ကခ်င္ျပည္နယ္၊ ေရႊကူၿမိဳ႕နယ္တြင္ ေငြက်ပ္ ၂၃၁၀ သိန္းတန္ဖိုးရွိစိတ္ၾကြရူးသြပ္ေဆးျပားမ်ားဖမ္းဆီးရမိ

ဖမ္းဆီးရမိသူအား စိတ္ၾကြရူးသြပ္ေဆးျပားမ်ား ႏွင္႔အတူေတြ႔ရစဥ္ (ဓာတ္ပံု-မူးယစ္ေဆးဝါးတားဆီးႏွိမ္ႏွင္းေရးရဲတပ္ဖြဲ႔)

    ရန္ကုန္၊ ဧၿပီ ၂၄ ရက္ (ဆင္ဟြာ)

ကခ်င္ျပည္နယ္၊ ေရႊကူၿမိဳ႕နယ္တြင္ စိတ္ၾကြရူးသြပ္ေဆးျပား ၇၇,၀၀၀ ျပား ေဒသ ကာလေပါက္ေစ်းတန္ဖိုး ေငြက်ပ္ ၂၃၁၀ သိန္း အား ဖမ္းဆီးရမိခဲ႔ေၾကာင္း မူးယစ္ေဆးဝါးတားဆီးႏွိမ္ႏွင္းေရး ရဲတပ္ဖြဲ႔မွ သတင္းထုတ္ျပန္သည္။

ျဖစ္စဥ္မွာ ဧၿပီလ ၂၂ ရက္ေန႕ ၀၆း၃ဝ နာရီ ေရႊကူၿမိဳ႕မရဲစခန္းမွ တပ္ဖြဲ႕ဝင္မ်ားသည္ မူးယစ္ေဆးဝါးသတင္းအရ သက္ေသမ်ားႏွင့္အတူ ေရႊကူၿမိဳ႕နယ္၊ မိုးစစ္-လိပ္စင္း ေက်ာက္ေခ်ာလမ္းေဘးသစ္ေတာအစပ္တြင္ လိပ္စင္း-ကသာ သြားလမ္းမွ လိပ္စင္း-ေရႊကူ ေက်ာက္ေခ်ာလမ္းဘက္သို႔ ေရႊကူၿမိဳ႕နယ္၊ ၿမိဳ႕ကုန္းေက်းရြာေန မျမဦး ၄၇ ႏွစ္ စီးနင္း ေမာင္းႏွင္လာသည့္ ေမာ္ေတာ္ဆိုင္ကယ္အား ရပ္တန္႔စစ္ေဆးရွာေဖြရာ ဆိုင္ကယ္ေပၚတြင္တင္ေဆာင္လာေသာ ႀကိမ္ျခင္းအတြင္းမွ ပလတ္စတစ္ကပ္ခြာအိတ္မ်ားျဖင့္ထည့္ထားသည့္ စိတ္ၾကြရူးသြပ္ေဆးျပား ၇၇၀၀၀ ျပား(ေဒသ ကာလေပါက္ေစ်းတန္ဖိုးေငြက်ပ္ ၂၃၁၀ သိန္း)အား ေတြ႔ရွိသိမ္းဆည္းရမိခဲ့သျဖင့္ ေရႊကူၿမိဳ႕မရဲစခန္းတြင္ မူးယစ္ ေဆးဝါးႏွင့္ စိတ္ကိုေျပာင္းလဲေစေသာေဆးဝါးမ်ားဆိုင္ရာဥပေဒျဖင့္ အမႈဖြင့္အေရးယူၿပီး ကြင္းဆက္မ်ား ေဖာ္ထုတ္ စစ္ေဆးလ်က္ရွိေၾကာင္း သတင္းထုတ္ျပန္ခ်က္ထဲတြင္ပါရွိသည္။

(Xinhua)
http://www.xinhuamyanmar.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ