ထိ ထောင်ထဲမှာ ဆူညံနေတုန်းပါဘဲ။ သေနတ်ပစ်ခတ်သံတွေကတော့ ဆက်မကြားရတော့ပါဘူး။ ဆူဆူညံညံ အသံတွေတော့ ကြားနေရတုန်းဘဲ” ဟု ယနေ့ ညဥ့် ၉ နာရီ ၄၅ မိနစ်က နိရဉ္စရာ သတင်းဌာနသို့ ပြောကြာသည်။

စစ်တွေထောင်မှ သေနတ်ပစ်ခတ်သံများ ထွက်ပေါ်လာသဖြင့် အနီးအနားရှိ ပြည်သူများအနေဖြင့် စိုးရိမ်ထိတ်လန့်ခဲ့ကြရသည်ဟုလည်း ၎င်းက ပြောဆိုသည်။

အဆိုပါ ကိစ္စနှင့် ပတ်သက်ပြီး စစ်တွေထောင်သို့ ဆက်သွယ်ရာ ဖုန်းရိန်းသော်လည်း လက်ခံ ဖြေဆိုခြင်း မရှိပါ။ ရခိုင် ပြည်နယ်ရဲတပ်ဖွဲ့ ရဲမှူးကြီး ကြည်လင်းသို့ ဆက်သွယ်ရာ လောလောဆယ် မပြောနိုင်သေးဘူးဟုဆိုကာ ဖုန်းချသွားခဲ့သည်။

“ အခုတော့ ရဲတပ်ဖွဲ့ဝင်တွေ တော်တော်များ ရောက်နေပါပြီ။ ထောင်အနီးဝန်းကျင်မှာ လူပ်ရှားသွားလာနေတာကို မြင်နေရပါတယ်” ဟု ၎င်းက ပြောကြားသည်။

Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ