ကိုယ်ဝန်ဖျက်ခွင့် ပိတ်ထားတာ အခြေခံ ဥပဒေနဲ့မညီဘူးလို့ တောင်ကိုရီးယားခုံရုံး ဆုံးဖြတ်

ငါ့ခန္ဓာ ငါ့ဘာသာ ဆုံးဖြတ်မယ်ဆိုတဲ့ ရွေးချယ်ခွင့် ဦစားပေး ဟစ်ကြွေးသံ
တောင်ကိုရီးယားမှာ ကိုယ်ဝန် ဖျက်ချခွင့် ပိတ်ပင်ထားတာဟာ အခြေခံဥပဒေနဲ့ မညီညွတ်ဘူး ဆိုပြီး တရားရုံးက သမိုင်းဝင် ဆုံးဖြတ်လိုက်ပါတယ်။

ကိုယ်ဝန်ဖျက်ချတာ ခွင့်မပြုတဲ့ ၁၉၅၃ ပိတ်ပင်မိန့်အရ တောင်ကိုရီးယားမှာ ကိုယ်ဝန်ဖျက်ချသူ အမျိုးသမီးတွေကို ဒဏ်ငွေချမှတ်ရုံတင်မက ထောင်ချနိုင်ပါတယ်။ ဖျက်ချပေးတဲ့ ဆရာဝန်တွေကိုလည်း ထောင်ချပါတယ်။

အဲဒီ ၁၉၅၃ ပိတ်ပင်မှုထဲ ခြွင်းချက်နဲ့ ခွင့်ပြုထားတာကတော့ အဓမ္မ အကျင့်ခံရတာကနေ ရလာတဲ့ ကိုယ်ဝန်မျိုး၊ သွေးသားရင်းချာတွေနဲ့ ကျုးလွန်ပြီး ရလာတဲ့ ကိုယ်ဝန်မျိုးတွေကိုတော့ ဖျက်ချခွင့် ရှိပြီး၊ မိခင်ရဲ့ အသက်အန္တရာယ် ကြုံလာရရင်လည်း ဖျက်ချနိုင်တယ်လို့ ခွင့်ပြု ထားပါတယ်။

၁၉၅၃ ပိတ်ပင်မှုကို ဆယ်စုနှစ်များစွာ တောင်ကိုရီးယားမှာ ကျင့်သုံးနေခဲ့ပါတယ်။

ကိုယ်ဝန်ဖျက်ချတဲ့ လုပ်ရပ်အပေါ် ရာဇဝတ်ပြစ်မှု သဖွယ် သဘောထားတဲ့ ဖွံ့ဖြိုးပြီး နိုင်ငံ အရေအတွက် နည်းနည်းပါးပါးပဲ ရှိတာမှာ တောင်ကိုရီးယား ပါဝင် နေခဲ့တာ ဖြစ်ပါတယ်။

အခုအခါမှာတော့ ၁၉၅၃ ပိတ်ပင်မိန့် တစ်ခုလုံးကို ရှေ့လာမယ့် ၂ဝ၂ဝ အမီ ရုပ်သိမ်းရမယ်လို့ အခြေခံဥပဒေ ခုံရုံးက ဆုံးဖြတ်ပါတယ်။
ဖျက်ချတာကို မလိုလားတဲ့ ရှေးရိုးစွဲ အုပ်စုတွေလည်း ရှိနေ
အများပြည်သူရဲ့ သဘောထား

တောင်ကိုရီးယား ပြည်သူတွေကြား ဧပြီ ၁ဝ ရက်နေ့မှာ သဘောထား စစ်တမ်း ကောက်ခံ ခဲ့တာမှာ ၁၉၅၃ ပိတ်ပင်မိန့်ကို ပယ်ဖျက်ဖို့ သဘောထား ဆန္ဒပေးခဲ့သူတွေ ၅၈ ရာခိုင်နှုန်း ရှိပါတယ်။

ကိုယ်ဝန်ဖျက်ပေးမှု အကြိမ် ၇ဝ နီးပါး ပြုလုပ်ပေးခဲ့လို့ အရေးယူခံရတဲ့ အမျိုးသမီး ဆရာဝန်တစ်ဦးက ဒီ ၁၉၅၃ ပိတ်ပင်မိန့်ဟာ ဥပဒေနဲ့ ညီညွတ်ရဲ့လား ဆိုပြီး ဥပဒေကြောင်းအရ တန်ပြန် ရင်ဆိုင်ခဲ့ရာကနေ ဒီပိတ်ပင်မိန့်ကို ရုံးတော်မှာ ပြန်လည် သုံးသပ် ခဲ့ကြတာ ဖြစ်ပါတယ်။

အမျိုးသမီး ဆရာဝန် အဓိက ထောက်ပြခဲ့တာကတော့ ပိတ်ပင်မိန့်ဟာ အမျိုးသမီးတွေကို အသက်အန္တရာယ် ပိုမို ကျရောက်စေပြီး၊ သူတို့ရဲ့ အခွင့်အရေးကို ကန့်သတ် ထိန်းချုပ်ရာ ရောက်တယ်လို့ ဆိုခဲ့ပါတယ်။

အမျိုးသမီး အခွင့်ရေးလှုပ်ရှားမှုတွေလည်း တောင်ကိုရီးယားမှာ အရှိန်တိုး ဖြစ်ပေါ်လာခဲ့ပြီး ကိုယ်ဝန်ဖျက်ချခွင့်နဲ့ ပတ်သက်တဲ့ ဥပဒေ အပြောင်းအလဲ ဖြစ်လာဖို့ ပိုမို တွန်းအားပေး လာကြပါတယ်။
ဖျက်ချလို့ အပြစ်ပေးတာကို ဖျက်သိမ်း ဆိုတဲ့ တောင်းဆိုသံ ကိုင်စွဲထားသူတွေ
Pro-choice သို့မဟုတ် "ရွေးချယ်ခွင့် ဦးစားပေး" အယူအဆ

ကာယကံရှင် အမျိုးသမီးတွေကပဲ ကိုယ်ဝန်နဲ့ ပတ်သက်ပြီး ဆုံးဖြတ်ခွင့် ရှိရမယ် ဆိုတဲ့ အယူအဆကို "ရွေးချယ်ခွင့် ဦးစားပေး" Pro-choice အယူအဆလို့ ခေါ်ဆိုပါတယ်။

ကိုယ်ဝန်ဖျက်ချခွင့် ပိတ်ပင်မှုဟာ ဒီ ကိုယ်ဝန်အရေး ကိစ္စ တစ်ခုတည်း ကွက်ကွက်ကို ပိတ်ပင်တာမျိုး မဟုတ်ပဲ၊ ဘယ်နယ်ပယ်မှာမဆို အမျိုးသမီး အခွင့်အရေး အပေါ် မလေးစားသူတွေနဲ့တန်းတူ အခွင့်အရေး မပေးလိုသူတွေရဲ့ အတွေးအမြင် အယူအဆ ဆိုတဲ့ ကျယ်ပြန့်တဲ့ ပြဿနာကြီးရဲ့ အစိတ်အပိုင်း ဖြစ်တယ်ဆိုပြီး pro-choice သမားတွေက ထောက်ပြ ကြပါတယ်။

Pro-choice နဲ့ ဆန့်ကျင်ဘက်မှာလည်း pro-life လို့ ခေါ်တဲ့ အသက်ကိုတန်ဖိုးထား ဦးစားပေးရေး သမားတွေ ရှိကြပြီး သူတို့ကတော့ ကိုယ်ဝန်ဖျက်ချတဲ့ လုပ်ရပ်အပေါ် ဆန့်ကျင် ကြသူတွေ ဖြစ်ပါတယ်။

တောင်ကိုရီးယားဟာ ဧဝံဂလိ ခရစ်ယာန် ဘာသာဝင်တွေ တော်တော်များများ နေထိုင်တဲ့ နိုင်ငံဖြစ်ပါတယ်။ သူတို့ထဲမှာလည်း ကိုယ်ဝန်ဖျက်ချတာကို တရားမဝင် သတ်မှတ်တာမျိုး ဆက်ထားလိုသူတွေ ရှိကြပါတယ်။ ဒီလို တရားမဝင် သတ်မှတ်ထားမှပဲ ကိုယ်ဝန်ဖျက်ဖို့ ဆုံးဖြတ်ချက်မျိုးကို လွယ်လွယ် မချကြမှာလို့ ပြောကြပါတယ်။

တရားရုံးဆုံးဖြတ်ချက်ကြောင့် နှစ်ဘက်လုံးမှာ မျက်ရည်ကျသူတွေရှိ

၂ဝ၂ဝ အမီ ကိုယ်ဝန်ဖျက်မှုကို ဥပဒေကြောင်းအရ ခွင့်ပြုမယ် ဆိုတဲ့ တရားရုံး ဆုံးဖြတ်ချက် ထွက်လာတဲ့ အခါ ပရိုချွိုက်စ်သမားတွေ ထဲမှာရော၊ ပရိုလိုက်ဖ်သမားတွေထဲမှာရော မျက်ရည်ကျကြသူတွေ ရှိတယ်လို့ ဆိုးလ်မြို့တော်မှာ ရှိတဲ့ ဘီဘီစီ သတင်းထောက် လော်ရာဘစ်ကာက ပြောပါတယ်။

ပိတ်ပင်မိန့် ပျက်ပျယ်အောင် ဆော်ဩခဲ့ကြသူတွေ ရာနဲ့ချီ စုဝေးပြီး တရားရုံး ဆုံးဖြတ်ချက်ကို စောင့်နေကြတာမှာ သူတို့ လိုလားတဲ့ အဆုံးအဖြတ် ထွက်လာတဲ့ အခါ အင်မတန် ဝမ်းသာအားရ ဖြစ်သွားခဲ့ကြတယ်လို့ လော်ရာဘစ်ကာက ဆိုပါတယ်။

တစ်ယောက်နဲ့တစ်ယောက် ပွေ့ဖက်ပြီး ဂုဏ်ယူဝမ်းသာ နေကြတဲ့ ပရိုချွိုက်စ်သမား အမျိုးသမီး နှစ်ယောက်မှာ တစ်ယောက်ဆိုရင် မျက်ရည်တွေပါ ကျနေတယ်လို့လည်း ဆိုပါတယ်။

မျက်ရည်ကျလောက်အောင် ဘာလို့ ဝမ်းသာရတာလဲလို့ လော်ရာဘစ်ကာက မေးတဲ့အခါ သူဟာ ကိုယ်တိုင် ကိုယ်ဝန် တိတ်တဆိတ် ဖျက်ချခဲ့ဖူးသူ ဖြစ်ကြောင်း သိလာရပါတယ်။ အမိန့်နဲ့ ဥပဒေနဲ့ပါ ထုတ်ပြီး တရားမဝင်လုပ်ထားတာ ဖြစ်လို့ ကိုယ်ဝန်ဖျက်ချပြီဆို ရှက်စရာလုပ်ရပ်၊ မကောင်းမှု ကျူးလွန်သည့်နှယ် ကြောက်စရာ လုပ်ရပ်အဖြစ် သူကိုယ်တိုင် ထင်မြင် မိခဲ့တယ်လို့ အဲဒီ အမျိုးသမီးက ပြန်ပြောင်း ပြောပါတယ်။
တရားရုံးရဲ့ ဆုံးဖြတ်ချက်ဟာ တောင်ကိုရီးယား အမျိုးသမီးတွေ အပေါ် အတော်လေး ရိုက်ခတ် သက်ရောက် စေပါတယ်။
အတိတ်ရဲ့ အရိပ်မည်းကြီးအောက်က လွတ်လာစေတယ်လို့ တရားရုံး အမိန့်ကို ကြိုဆို
အခြေခံ ဥပဒေ ခုံရုံးရဲ့ အဆုံးအဖြတ်ကြောင့် ဝမ်းမြောက်ကြသူတွေ
ဒါ့ကြောင့်လည်း သူ့လုပ်ရပ်ကို အရင်းဆုံး မိတ်ဆွေတွေကိုတောင် ရင်ဖွင့်တာမျိုး မလုပ်ရဲဘဲ နှစ်များစွာ မျိုသိပ်ရင်း သိမ်သိမ်ငယ်ငယ် ခံစားခဲ့ရတယ်လို့လည်း ဆိုပါတယ်။ ခုလို ဥပဒေ အပြောင်းအလဲ ဖြစ်လာတော့မယ့် အခြေအနေအပေါ် သူ့ အနေနဲ့ မျက်ရည်ကျလောက်အောင် ဝမ်းသာတာ ဖြစ်ပါတယ်။ ခုဆိုရင် သူ့ ဆုံးဖြတ်ချက်နဲ့ ရွေးချယ်မှု မမှားယွင်းကြောင်း ကိုယ့်ကိုယ်ကိုယ် ခိုင်မာ သေချာစေခဲ့ပြီလို့လည်း ဆိုပါတယ်။

အခု တရားရုံး အဆုံးအဖြတ်ကြောင့် အမျိုးသားတွေသာ လွှမ်းမိုးကြီးစိုးတဲ့ တောင်ကိုရီးယား လူမှုဝန်းကျင်ထဲ အမျိုးသမီး အခွင့်အရေး တောင်းဆိုသံတွေကိုလည်း စတင် နားထောင် တတ်လာပြီ၊ ကိုယ်ပြောသမျှ အရာထင်စ ပြုလာပြ စသဖြင့် ခံစားမိလာစေကြောင်း အမျိုးသမီးငယ် အုပ်စုတစ်ခုကလည်း လော်ရာဘစ်ကာကို ပြောပါတယ်။

ဝမ်းသာနေသူတွေနဲ့ လမ်းပဲခြားနေတဲ့ တခြားတစ်ဘက်မှာ အသက်ကို တန်ဖိုးထား အလေးပေးရေး ပရိုလိုက်ဖ် သမားတွေလည်း စုဝေး နေခဲ့ကြပါတယ်။ သူတို့ထဲက တချို့က "အမျိုးသမီး အခွင့်အရေး ဝါဒီတွေ ကျဆုံးပါစေ" လို့ အော်ဟစ်ကြပါတယ်။

တရားရုံး အဆုံးအဖြတ် ထွက်လာပေမယ့် ကိုယ်ဝန်ဖျက်ချတာကို တရားဝင် ခွင့်ပြုတာမျိုး တကယ် ဖြစ်လာချင်မှာ ဖြစ်လာလိမ့်မယ်လို့ ထင်မြင်နေကြသူတွေလည်း ရှိနေပါတယ်။ အခုတရားရုံး အမိန့်ကို ဆန့်ကျင်ကြောင်း ပြမယ်ဆိုရင် တကယ်တမ်း အကောင်အထည် ပေါ်မလာနိုင်ဘူးလို့ ပရိုလိုက်ဖ်သမား တချို့က ယူဆ နေကြပါတယ်။

နောက်ဘာဆက်ဖြစ်မလဲ

အခြေခံဥပဒေခုံရုံးရဲ့ ဆုံးဖြတ်ချက် ထွက်လာပြီဆိုတော့ ၂ဝ၂ဝ အမီ ကိုယ်ဝန်ဖျက်ခွင့် ကန့်သတ်ထားမှု ရုပ်သိမ်းရေးဟာ တောင်ကိုရီးယား နိုင်ငံရေးသမားတွေ လက်ထဲ ရောက်လာပါပြီ။

ဒီတော့ ၂ဝ၂ဝ အမီ ဥပဒေ ပြင်ဆင် ရေးဆွဲကြရမှာ ဖြစ်ပါတယ်။ ကိုယ်ဝန်ဖျက်ခွင့် ပေးတယ် ဆိုတဲ့ ဥပဒေမျိုး ထွက်မလာအောင် ဒီ ပြင်ဆင်ရေးကာလတွေ အတွင်း သူတို့ လုပ်နိုင်ကြလိမ့်မယ်လို့ ရှေးရိုးစွဲ အုပ်စုတွေ ဆက်လက် မျှော်လင့် နေကြပါတယ်။
အသက်ဦးစားပေး ဝါဒီတွေ
တခါ ၁၉၅၃ ပိတ်ပင်မိန့်နဲ့ ကိုယ်ဝန်ဖျက်ခွင့်ကို ထိန်းချုပ်ထားတယ်၊ ပိတ်ပင်ထားတယ် ဆိုပေမယ့် လက်ရှိ အခြေအနေမှာ တောင်ကိုရီးယား အမျိုးသမီးတွေ အနေနဲ့ ကိုယ်ဝန်ဖျက်ချတာမျိုးကို ခက်ခက်ခဲခဲ လုပ်ရတာမျိုး မဟုတ်ဘဲ ဝန်ဆောင်မှု ပေးတဲ့ နေရာတွေ အတော်လေး ရှိပါတယ်။ တရားစွဲ အပြစ်ပေး ခံရသူဆိုတာလည်း တော်တော်လေး နည်းပါတယ်။

ဒါပေမယ့် ထိန်းချုပ်ထားတဲ့ ဥပဒေကြီး ရှိနေခြင်းက အမျိုးသမီး အခွင့်အရေးကို မလေးစားဘူးလို့ အဓိပ္ပာယ်ထွက်နေသလို၊ တရားဝင် ပြုလုပ်ခွင့် မရမချင်း အမျိုးသမီးတွေကို အသက်အန္တရာယ် တွေ့ဖို့ ပိုတွန်းချသလို ဖြစ်နေစေတယ် ဆိုပြီး အခွင့်အရေး လှုပ်ရှားသူတွေက ဆိုပါတယ်။

ဥပမာ မိန်းကလေးငယ် ဆယ်ကျော်သက် ကျောင်းသူတွေ ကိုယ်ဝန်ရှိလာပြီဆို ဥပဒေ ကန့်သတ်ချက် ရှိနေလို့ တရားဝင် ဖျက်မချနိုင်ဘဲ လူသူလေးပါး ဝေးပြီး ချောင်ကျတဲ့ နေရာမျိုးကိုရှာပြီး ဖျက်ချရတာမျိုးတွေ လုပ်ရတဲ့ အတွက် ကျန်းမာရေးအရလည်း အန္တရာယ် ဖြစ်နိုင်သလို ပညာရေးလည်း နှောင့်နှေးရတယ်လို့ အမျိုးသမီး အခွင့်အရေးသမားတွေက ထောက်ပြ ကြပါတယ်။

၂ဝ၁၇ အတွင်း တောင်ကိုရီးယားမှာ ကိုယ်ဝန်ဖျက်ချမှု ငါးသောင်း ဝန်းကျင် ရှိနိုင်တယ်လို့ ခန်းမှန်း ရပြီး ၂ဝ၁ဝ တုန်းက အစိုးရထုတ်ပြန်ထားတဲ့ တစ်သိန်း ခုနှစ်သောင်း ဆိုတဲ့ အရေအတွက်အောက် ခုနှစ်ပိုင်းတွေမှာ အများကြီး လျော့နည်းလာတာ တွေ့ရပါတယ်။

အကြောင်းကတော့ သန္ဓေတားတဲ့ နည်းလမ်းတွေ ပစ္စည်းတွေ ပိုပြီး ကောင်းလာ တိုးတက်လာတာ၊ ပိုပြီး လွယ်လွယ် ရလာနိုင်တာ၊ သုံးရကောင်းမှန်း ပိုသိ လာတာတွေကြောင့် ဖြစ်ပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ